Kategorie: Internasionale nuus

Sedert 1962 heers Merkel se party alleen in Beiere en die opposisie meen dat politiek, staat en sakebelange op 'n ongesonde wyse vermeng word. Alhoewel München se Theresienwiesepark ewe vrolik daaruit sien met voorbereidings vir die Oktoberfees, is politieke gemoedere donker.

Die gesiene Politbarometer-meningspeiling gee die sukkelende CSU slegs 47% waar die party in 2003 met meer as 60% as oorwinnaar uitgestap het. Die vraag was altyd hoe ver die CSU gaan wen en nie òf hulle gaan wen nie, sê Sepp Daxenberger van die Groenes. Die CSU sal waarskynlik gedwing word om met die FDP 'n koalisieregering te vorm.

Op Federale vlak sal die nederlaag voelbaar wees aangesien Merkel se "Groot Koalisie" in die Bundesrat, die oppergesag in die Nasionale Parlement, baie sal verswak. Dit plaas dadelik ook 'n vraagteken oor haar kanse om in volgende jaar se verkiesing sukses te behaal, omdat die oorvloedige stemme in Beiere opgedroog het.

Die CSU staan ook onafhanklik in Europese verkiesings en omdat die afsnypunt nasionaal bepaal word, mag hulle uitval in die volgende EU-rondte en invloed in die Europese parlement verloor. Die uitslag van die naweek se stemmery gaam beslis tot in Brussel gevoel word.

President Luiz Inácio Lula da Silva van Brasilië het Dinsdag in sy toespraak gesê dit is onregverdig om te verwag dat die hele wêreld die verantwoordelikheid moet dra vir die VSA se ongebreidelde hebsug.

Daar was 'n groot mate van Schadenfeude onder lidlande te bespeur oor die finansiële verknorsing van die VSA omdat Amerika weinig simpatie gehad het vir die druk waaronder baie lande geplaas is deur hulle blootstelling aan 'n geglobaliseerde ekonomie.

Dat die Bush-administrasie – wat eers volgehou het dat bankrotskappe elders buite hulle eie grense maar hulle gang moet gaan – nou 'n reuse hulppaket saamgestel het, is vir vele 'n aanduiding dat die VSA nie graag hulle eie medisyne neem nie.

Ook is daar kommer dat die gebrek aan oorsig op Wallstraat die wêreldekonomie dermate gaan knou, dat die amstes die hoogste prys sal moet betaal.

Ban Ki Moon het in sy openingsrede gesê dat die globale finansiële krisis al die VN se harde werk in gevaar stel en dit bevraagteken of steun vir die vrye mark so 'n gesonde ding was. Hy het gesê onkritiese geloof in die towerkrag van markte is nie wat nou nodig is nie.

Bush het die heersende kommer by die VN heeltemal onderskat en in sy rede byna uitsluitlik gefokus op die probleem van terrorisme vir die VSA. Hy het slegs 'n paar sinne aan die finansiële krisis op Wallstraat gewy.

Mark Malloch Brown, 'n Britse kabinetminister, het gesê lidlande sien nou duidelik deur die Amerikaners se dubbele standaarde. Dit was nie Kuba of Iran wat gister oor die VSA gekla het nie, maar  hulle eie bondgenote en  vriende.

President Nicolas Sarkozy het die huidige krisis as die grootste gemors sedert die Depressie beskryf en die finansiële stelsel "waansinnig" genoem. Hy het 'n ontmoeting vir November voorgestel wat deur talle ondersteun is oor hoe om die reguleringsprobleme die hoof te bied.

Steve Schmidt, een van die Republikeine se belangrikste verkiesingsveldtogbestuurders, het gesê wat die NYT ookal in die verlede beteken het, behoort tot die verlede, want vandag beantwoord die koerant nie meer aan die kriteria wat noodsaaklik is vir 'n joernalistieke onderneming nie. Hy het bygevoeg dat die koerant 150% agter die Demokrate se kandidaat staan. Hulle het hulle joernalsitieke integriteit afgewerp om McCain se mislukking te verseker, het Schmidt verklaar.

Steve Schmidt het gereageer op 'n vraag aangaande 'n artikel wat onlangs in die koerant verskyn het. Daarin word die bande tussen McCain se veldtogdirekteur, Rick Davis, en die bestuurders van Fannie Mae en Freddie Mac blootgelê. Die redakteur van die NYT, Bill Keller, het kritiek van die Republikeine verwerp en geweier om hulle 'n kans te gee om die Withuis se koers te verduidelik.

Die lug tussen die redaksie en die Republikeinse veldtogbestuur is tans giftig. Die koerant het in Julie 'n stuk deur McCain wat handel oor Irak afgewys. En die koerant hou vol dat dit net hulle werk is om te dinge uit te snuffel.

