Afrikaanse nuus – Bladsy 104

Afriforum begin boikotaksie teen Nestlé

Die Afrikaanse burgerregte inisiatief, AfriForum, het ŉ internasionale veldtog begin om mense aan te moedig om alle Nestlé-produkte te boikot, sou Nestlé nie teen 7 Oktober 2009 ŉ besluit neem om die aankoop van melk van Grace Mugabe – vrou van Zimbabwiese diktator, Robert Mugabe – te staak nie.

AfriForum het reeds ŉ webblad, geskep, waar die boikotaksie bekendgestel word. Op die webblad is ook foto’s, video-insette en feite wat die brutaliteit waarmee die Mugabe-regime die mense van Zimbabwe onderdruk, uitwys.

ŉ Skakel is op die webblad geplaas waardeur die publiek wêreldwyd protesboodskappe aan Nestlé se hoofkantoor in Switserland en kantore in Suid-Afrika en Zimbabwe kan stuur. AfriForum het klaar skrywes aan dié kantore gestuur rakende die veldtog wat begin is.

As deel van die veldtog beplan AfriForum verder om menseregtegroepe wêreldwyd te vra om ook druk op Nestlé te plaas.

Volgens Kallie Kriel, uitvoerende hoof van AfriForum, is die melk wat op Grace Mugabe se suiwelplaas geproduseer word, “bloedmelk”. Kriel wys daarop dat Mugabe en sy binnekring hulle rykdom bekom het deur die gewelddadige onderdrukking van duisende mense in Zimbabwe.

“Nestlé se aankoop van sowat 1-miljoen liter melk van dié plaas wat Grace Mugabe onder verdagte omstandighede “bekom” het, is ’n miskenning van die basiese menseregte van elke Zimbabwiër wie se bloed gevloei het, en steeds vloei aan die hand van Mugabe se brutale veiligheidsmagte en vigilante groepe,” het Kriel gesê.

Nestlé is volgens Kriel ŉ verskoning aan die mense van Zimbabwe verskuldig.

silver wedding jewelry sets

Izak de Villiers oorlede

Bekende leraar, skrywer, bekroonde digter en oudredakteur van Sarie en Rapport, Izak de Villiers, 73, is gister in die vroeë oggendure in sy huis in Johannesburg oorlede.

Hy is vroeër vandeesmaand met motorneuronsiekte gediagnoseer, nadat hy die afgelope twee jaar siek was.

De Villiers word oorleef deur sy vrou Rina en twee seuns, Louis en Jacques, asook ’n dogter, Chérie, en twee kleinkinders. Louis is ‘n bekende rugbyjoernalis.

Begrafnisreëlings is nog nie bekend nie, maar ’n gedenkdiens sal na verwagting Vrydag uit die NG gemeente Aasvoëlkop in Northcliff gehou word.

косметика для детей Фильчаков прокурор

Volksvergadering te Vegkop dié naweek

Die Boere-Afrikanervryheidsinisiatief het ‘n volksvergadering vir die komende naweek by die Vegkopfeesterrein naby Heilbron belê. Volgens die organiseerders het hulle gedurende die afgelope twee maande honderde duisende Afrikaners deur middel van pamflette, radio-uitsendings en die internet uitgenooi na die volksvergadering wat oor die naweek van 25 tot 27 September by Vegkop naby Heilbron in die Vrystaat sal plaasvind. Die vergadering word gehou om konsensus te bereik oor ‘n strategie vir die herstel van die vryheid van ons volk en dit vind plaas onder die tema “Soewereiniteit binne Gelofteverband”. Volledige besonderhede oor die program is te siene by volksvergadering.co.za.

VF+ wil met plaaslike ANC oor ‘Pretoria’ praat

Die Vryheidsfront Plus het uitsprake van die plaaslike ANC in Pretoria verwelkom waarin hulle erken het dat die naam van die hoofstad Pretoria is.

Die voorsitter van die ANC se Tshwane-distrik, Sputla Ramokgopa, het aangedui dat Pretoria se naam nie sonder meer verander sal word nie.

Volgens dr. Conrad Beyers, VF Plus-raadslid, is hierdie ‘n oorwinning vir Pretorianers en ‘n wekroep dat druk verder verskerp moet word om die naam van die stad te beskerm.

