Kategorie: Suider-Afrika

Yslike rotte wat in groepe aanval is besig om die inwoners van ‘n Kaapse losieshuis te terroriseer, het die Cape Argus Woensdag berig.

Lundi Galanda, van die Dura-losieshuis in Langa op die Kaapse Vlakte, het aan die koerant gesê sy kan snags hoor hoe die rotte aan die voordeur krap.

“Hulle oë skyn soos die hoofligte van ‘n motor. Die rotte is nes vampiere want hulle verskyn slegs in die aand. Hulle het reeds hul pad deur ‘n metaaldeur oopgeknaag…daar is niks wat die goed kan keer nie,” het Galanda gesê.

Die rotte het glo reeds deur die deksels van boontjiebotter-houers en plastiekhouers gebyt.

Galanda woon saam met sewe ander gesinne in die gebou.

Eunice Phatiwa (65), ‘n gemeenskapsleier in Langa, woon reeds die afgelope 40 jaar in die losieshuis.

“Die rotprobleem het oor die jare vererger en hulle is nie meer bang vir ons nie. Hulle begin elke aand omstreeks 20:00 met hul aanvalle. Wanneer ons slaap trek ons die komberse oor ons koppe, selfs in die somer,” het Phatiwe gesê.

“Hulle byt ons in die gesig, kop en aan ons voete…die rotte weet wat hulle wil hê…hulle is doelbewus in hul bewegings, net soos mense.”

Die Stad Kaapstad het onlangs aangekondig dat R530 843 begroot is om van die stad se rotplaag in die stad ontslae te raak.

Dié aankondiging het gevolg kort na ‘n twiet van die Wes-Kaape premier, Helen Zille, wat vertel het van ‘n rot wat haar aan haar toon in die tuin gebyt het.

Drie vermeende renosterstropers is doodgeskiet ná ‘n konfrontasie met wildbewaarders in die Krugerwildtuin, het die Valke Donderdag gesê.

Kaptein Paul Ramaloko het gesê die wildbewaarders het omstreeks 18:00 Woensdagaand ‘n skoot hoor afgaan.

Hulle het op drie Mosambiekers in hul 20’s afgekom en ‘n skietery het uitgebreek.

Die wildbewaarders is nie in die voorval gewond nie, het Ramaloko gesê.

‘n Jaggeweer en ammunisie is op die toneel gevind.

Ramaloko het gesê die wildbewaarders kon geen dooie of beseerde renosters in die gebied vind nie, maar hulle bly steeds op die uitkyk.

Wetenskaplikes het spore van menslike weefsel in vleis bedoel vir openbare verbruik gevind, maar dit hou “geen bedreiging” vir die verbruikers wat dit eet in nie.

Dit is ook bevind dat slegs 15% van die vleis wat verkoop word korrek gemerk is, wat beteken dat 85% van die vleis in die mark is twyfelagtig. Die bevindings is Dinsdag in die parlement tydens ‘n inligtingsessie oor vleisinspeksies weergegee.

Die Universiteit van Stellenbosch se wetenskaplike Louw Hoffman het gesê dat sy span in ‘n ​​mikrobiese voedselanalise, ‘n “snapshot”, soms menslike DNS in die vleismonsters opgetel het. Hy het gesê dit is egter nie ‘n aanduiding van risiko nie.

“As ek in ‘n fabriek rondloop, en die monster wat ek lukraak gekies het om te toets is ‘n monster van vleis waar die persoon in sy neus gekrap het en dan aan die vleis geraak het, sal ek ‘n heeltemal verskillende mikrobiese lesing kry,” het hy gesê .

Hoffman het gesê die produkte wat ondersoek is, is meestal worsies en maalvleis, en 95 van 139 produkte wat geïnspekteer is, is verkeerd gemerk.

Maar Hoffman het gesê dat al is die vleis verkeerd gemerk, is daar geen gesondheidsrisiko’s aan verbruikers nie.

