Internasionale nuus Archives - Page 110 of 141

Nuwe rondte klimaatsamesprekings

Vandag kom 2000 afgevaardigdes van 162 lande in Bonn, Duitsland, byeen om 'n tweewekelange konferensie oor klimaatsverandering by te woon.

Die konferensie gaan die besonderhede van 'n nuwe ooreenkoms oor aardverwarming bespreek wat na 2012 in werking sal tree.

Die byeenkoms volg op die akkoord wat verlede jaar in Desember op die Indonesiese eiland Bali bereik is en wat die belofte inhou dat die VSA, Indië en China sal saamwerk om koolstofuitlaatgasse te beheer wat allerweë vir aardverwarming verantwoordelik gehou word.

By die Bali-konferensie is ooreengekom dat 'n nuwe klimaatveranderingskonvensie teen Desember 2009 geteken sal word.

Volgens Yvo de Boer, die VN se topbeampte oor klimaatsverandering, gaan die regte werk nou eers in Bonn begin.

что за справка

Obama op die drumpel van oorwinning

Senator Barack Obama het gister gesê dat hy verwag om na volgende week die Demokratiese presidentskandidaat te word. Daar is nog twee nominasieverkiesings oor in die deelstate Suid-Dakota en Montana.

Sy teenstander in die nominasiestryd, Hillary Clinton, het gesê dat sy nie sal tou opgooi totdat die laaste stemme getel is nie. Al wat Clinton nog kan red, is die stemme van sogenaamde superafgevaardigdes, maar Obama is vol vertroue dat dié afgevaardigdes sal stem soos wat die res van die Demokratiese afgevaardigdes gestem het.

Obama beplan 'n besoek aan Irak. Deel van sy verklaarde beleid as hy president sou word, is om alle Amerikaanse troepe binne 16 maande uit dié land te onttrek.

для девочки игра

Keniaanse president het les geleer uit geweld

Mwai Kibaki

Die president van Kenia, Mwai Kibaki, sê dat sy land 'n les geleer het uit die geweld na die Desembermaandverkiesing en nou op die ekonomie gaan fokus.

1500 mense is dood in faksiegevegte na afloop van die verkiesing.

Kibaki het by die spitsberaad oor ontwikkeling in Jokohama, Japan, gepraat en die internasionale gemeenskap bedank vir hulp gedurende die krisis.

Veertig Afrikaleiers, waaronder Thabo Mbeki, woon die spitsberaad by wat deur Japan aangebied word. Japan het reeds aangekondig dat dié land meer hulpgeld aan Afrikalande beskikbaar gaan stel.

Nigeri? eis skadevergoeding van Suid-Afrika vir etniese aanvalle

Nigerië gaan skadevergoeding van Suid-Afrika eis vir sy burgers wat in die land om etniese redes aangeval is, het die minister van buitelandse sake, Ojo Maduekwe gisteraand in Abuja gesê.

Die Nigeriese ambassade het reeds 'n lys opgestel van sy burgers wat beseer is of wat verlies tydens die etniese aanvalle gely het, het die minister aan joernaliste gesê.

Ses-en-vyftig mense is dood en tienduisende is dakloos gelaat in die geweld oor die afgelope twee weke.

Volgens Maduekwe is geen Nigeriër in die aanvalle gedood nie, maar baie van hulle het eiendom verloor terwyl ander se winkels geplunder is.

Die staatsbeheerde Nuusagentskap van Nigerië berig dat Nigeriërs in Hillbrow, Berea en Yeoville in Johannesburg verlede week aangeval is en dat hulle winkels beskadig of geplunder is.

Nepal gaan sy monargie afskaf

Pienk paleis in Katmandoe

Die bergkoninkryk Nepal gaan waarskynlik na 240 jaar sy monargie afskaf en 'n republiek instel. Dit word as 'n oorwinning vir voormalige Maoïstiese rebelle gesien.

Streng veiligheidsmaatreëls is gister in die hoofstad Katmandoe gehandhaaf.

Nepal was vir tien jaar gewikkel in 'n burgeroorlog tussen die rebelle en die voorstanders van die monargie.

Daar word verwag dat Koning Gyanendra sy pienk pagodepaleis sal ontruim, maar nogtans in die land sal aanbly.