“Die plaaslike ANC is onder druk vanweë die stad se finansiële krisis en hulle eie ondersteuners maak dit aan hulle duidelik dat hulle dienslewering soek, nie naamsveranderinge nie. Die plaaslike ANC is duidelik verdeeld oor die naamkwessie,” het Beyers gesê.

Die VF Plus het die ANC-beheerde metroraad vroeër daarvan beskuldig dat die raad probeer om aandag af te lei van die finansiële krisis waarin hulle die stad gedompel het, nadat die metroraad die VF Plus voor die hof gedaag het om toestemming te kry om naamborde wat slegs die naam ‘Tshwane’ bevat, op te rig.

Die VF Plus het gesê dat hy in gesprek wil tree met die plaaslike leierskap van die ANC oor ‘n moontlike finale oplossing vir die naamkwessie. “Ons glo dat ‘n permanente oplossing moontlik is waarmee alle inwoners in die stad tevrede sal wees. Pretoria het die geleentheid om ‘n voorbeeld te stel oor hoe sensitiewe sake soos hierdie hanteer behoort te word.”

mositaldent.ru topcargo

Nuwe hofsaak oor Pretoria-naam

Die Vryheidsfront Plus het gesê dat die party die Tshwane-metroraad se nuutste poging om eensydig die naam van Pretoria na Tshwane te herdoop, met alles in sy vermoë sal beveg.

Dit volg nadat hofstukke afgelewer is waarin die Tshwane-metroraad die Vryheidsfront Plus, AfriForum en dr. Conrad Beyers voor die hof daag ten einde toestemming te kry om naamborde met die naam “City of Tshwane” in en om Pretoria op te rig. Volgens die hofstukke sal die saak op die 6de Oktober voor die Noord-Gautengse Hooggeregshof kom.

Einde 2007 het die VF Plus, AfriForum en Beyers ‘n interdik teen die metroraad verkry wat hulle verbied het om naamborde wat na Pretoria as Tshwane verwys, op te rig. Die metroraad het nou ‘n nuwe aansoek gebring in ‘n poging om die interdik te omseil.

Volgens dr. Conrad Beyers, VF Plus-raadslid in die metroraad, is hierdie ‘n verdere bewys dat die plaaslike ANC geensins belangstel om in ‘n gees van versoening op te tree nie. Hierdie is die ANC se oudste truuk: Om die aandag af te lei van die finansiële ramp wat hulle vir die hoofstad geskep het, wend hulle hul tot naamsveranderinge.

“Die plaaslike ANC se vyandige optrede teenoor Afrikaners se erfenis druis lynreg in teenoor pres. Zuma se toenaderende houding teenoor Afrikaners. Die Vryheidsfront Plus het al by verskeie geleenthede gesê dat die party oop is vir ‘n kompromie oor die naamkwessie, maar dit is duidelik dat die plaaslike ANC die roete van openlike konfrontasie verkies,” het Beyers gesê.

Volgens Beyers besef die VF Plus dat voorbereidings vir die 2010 Fifa-Wêreldbeker getref moet word en dat naamborde aangebring moet word. “Die VF Plus wil ook so gou moontlik hê dat naamborde opgerig moet word by die stad se ingange. Maar die naam wat daarop moet staan is Pretoria.”

Die VF Plus sal in konsultasie met sy regspan binnekort verdere aksie bekendmaak.

Данильченко Харьков

ANC teiken Afrikaners by Pretoria laerskool

Die burgerregte inisiatief, AfriForum, is deur ouers en onderwysers van die Laerskool Booysens in Pretoria versoek om hulle by te staan om ŉ anti-Afrikaanse aanslag teen die onlangs verkose beheerliggaam van die skool af te weer.

Dit volg nadat ŉ veldtog sedert 20 Junie deur ŉ handjievol “besorgde ouers” onder leiding van ŉ ouer, ene mnr. MacDonald Keswa teen die uitslag van die beheerliggaamverkiesing, ontaard het in ŉ anti-Afrikaanse veldtog.

ŉ Pamflet aan ouers wat verlede week onder leerders by die plaaslike taxi-staanplek versprei is, trek te velde teen wit en Afrikaanssprekende onderwysers by die skool, en roep ouers op om op 19 September 2009 aan ŉ herverkiesing deel te neem wat deur die provinsiale onderwysdepartement afgedwing is.