Die eerste Suid-Afrikaanse soldate in die Sentraal-Afrikaanse Republiek is nie doodgeskiet deur die rebelle nie, maar deur muitende regeringsmagte in opstand teen president Francois Bozize.

Verslae het intussen na vore gekom oor hoe noukeurig georkestreerde aanvalle beplan en uitgevoer is deur SAR-regeringsoldate op die Suid-Afrikaanse troepe, hul sogenaamde bondgenote wat vir die afgelope ses jaar opleiding en toerusting aan hul eweknieë verskaf het.

Die R1-miljard opleidingsmissie, volgens na DefenceWeb, was bedoel om die vaardighede van 1300 SAR-soldate te slyp, en het die verskaffing van wapens en ammunisie ingesluit.

Dit is hierdie wapens wat teen die Suid-Afrikaners gebruik is deur die muiters van SAR.

SANW-woordvoerder, brigadier-generaal Xolani Mabanga het Dinsdag geweier om kommentaar te lewer.

“Ons sal nie reageer op hierdie inligting of hierdie bewerings nie,” het hy gesê.

The Times verstaan ​​dat wisselvallige lone aan SAR-soldate bygedra het tot spanning binne die weermag.

Suid-Afrikaanse militêre bevelvoerders, in ‘n klaarblyklike massiewe opbou van militêre slaankrag, het ‘n reuse-Ilyushin-76 uit Pretoria se Waterklooflugmagbasis verlede nag laat opstyg. Die Russiese maatskappy wat gebaseer is in Afrika, is op pad na Entebbe in Uganda, waar, volgens SANW bronne, ‘n opbou van magte aan die gang is.

‘n Senior beampte het gesê dat die slaankrag sal helikopters en troepe insluit.

‘n Militêre mediese fasiliteit word volgens bronne  in Uganda beplan.

Dit is die ergste dodetal vir Suid-Afrika sedert die Angolese grensoorlog, het die SA Nasionale Weermagunie gesê.

Pikkie Greeff van die Unie het gesê: “Ons troepe, wat aan ons gedetailleerde rekenskap gegee het van wat gebeur het, is woedend … hulle is belieg vanaf die aanvang van hul ontplooiing in Januarie Toe hulle daar aankom, is hulle meegedeel dat hulle nie daar is vir opleiding of die beskerming van militêre bates nie.

“Hulle was onder streng instruksies om Suid-Afrikaanse bates, toerusting, eiendom en Suid-Afrikaners te beskerm en te beveilig.”

Greeff het gesê dat dit nodig is om dadelik vas te stel aan wie die bates behoort het en waarom dit nodig was om die beskerming van die elite troepe te eis. “Die manier waarop hierdie troepe deur SAR-magte aangeval is, toon daar was iets strategiese omtrent hulle. Ons troepe is doelbewus aangeval en dit blyk met opleiding en wapens wat deur ons verskaf is.”

Greeff het gesê: “Die publiek is belieg … nie net oor wat ons troepe daar doen nie, maar ook oor hoe hulle gesterf het. Dit is ‘n blatante toesmeerdery … die president skuld die gesinne en die land antwoorde. “

Die 13 Suid-Afrikaanse soldate wat dood is in gevegte met rebelle in die Sentraal-Afrikaanse Republiek (SAR) is Dinsdag deur die Suid-Afrikaanse Nasionale Weermag (SANW) bekendgemaak.

Volgens die SANW is korporaals Mokgadi Darius Seakamela en Ntebaleng Andrew Mogorosi en onderkorporaals Daniel Sello Molara en Lukas Mohapi Tsheke onder Sondag se slagoffers.

Die soldate wat dood is, is:

Lesego Maxwell Hertzog,

Zamani Jim Mxhosana,

Xolani Dlamini,

Vusumzi Joseph Ngaleka,

Karabo Edwin Matsheka,

Khomotso Paul Msenga,

Maleisane Samuel Thulo,

Motsamai William Bojane,

Thabiso Anthon Phirimana.

“Die SANW wil ook bekendmaak dat die lid wat as vermis aangemeld was lewend gevind en gesond is,” het die SANW in ‘n verklaring gesê.

