Nuus Archives - Page 273 of 403

China op die voorpunt van beleggings in hulpbronryke lande

China is besig om finansiering vir krag- en vervoerinfrastruktuurprojekte in Afrika te verhoog, sê die Wêreldbank.

China se befondsing staan tans op $7 miljard vir 2006 vanaf net $1 miljard tussen 2001 en 2003.

Die meeste van dié beleggings was in Nigerië, Angola, Soedan en Ethiopië.

Hoewel China by verre die grootste is, is die land nie die engste ontluikende ekonomiese moondheid wat infrastruktuurprojekte in Afrika befonds nie.

Indië se Ex-Im-bank en Arabiese ontwikkelingsfondse doen dieselfde.

Chinese projekte sal die totale hidrokragopwekkingsvermoë in Afrika suid van die Sahara met omtrent 30 persent verhoog, het die bank gesê.

jewellery for Фильчаков

Mededinging vir die volgende miljard internetgebruikers

Na verwagting gaan nog 'n miljard mense wêreldwyd binnekort aanlyn wees en Amerikaanse maatskappye is in 'n intense stryd gewikkel om die reklame-inkomste wat hulle waarskynlik gaan opwek.

Maatskappye poog om by plaaslike kulture aan te pas eerder as om bloot hul Amerikaanse webwerwe vir globale gebruikers te vertaal. AOL, byvoorbeeld, gebruik Bollywood-akteurs op sy tuisblad vir Indië. MySpace aanvaar selfoonintekenare in Japan.

Google het 'n stelsel ontwikkel om Arabiese gebruikers se soekterme in Engels te vertaal.

Soms gaan dit egter nie so maklik nie. Ebay het misluk om markaandeel in Japan te bekom omdat die maatskappy op kredietkaarte aangedring het. Japannese verkies kontant en het daarom hul rug op Ebay gedraai.

Polisieman weier behandeling deur blanke dokter

'n Polisie-inspekteur wat na bewering onder die invloed van alkohol met 'n halfkaal vrou in sy motor bestuur het, het behandeling deur 'n blanke dokter geweier toe hy 'n ongeluk maak.

Die ongeluk het omtrent 30 km buite Kimberley op die N12 gebeur. Volgens Dan Morena, die hoof van die Onafhanklikeklagtedirektoraat in die Noordkaap, is 'n klag van dronk, roekelose en nalatige bestuur teen die inspekteur gelê.

Die polisie-inspekteur is na 'n Medi-Clinic geneem waar hy op die personeel gevloek het, 'n bloedtoets geweier het en ook die hospitaalpersoneel daarvan beskuldig het dat hulle rassisties is. Hy het verseg om behandeling van die suster by die noodeenheid te ontvang en gesê hy wil nie deur 'n wit dokter behandel word nie.

Blykbaar het die inspekteur ook nie toestemming gehad om met die voertuig te ry waarin hy 'n eers 'n vrou sonder broek opgelaai en agterna 'n ongeluk mee gemaak het nie.

Suid-Afrika, Libi? beskerm volksmoordenaar

Suid-Afrika en Libië is aan die voorpunt van 'n veldtog om te verhoed dat die Soedanese leier aangekla word van volksmoord.

Die internasionale strafhof se hoofaanklaer, Luis Moreno-Ocampo, wil hê dat Omar Hassan al Bashir tereg sal staan op klagte wat spruit uit die moord op 35 000 mense in Darfoer.

Hy beskuldig Bashir ook daarvan dat hy 'n honderdduisend mense se hongerdood veroorsaak het en 2,5 miljoen mense uit hulle huise verdryf het.

Die hof sal sy besluit oor die vervolging van Bashir binne die volgende paar maande bekend maak.

Suid-Afrika en Libië is gekant teen die vervolging en sê dit sal die vredesproses in Soedan ontspoor.

Mbeki se voedselplan nie goed ontvang

Thabo Mbeki

President Thabo Mbeki se aankondiging van 'n nasionale voedselbeheeragentskap is nie goed ontvang deur landbou-organisasies nie.

Die Landbousakekamer sê indien die regering sou probeer om pryse te beheer, sal die markte verwring word. Dit sal voedselproduksie belemmer.

Die uitvoerende hoof van die organisasie, doktor John Purchase, sê die regering moet meer besonderhede oor die beoogde agentskap gee.

Daar is ook besorgdheid oor die departement van landbou se onvermoë om sy begroting te spandeer.

Die geld is geoormerk om produktiwiteit op plase te verhoog, ontluikende boere op te lei en om winste in die landbousektor in Suid-Afrika te verhoog.

Gedurende die laaste veertien jaar het amper helfte van die kommersiële boere in Suid-Afrika hulle bedrywighede gestaak.

шорты для девочки

Onderhandelinge in Zimbabwe val vas

Morgan Tsvangirai

Onderhandelinge tussen die hoofpartye in Zimbabwe het vasgeval.

