Die polisie op Porterville is blybaar nie so gesteld op misdaadbekamping nie.
Inwoners van die dorp beweer dat die polisie kla dat daar nie voertuie beskikbaar is om na misdaadtonele uit te ry nie.
Maar vir die polisie geniet die vervoer van braaivleishout blykbaar voorkeur. Onlangs is die polisievoertuig, 'n Nissan, opgemerk wat volgelaai was met wingerdstompe.
Dié stompe is daarna by 'n lid van die polisie se huis afgelaai.
Vier mans is Dinsdag gevang vir moord in Tembisa, het die Ekurhuleni metropolisie gesê.
Woordvoerder, inspekteur Mveli Nhlapo, het gesê die vier het na bewering ‘n vrou doodgesteek by haar huis in Edenvale op Sondag en daarna gevlug met R2 500 en ‘n rooi Toyota Cressida.
“Die Cressida is Maandag verlate gevind naby ‘n karwasplek naby ‘n taxistaanplek in Tembisa. Toe die kar se registrasienommer nagegaan is om die eienaar op te spoor, was daar gevind dat sy vermoor was.”
“Sy is verskeie keer met ‘n skroewedraaier gesteek” het Nhlapo gesê.
Die vier, tussen ouderdomme van 18 en 22 is Dinsdagoggend in verskillende huise in Phomolongseksie gearresteer.
Hulle sal op Dinsdag in die Edenvale landdroshof verskyn.
Sewe kleiner ongelukke het plasgevind in en om Johannesburg op Dinsdagoggend as gevolg van reënweer, het die Metropolisie gesê.
“Daar was reeds sewe kleinerige motorongelukke, maar met geen ernstige beserings of sterftes nie” het hoofsuperintendent Wayne Minnaar gesê.
Heelwat van die ongelukke was buffer teen buffer botsings gewees, het hy bygevoeg.
“Dit reën oor groot dele van Johannesburg vanoggend en motoriste moet hulle spoed verminder, hoofligte aangeskakel hou en veilige volgafstande handhaaf” het hy gewaarsku.
“Ons moet motoriste waarsku om versigtig te wees.”
Die Kongo se rebelleleier Laurent Nkunda sê hy sal Afrikavredesbeamptes beveg as hulle steun aan regeringsoldate teen hom verleen, terwyl meer streekstate by die poging aansluit om die konflik te beëindig.
Afrikaleiers uit die suide van die kontinent en die Groot Mere-streek het vredesbeamptes aangebied as dit nodig sou wees om die oostelike streek van die Demokratiese Republiek van die Kongo te stabiliseer waar onlangse gevegte derduisende burgerlikes ontwortel het.
Lande in die Suider-Afrika Ontwikkelingsgemeenskap (SAOG) het na 'n spitsberaad die naweek gesê hulle sal militêre raadgewers na die oostelike Kongo stuur om die regering van DRK President Joseph Kabila te help.
Die uitvoerende sekretaris, Tomaz Salomao sê die SAOG sal 'n vredesmag na die Kongo stuur "as en wanneer" dit nodig is. Nkunda, wie se Tutsirebelle met die Kongo se regeringsmagte en hulle Rwanda-Hoetoe rebelle in gevegte betrokke is, sê hy sal Afrikavredesbeamptes as 'n onpartydige mag verwelkom om vrede in Noord Kivu te herstel.
Die Verenigde Nasies wat reeds die grootste vredesmag in die wêreld – 17 000 man — in die DRK het, soek nog 3 000 ekstra soldate om sy operasies daar te versterk.
Die VN sê sy bestaande mag is uitgestrek oor 'n gebied so groot soos Wes-Europa, waar dit van gewapende groepe wemel. Dit is nie onmiddellik duidelik of die voorgestelde Afrikavredesbeamptes onder mandaat van die VN of afsonderlik sal opereer nie.
Leiers van die Groot Mere-streek waaronder Rwanda se president Paul Kagame, het Vrydag op 'n spitsberaad in Nairobi vir 'n skietstilstand en 'n politieke skikking in Noord Kivu gevra, maar sê hulle sal vredesbeamptes stuur as dit nodig is.