‘n Britse man van die Verenigde Koninkryk is dood  toe ‘n woordewisseling in geweld ontaard het buite die Absa-stadion in Durban, het die polisie gesê.

Die voorval het ná die wedstryd tussen die Rebels en die Sharks plaasgevind.

“‘n Stryery het tussen ‘n groep mense ontstaan. Ons weet nie wat die geveg veroorsaak het nie,” het lt.kol. Vincent Mdunge

Daar was ‘n vuisgeveg, wat die dood van ‘n man veroorsaak het.

“Die 28-jarige man is met geslaan en geskop. Hy het weens sy beserings gesterf.”

Die polisie het gesê hulle is in verbinding met die ambassade.

Die Durban-Sentraal-polisie ondersoek ‘n saak van moord en verklarings word afgeneem van getuies, het Mdungane gesê.

Niemand is in hegtenis geneem nie.

Die Sharks (Pty) Ltd. het in ‘n verklaring gesê nooddienspersoneel by die stadion het probeer om die geveg te stop.

“Ons het ons eie interne ondersoek gedoen en is tevrede dat ons gekontrakteerde diensverskaffers, Fidelity Security en ER24, alles moontlik gedoen het om die geveg te stop,” het Brian van Zyl, uitvoerende hoof, gesê.

Idasa het “met leedwese”, die sluiting van hulle “gerespekteerde organisasie” aangekondig. Die raad het die “onvermydelikheid van die veranderende omstandighede” as rede aangevoer vir die sluiting. Die organisasie is bankrot.

‘n Aansoek sal op 2 April by die Noord Gauteng Hoërhof vir die likwidasie van Idasa aangehoor word. Dit sal gebeur tensy aansienlike onmiddellike bykomende finansiële steun gevind kan word.

Elke poging is gemaak oor die afgelope drie jaar om Idasa te hervorm om aan te pas by die huidige ekonomiese en sosio-politieke omstandighede, maar die organisasie wat die oorgawe van FW de Klerk geprys en help bestuur het, het nie meer die finansiële ondersteuning wat nodig is om sy werk voort te sit op ‘n volhoubare wyse of sy skulde te betaal nie.

In Idasa se bestaan van 27 jaar het heelwat Westerse lande en die diplomatieke en skenkergemeenskappe wat hul multikulturele visie van demokratiese samelewings in Afrika deel, bygedra tot die organisasie.

Idasa het ‘n kritieke rol gespeel in politieke gebeure van die afgelope twee dekades, om by te dra tot die sosio-ekonomiese ellende waarin talle kleiner groepe in Afrika verkeer met hul eensydige “verdieping van demokrasie” in Suid-Afrika en elders.

In 1992 het Ivor Jenkins vanuit IDASA die “Conservative Dialogue Programme” (CDP) geloods. Dit was die plan om te verhoed dat die NP en die ANC-SAKP se onderhandelingsproses in die wiele gery word deur ‘n sterk Afrikaner-opposisie.

In die loodskomitee was daar, naas regse figure, ook Jürgen Kögl en dr. F. Van Zyl Slabbert. Jenkins, Transvaalse direkteur van die Institute for Democratic Alternatives in SA (IDASA) en Van Zyl Slabbert, voormalige leier van die PFP, het die organisasie op die been gebring te midde van onderhandelinge met die ANC.

Prof. Abraham Viljoen, tweelingbroer van genl. Constand Viljoen, is deur IDASA aangestel as die koördineerder van die projek, wat rojaal deur die Nederlandse en die Kanadese regerings gefinansier is. Beide regerings is sterk aan die Britse regering verbind, deur sakebelange en die Gemenebes.

Viljoen was ‘n professor in Kerkgeskiedenis aan UNISA maar het bedank om PFP (later DP)- kandidaat in Waterkloof te word. Toe hy verslaan is, is hy by IDASA opgeneem, terwyl hy enersyds aktief in die DP-politiek gebly het en andersyds met Afrikaners in landbou-organisasies bly skakel het.