Die pamflet beweer onder meer dat wit onderwysers by die laerskool nie oor die nodige kwalifikasies beskik om skool te hou nie en dat onderwysers wat aan Afrikaanse kolleges gestudeer het, ŉ gebrekkige taalvaardigheid in Engels het.

Bekommerde ouers het AfriForum om regsadvies genader, aangesien die Gautengse Onderwysdepartement ŉ gevaarlike presedent geskep het deur ŉ herverkiesing af te dwing waar die uitslag nie ŉ minderheid aktivistiese ouers pas nie.

AfriForum se regsverteenwoordiger, Willie Spies, het in reaksie gesê dit sal bitter jammer wees as herverkiesings die norm raak vir skoolbeheerliggame wat nie onder ANC-gesindes se beheer land nie. Dit het vroeër vanjaar bekend geraak dat die onderwysvakbond, Sadou, aktief gaan probeer om beheerliggaamverkiesings in voormalige model C-skole te manipuleer.

AfriForum sal die herverkiesing op 19 September 2009 noukeurig monitor en indien nodig, met regsoptrede ingryp om te verseker dat die demokrasie nie verder deur onderwysamptenare en ANC-aktiviste ondermyn word nie.

Toestand by UP ‘uiters ernstig en gevaarlik’

Administrasiegebou van die Universiteit van Pretoria

Die Universiteit van Pretoria (UP) het laat Maandagnag ’n interdik teen die Student Front, SF, (bestaande uit vier studenteorganisasies naamlik die ANC-jeugliga, SA Students Congress, die Pan African Students Movement en die Jong Kommuniste-liga) gekry, waarvolgens hulle verhoed word om verdere protesoptrede op die UP-kampus te hou.

Regter M W Msimeki het die dringende interin interdik toegestaan en daarvolgens mag die studente van die SF nie personeel, medestudente of besoekers aanval, molesteer, intimideer of teister nie.

Hulle mag ook nie aan ontwrigtende gedrag deel hê nie en dit ook nie aanstig nie. Verder word die SF daarvan verhoed om eiendom van die universiteit te verniel, verwoes, misbruik of te vervreem. Die goeie naam van die instelling, administrasie en dissipline moet gehandhaaf word, het die regter gelas.

Hy het ook die Vryheidsfront Plus gelas om nie in die UP se dissiplinêre en veiligheidsaangeleenthede in te meng om te verhoed dat die SF hulle skuldig maak aan wangedrag nie

AfriForum Jeug het sy kommer uitgespreek oor die feit dat daar nog geen dissiplinêre stappe teen enige studente of organisasies wat hulle verlede week (op 8 September) aan onwettige protesoptrede, vandalisme en aanranding skuldig gemaak het, geneem is nie. Dit, ten spyte van die feit dat AfriForum Jeug reeds verlede week (op 10 September) ’n amptelike klag teen die betrokke studente en organisasies by die waarnemende rektor, professor Chris de Beer, ingedien het.

AfriForum Jeug het ook kennis geneem van die feit dat die bogenoemde organisasies verlede week aangedui het dat hulle met die universiteitsowerhede in gesprek wil tree oor hulle versoeke, op voorwaarde dat geen dissiplinêre stappe teen hulle geneem word nie. Na afloop van dié versoek het die universiteitsowerhede wel met die studente in gesprek getree en daar is geen aanduiding dat voortgegaan sal word met dissiplinêre stappe nie.

Die nasionale voorsitter van AfriForum Jeug, Ernst Roets, het gesê dat die UP se versuim om met dissiplinêre stappe voort te gaan, op growwe diskriminasie en onkonsekwentheid sal neerkom. “In die verlede is Afrikaanse studente al summier geskors vir baie geringer oortredings.”

Roets het aangedui dat professor De Beer op AfriForum Jeug se klag reageer het met ’n kennis van ontvangs en ’n aanduiding dat die saak na die registrateur verwys word. Geen verdere stappe is egter geneem nie.

Registrateur Nicolaas Grove sê die kruks van die saak is dat die SF nie redelike fooie vir dienste wil betaal nie en nie hou by die reëls wat die behoorlike werking van die universiteit verseker nie.

