Internasionale nuus Archives - Page 323 of 464

Oprah sink

In vervoering…

Die gemiddelde kykergetalle vir The Oprah Winfrey Show is met 7% af van verlede jaar en dit is nou die vierde agtereenvolgende jaar dat die aantal kykers daal.

Gedurende Jule het die program die laagste hoeveelheid kykers sedert dit in 1985 begin het, geregistreer.

Alhoewel TV-programme wat kom en gaan, iets alledaags in die VSA is, was die multi-miljoenêr Winfrey, 55, beskou as byna onoorwinlik.

Sy het haar wit, vroulike, middelklas kyker só betower met haar skynbaar onblusbare optimisme en insig in hulle aspirasies, dat kenners gesê het sy is 'n kanniedood.

Maar terwyl die program, wat in Suid-Afrika ook te siene is op die SAUK, sedert 2005 met 'n piek van nagenoeg 9 miljoen kykers steeds stadig terugsak, het die afgelope jaar gewys dat konserwatiewe wit kykers nie alles gaan sluk nie en kykergetalle het skerp gedaal.

Janice Peck, van die Universiteit van Colorado, mediaprofessor en skrywer van die boek Age Of Oprah, sê Winfrey het haar ondersteuning prysgegee deur haar entoesiastiese ondersteuning van Obama.

Winfrey se webtuiste was oorval met woedende kritiek daaroor. Haar ondersteuners het meesal vir Hillary Clinton gestem

Met haar aanmoediging van swart etniese solidariteit het Winfrey erken sy het haar program gebruik om Obama verkies te kry.

"My werk was om mense te maak, of om hulle toe te laat, om aan Obama voorgestel te word, die wat nog nie was nie op daardie tydstip," het sy gesê. "Ek wou hom verkies hê en ek dink ek het dit gedoen."

Sy moes Sondag noodgedwonge haar bewondering vir Obama verdedig en het benadruk dat sy gaan terugstaan van politiek. Winfrey is onder beleg want Obama se gesondheidstelselhervormings is erg ongewild in die VSA.

Daarbenewens is wit kiesers ontnugter deur Obama se eie vertoon van rassesolidariteit.

Nigeriese militantes verleng skietstilstand met ‘n maand

Militante magte in Nigerië sê hulle verleng ‘n skietstaking wat deur die nag verval het, met een maand, maar het gewaarsku hulle sal aanvalle hervat indien die grondoorsake van die konflik nie aangespreek word nie.

Die Beweging vir die Emansipasie van die Niger Delta (MEND) het ‘n tweemaandlange onderbreking van hulle veldtog om olie-installasies en om buitelanders te ontvoer, in Julie ingestel. Hulle het gesê hulle hoop die skietstaking sal gesprekke met die regering bespoedig.

Die groep sê gister in ‘n verklaring dat hulle nie ‘n amnestie-aanbod van die regering in ag neem nie en dat die regering “geen maatreëls getref het vir betekenisvolle dialoog nie.”

Hulle sê die regering moet die skietstakingverlenging gebruik “om die regte ding te doen eerder as om voor te gee dat hulle oor vrede onderhandel terwyl hulle die weermag bewapen vir ‘n oorlog wat hulle nie kan wen nie.”

free casino no deposit bonus Фильчаков

Somaliese regering verheug oor Amerikaanse aanval op al-Kaida

Somalië se oorgangsregering het Woensdag ‘n Amerikaanse lugaanval wat ‘n gesoekte al-Kaida leier in dié wettelose Horing –van-Afrikaland gedood het, aangeprys.

“Ons verwelkom die aanval deur die Amerikaanse magte in suidelike Somalië,” sê Abdi Mohamed Ulusow, ‘n senior buitelandse-sake segsman.

“Somalië het vir so lank stabiliteit kortgekom en is toegegooi in chaos. Dit kan nie boonop ‘n gasheer vir buitelandse moeilikheidmakers met kriminele rekords in hulle lande wees nie,” het hy bygevoeg.

Amerikaanse amptenare het die aanslag Maandag bevestig en gesê dat Saleh Ali Saleh Nabhan in ‘n operasie in suidelike Somalië gedood is.

Nabhan, ‘n Keniaanse boorling, is deur die FBI gesoek na aanleiding van die anti-Israeli aanvalle in Mombassa in 2002.

Somalië se Shebab ekstremiste groep wat bande met al-Kaida het, het erken dat Nabhan een van hulle bevelvoerders was en dat hy tydens die lugaanval dood is.

Washington het telkens hulle besorgdheid oor die land in die Horing van Afrika uitgespreek. Dit is sedert 1991 deur geweld geteister en is ‘n veilige vesting vir el-Kaida ekstremiste.

