Internasionale nuus Archives - Page 319 of 464

Noorweë is die lekkerste plek op aarde

Suid-Afrika was maar 129ste op die lys van 182 lande wat lekker is om in te woon en Noorweë is die heel lekkerste.

Noorweë is aangwys as die beste land in die wêreld om te woon deur ’n verslag van die Verenigde Nasies wat maandag Maandag vrygestel is uit data van 2007.

Australië is in die tweede plek, en Ysland derde, gemeet in terme van lewensverwagting, geletterdheid, opvoeding en BBP, oftewel bruto binnelande produk.

Die VN bring jaarliks verslae uit wat hulle menslike ontwikkelingsindeks ondersteun.

Die top tien lande op die lys is Kanada, Ierland, Nederland, Swede, Frankryk, Switserland en Japan.

Lande wat verbeter het is Venezuela, Colombia, Peru en China.

Luxembourg, Malta, Ecuador, Libanon, Belize, Tonga en Jamaika het ‘n bietjie swakker gedoen en drie of meer plekke prysgegee op die indeks .

Niger is heel laaste, met Afganistan en Sierra Leone as naasverloorders.

купить игрушку

Suur appels?

Dis nou ‘n geval van suur appels, nie druiwe nie.

Die Australiese kettingwinkel Woolworths het Dinsdag gesê dat hulle deur die Amerikaanse tegnologiereus, Apple, gekasty word oor die gebruik van ‘n logo wat glo te veel soos die rekenaarmaatskappy s’n lyk.

“Hulle het beswaar aangeteken, maar hulle het nie ‘n saak teen ons gemaak nie,” het Clare Buchanan, woordvoerder vir Woolworths gesê.

Woolworths se swierige groen handelsmerk, wat in Augustus 2008 bekendgestel is, is bedoel om ‘n ‘W’ te wees, het sy gesê.

“Ons sê absoluut dat dit ‘n gestileerde ‘W’ is wat enige tipe vars produk kan voorstel. Sommige mense se dit lyk soos slaai, ander sê dit kan ‘n pampoen wees,” het sy gesê.

Apple, wat ‘n appel is waaruit ‘n hap geneem is vir ‘n logo het, het hul klag by die regering se intellektuele eiendom agentskap, IP Australia, ingedien.

Volgens berigte is Apple bekommerd dat Woolworths aansoek gedoen het vir ‘n oorkoepelende handelsmerk vir die ontwerp.

Dit sal beteken dat Woolworths dit op enige tipe produk sal kan plaas, insluitende elektroniese toerusting, soos rekenaars en musiekspelers.

Apple in Australië het geen kommentaar gelewer nie.

Franse presidentspaar speel op die net

Die presidentsvrou van Frankryk, Carla Bruni-Sarkozy, het Maandag ‘n webwerf geloods waarop sy haar liefdadigheidswerk sal bekendstel asook sal gesels oor haar lewe saam president Nicolas Sarkozy.

Bruni, wat reeds ‘n bekende sangeres was voor sy met die president getrou het, het ook ‘n webwerf waar sy haar sangloopbaan bemark.

Haar nuwe webtuiste fokus op drie spesifieke temas, naamlik haar liefdadigheidsorganisasie in Frankryk, haar werk as ambassadeur vir die Global Fund to Fight Aids, asook haar lewe as presidentsvrou.

Sekondes nadat die webtuiste geaktiveer is, is dit oorval met besoekers en moes dit tydelik gesluit word.

Die bekendstelling van Bruni se webtuiste kom kort nadat haar man bekendgemaak het dat hy sy land by die komende klimaat-konferensie in Denemarke op hoogte sal hou van gebeure, met die hulp van Twitter.

Sarkozy het reeds sy eie Facebook-profiel.

Die swakste vertoning

Rio de Janeiro sal die 31ste 2016 Olimpiese Spele aanbied, nadat die stad ‘n wegholoorwinning oor Madrid behaal het in die laaste en finale rondte van die stemmery Vrydag.

Die Internasionale Olimpiese Komittee het algar verbaas by die Bella Convention Centre deur die gunsteling Chicago in die eerste rondte uit te stem, ten spyte van president Barack Obama se intense persoonlike veldtog om die bod te wen.

