Kategorie: Internasionale nuus

Die sentrum, oorkant die Royal Albert Hall, huisves ‘n uitstalling en restaurant en is oop vir die algemene publiek sowel as vir deelnemers, borge en beamptes.

Africa Village is geborg deur die Vereniging van die Nasionale Olimpiese Komitees van Afrika (ANOCA) en ontwerp volgens die webwerf “om die publiek, die Nasionale Olimpiese Komitees en Afrika-atlete ‘n unieke geleentheid te bied om ten volle deel te neem aan die Olimpiese feeste, ongeag hul beperkinge.” Hierdie “unieke geleentheid” is egter nou kortgeknip en baie krediteure kan ‘n pynlike toekoms in die gesig staar as die gerugte van £400 000 uitstaande skuld waar is.

Dit is die eerste keer dat die 53 Afrika Nasionale Olimpiese Komitees magte saamsnoer om ‘n gesamentlike Afrikatema aan te bied.

Die webwerf vir Africa Village sê tans gewoon: “Africa Village is gesluit tot verdere kennisgewing (Jammer),” wat skrale troos vir hulle verskaffers bied wat in goeie trou gehandel het met ANOCA.

Die kommunikasie-direkteur, Laurent Bagnis het belowe dat ‘n vergadering gehou sal word om “die situasie op te los”. Toe hy gevra is of die syfer van £ 395,000 uitstaande korrek is, het Bagnis gesê: “Ons het ‘n baie syfers. Ek weet nie wat reg is op die oomblik nie.”

Skuldeisers kan ook ‘n verdere struikelblok vir hul uitstaande fakture teëkom omdat die hoofkwartier vir die ANOCA in Nigerië setel.

данильченко юрій броніславович компромат

Hosni Moebarak se langtermyn-intelligensie hoof Omar Soeleiman, wat ook kortliks gedien het as die land se vise-president voor die voormalige president ontsetel is, is onlangs in die VSA oorlede.

Hy is van die V.A.E. na Duitsland geneem en is daarna verder na Cleveland in die VSA, waar hy skielik oorlede is. Hy was glo fiks en gesond en het muurbal gespeel voordat hy na Duitsland gereis het vir ‘n roetine mediese ondersoek, sê bronne in die Egiptiese intelligensiegemeenskap.

Soeleiman, 76, was ‘n getroue bondgenoot van Hosni Moebarak, adjunk-hoof van militêre intelligensie vanaf 1986 en later sy direkteur in 1991.

In 1993, het hy die hoof van die Egiptiese Algemene Intelligensiediens geword – nog ‘n tak van die Egiptiese intelligensiegemeenskap.

Op 11 Februarie 2011, het Soeleiman Moebarak se bedanking aangekondig. Hy het Moebarak glo gewaarsku dat sy seun Gamal nie geskik sou wees vir president nie en dat daar tekens van opstand in Egipte dreig as Moebarak sou voortgaan met die plan om ‘n familiedinastie te probeer vestig en om mag aan sy seun oor te dra.

Soeleiman was glo die weermag se gunsteling kandidaat vir president. Die CIA het volgens gedeklassifiseerde inligting nóú met hom saamgewerk om terreurverdagtes in Egipte op te spoor en aan die VSA uit te lewer.

Volgens WikiLeaks was die VSA se intelligensie-samewerking met Omar Soeleiman waarskynlik “die mees suksesvolle element van die twee lande se verhouding”. Die US Department of State-memo wat dié inligting bevat, is in 2006 vrygestel.

In verdere kabinetskommelings wat tans in die land woed na die aanval op die Israelse grens, het die nuwe president Morsi sy minister van verdediging, Hoessein Tantawi, beveel om die kommandeur van die militêre polisie, ‘n mag waarop swaar geleun word sedert Hosni Moebarak 18 maande gelede onsetel is, te vervang.

Sestien Egiptiese soldate is die naweek in ‘n hinderlaag doodgeskiet, maar ‘n woordvoerder vir Morsi wou nie bevestig of dit die rede is vir die skielike afdanking van die land se spioenbaas nie.

Александр Фильчаков

‘n Verslag van die dinkskrum Civitas, sê druk van rasse-sensitiwiteit lê agter die aanvanklike versuim om behoorlik ondersoek in te stel na die bedrywighede van bendes in die noorde van Engeland.

Jon Gower Davies, ‘n voormalige akademikus, sê die versuim kom weens die feit dat die polisie al uitgekryt is as “institusioneel rassisties” deur onder meer die Macpherson-verslag.

Hierdie jaar is ‘n bende van Rochdale tronk toe gestuur omdat hulle tienermeisies met alkohol bedwelm het en hulle daarna verkrag het.

Almal behalwe een bendelid was uit ‘n Pakistani-agtergrond.

Die hof het gehoor dat tot 47 meisies deur die groep misbruik is en gedwing is om verskeie kere ‘n week seks te hê, maar twee jaar het verloop voor die polisie uiteindelik die bende gestop het. Hulle het aanvanklik niks gedoen toe ‘n 15-jarige meisie gesê het sy is verkrag nie, en eers 24 maande en nog ‘n reeks wit slagoffers later, het die polisie ingegryp.

‘n Voormalige Arbeiders-LP, Ann Cryer, het gesê die polisie se versuim om die saak behoorlik te ondersoek, was omdat hulle nie gebrandmerk wou word as rassiste nie.