Duisende Nepalese het saamgedrom en krete soos Lank lewe die Republiek! geskree.

Atoomagentskap bekommerd oor Iranese navorsing

Die Internasionale Atoomenergie-agentskap, wat in Wene gesetel is, het sy kommer uitgespreek oor Iran se beweerde navorsing oor kernkoppe en gevra dat die land meer inligting oor sy missielbedrywighede moet verskaf.

Volgens die Atoomagentskap weerhou Iran inligting oor plofstoftoetse wat met sy kernprogram verband hou.

Teheran beskik oor 3 500 uraanverrykingsentrifuges wat by sy Natanz-kerninstallasie werk, ietwat meer as vroeër vanjaar, terwyl enkele meer gevorderde toestelle ook getoets word.

Westerse inligtingsdienste beweer dat Iran besig is met 'n geheime projek om atoombomme te vervaardig, terwyl Iran die bewerings as ongegrond afmaak.

deposit slots

G8-omgewingsministers wil kweekhuisgasse halveer

Omgewingsministers van die G8-lande wat tans in Kobe, Japan, vergader, het hul leiers gevra om die teiken te aanvaar om kweekhuisgasse teen 2050 te halveer.

Spesifieke teikens van nou tot 2050 is egter nie aanvaar nie.

Die G8 het verlede jaar in Duitsland ooreengekom om oor die kwessie na te dink en te oorweeg om uitlaatgasse teen die middel van die eeu te halveer, maar tot dusver het die VSA en Rusland die plan teengestaan. Aan die ander kant, ondersteun Duitsland, Frankryk, Brittanje, Italië, Japan en Kanada die plan.

Die volgende G9-spitsberaad sal in Juliemaand in Tokio gehou word en omgewingsministers hoop dat hul onderskeie lande dan die voorstel sal aanvaar.

для сварки

Nederland gekritiseer oor ‘rassisme’

Nederland, wat altyd die reputasie geniet het as een van die mees liberale en verdraagsame lande in Europa, is so pas gekritiseer weens toenemende "rassisme" in dié land.

Die parlemente van twee voormalige Nederlandse kolonies, die Antille en Aruba, het hulle uitgespreek teen Nederlandse rassisme en ook die huidige immigrasiebeleid jeens Antilliane en Arubane verwerp.

'n Lid van die twee parlemente, Eunice Eisden, het verwys na 'n verslag van die Europese Kommissie teen Rassisme en Onverdraagsaamheid. Hierin word Nederland aangeraai om sy beleid ten opsigte van Antilliane te verander. Volgens Eisden is Nederlandse beleid nie gerig op die integrasie van Antilliane nie, maar om hulle swart te smeer.

Rasseonluste tref Brussel

Rasseonluste het in die Europese en Belgiese hoofstad uitgebreek toe blankes en Noord-Afrikane Vrydagnag slaags geraak het in die buurt Anderlecht.

200 mense is deur die polisie aangehou en 26 is beseer, waaronder 14 polisiemanne. Volgens die polisie is die konfrontasie tussen blanke en immigrantejeugdiges vooraf op die internet gereël.

Die geweld het ná 'n sokkerwedstryd waartydens Anderlecht die Belgiese kampioenskap gewen het, gebeur.

Volgens Gerald Noon, 'n woordvoerder van die Belgiese polisie, sal verdere arrestasies uitgevoer word na die bestudering van videomateriaal om belhamels te identifiseer.

Russiese president reis na Sjina

Die Russiese president, Dmitri Medwedef, het in Sjina aangekom vir 'n tweedaagse besoek. Dit is sy eerste staatsbesoek sedert sy

Dmitri Medwedef

onlangse verkiesing en dui aan dat die betrekkinge tussen Rusland en Sjina tans goed is.

Medwedef sal samesprekings voer met sowel sy Sjinese ampsgenoot Hu Jintao as met die eerste minister Wen Jiabao. Op pad na Sjina het die Russiese president Kazakstan aangedoen, waar hy Russiese invloed in dié energieryke Sentraal-Asiese streek wil behou. Sjina en Rusland het 'n verhouding gebou wat bedoel is om as teenwig vir Amerikaanse oorheersing te dien, maar daar bestaan steeds knelpunte tussen die twee lande, veral rondom olie en gas in Sentraal-Asië.укладка ламинат Фильчаков прокурор