Die Shebab, wat ‘n aanslag teen die internasionaal ondersteunde Somaliese regering lei, het wraak oor Nabhan se dood gesweer.

коврики пазлы

Wit tiener op skoolbus aangeval

'n Wit leerling, 17, van Belleville West High School in St Louis, in die deelstaat Missouri in die VSA, is Maandag deur swartes aangerand omdat hy langs hulle wou sit.

Die busbestuurder het nie 'n vinger gelig nie, aangehou ry en die tieners beveel om te "sit". Die swart tieners het die aanvaller aangemoedig en gelag daaroor.

Die swart tieners en hulle ouers het ontken dat die insident rassisties was.

Die talle wit tieners en hulle ouers het Dinsdagmiddag gesê hulle voel die aanval was deur rassisme gemotiveer en dat die skool lank reeds onder rassespanning gebuk gaan.

Nadat Belleville se polisiekaptein Don Sax eers gesê het die aanval is rassisties, het hy koerantvoorblaaie gehaal Woensdag deur sy deuntjie te verander.

Carter betreur ‘rassistiese uitbarsting’ teen Obama

Jimmy Carter

Oud-president Jimmy Carter sê 'n Kongreslid se uitbarsting teen president Barack Obama tydens 'n toespraak verlede week was op rassisme gegrond en vrees vir 'n swart president.

"Ek dink dis op rassisme gegrond," het Carter Dinsdag in Atlanta gesê. "daar is 'n inherente gevoel by baie mense in dié land dat Afro-Amerikaners nie president behoort te wees nie."

Carter het gesê dit is deel van 'n kommerwekkende groeiende tendens wat betogers wat Obama met Nazi-leiers vergelyk, insluit.

Joe Wilson, 'n Republikein van Suid-Carolina, is verlede Woensdag geroskam omdat hy tydens Obama se toespraak geskree het "Jy lieg!".

Die onderbreking het gekom terwyl die president oor onwettige immigrante gepraat het wat nie federale subsidies behoort te ontvang om gesondheidsorg te koop nie.

Republikeine het onderlangs begin brom toe die president dit sê en daarna het Wilson uitgeskree.

Dinsdag se roskam was 'n rare resolusie wat deur die Demokrate deurgedwing is omdat hulle daarop aangedring het dat Wilson die basiese reëls van beskaafdheid oortree het.

Volgens Republikeine was dit 'n heksejag teen Wilson, wat reeds verskoning aangeteken by Obama het vir sy uitroep en volgehou het dat hy die Huis geen verskoning skuld nie.

'n Voormalige Demokratiese partyvoorsitter Dick Harpootlian, sê hy glo nie Wilson is deur rassisme gemotiveer nie, maar sy uitbarsting moedig rassistiese sienings aan.

Hy stem saam dat die opmerking wel rassisme kan bevestig.

Carter het Wilson se uitroep as "gemeen" beskryf en 'n naskok van rassistiese sienings wat Amerikaanse politiek dekades lank gekenmerk het.

"Die president is nie net die hoof van die regering nie, hy is die staatshoof," het hy gesê. "En dit maak nie saak hoe veel ons verskil van sy beleid nie, die president moet met respek behandel word."

mosoblburenie Лобановский Харьков

Duisende asielsoekers na OZ afgekeer

Australië, in skerp teenstelling met Suid-Afrika se houding teenoor onwettige immigrante, het weer eens 'n boot met 58 voornemende asielsoekers Woensdag weggewys. Dit is die vierde keer die afgelope tyd dat dié land ekonomiese asielsoekers keer om die land binne te kom.

'n Vlootpatrollie het die boot Dinsdag gestop. Dit bring die aantal omwettige immigrante wat sedert 7 September in die gebied opgespoor is op 213 te staan.

Minister van binnelandse sake, Brendan O'Connor, sê die groep sal na Australië se hoogsekuriteitfasiliteit op Kersfeeseiland in die Indiese Oseaan oorgeplaas word. "Hulle sal aan veiligheids-, identiteits- en gesondheidsklarings onderwerp word om die redes vir hul reis vas te stel," het die minister in 'n verklaring gesê.

"Toestande regoor die wêreld veroorsaak dat groot getalle ontheemde mense op die uitkyk is vir ryk, ontwikkelde lande soos Australië en hulle kan maklik die prooi word van mensesmokkelaars."

Sowat 148 asielsoekers is sedert Saterdag van Australië se noordweskus in bote aangekeer, nadat 7 op 7 September gevang is.

Indonesiese owerhede het verlede week ook 'n boot wat na Australië onderweg was, voorgekeer met 56 mense aan boord.