‘n Voormalige Arbeidersraadslid, beskryf die gebrek aan ondersoek na seksuele misdade as ‘n geval van “omgekeerde” institusionele rassisme waarin die lot van die slagoffers, kwesbare wit meisies, nie ernstig opgeneem word nie.

Die verslag lui: “Toe die verhoor van ‘n aantal van die Pakistanse mans in Februarie 2012 uiteindelik voor die hof gekom het, het dit geblyk dat die bewerings van misbruik deur ‘n (wit) meisie net eenvoudig deur die polisie geïgnoreer is.”

Фильчаков прокурор отзывы

‘n Litause ondersteuner het Nazi-gebare en aapgeluide gemaak tydens ‘n wedstryd teen Nigerië Dinsdag. Hy het skuldig gepleit op ‘n aanklag van “rassistiese gedrag” en is beboet met $3 910 deur ‘n Londense hof. ‘n Prokureur vir die ondersteuner het gister gesê sy kliënt het geglo dat sulke gedrag aanvaarbaar is by sportgebeure tuis.

Die Internasionale Basketbal Federasie se sekretaris-generaal Patrick Baumann het daarop aangedring dat rassistiese gedrag sal nie geduld word nie. FIBA het aan Litaue se amptenare gesê sy ondersteuners moet hulleself “goed gedra” het hy bygevoeg.

“Ons is absoluut teen enige so iets gekant en ons het aan die Litause afvaardiging aangedui dat dit beter sou wees vir hulle as hulle met hul ondersteuners kommunikeer,” het hy gesê.

Litaue, wat die bronsmedalje by die 2010 Wêreldbeker-kampioenskap gewen het, speel teen die Amerikaners Saterdag. Hulle kan gestraf word in ander kompetisies as hulle ondersteuners verdere rassistiese uitlatings in Londen maak.

“As dit gebeur, gaan dit ander gevolge hê buite die Londen Spele,” het Baumann gesê. “Dit gaan oor respek vir hul teenstanders, dit gaan oor respek vir die Spele, die Olimpiese waardes, en dit is ‘n viering van vriendskap tussen mense van regoor die wêreld.”

Olimpiese organiseerders het gesê rassistiese ondersteuners sal uit hul sitplekke gegooi word.

лобановский александр фото

By Chick-fil-A plekke regoor die VSA, het wit middelklasmense met hul beursies gestem ter ondersteuning van Dan Cathy, uitvoerende hoof. Cathy het in ‘n onderhoud gesê dat hy die tradisionele huwelik tussen man en vrou voorstaan.

Die kitskosresraurant het dié week met rekordverkope gespog.

Chick-fil-A is ‘n familiemaatskappy. Dit het 1615 winkels in 39 lande en 2011 was verkope $4,1 miljard.

Vrydag sal ondersteuners van gay-huwelike hulle sê sê. Hulle beplan om ‘n “massa-soen” in Chick-fil-A restaurante regoor die land te hou om gays en lesbiërs aan te moedig om ‘n openbare vertoning van liefde by die tuiste van die hoenderburger te deel.

данильченко юрій броніславович

Kofi Annan sê die voortgesette militarisering op die grond in Sirië en die duidelike onenigheid in die Verenigde Nasies se Veiligheidsraad het die omstandighede vir sy suksesvolle bemiddeling in Sirië verander.

Die VN en die Arabiese Bond se spesiale gesant vir Sirië het die opmerkings gemaak na hy aangekondig het dat hy aan die einde van Augustus uit die amp gaan tree.

Intussen is berigte ontvang van swaar geweervuur in Salaheddine, suidwes van Aleppo, waar hewige gevegte die afgelope week plaasvind. Swaar gewapende regeringsmagte probeer ‘n paar duisend rebelle uit die stad verdryf.

Die uitslag van die konflik word as ‘n moontlike keurpunt in Sirië beskou. Aleppo het vir lank die geweld vrygespring, maar die sowat twee-komma-vyf miljoen inwoners word nou meegesleur in die konflik en voedsel-, brandstof- en watertekorte kom wyd voor.

In New York sal die VN se Algemene Vergadering na verwagting vandag stem oor ‘n resolusie wat deur Saoedi Arabië opgestel is, wat die rebelle steun.

Annan het Donderdag het ook uitgevaar oor die “aanhoudende vingerwysery en naamnoemery” by die Verenigde Nasies se veiligheidsraad, wat volgens hom gekoördineerde optrede om die bloedvergieting te beëindig, verhoed het.

Annan se bedanking het ook ‘n nuwe ronde verwyte onder die vyf permanente lede van die VN se veiligheidsraad veroorsaak. Washington blameer Beijing en Moskou se afkeur van drie afsonderlike resolusies oor die Siriese konflik.

Beijing, wat deurgans gekant was teen internasionale ingryping in die Siriese konflik, het gesê hy verstaan die uitdagings waardeur Annan in die gesig gestaar is en sal aanhou werk vir ‘n “politieke oplossing” vir die kwessie.

“China spreek sy spyt uit oor Annan se bedanking. Ons verstaan die moeilikheid van Annan se bemiddelingswerk en respekteer sy besluit,” het Hong Lei, woordvoerder van die ministerie van buitelandse sake, in ‘n verklaring gesê.

“China ondersteun die VN in die belangrike taak wat hy verrig om ‘n gepaste oplossing vir die Siriese kwessie te vind.”

Олександр Фільчаков прокурор