Suid-Afrikaanse nuus, d.w.s. sowel nuus uit Suid-Afrika én Suider-Afrika.
Roelof Hattingh (39) was Saterdagmiddag besig met ‘n solo-sprong toe die voorval gebeur het, het Mark Bellingan, woordvoerder van die vereniging, in ‘n verklaring gesê.
Hattingh se valskerm het doelmatig oopgemaak, maar het wegbeweeg van die landingsgebied.
Hy het ernstige beserings opgedoen. Die oorsaak van sy dood is nog onbekend.
Die raad se ampstermyn verstryk aan die einde van Mei. Benoemings vir raadslede moes teen die einde van Maart afgehandel word.
Andile Lungisa, voorsitter van Nyda, Steven Ngubeni, die uitvoerende hoof en Magdalene Moonsamy, die hoofbestuursbeampte, almal Malema-ondersteuners, sal na verwagting uit die raad geskop word, het die koerant berig.
Altesaam 23 kandidate het die kortlys vir die raad gehaal.
Name van Zuma-ondersteuners kan dalk wel op die lys verskyn, het dié weekblad berig. Daar is sewe posisies op die raad beskikbaar.
Magdalene Moonsamy, woordvoerder vir die ANC-jeugliga, het navrae na Nyda verwys. Moonsamy het die navrae na Lungisa verwys, wat nie beskikbaar was vir kommentaar nie.
“Cosatu is nie verras deur Zille se opmerkings by die Universiteit van Stellenbosch nie. Sy maak nou al ‘n ruk lank die vreemdste en mees verbasende stellings. Vir sommige daarvan moes sy reeds om verskoning vra,” het Tony Ehrenreich, Wes-Kaapse sekretaris van Cosatu, gesê.
“Ons raak toenemend bekommerd oor die onstabiliteit en roekeloosheid van die premier en leier van die DA.”
Hy het in ‘n verklaring gesê haar opmerkings oor Cosatu was “onakkuraat en misleidend”.
“Pleks daarvan om hier in detail te antwoord… sal ek graag ‘n openbare debat met die premier wou voer oor die kwessies wat sy opgehaal het,” het Ehrenreich gesê.
“Ons het al hierdie uitdaging voor die Stellenbosch-gebeurtenis aan die DA gerig, maar die DA wou dit nie aanvaar nie. Ek skat dit is makliker om wilde bewerings te maak as jy nie hoef te antwoord op die feite nie.”
Zille het Dinsdag aan studente by die universiteit gesê Cosatu probeer “konkel” omdat hulle ambisieus is.
Sy het gesê Suid-Afrikaners het nodig om deur Cosatu te kan sien, aangesien dit “werklose mense weg van werke en ekonomiese geleenthede wil hou, om sy magsbasis te beskerm”.
“Soos die interne stryd in die ANC warm word, en Cosatu konkel vir meer mag, het hy homself op ‘n slim wyse probeer kleur as die ‘interne opposisie’ binne die drieparty-alliansie,” het Zille gesê.
“Dit is duidelik dat Zwelinzima Vavi [sekretaris-generaal van Cosatu] betrokke is by ‘n veldtog om vir homself ‘n magsbasis te skep, van waar hy sal probeer om die alliansie te wen by die ANC se 2017-konferensie.”
Sy het gesê as Vavi die land wil bestuur, moet hy “sy naam op die stembrief sit en staan vir verkiesing”.
Cosatu het vroeër gesê hy sal nie deelneem aan die Wes-Kaap se Ekonomiese Ontwikkelingsvennootskap (EOV) nie.
“Cosatu is, vreemd genoeg, die enigste organisasie in die hele provinsie wat weier om by die proses betrokke te raak, sedert dit in Maart 2011 begin het,” het sy luidens berigte gesê.
Patrick Craven, nasionale woordvoerder van Cosatu, het Zille se opmerkings later as “verspot en lasterlik” beskryf.