Die SF het Maandag tydens 'n vergadering gedreig dat hulle die UP onregeerbaar sal maak indien daar dissiplinêre stappe teen studente geneem word.

Grove sê die situasie is "uiters ernstig en gevaarlik". Studente skryf trans semestertoetse. Hy vrees ook dat daar polarisasie tussen die studente van die VF Plus en die SF kan wees wat tot geweld kan lei. пылесос

Karate Kallie eersdaags op die silwerdoek

Karate Kallie, ‘n nuwe Afrikaanse rolprent, word landswyd vrygestel op 18 September 2009. Die verhaal: Die koddige 17-jarige Kallie raak smoorverlief raak op die venynige skoolboelie se sussie.

Temas soos liefde, onderdrukking, trots en respek is weereens die stapeldieet. Charl Groenewald, die uitvoerende vervaardiger meen dít is hoekom so ‘n verskeidenheid mense sal aanklank vind by die rolprent.

”Karate Kallie – Die Hele Movie” vertoon Wynand van Vollenstee as Kallie en Mike Smuts as sy ouer broer, Mike. Leani Lerm speel Annetjie, die dame wat sy hart steel en Petrus Harmse vertolk die rol van die gehate skoolboelie, Fritz. Verder spog die fliek ook met ou gunstelinge soos Marga van Rooy, Ben Kruger, Henrietta Gryffenberg, Marhette van Huyssteen en Richard van der Westhuizen.

Karatekenner, Soon Pretorius maak sy verskyning as homself.

Skrywer/regisseur Wimpie van der Merwe het in 2006 cum laude gegradueer met ‘n B-Tech graad in Draaiboekskryf en Regie by TUT. Karate Kallie is sy eerste vollengte rolprent.

Die rolprent is gebasseer op ‘n kort film wat al ietwat van ‘n kultus status bereik het sedert dit vanaf 2007 gereeld op M-Net vertoon. Die kort film het al verskeie toekennings verwerf by rolprentfeeste en het al selfs so ver en wyd versprei as die DRC, Tanzania en Afghanistan.

Zille s? US moet Afrikaans bly

Die Universiteit van Stellenbosch voorsien in die behoefte van die mense van die Wes-Kaap waar die meeste inwoners Afrikaanssprekend is,” sê Helen Zille, DA-leier en Wes-Kaapse premier.

Sy het Dinsdag by ’n nuuskonferensie saam met dr. Wilmot James, die DA se skaduminister van hoër onderwys, die party se beleidsdokument oor hoër onderwys en opleiding bekend gestel.

Sy het gesê dat die US die groot getal Afrikaanssprekende studente wat uit voorheen benadeelde gemeenskappe kom moet opneem en aan hulle akademiese opleiding moet gee.

Dit sal onaanvaarbeer wees as 'n Afrikaanssprekende student by die Universiteit van die Witwatersrand, waar die onderrigtaal Engels is, aandring om in Afrikaans onderrig te word, sê Zille.

“Behoort Engelse studente by elke universiteit in die land daarop aan te dring om onderrig in Engels te kry? Nee.”

“Die mees uitnemende universiteite in die wêreld is dié waar daar geen inmenging is nie,” het James gesê. Die DA het die belang van akademiese vryheid en onafhanklikheid van inmenging onderstreep en dit sluit reg tot die keuse van die medium van onderrig in.

pearl wedding accessories Лобановский

Nou val Jonathan Jansen die Christene aan

Jansen… skriflesing en gebed gee aanstoot

Nadat die nuwe kleurlingrektor van die Vrystaatse Universiteit, Jonathan Jansen, in die openbaar verklaar het dat hy "kak oor kultuurverskille" wil hoor nie en ook nie meer enkelmedium-Afrikaanse klasse gaan duld nie, het tans hy skriflesing en gebed in sy visier.

Jansen wil 'n multigeloofkultuur op die kampus invoer. In 'n omsendbrief wat vandeesweek onder personeel versprei is en op die universiteit se intranet besigtig kan word, sê Jansen: "Ons is nie 'n privaat godsdienstige universiteit nie en kan gevolglik nie 'n plek wees wat Christengebruike by vergaderings van 'n openbare universiteit handhaaf nie. Verder, in die dae en jare vorentoe, gaan al hoe meer personeel en studente van 'n wye omvang van geloofstelsels kom, en 'n openbare universiteit behoort nie slegs een sodanige uitdrukking van geloof te onderskryf nie."