Tokio het tweede in die slag gebly en in die laaste rondte is Rio, die eerste Suid-Amerikaanse stad, met 66 stemme teen Madrid se 32 gekies.

Carlos Osorio, die algemene sekretaris van Brasiliaanse bod, was ‘n paar sekondes lank na die aankondiging sprakeloos. Hy het daarna aan Reuters gesê: “Oorweldigend, skouspelagtig, ongelooflik.”

Brasilië sal ook in 2014 die Wêreldbekersokkertoernooi aanbied. President Luiz Inacio Lula da Silva was in trane oor die aankondiging.

“Ons gaan minder moet slaap, meer dink en meer werk,” het hy gesê.

Spaanse eerste minister Jose Luis Rodriguez Zapatero het Rio geprys en gesê dis ‘n grootse stad.

Nie Michelle Obama se teenwoordigheid of haar man se toespraak voor die IOK kon hond haaraf maak nie en Chicago het heel laaste geëindig.

Obama se soms kinderagtige manewales tuis om die Olimpiese bod te probeer wen, soos sy Star Wars-swaardgeveg voor die Withuis in die tuin, het ook heelwat kritiek uitgelok.

casino sites no

VSA-wetgewers beloof optrede teen Iran

Amerikaanse wetgewers het gister onderneem om gou en beslissend teen Iran op te tree. Dit volg op ‘n verslag dat wapendeskundiges van mening is dat Teheran die kundigheid ontwikkel het om ‘n atoombom te bou – en dit terwyl ‘n senior Amerikaanse amptenaar die nuusberig afgemaak het.

‘n Koor van stemme in die kongres, beide Republikeins en Demokraties, het aangedring op harde optrede teen Teheran in die naloop van ‘n New York Times-berig dat die Internasionale Atoomenergieagentskap (IAEA) vasgestel het dat Iran nou “voldoende inligting” het om ‘n kernwapen te bou.

Amerikaanse wetgewers sê dié openbaring regverdig ‘n onmiddellike en streng optrede.

“Die Iraniërs sal ‘n kernwapen hê indien iets hulle nie van gedagte laat verander nie. Ons het streng sanksies nodig. Ons het nodig om dit nou te doen,” het Demokratiese senator, Evan Bayh, “Fox News Sunday” vertel.

Die Republikeinse senator, Lindsey Graham, ‘n voorste stem in die kongres oor verdedigings- en sekuriteitsaangeleenthede, sê hy sal daarvan hou dat die Kongres ‘n week opsy sit om te wy aan ‘n groot aantal nuwe sanksiewetgewings teen die Islamitiese republiek.

“Kom ons hou ‘n Iran-week in die Senaat en kry iets gedoen,” het hy gesê, en voorgestel dat ‘n reeks optredes bespreek word “wat ons president sal bemagtig en ons land gehard sal maak en om daadwerklike optrede agter die woorde te plaas.”

Maar ‘n hooggeplaaste Withuis-adviseur het gister die verslag afgepraat en op Amerikaanse televisie gesê dat Washington “sal staan by verslae wat ons uitgereik het,” aangaande Iran se kernvermoë.

“Of hulle weet hoe om dit te doen of nie is ‘n aangeleentheid van aansienlike raaiwerk,” het hy gesê.

Wetgewers sê hulle ondersteun steeds die VSA se inisiatiewe om Teheran in gesprek te betrek, maar is besig om vertroue te verloor dat blote diplomasie Iran sal dwing om sy beweerde kernwapenprogram te laat vaar.

“Om die dialoog te hê, is goed, maar jy moet hulle by hulle woord hou. Wat op die einde saak maak is nie wat hulle sê nie, maar wat hulle doen,” sê Bayh.

“Ek is bevrees hulle speel vir die horlosie teen ons,” het hy gesê en op ‘n “ware dringendheid” in die kerndooiepunt gewys.

Die Times-verslag volg op openbaringe dat Iran ‘n tweede uraanverrykingsaanleg naby die heilige stad van Qom gebou het, wat verdere agterdog oor die mikpunt van die land se kernprogram laat ontstaan het.

Die verslag beskryf ‘n komplekse program wat volgens aanduidinge in 2002 geloods is en deur die Iranse Verdedigingsministerie bestuur word en wat daarop gemik is om ‘n “kernvrag om deur die Shahab 3 missielstelsel afgelewer word,” te ontwikkel.