Hy het gesê haar “uitbarsting” is gemotiveer deur jaloesie op Cosatu se vermoë om miljoene Suid-Afrikaners van alle rasse in sy veldtogte te mobiliseer.
Ehrenreich het gesê Zille was “oneerlik” oor die EOV.
“Die EOV is gestruktureer op ‘n manier wat die premier se grootste swakheid beskerm: om nie op ‘n konstruktiewe wyse te kan omgaan met persone en organisasies wat nie haar standpunte deel nie,” het hy gesê.
“Die R2 miljoen wat tot dusver op die EOV-proses spandeer is, is ‘n buitengewone koste wat weereens werke vir DA-vriende geskep het.”
Outa het ‘n aansoek voor die hof gebring vir ‘n dringende interdik om die e-tolstelsel in Gauteng te staak. Die hof het die interdik toegestaan.
Dit beteken nie die e-tolstelsel kan nie voortgaan nie. Dit beteken slegs dat ‘n volledige verhoor oor die stelsel gehou sal moet word.
Outa, die vakbond Cosatu en die Demokratiese Alliansie het vandeesweek alles probeer om die implementering van die stelsel te staak.
Cosatu beplan volgende Maandag ‘n optog teen die e-tolstelsel.
Vincent Maleka, regsverteenwoordiger van die minister van vervoer en die Gautengse LUR vir vervoer, het Dinsdag aan die hof gesê Outa is nie geregtig op nóg ‘n uitstel van die e-tolstelsel nie.
Dié stelsel is sedert April 2011 vier keer uitgestel.
Outa het Dinsdag aangevoer die Suid-Afrikaanse Nasionale Padagentskap (Sanral) is nie gereed om voort te gaan met die e-tolstelsel op Gauteng se paaie nie, omdat geen voorsiening gemaak is om die openbarevervoer-sektor by die tariefstruktuur uit te sluit nie.
Sanral en die tesourie het gesê die hofsaak is vier jaar te laat en het Outa daarvan beskuldig dat hy tot die laaste nippertjie gewag het om hulle tot die hof te wend.
‘n Blanke man, Eben Meyer (47) van Kaapstad, is volgens wat Die Burger berig, in aanhouding doodgemaak deur swartes sonder dat die polisielede aan diens ‘n vinger gelig het om hom te help.
Meyer, wat vir dronkenskap opgesluit is, is in die Durbanville-polisieselle aangehou saam met agt ander mense. Hy het glo tevergeefs om hulp geroep en aan die tralies gepluk om die aandag te trek van die polisiebeamptes wat aan diens was.
Sy bebloede lyk, voos geskop en geslaan, is Saterdag kort ná 02:00 op ‘n bloedbevlekte matras aangetref in ‘n hoek van die sel. Twee swartes is intussen aangekla van moord en sal weer op 10 Mei in Belville se landdroshof veskyn.
Meyer het blykbaar by ‘n kroeg gekuier en te veel gedrink nadat hy in ‘n stryery met sy verloofde betrokke was.
‘n Getuie, wat gevra het om anoniem te bly, het gesê hy was ook Vrydagaand in die polisieselle opgesluit. Die vyf polisiebeamptes in die aanklagkantoor het gemaak asof hulle nie die hulpkrete, sowat 10m daarvandaan en reg by die aanklagkantoor, hoor nie.
Bloedstrepe op die pad en aan die bestuurdersitplek se deur van Bergh se ligte vragmotor, asook koeëlgate deur die deur, getuig van die gewapende rooftog Vrydag by ‘n slaghuis in Eros, Windhoek
Dit is ‘n wonderwerk dat Bergh nog leef nadat hy tydens ‘n gewapende roof geskiet is, meen familie en medici. Bergh is tans in ‘n stabiele, maar ernstige toestand in die intensiewesorgeenheid van ‘n hospitaal in Windhoek.
Bergh boer op die plaas Maramba naby Leonardville en het ook ‘n slaghuis op die plaas van waar hy verwerkte vleisprodukte soos biltong en droëwors aan verskeie slaghuise lewer. Hy is getroud met ‘n 12-jarige dogter en vyfjarige seuntjie.