Die DRK-regering het Angola, sy suidelike buurman wat hom tydens die 1998 tot 2003 oorlog gesteun het, weer om hulp gevra. Die swak en chaotiese Kongolese nasionale weermag het ineengestort teen die gedetermineerde opmars van Nkunda se geharde guerrilla-mag van ongeveer 4 000. Die verskyning van meer gedissiplineerde Portugees-prekende soldate aan regeringskant in Noord Kivu het gerugte laat ontstaan dat Angola reeds soldate na ooste van die DRK gestuur het.
'n Woordvoerder van Angola se departement van buitelandse sake het dit egter ontken. Ondanks beroepe deur die VN en Afrikaleiers vir 'n skietstaking in Noord Kivu, het sporadiese gevegte die afgelope naweek voortgeduur en humanitêre pogings om derduisende vlugtelinge wat skuiling, kos en mediese hulp soek, belemmer. Humanitêre agentskappe het hulle operasies opgeskerp om meer as 200 000 ontwortelde burgers rondom Goma tot hulp te kom.
Die nuwe Volkskongres (VK) beweer dat hulle in KwaZulu-Natal, ‘n sterk deel van Zuma se steunbasis, begin om veld te wen.
“Meer senior kamerade van KwaDukuza gaan na verwagting vandag by die VK aansluit”, het provinsiale koördineerder Nhlanhla Buthelezi gesê.
Voormalige eThekwini-ANC-lede, Phillip Mhlongo en Sphelo Nkinkqa, het ook ‘n nuwe politieke tuiste gevind by die VK, wat gelei word deur voormalige ANC-voorsitter Mosiuoa Lekota en Voormalige Gauteng-premier Mbhazima Shilowa.
Buthelezi het gesê dat die ANC besig is om sy monopolie op die Suid-Afrikaanse politiek te verloor.
“Rome is aan die brand en die vuur is onhoudbaar. Óf mens tref voorsorgmaatreëls om jou lewe te beskerm, óf mens sterf hulpeloos in wanhoop, onherkenbaar.”
“Die regerende party het vryheid, demokrasie en regspreking geweldig bedreig.”
Intussen het SAPA berig dat Fikile Mbalula, ‘n lid van die ANC se nasionale uitvoerende komitee, gister gesê het “dat die ANC steeds wag vir die ware leiers van die nuwe party om hulle gesigte te wys.”
Die nuwe ANC-leierskap het die SAUK die leviete voorgelees, aldus media verslae.
SABC se uitvoerende beamptes is na Luthulihuis geroep om daar aan die ANC-leier hulle skynbare politieke vooroordeel te verduidelik, het die Sunday Independant gister gesê.
“Ons wil nie die SABC as ‘n ANC-mondstuk hê nie, ons wil hê hulle moet objektief wees in die dekking van die hele Suid-Afrika” het Jessie Duarte, woordvoerder van die ANC volgens die koerant gesê.
“Ons het sake aangespreek, byvoorbeeld die dekking van Jacob Zuma, wat of hy of van landbou of ekonomie praat, gewys word waar hy buite die hooggeregshof in Pietermaritzburg dans” het sy bygevoeg.
Verlede week het die Progressiewe Jeug Alliansie (PJA) wat organisasies soos die ANC jeugliga en jong kommuniste liga insluit, die SAUK daarvan beskuldig dat hulle die ANC-splinterparty ondersteun met hulle verslaggewing.
“Die PJA wil sy kommer lug oor die SABC se uitsaai van ‘n advertensie deur Terror Lekota, wat politiek van aard is, en wat die ANC-geleide alliansie en sy leierskap aanval” het die verklaring gelui.
Die PJA het Snuki Zikalala, die nuushoof by die SAUK uitgesonder as sou hy agter die veldtog wees om die regerende party te laat sleg lyk.
“Ons kan nie dat die Shikota span en Zikalala die SABCvir hulle eie persoonlike en politieke oogmerke aanwend nie” is daar verder gesê.
Dit is nie die eerste keer dat die SABC van politieke bevooroordeeldheid beskuldig word nie.
Gedurende die Nasionale Konvensie, het UDM-eier, Bantu Holomisa uit ‘n lewendige uitsending uitgeloop, toe dit onderbreek is deur die vertoon van ‘n ANC-saamtrek in Soweto.