“Hulle het ‘n patroon van misleiding, ‘n patroon om verdrae waartoe hulle ingestem het, te verbreek,” sê Bayh. “Hulle respekteer mag en mag alleen.”

Duisende vermis na aardbewing

Oorlewendes en nooddienswerkers in Padang is besig om deur hope beton te grawe opsoek na die duisende mense wat steeds vermis is ná ‘n aardbeweging die stad geruk het.

Die regering het die dodetal by 777 geskat met sowat 2100 mense wat nog vermis is, maar volgens die VN se beramings het die dodetal Donderdag tot 1100 gestyg.

Die duisende mense wat nog vermis word is heel waarskynlik onder die puin van geboue wat ineengestort het, begrawe.

“Ons moet nie die skade onderskat nie, ons moet onsself op die ergste voorberei,” het president Susilo Bambang Yudhoyono gesê.

Woensdag se aardbeweging het 7.6 op die Richterskaal gemeet en Soematra-eiland geruk.

Amerika se president, Barack Obama, het ondersteuning beloof en ook gesê daar sal hulp aan die Samoa- en Tonga-eilande in die Stille Oseaan gebied word nadat ‘n tsoenami Dinsdag dié area getref het.

Waar was die G20-betogers?

Gewonder waar is die betogers by die G20-spitsberaad wat in September in Pittsburgh, in die VSA, gehou is?

Wel, die Langafstand Akoestiesetoestel het hulle weggehou van die byeenkoms van die wêreld se belangrikste staatshoofde.

Amerikaanse owerhede het die toestel vir die eerste keer op die skare in Pittsburgh gebruik en hulle dmv ‘n hoë klank wat afstoot, afgeskrik.

Robert Putnam, woordvoerder vir die vervaardiger in San Diego, American Technology Corp., sê dit is soos ‘n “reuse klanksoeklig” wat op die skare geskyn kan word.

Burgerregtegroepe is egter ontstoke en sê die klanktoestel hou gevare in. ‘n Meter of wat van die toestel meet die volume tussen 140 en 150 desibels.

Die betogers wat dit gehoor het, sê dit is verskriklik. Die harde bevele klink asof dit van oral kom en is helder en duidelik en die hoë klank daarmee saam, is ondraaglik.

Joel Kupferman, ‘n regswaarnemer van die National Lawyer’s Guild wat die optog gevolg het, sê hy is deur die klank oorweldig.

Hy sê die owerhede het aangehou om die mense te bombardeer met die wapen, selfs toe hulle uitmekaar begin gaan het.

Witold “Vic” Walczak, regsdirekteur van die American Civil Liberties Union in Pennsylvanië, sê die toestel is ‘n militêre wapen wat permanente gehoorskade kan veroorsaak. Hy het bygevoeg dat die owerhede ‘n klag van “buitensporige geweld” in die gesig staar.

“Jy moet jou hande oor jou ore hou en hulle toedruk, en dis moeilik om goed te gooi,” het die adjunk-direkteur van die stad se nooddienste gesê.

Die polisie sê hulle het die toestel ingespan omdat die betogers met geweld gedreig het.

Hulle sê ook dat die meeste mense hulleself al aan harder musiek vir ‘n langer tydperk by rockkonserte blootgestel het.

Aktiviste betwyfel egter die ooreenkoms en sê hulle het nog nie gehore by rockkonserte sien vlug nie.

VSA sê beheer van internet op

Die VSA het beheer van die internet opgesê nadat lande begin kla het dat Washington se greep te hewig is. Lande buite Amerika sal voortaan ook seggenskap hê oor de toekoms van die stelsel.

Icann, die liggaam wat die ontwikkeling van die net beheer omdat hulle internetadresse soos .org, .net en .com bestuur, het Woensdag aangedui dat hulle hul ooreenkoms met die Amerikaanse regering gaan beëindig.

Dit sal beteken dat die Kaliforniese maatskappy ‘n internasionale rol sal speel met die teenwoordigheid van maatskappye en lande buite die VSA.

Icann het voorheen onder die beheer van die Amerikaanse regering gestaan omdat die regering die net beheer het vanweë die onderliggende tegnologie wat rekenaars met mekaar verbind het wat deur hulle beskikbaar gestel is.