'n Amptenaar van die MDC sê die onderhandelinge het 'n dooiepunt bereik en kan nie vorentoe gaan nie.

Hy sê Zanu-PF-onderhandelaars het dit duidelik gemaak dat hulle net gemagtig is om die adjunk-presidentskap en niks anders nie te bespreek.

Die MDC hulle is nie gewillig om die adjunk-presidentskap vir hulle leier, Morgan Tsvangirai, te aanvaar nie.

Die party hou vol dat Tsvangirai die verkiesings in Maart gewen het en dat hy die regmatige president van Zimbabwe is.

Zanu-PF-onderhandelaars, daarenteen, sê die gesprekke kan slegs voortgaan indien die MDC erken dat Robert Mugabe die uitkloppresidentsverkiesing in Junie gewen het.

20 no

Regter aangewys in Zumasaak

Jacob Zuma

Regter Chris Nicholson sal Jacob Zuma se aansoek dat die bedrog- en korrupsiesaak teen hom uit uitgegooi word, aanhoor.

Die regterpresident van Kwazulu-Natal, Vuka Tshabalala, het die aankondiging gister gedoen.

Sy assessore sal JP Purshotam en advokaat Griffiths Madonsela wees.

Die staat sal na verwagting die argumentshoofde waarin die feite en die regsvraagstukke behandel word, Woensdag voor die hof lê.

Indien Zuma se aansoek misluk, sal die saak teen hom voortgaan.

Hy sal klagtes wat verband hou met die omstrede wapentransaksie in die gesig staar.

Bandwydte ‘n kopseer vir 2010

Die hoë koste van bandwydte in SA is byna 10 maal hoër as in Asië en dit het FIFA onkant gevang. Hulle tegnologiese vennoot MATCH, het nie die koste in berekening gebring nie en is nou geforseer om hul tegnologie te herevalueer en aan te pas vir die Suid-Afrikaanse infrastruktuur. Hulle het gedurende die vorige Wêreldbeker VOIP (voice over internet protocol) gebruik maar as gevolg van die hoë koste verbonde en die gebrek aan infrastruktuur gaan hulle eerder fokus op selfoontegnologie.

Dick Wiles, die uitvoerende beampte van MATCH, meen hulle gaan ongeveer dieselfde spandeer aan die Wêreldbeker as die een in 2006 maar wou nie die syfer bekend maak nie. Hy word verder aangehaal waar hy beweer dat die Suid-Afrikaanse landlyn infrastruktuur nie op standaard is nie maar hy sê hulle werk saam met Telkom en Sentec en alle teikens is tot dusver gehaal.

'n Ander bron van kommer is die gereedheid van die ondersese kabel. Internasionale konneksies is uiters belangrik en hul gereedheid word tans ook bevraagteken. Suid-Afrika beskik tans oor twee ondersese kabels SAT3 en SAFE met 'n dra apasiteit van 300Ggps en 130Ggps onderskeidelik. Twee nuwe kabels is tans in aanleg wat teen 2010 in werking sal wees en dit sal kapasiteit opstoot met 640Ggps (EASSY) en 1.2Tgps (Seacom).

Fifa vereis 'n 20Gg konneksie tussen die onderskeie stadions en hul Internasionale mediasentrum in Johannesburg.

group play apk лобановский обыск

Prins Harry se selfoon in Lesotho gesteel

Die selfoon van Brittanje se prins Harry is gesteel terwyl hy verlede week in 'n nagklub in Lesotho vertoef het.

Bronne in die Lesotho-weermag het onthul dat die foon later van die dief teruggekry is.

Harry was in 'n nagklub in Butha Buthe toe die skurk sy selfoon gegryp en daarmee weggehardloop het.

Die dief het nie besef dat hy van 'n prins gesteel het nie en sê hy het dit gedink dit was net nog 'n wit ou van wie hy steel toe hulle hom ingehardloop het.

Die klein landjie se weermag sorg vir Harry se veiligheid gedurende sy verblyf.

Die prins het nie 'n klag gelê nie en was net verlig dat sy kontakte nie verlore gegaan het nie.

Russe neem beheer van BP in Rusland

Russiese aandeelhouers het die meerderheidsbeheer van die TNK-BP-gesamentlike onderneming in Rusland verkry.

Die Britse benoemde uitvoerende beampte, Robert Dudley, moes Rusland verlaat nadat sy visum verlede week verstryk het.

Die aandeelhouers, wat gelei is deur die oligarg Mikhail Fridman, weier nou om Dudley te erken.

Hulle sê dat in sy afwesigheid moet verantwoordelikheid vir die bestuur van die maatskappy tussen die vier oorblywende direkteure verdeel word.

Hulle sluit Viktor Vekselberg in wat ook sakebelange in Suid-Afrika het, asook German Khan.

BP het belowe om al die middele tot sy beskikking te gebruik om die maatskappy se belange en regte te verdedig.