Op Republikein se Facebook-blad het meer as honderd lesers kommentaar oor die skokvoorval gelewer, veral omdat dit in dieselfde week as die moord op mnr. Piet van Helsdingen (49), ook van die Gobabis-distrik, plaasgevind het.
In ‘n nuusbrief sê die organisasie hy is geskok deur die moorde van mnre. Louis Vorster en Piet van Helsdingen.
Vorster, ‘n boer van die distrik Gobabis, is by ‘n vulstasie in Johannesburg deur drie gewapende mans doodgeskiet. Van Helsdingen is verlede week deur ‘n tydelike werker op sy plaas vermoor.
Waarskuwingsborde gaan by Noordhoek-strand naby Kaapstad opgerig word om besoekers te waarsku oor roof en ander misdaad in die gebied, is Dinsdag berig.
Die kennisgewingborde kom nadat minstens agt mense in aparte voorvalle sedert Februarie by die strand beroof is, het die Cape Times berig.
Dan Plato, die LUR vir gemeenskapsveiligheid, sê toeriste is die sagte teikens.
“Spesifiek toeriste ken nie die gevare van die omgewing nie. Wat ons sal moet doen is om kennisgewingborde op te rig wat sê: ‘Loop slegs in hierdie aangewese dele’ of ‘Moet asseblief nie verby hierdie punt gaan nie’,” het hy gesê.
Plato kyk ook na die moontlikheid van vierwielmotorfiets-patrollies, maar sê dit sal nie die misdaadprobleem heeltemal oplos nie.
“Aanvalle vind byna enige tyd van die dag plaas. As misdadigers wil toeslaan, slaan hulle toe.”
“In die mees onlangse voorval is ‘n pa en dogter Saterdag deur ‘n man gewapen met ‘n mes, aangeval. Die pa is in die regterbeen gesteek en ‘n selfoon en ring is gesteel.”
Merle Collins, woordvoerder van die Tafelberg Nasionale Park, het mense gewaarsku om in groepe van vier of meer te loop en om nie waardevolle items by hulle te dra nie.
“Met verwysing na die huidige dissiplinêre verhoor, bevestig die NDK (Nasionale Dissiplinêre Komitee van appèl) die sanksie wat deur die NTK (Nasionale Tugkomitee) opgelê is dat die appellant permanent uit die ANC geskors moet word,” is in ‘n verklaring gesê.
Die sanksie is in November opgelê nadat Malema verdeeldheid in die party gesaai en die party in oneer gebring het.
Die stap kom nadat Malema president Jacob Zuma se leierskapstyl teenoor dié van oudpresident Thabo Mbeki krities vergelyk het, asook oor opmerkings wat hy gemaak het oor ‘n bewindsverandering in Botswana.
Die NDK-beslissing beteken Malema is nie meer president van die ANC-Jeugliga nie.
Die NDK het ook die appèl van Floyd Shivambu, woordvoerder van die ANC-Jeugliga, verwerp. Sy skorsing uit die ANC is egter nie tot vyf jaar verhoog nie, maar is tot drie jaar verminder.
Die NDK het ook die appèl van Sindiso Magaqa, sekretaris-generaal van die ANCJL, verwerp.
“Die appellant se ANC-lidmaatskap is vir ‘n tydperk van een jaar opgeskort, wat met onmiddellike effek geld,” het die verklaring gelui.
Kanselier van die nasionale ordes Cassius Lubisi het die lys Maandag aangekondig.
“Dit is gewoonlik hierdie tyd van die jaar dat die president van die Republiek van Suid-Afrika die hoogste toekennings aan burgers en lede van die internasionale gemeenskap wat buitengewone bydraes tot ons land en die wêreld gemaak het, uitdeel,” het hy in ‘n verklaring gesê.
Dit bestaan uit die Orde van Mendi vir Dapperheid, die Orde van Ikhamanga, die Orde van die Kremetart, die Orde van Luthuli, die Orde van Mapungubwe en die Orde van die Metgeselle van OR Tambo.