Die DA het ook die SABC al beskuldig van pro-ANC uitsendingsvoorkeure.
Suider-Afrika is gereed om hulp aan die vredesmagte in die DRK te stuur, en ook om vredesmagte te stuur, het die hoof van die streeksblok Sondag gesê.
Tomaz Salomoa, voorsitter van SAOG het aan verslaggewers gesê dat die streek versoeke vir ‘n vuurstaking en die daarstelling van ‘n humanitêre korridor steun.
“SAOG behoort onmiddellik hulp aan die gewapende magte van die DRK te verleen” het hy gesê, toe hy die byeenkoms se verslag gelees het.
“SAOG sal nie toesien dat destruktiewe dade van geweld deur gewapende groepe gepleeg word nie….en sal indien nodig vredesmagte stuur” het hy gesê.
Salomoa het gesê dat ‘n militêre adviesspan onmiddellik in DRK ontplooi gaan word om die DRK se gewapende magte te help, en dat ‘n militêre span gestuur gaan word om die situasie te evalueer om te bepaal watse hulp daar nodig is.
‘n Militêre moniteringskomitee gaan ook gestuur word om die grens van Kongo met Burundi, Rwanda en Oeganda te monitor.
Salomoa het gesê dat die DRK se gewapende magte hulp moet kry om die land se soewereiniteit en streeks ntegriteit te beskerm.
Hy het gesê dat die streek die VN gaan vra om die mandaat van sy vredesending, bekend as MONUC, uit te brei, aangesien hulle nie toegelaat word om aktief deel te neem aan skermutselings in die DRK nie.
“Ons posisie is dat ons die sekretarisgeneraal van die VN gaan versoek om die mandaat en verwysingsraamwerk van MONUC te verander” het Salomoa gesê.
“Kom ons wag en sien hoe die optrede en gedrag van MONUC op die grondvlak is, waarna ons verdere besluite kan neem oor die ontplooiing van vredesmagte in die SAOG-streek. Ons is wel bewus daarvan dat ons ‘n tragedie in die gesig staar, en dat tyd nie aan ons kant is nie” het hy gesê.
Salomao het berigte ontken dat Angolese soldate reeds in die DRK ontplooi is, maar het gesê dat hulle vinnig ingestuur kan word.
“Indien nodig sal hulle vinnig ingestuur kan word, gebaseer op die verslag wat deur die militêre kenners ingedien word” het hy gesê.
“Die sekuriteitsituasie in die DRK affekteer die vrede en stabiliteit in die SAOG en Groot Mere gebied” het hy gesê.
Pro-regerings soldate is in gevegte betrokke met rebelle van die Nasionale Kongres vir die Verdediging van die Mense NKVM wat gelei word deur die wegbreek Tutsi-generaal, Laurent Nkunda.
Die VN en humanitêre groepe het gesê die laaste rondte gevegte het 253 000 mense ontwortel sedert September en ten minste 100 dood gelaat.
Miriam Makeba, die Suid-Afrikaanse sangeres wat in haar loopbaan 'n simbool vir haar swart landgenote geword het in die stryd teen apartheid, is na wat berig word op 76-jarige ouderdom oorlede.
Die Ansa-nuusagentskap berig Makeba het gesterf nadat sy siek geword het ná 'n konsert vir die skrywer Roberto Saviano – wat al deur die Mafia met die dood gedreig is – naby Napels.
Sy is na 'n kliniek in Castel Volturno geneem waar sy weens 'n hartaanval dood is.
Makeba is op 4 Maart 1932 in Johannesburg gebore.
ANC president, Jacob Zuma, het ‘n vierdaaagse besoek aan die Wes-Kaap afgesluit met ‘n byeenkoms by Langa Stadion.
Zuma, wat in Engels en Zoeloe gepraat het, het die skare van sowat 2000 mense wat na hom gaan luister het aangemoedig om volgende jaar in groot getalle op te daag vir die verkiesing.
“Dit is belangriker as enige ander tyd, gegewe die uitdagings wat almal in die gesig staar” het Zuma gesê.
Zuma het gesê dat die ANC besluite geneem het wat 'n groter getalleoorheersing sal nodig hê om te implementeer.