Jansen meen ook dat die Christelik geloof "grootmoedig in die aanvaarding van ander gelowe behoort te wees, en dat die gebruik van 'n universiteitsverhoog om 'n mens se geloof uit te druk en te bevorder die Christelike geloof 'n onguns bewys".

Die nuwe rektor se volgehoue veldtog om die Universiteit van die Vrystaat van sy voorheen Afrikaanse en Christelike karakter te ontneem, sluit ook die verandering van koshuis- en ander tradisies in, wat in 'n vorige omsendbrief aan personeel ter sprake gekom het.

Hier volg albei omsendbriewe:

Maandag Bulletin, 31 Augustus 2009

Een van die mees sensitiewe vraagstukke wat 'n openbare universiteit in Suid-Afrika in die gesig staar, is of ons amptelike universiteitsvergaderings met Christelike skriflesing en gebed behoort te open. Aangesien baie persone op ons kampus Christengelowiges is, is dit natuurlik moeilik om sonder heelwat emosie en kommer onder personeel en studente so 'n gesprek aan die gang te sit.

Party sal redeneer dat 'n universiteit 'n plek is wat los van 'n spesifieke geloof of geloofstelsel staan, aangesien die universiteit presies dit is – 'n universiteit, wat gevolglik nie slegs die reg en vryheid van alle gelowe onderskryf nie, maar ook aanvaar – Christen, Moslem, Hindoe, Joods – om op die kampus geakkommodeer te word, insluitend almal wat die keuse uitoefen om nie te glo nie.

Met hierdie in gedagte, moet ons die volgende onthou: ons is nie 'n privaat godsdienstige universiteit nie en kan gevolglik nie 'n plek wees wat Christengebruike by vergaderings van 'n openbare universiteit handhaaf nie. Verder, in die dae en jare vorentoe, gaan al hoe meer personeel en studente van 'n wye omvang van geloofstelsels kom, en 'n openbare universiteit behoort nie slegs een sodanige uitdrukking van geloof te onderskryf nie.

Daar bestaan ook die standpunt dat die Christengeloof (en enige ander geloof) grootmoedig in die aanvaarding van ander gelowe behoort te wees, en dat die gebruik van 'n universiteitsverhoog om 'n mens se geloof uit te druk en te bevorder die Christelike geloof 'n onguns bewys.

So hier is my vraag: Wat dink jy behoort ons te doen?

Maandag Bulletin, 24 Augustus 2009

Een van die algemeenste bekommernisse wat tydens baie van my vergaderings in die koshuise sowel as die inloop-vergaderings elke oggend in my kantoor deur studente gelug word, is die vraag oor tradisies. Studente is bekommerd dat dekade-oue tradisies mag verdwyn as gevolg van die veranderinge wat ons vir ons kampus en die koshuise beplan. Waar staan die Rektor in terme van tradisies, word ek dikwels gevra?

Ek hou van tradisies. Tradisies bind ons saam as 'n universiteitsgemeenskap en laat positiewe gedagtes en goeie herinneringe in ons geheue oor ons tyd by die universiteit. Tradisies onderskei ons van ander instellings en gee blywende betekenis aan kampuslewe.

Maar nie al ons tradisies is opbouend en eerbiedig teenoor ander studente en personeel nie. Tradisies wat ander verneder, of aandring op verskillende reëls vir een groep mense bo 'n ander is nie van pas in 'n menseregtekultuur nie. Ons eerstejaarstudente moet met respek en opbouend as mense en as nuwelinge by ons universiteit behandel word. Ons gedrag moet verder erken dat tradisies wat vir een groep studente betekenis het, of 20 jaar van pas was, nie vandag dieselfde betekenis vir ons baie diverse groep studente mag hê nie.

Ons moet ons beste tradisies behou, ons slegte tradisies verwerp en nuwe tradisies bou.

So, hier is my vraag: watter tradisies moet behou word, watter tradisies moet afgeskaf word, en watter nuwe tradisies moet oorweeg word?

Praat met my.