Indië is vandag bereid om nie net hulle olie- en handelsroetes te beskerm nie, maar selfs hulle groot diasporabevolking in die Midde-Ooste. Amerikaanse wapenhandelaars het beslis kennis geneem van die nuwe wending in hoe die land homself voortaan gaan definieer en die soort toerusting wat hulle te koop aanbied val in die smaak van 'n opkomende mag wat ver van sy basis sal moet optree.

Hulle het onlangs enorme C-130J vragvliegtuie en lugbrandstofhervullers aangekoop. Indië het sy eerste moderne militêre lugbasis buite die land op vreemde grongebied in Tajikistan onlangs voltooi. Dié land lê baie strategies tussen Afghanistan en China.

Kennelik wil die land die Indiese Oseaan domineer vanaf Afrika se kus tot dié van Australië en verder suid tot by Antarktika. met die soort wapentuig wat hulle aankoop Die Carnegie Endowment for International Peace in Washington meen dat Indië die watergebied se veiligheid sal verseker. Hulle kan met die VSA saamwerk om die Arabiese Golfgebied asook Sentraal-Asië te beskerm, sê 'n navorser van die CEIP.

Die dae toe die land moes toekyk dat Indiërs elders bedreig word, is verby. In 2006 het vier Indiese oorlogskepe inderhaas na die Meditereense See vertrek toe die konflik in Lebanon tussen Hizbollah en Israel Indiese inwoners in die spervuur geplaas het. Tydens die Tsumani het die Indiese vloot 16 000 troepe, 32 oorlogskepe, 41 vliegtuie en 'n hospitaalboot na die geteisterde gebied gestuur.

Terwyl China nog geen openbare aanduiding gegee het dat die militêre opbou in Indië vir hulle 'n bekommernis inhou nie, is Pakistan nie so onbesorg nie. Om olieroetes tussen Indië en Iran, Irak, Libië, Rusland, Soedan, Syrië en Viëtnam te beveilig, mag een rede wees waarom Indië daarin belangstel om mag te projekteer, maar dit is sekerlik nie belangrikste nie. China se indrukwekkende militêre opbou is 'n kopseer vir die Indiërs. Hulle bestee sewe keer meer aan wapens as hulle Indiese bure.

Bo en behalwe die Chinese se kwistige wapenbesteding is hulle bande met Gwadar, Pakistan, Chittagong, Bangladesh en Myanmar nog 'n verdere rede tot kommer.

Ná afloop van die vergadering het die VSA nietemin 'n verklaring uitgereik wat lui dat "al ses lande betrokke [die vyf permanente Veiligheidsraadlidlande en Duitsland] die moontlikheid van verdere sanksies sal ondersoek".

Die vergadering wat Vrydag plaasgevind het was daarop gemik om die weg vir die komende byeenkoms tussen die betrokke staatshoofde voor te berei.

Die IAEA in Wene het aangedui dat Iran nie hulle uraanverrykingsaktiwiteite gestaak het soos die VN versoek het nie. Die IAEA beweer dat Teheran in die verlede planne op die tafel gehad het om 'n kernkop te vervaardig.

Drie stelle VN-sanksies is reeds van krag op Iran omdat hulle nie verryking gestaak het nie. Die IAEA het oor die naweek dokumente en foto's aan hul lede gewys om Iran se beoogde aanpassing van hulle Sjahab-3 missiel om kernkoppe te dra, aan te toon.

Iran beweer dat die dokumente en foto's vervals is om Iran in 'n slegte lig te plaas en om hulle te dwing om staatsgeheime bekend te maak.

Die Franse eerste minister François Fillon was die naweek 'n gas van die Russe in Sotsji en het aan die einde van sy kuier gesê die Franse en Russe is op mekaar aangewese. Hy het gesê daar is geen alternatief as goeie verhoudinge tussen die twee lande nie.

Die vragmotorbom word beskou as 'n woedeaanval teen die belange van die VSA in antwoord op die onlangse inval in Pakistan deur Amerika.

Geen groep het nog verantwoordelikheid aanvaar vir die ontploffing nie. Kenners meen dit was ook 'n waarskuwing aan die nuwe regering in Pakistan om nie met die VSA saam te werk nie.

Joesoef Raza Gilani, Pakistan se nuwe eerste minister, sê die bom het by die hotel afgegaan omdat die terroriste nie vanweë goeie sekuriteit by die Parlement en die die eerste minister se kantoor kom uitkom nie.

 

British Airways het intussen alle vlugte na Pakistan gestaak. Geen datum vir die hervatting is nog in sig nie.