Met ‘n klaarblyklike verwysing na die ANC-wegbreekparty het hy herhaal dat die party politieke uitdagings in die gesig staar.
Die ANC-leier het op Donderdag in die Wes-Kaap aangekom en die laaste vier dae gespandeer aan sogenaamde “openbare gesprek”, wat hom onder andere na Mitchells Plein en die Paarl geneem het.
Beeld het berig dat ‘n swart polisie-inspekteur van Tembisa in die Oos-Rand glo die slagoffers van ‘n gewapende roof en gepoogde kaping gevloek het met die woorde “Dit is tyd dat julle wittes julle goed pak en f****f”
Die beampte het geweier om ‘n swart verdagte te arresteer op die toneel en verder geweier dat ‘n saak geopen word nadat die slagoffers deur rowers oorval is.
Verder het hy ook verhoed dat blanke polisielede van Norchem Parkpolisiestasie die verdagte se motor deursoek, waarna hy hulle “wit honde” genoem het.
Nic Lubbe het omtrent 11 uur die aand sy dogter en kleinkinders huistoe geneem, na hulle plek in Terenure, toe ‘n grys Corsa-bakkie wat langs die pad gestaan het hom probeer verblind het deur die hoofligte aan te skakel. Daarna het die bakkie van agter af in hulle vasgery. Drie gewapende mans het van die bakkie afgespring en sy dogter, Antoenet Cronje, se handsak gegryp.
Lubbe het weggejaag en is later saam met sy vrou, Mara, en lede van die Norchem Park polisiestasie terug na die toneel.
‘n Swart inspekteur van Tembisa se padversperringstaakspan was reeds op die toneel saam met die verdagte wat die bakkie bestuur het. Die ander drie het teen daardie tyd reeds weggekom.
Op die toneel het die inspekteur die blankes almal wit honde genoem, waarna hy gedreig het dat hy sal sorg dat die blanke vrouepolisielid in ‘n rooftog geskiet sal word. Daarna hy het hy sy R5 geweer in haar gesig oorgehaal en aan die blankes vertel dat dit tyd is dat al die wittes hulle goed moet pak en die land uit f****f.
Volgens ‘n ooggetuie wat gesien het hoe die roof gebeur het, en ook klaarblyklik die inspekteur se rassistiese opmerkings gehoor het, beskerm die inspekteur die misdadigers.
Die vrou van die Corsa se bestuurder het daarna op die toneel verskyn, waar sy haar as ‘n polisie beampte voorgedoen het. Die inspekteur het daarna klaarblyklik ‘n ongeluksverslag oopgemaak.
Een van die Norchem Parkpolisielede het beweer die vrou wou hulle glo arresteer omdat hulle op die toneel ingemeng het.
Lubbe het gesê die Corsa-bestuurder se vrou het die inhoud van sy dogter se handsak geneem, en net ‘n leë handsak aan hulle teruggegee.
Op Dinsdag oggend het Lubbe toe by die Norchem Parkpolisiestasie sake van gewapende roof en poging tot kaping aanhangig gemaak. Superintendent Eugene Opperman, Gautengwoordvoerder vir die polisie het gesê dat met die oog op tugstappe, daar ondersoek gedoen word na die voorval. Polisiebestuur van Tembisa en die provinsie het hulle skok uitgespreek oor die verskriklike voorval.
Die Vryheidsfront Plus, sou vandag die swart polisie-inspekteur wat aan blankes gesê het dat hulle uit die land moet f****f, by die menseregtekommissie gaan aangee, waarna hulle ook aan die minister van veiligheid en sekuriteit sou vra om die man onmiddellik te skors.
Die optrede van die polisielid getuig van naakte rassisme en rassehaat, en dis sulke goed wat president Kgalema Motlantle se pogings om misdaad te bekamp ondermyn.
Verder is dit ook sulke insidente wat maak dat die land kennis en vaardighede verloor omdat dit mense sover dryf om te emigreer.
Sulke insidente besmet die naam van die polisiediens, het mnr. Pieter Groenewald gesê.
Insidente waar polisie weier om teen misdadigers op te tree, en ook rassisties optree teenoor blankes kom al hoe meer voor. Insidente soos die een maak net dat die publiek die polisie in ‘n toenemende wantrouige lig beskou, en bevorder misdaad.