China se Ontwikkelingsbank gaan sowat 45 miljard rand aan Transnet leen om Suid-Afrika se verouderende spoorweë op te gradeer.

Die nuusagentskap Reuters berig dat ‘n amptelike aankondiging oor die transaksie by die BRICS-beraad in Durban gedoen sal word.

Transnet vervoer produkte soos steenkool en ystererts vir uitvoer na die grootste hawens. Die maatskappy beplan om tot 300 miljard rand oor sewe jaar te belê om sy spoorweë en hawens uit te brei en uitvoere ‘n hupstoot te gee.

Die BRICS-lande is daarvan beskuldig dat hulle besig is om Afrika tussen hulle te verdeel. Dit was die boodskap van die meer as 200 afgevaardigdes van nie-regeringsorganisasies wat ‘n konferensie in Durban bywoon.

‘n Direkteur van GroundWork, Bobby Peek, sê die BRICS-lande doen niks anders as die voormalige koloniale magte nie.

Die Europese Unie (EU) het die meeste sanksies teen Zimbabwe opgehef as beloning vir die vreedsame referendum vroeër die maand.

Volgens RSG is pres. Robert Mugabe en sy vrou egter steeds op die sanksielys saam met amptenare van die land se weermag.

Die EU het gesê die opheffings dui op ‘n grootskaalse skuif in sy benadering tot Zimbabwe.

Mugabe het egter gesê slegs die algehele en onvoorwaardelike ophef van sanksies sal vir hom aanvaarbaar wees omdat dit tot die land se ekonomiese probleme gelei het.

Sanksies is in 2003 teen Zimbabwe weens menseregteskendings ingestel.

Mugabe is verantwoordelik vir die volksmoord waarin duisende Ndebeles omgekom het.

Versoeke is aan die toeneem dat die oorblywende Suid-Afrikaanse soldate in die Sentraal Afrikaanse Republiek na Suid-Afrika terugkeer. Die hoofsekretaris van Cosatu, Zwelinzima Vavi, sê soldate behoort ontplooi te word as deel van ‘n Afrika Unie-mandaat en hulle het ‘n president beskerm wat uit die land gevlug het.

Die Vryheidsfront Plus en die Suid-Afrikaanse Nasionale Weermagunie het saamgestem dat die soldate behoort terug te kom. President Jacob Zuma het in Januarie vanjaar die ontplooiing van soldate in die Sentraal Afrikaanse Republiek gemagtig as deel van ‘n militêre samewerkingsooreenkoms tussen die twee lande.

Slegs 200 van die soldate was ten tyde van die aanval in die land ontplooi. Hulle was in gevegte met tot tweeduisend rebelle betrokke waartydens 13 Suid-Afrikaners dood en 27 gewond is. Die Weermag sê die rebelle het egter groot lewensverliese gehad.

Intussen is onthul dat die afgesette president van die Sentraal Afrikaanse Republiek, Francois Bozize, Suid-Afrika om hulp gevra het nadat hy president Zuma verlede Vrydag ingelig het dat die rebelle hom gewaarsku het om die land te verlaat of ‘n militêre aanval te verwag.

Die Minister van Verdediging, Nosiviwe Mapisa-Nqakula, sê Bozize het Zuma ingelig dat die rebelle sy regering 72 uur tyd gegee het om die land te verlaat. Die nuus kom te midde van kritiek teen Suid-Afrika omdat hy nie sy soldate betyds aan die land onttrek het nie. Bozize bevind hom intussen in Kameroen.

Die DA het gevra dat die Speaker van die Nasionale Vergadering, Max Sisulu, ‘n veelparty adhoc-komitee op die been bring om die ontplooiing van Suid-Afrikaanse soldate in die Sentraal Afrikaanse Republiek te ondersoek.

Die DA-woordvoerder oor Verdediging, David Meynier, sê hy het ‘n brief aan Sisulu gestuur en gevra dat so ‘n komitee aangestel word. Maynier sê die Weermag moes nooit troepe na die Sentraal Afrikaanse Republiek gestuur het nie