99spravok.ru

Daar is blykbaar kultuurverskille

AfriForum Jeug dreig om regsaksie te neem, sou die VSR voortgaan om te weier dat AfriForum Jeug se tak op UJ geregistreer word.

Dit volg nadat UJ se VSR geweier het dat studente ’n AfriForum Jeug-tak by dié universiteit registreer, omdat AfriForum Jeug ’n Afrikaanse organisasie is en omdat die ANC Jeugliga volgens hulle die enigste “burgerregte-organisasie” is wat by UJ mag registreer.

Afrikaanse studente probeer nou al sedert die begin van die jaar om ’n AfriForum Jeug-tak by UJ te registreer, maar daar word elke keer stappe deur die VSR geneem om te verhoed dat die tak geregistreer word.

Daar is pertinent vir die studente gesê dat AfriForum Jeug nie geregistreer mag word nie, omdat AfriForum Jeug ’n pro-Afrikaanse organisasie, met ’n Afrikaanse grondwet is.

Daar is ook ’n aantal prosedurevereistes gestel wat sogenaamd nagekom moet word voordat AfriForum Jeug op die kampus mag registreer, maar dit het geblyk dat hierdie vereistes nie op skrif is nie en dat dit nie vir ander organisasies geld nie.

AfriForum Jeug se Nasionale Voorsitter, Ernst Roets, het gesê dat hulle nie sal toelaat dat daar verder teen Afrikaanse studente by UJ gediskrimineer word nie.

“Die feit dat daar so teen ons gediskrimineer word, is juis die rede waarom dit so belangrik is dat ons op UJ moet registreer,” het Roets bygevoeg. “Die kultuur van diskriminasie en swak dienslewering op die kampus moet nou gebreek word.”

Kovsie-studenteleiers looi vir Jansen

Jansen… veroorsaak integrasiekonsternasie aan die UVS

Die VF Plus het heftig op die onlangse uitsprake by ‘n nuuskonferensie in Johannesburg deur prof. Jonathan Jansen, Rektor van die Universiteit van die Vrystaat, gereageer.

“Prof. Jansen het twee weke gelede voor ‘n groep voornemende studente beloftes gemaak; onder andere dat daar volgende jaar eerstejaarskoshuise sal wees,” het Wouter Wessels, leier van die VF+Kovsies gesê. Wessels het bygevoeg dat die Rektor nie hierdie besluite op sy eie kan neem nie en dat die UV se Raad dit eers moet goedkeur. Die VF+Kovsies moedig die Raad aan om hierdie besluite nugter te neem en die gevolge daarvan in ag te neem.

Die feit dat prof. Jansen se oplossing vir die probleme wat daar met betrekking tot die huidige integrasiebeleid aan die UV bestaan, is om eerstejaarskoshuise te implementeer, is kommerwekkend. “Die vraag wat ontstaan is, watter van die bestaande koshuise gaan na eerstejaarskoshuise omgeskakel word? Prof. Jansen is besig om onnodige paniek en verwarring onder studente te veroorsaak,” het Wessels gesê.

Die UV het ‘n dringende tekort aan verblyf en dus moet die UV-bestuur eerder daarop fokus om nuwe koshuise te bou en dan van hierdie koshuise as eerstejaarskoshuise in te rig en sodoende aan voornemende studente ‘n wye keuse van verblyf verskaf.

“Dit is ook belangrik om daarop te let dat die ‘tradisioneel wit’ koshuise almal volgens die integrasiebeleid geïntegreer is. Dit is onverantwoordelik van prof. Jansen om nou na die kampus as ‘n instelling van ‘apartheid’ te verwys,” het Wessels gesê.

Prof. Jansen maak ook ander beloftes, soos dat elke eerstejaar ‘n skootrekenaar gaan ontvang en ‘n semester in die buiteland gaan studeer. “Die UV het baie ander finansiële behoeftes en daar moet eerder aan finansiële steun aan degeregistreerde studente, nagraadse kursusse en die opgradering van fasiliteite aandag geskenk word,” meen Wessels.