Australië het nou al meer as 1 000 voornemende asielsoekers ter see opgepik hierdie jaar en die regering het gewaarsku dat duisende sit en wag om uit Indonesië na Australië te reis.

Patrick Swayze sterf

Die akteur, Patrick Swayze, het na ‘n tweejaarlange stryd teen pankreaskanker gesterf.

Swayze se openbare beeldhanteerder, Annett Wolf, het gesê die 57-jarige akteur het gister met sy gesin aan sy sy gesterf. Hy het sy siekte verlede jaar openbaar gemaak maar steeds bly werk terwyl hy behandeling ondergaan het.

Swayze het in 1987 ‘n internasionale ster geword vir sy rol in “Dirty Dancing,” ‘n rolprent wat gehandel het oor die volwassewording van ‘n meisie tydens ‘n somerkamp. In 1990 het die rolprent “Ghost” sy sterstatus bevestig.

Swayze het bly werk, selfs nadat hy in Maart verlede jaar dit bekend gemaak het dat hy aan kanker ly. Hy het verskyn in “The Beast,” ‘n dramareeks, en het gesê hy en sy vrou werk aan ‘n memoir.

FBI loods anti-terreur operasie in New York

Die Federale Ondersoekburo, die FBI, het huise in die New Yorkse voorstad Queens omgedop tydens ‘n teenterreurondersoek, het VSA polisie gister gesê.

Bronne uit die kongres het bevestig dat wetgewers in Washington ‘n volle voorligting oor die operasie sou ontvang.

“Die operasie was in Queens. Daar was strooptogte in sommige wonings hier,” het Martin Speechlay, ‘n segsman vir die New York polisie gesê.

“Dit was ‘n federale operasie en ons het hulle ondersteun.”

In Washington het ‘n senaatshulpamptenaar gesê dat wetgewers oor die strooptog ingelig word.

Die Amerikaanse publiek is nog onseker of nuutgekose president, Barack Obama, in staat sal wees om die land veilig te hou teen terroristeaanvalle.

VSA-troepe voer strooptog op dorpie in Somali? uit

Buitelandse soldate in helikopters het gister ‘n motor bestook in ‘n Somaliese dorpie wat deur Islamitiese insurgente beheer is en het twee mans gedood en twee ander gewond en gevange geneem, sê getuies. Amerikaanse miliêre beamptes sê VSA-magte was in die aanval betrokke.

Die kommandostyl aanval het in ‘n dorpie naby Barawe plaasgevind te midde van vrese dat al-Kaida besig is om ‘n vastrapplek in die wettelose land te kry.

Twee Amerikaanse militêre amptenare sê magte van die Amerikaanse Gesamentlike Spesiale Operasies Kommandement was betrokke. Die amptenare het geen besonderhede oor die aanval of die teiken daarvan verskaf nie, en hulle het slegs gepraat op voorwaarde van anonimiteit omdat die operasie ‘n geheim was.

‘n Hoeveelheid deskundiges vrees dat Somalië besig is om ‘n vesting vir al-Kaida te word, ‘n plek waar terroriste opgelei word en magte kan opbou. Die VN-ondersteunde regering, onderskraag deur vredesmagte van die Afrika-Unie, het slegs ‘n paar blokke van ‘n Mogadisjoe, die oorloggeteisterde hoofstad onder beheer.

joc pool Александр Фильчаков

Die w?reld se oudstes

Meer as 40 000 Japannese is 'n 100 jaar of ouer, en dis 10% meer as verlede jaar, het 'n verslag van die regering uitgewys. Die verslag is die jongste in 'n reeks wat die ekonomiese probleme waarmee die land te kampe het, weergee.

Japan is die wêreld se bevolking wat die vinnigste besig is om oud te reek.

Van die 40 399 burgers in hulle honderds, is 87 vroue, het die ministerie van gesondheid verklaar.

Die gemiddelde ouderdom van Japan se inwoners is die nuwe eerste minister Yukio Hatoyama en sy Demokratiese party wat verlede maand met 'n wegholoorwinning die leisels oorgeneem het, se grootste uitdaging.

Tans onderhou drie werkende Japannese een oumens, maar oor vyftig jaar gaan die verhouding een tot een wees.

Hatoyama het belowe dat sy administrasie die pensioenskema sal standariseer tot 'n minimumbedrag van 70 000 yen ($765) per maand vir laeinkomstegroepe.

Japanners het die langste lewensverwagting ter wêreld en kenners sê dit is 'n gesonde dieet, goeie gesondheidsorg en 'n tradisie van aktiewe pensioenarisse.

Die verslag is uitgereik kort voor die nasionale vakansiedag, Respek vir die bejaardes, op 21 September.