Neil John Sharrocks sal die silwer Orde van Mendi ontvang nadat hy gehelp het om die lewens van 44 kinders wat byna verdrink toe hul bus in ‘n rivier in Knysna geval het, in 2011 te red.
Michael Janse van Rensburg sal ‘n postuum die goud orde ontvang nadat hy verdrink het terwyl hy ‘n 14-jarige seun in Klerksdorp in 2010 van verdrinking gered het.
Plaaslike danser en choreograaf, Gladys Geloof Agulhas, musikant Johnny Clegg, skrywer en dramaturg Muthal Naidoo, Joseph Nong Thloloe, ‘n joernalis, en voormalige rugbyspeler en aktivis Daniel “Cheeky” Watson sal die silwer Orde van Ikhamanga ontvang.
Die goue orde sal gaan na musikant Julian Sebothane Bahula en regsprofessor Christopher John Robert Dugard. Professor van ingenieurswese Daniel Gerhardus Krige sal ‘n silwer toekenning kry. Hy is die enigste Afrikaner wat vereer word.
Die Orde van Luthuli-ontvangers sal postuum aan onder meer die voormalige ANC-jeugliga president en LP Peter Ramoshoane Mokaba gaan.
Voormalige ANC-presidente Albert Mvumbi Luthuli en Oliver Reginald Tambo sal platinum kry.
“[Die verslag asook ander opnames] toon dat een uit elke vier padgebruikers in Johannesburg al omkoopgeld betaal het,” het hy aan die media in Johannesburg gesê verwysende na ‘n opname van Statistiek Suid-Afrika in 2010.
Dit kom neer op sowat 150 000 bestuurders. Hy het verduidelik dat geen nuwe opname sedertdien gedoen is nie, maar dat die tendens waarskynlik toegeneem het sedert 2010.
“Omkopery is ‘n ernstige misdaad.”
Lewis het gepraat by die vrystelling van ‘n verslag oor korrupsie binne die Johannesburgse Metropolisie (JMPD), genaamd “The Law for Sale”.
Sleutelbevindings sluit die omvang van die probleem in en dat die owerhede dit nie erken nie.
“[Die verslag] kritiseer die JMPD daarvoor dat hulle die omvang van korrupsie binne die mag ontken. Die blote omvang van die probleem is enorm.”
Die verslag is deel van ‘n landwye anti-omkopery-veldtog, oftewel die “no more tjo-tjo”-veldtog, wat ook Maandag geloods is.
Die verslag is een van verskeie wat beplan is deur Corruption Watch om gebiede waar korrupsievlakke hoog is in die land te identifiseer. Lewis het gesê JMPD-statistieke dui daarop dat slegs 184 sake van korrupsie oor die laaste drie jaar, van 2009 tot 2011, aangemeld is. Hieruit is 37 beamptes skuldig bevind en 19 is afgedank.
Corruption Watch se aanbevelings aan die JMPD en die Stad Johannesburg is om verantwoordelikheid te neem en korrupsie aan te spreek.
JMPD-beamptes moet te alle tye sigbare identifikasie dra en hulle moet korrupsie met anonimiteit kan aanmeld.
Veld-integriteitstoetse moet gebruik word om bewyse teen korrupte beamptes in te samel.
Lewis het beklemtoon dat omkopery nie ‘n slagofferlose misdaad is nie. Dronkbestuurders of motoriste met defektiewe motors word toegelaat om op die paaie te bly nadat hulle omkoopgeld betaal het.
“Ons hoor dikwels die verskoning dat die publiek verantwoordelik is wat omkoopgeld aan verkeersbeamptes bied. Ons kyk egter op na wetstoepassingsbeamptes om betroubaar en voorbeeldig in hul gedrag te wees,” het Lewis gesê.
“Die publiek sal baie huiwerig wees om omkoopgeld aan te bied as hulle weet dat verkeersbeamptes altyd die wet sal handhaaf.”