Die nuwe fokus gaan egter wees om ander lande meer toegang te gee oor wat aanlyn gebeur. ‘n Aanlynweergawe van die Verenigde Nasies waar amptenare die toekoms van veranderinge op die net gaan bespreek is daardeur in die vooruitsig gestel.

Icann se hoof, Rod Beckstrom, en Washingtonvertroueling, sê daar was groeinde kommer dat sekere lande besig was om alternatiewe maniere te kry om Amerikaanse beheer te omseil.

“Daar was gerugte van veelvoudige eksperimente van lande wat die internet gevurk het,” sê hy. “Hierdie is ‘n belangrike skuif omdat dit die wind uit ons opponenete se seile gaan haal.”

Hy sê die veranderinge gaan verreikend wees omdat netgebruikers in die toekoms webadresse met name in Chinees, Arabies en enige ander alfabet sal kan registreer

Nie net China het voorheen gekla oor die VSA se internetbeheer nie, maar ook Europese lande.

Viviane Reding, die EU se kommissaris vir kommuniskasie en media, sê sy is verheug oor Washington se besluit om Icann se sleutelrol aan te pas by die werklikhede van die 21ste eeu.

Sy het gesê as die veranderinge deursigtig en doeltreffend is, gaan dit oor ‘n breë front deur gemeenskappe, sakeondernemings en regerings aanvaar word.

Kenners meen dit was ‘n uiters veelseggende besluit van die VSA en het internasionale samewerking daadwerklik verhoog.

Kalifornië ook geskud

’n Reeks aardbewings het Donderdag landelike gebiede in die Amerikaanse deelstaat Kalifornië geskud.

Die grootste van dié aardbewings, wat 5.1 op die Richterskaal gemeet het, het omstreeks 03:00 sowat 29 km suidoos van die dorp Lone Pine getref.

Binne die volgende drie ure het ses kleiner skuddings, wat tussen 3.0 en 3.5 gemeet het, dieselfde area in die ooste van die provinsie getref.

Volgens Faith Felton, ’n polisiewoordvoerder, is geen skade of beserings aangemeld nie.

ds dental

Wiele van die sanksiebus val af

Ten spyte van sterk vermanings deur Barack Obama en Gordon Brown, is daar geen teken van enige konsensus deur die internasionale gemeenskap om bykomende sanksies teen Iran in te stel nie.

Iran het intussen voorbereidings getref teen moontlike sanksies deur diplomatieke afvaardigings na China, Sentraal-Asië en Venezuela te stuur. Hulle het ook gas en petrol opgegaar vir wintertekorte wat mag ontstaan.

Die opsie wat die VSA graag wil sien, naamlik ‘n verbod op geraffineerde petrol, lyk asof dit hoegenaamd nie van die grond gaan kom nie, aangesien China die tweede grootste ru-olie inkoper en Iran die tweede grootste ru-olie uitvoerder in die wêreld is.

Iran het verlede jaar in 10% van China se ru-oliebehoeftes voorsien en sy markaandeel sal na verwagting groei. China voorsien ‘n derde van Iran se geraffineerde olie.

China se Nasionale Petroleum Korporasie het vroeër vandeesjaar ‘n kontrak van $1,7 miljard met Iran se Nasionale Oliemaatskappy gesluit en volgens kenners beloop China se energiebelegging in Iran reeds $100 miljard.

China gaan dus nie stappe neem teen Iran wat hulle eie nasionale ekonomiese belang gaan skaad nie.

Turkye en Pakistan, Iran se bure, het ook aangedui dat hulle nie sanksies sal ondersteun nie. Van Irak kan geen ondersteuning vir sanksies teen Iran verwag word nie.

Die land het self sedert die 1990’s onder vernietegende VN-sanksies gebuk gegaan en buitendien voel die huidige Sjia-leierskap na aan Teheran.

Die VSA sal dus eerder kyk na druk op Westerse maatskappye wat finansiële, versekerings- en investeringsbelangstelling in Iran toon. Die voordeel daarvan sal wees dat Amerika nie die Veiligheidsraad se goedkeuring hoef te kry nie.

Robert Gates, die VSA se minister van buitelandse sake het aangedui dat daar nog lang lys opsies vir sy land bestaan wat die potensiaal het om Iran te laat afsien van hulle huidige beleid.

to play топкарго