Die VF+Kovsies versoek die Rektor om studente se belange en menings in ag te neem. Die studente wat tans in koshuise woon, het ook regte en dit moet gerespekteer word. “Die UV-bestuur moet probleme bestuur en nie slegs probleemareas onder die mat probeer vee nie,” het Wessels bygevoeg.

wedding hair bands and tiaras топкарго

‘Ek wil nie kak hoor van kulturele verskille nie’

Prof. Jonathan Jansen het Donderdag by ’n mediakonferensie in Johannesburg gesê die Universiteit van die Vrystaat (UV) sal van volgende jaar af eerstejaarkoshuise dwing om te transformeer.

“En ek wil nie kak hoor van kulturele verskille nie,” het hy gesê.

Die koshuise sal 50% wit en 50% swart wees en na verwagting sal 'n raadsbesluit binnekort hieroor geneem word. Ontgroening gaan ook afgeskaf word.

Volgens Jansen is die UV steeds een van die mees gesegregeerde kampusse en die verskillende rasgroepe meng nie na wense nie.

Jansen het aangedui dat hy graag die verandering teen ’n baie vinnige tempo wil sien gebeur en dat hy nie nog ’n jaar van "apartheid" gaan duld nie.

Nie net eerstejaars nie, maar meer senior studente gaan ook onder dwang van die universiteitsowerheid integreer, volgens die nuwe rektor.

Jansen het gesê hy, as leiersfiguur, tree in belang van die universiteit en die land op en bygevoeg dat studente wat nie daarmee gediend is nie, 'n ander heenkome kan soek.

Hy het ook gesê dat Afrikaanse en Engelse klasse tot segregasie bydra en voorgestel dat studente albei klasse bywoon.

Van dosente sal verwag word om vlot in albei tale te wees.

лайт люстры

Kundigheid kan Pretoria se finansies herstel

Conrad Beyers

Die Vryheidsfront Plus het in ‘n verklaring gesê dat die party oor die vermoë en strategiese kontakte beskik om die Tshwane-metroraad se geldsake te help herstel, indien die party die geleentheid gegun word.

Die VF Plus het gesê dat langtermyn-oplossings, eerder as korttermyn-krisisbestuur, benodig word om finansiële vertroue in die metroraad te herstel.

Volgens dr. Conrad Beyers, VF Plus-raadslid, is die metroraad se huidige finansiële verknorsing te wyte aan swak bestuur en ‘n afwesigheid van toekomsbeplanning, wat die gevolg is van ‘n ernstige tekort aan kundigheid in die metroraad se finansiële department.

“Die VF Plus bied aan om die nodige kundigheid te help mobiliseer ten einde die stad op finansiële gebied te red. Ons het ‘n keuse – ons kan aanhou histeries skree en gil sonder enige resultate en soos die DA hoop dat alles in duie stort. As die stad egter in duie stort, sit almal sonder water en ligte. Of ons kan probeer red wat te redde is,” het Beyers gesê.

Die VF Plus het gesê die verhoging van die stadsraad se oortrokke fasiliteit vanaf R500 miljoen tot R1.2 miljard is onverantwoordelik vanweë die risiko’s daaraan verbonde.

Volgens Beyers is dit onhoudbaar dat enige instansie se oortrokke fasiliteit byna 10% van die totale begroting uitmaak. Buiten die hoë koste van sulke korttermyn-finansiering is daar groot risiko’s aan verbonde. Indien die finansierders bekommerd raak oor die sekuriteit van hulle fondse, kan hulle eis dat oortrokke skuld onmiddellik terugbetaal word. Gevolglike beslaglegging op die munisipaliteit se kontant kan tot ‘n totale ineenstorting lei.

Die VF Plus is tans in gesprek met verskeie organisasies wat oor die vermoë beskik om finansiële kundigheid te mobiliseer. Die VF Plus self beskik oor mense met sterk agtergrond in finansiële bestuur en aktuariële wetenskap.

Die VF Plus beskik oor ‘n databasis van kundiges wat opgebou is tydens die party se SA Talent-veldtog waarmee die party poog om kundigheid na die staatsdiens terug te bring. Die VF Plus het ook organisasies soos die Afrikanerbond, die Pretoria Sakekamer, die Afrikaanse Handelsinstituut asook ander professionele liggame geïdentifiseer wat hiertoe ‘n bydrae kan maak.

By Donderdag 27 Augustus se raadsvergadering sal die VF Plus die voorstelle ter tafel lê.