Suider-Afrika Archives - Page 686 of 888

Misdaadstatistieke: Buite verhouding hoog

“Rooftogte by woonhuise is uiters kommerwekkend en het toegeneem met 27,3 % (18 438) volgens die nuutste misdaadstatistiek. As in ag geneem word dat roof by woonhuise in 2007/2008 met 13,5% (14 481) en in 2006/2007 met 26,4% (12 761) toegeneem het, het roof by woonhuise die afgelope drie jaar met 54,2% toegeneem.

Roof met verswarende omstandighede het met 2,6% (121 392) toegeneem. Hierdie tipe misdaad bedreig die publiek se lewens en is hulle in hulle eie huise nie veilig nie.

Motorkapings het die afgelope drie jaar ook elke jaar gestyg en nou weer met 5%. Oor die tydperk van drie jaar het motorkapings met 16,3% gestyg. Dit beteken mense voel onveilig om te ry.

Hierdie drie misdade bedreig die publiek se lewens en is hulle in hulle eie huise en op pad werk toe onveilig. Dit bevestig die publiek se siening dat misdaad toeneem,” sê mnr. Pieter Groenewald, hoofwoordvoerder vir Polisie van die Vryheidsfront Plus.

Die nuutste misdaadstatistiek (rou syfers) wat toon dat moord (-1,8%), poging tot moord (-2,6%) en gewone roof (-8,9%) ‘n afname toon, kan ‘n vals gerustheid skep oor misdaad in Suid-Afrika.

Die moordsyfer is nou 37,3 per 100 000 van die bevolking, maar die wêreldgemiddeld vir moord is 5 per 100 000 van die bevolking. In Suid-Afrika word steeds vyftig mense per dag vermoor en is moord steeds amper agt keer hoër as die wêreldgemiddeld. Die verkragtingsyfer (24 836) toon dat daar 68 vroue per dag verkrag word of drie elke uur. Dit maak Suid-Afrika steeds onveilig vir vroue,” sê Groenewald.

“Die Vryheidsfront Plus verwelkom die afname in ander misdade en dat die Minister onderneem het dat misdaadsyfers minstens jaarliks bekend gestel sal word. Die Vryheidsfront Plus sou verkies dat die syfers kwartaalliks bekend gestel word,” het Groenewald gesê.

для водоснабжения Фильчаков Харьков

Plakkers vandaliseer nuwe huise

‘n Groep plakkers het belowe om Mandela Park in Khayelitsha in ‘n “no-go” sone te omskep. Hulle word aangekla omdat hulle tussen 49 en 53 nuwe huise gevandaliseer het.

As die groepe vasberade is, sal dit die tweede “no-go” sone in Khayelitsha wees nadat plakkers die BT-Seksie, Erf C, toegemaak het in Lansdownestraat, in die Kaapse metropolitaanse gebied.

Die provinsiale behuisingsdepartement het beraam dat die skade wat aan die huise aangerig is in Mandela Park, net duskant R1 mijoen is.

Die plakkers het Maandag voor die beskadigde huise byeengekom nadat klagtes van openbare geweld en kwaadwillige saakbeskadiging teen van die mense laat vaar is.

Die toewysing van huise is ‘n teer punt en inwoners van Erf C sê mense van buite word bevoordeel.

Ongeveer 100 mense het Saterdag tot geweld oorgegaan nadat hulle gehoor het hulle sal net tussen 15 en 35 huise kry. LUR Bonginkosi Madikizela het hulle blykbaar vroeër ten minste 23 huise belowe, sê die plakkers wat tans by ander loseer.

Plakkers het aan die vorige LUR ,Whitey Jacobs, die versekering gegee dat hulle nie sal intrek in nuwe huise nie, maar huise wat reeds maande gelede voltooi is, staan steeds leeg.

Aktivis Loyiso Mfuku, het Madikizela vir die vandalisme blameer omdat hy sy vroeëre beloftes nie nagekom het nie.

Sanco-verteenwoordigers en die ANC se wyksraadslid sal nie in die gebied toegelaat word nie en hulle sal Mandela Park onregeerbaar maak indien daar nie na hulle griewe geluister word nie, het die plakkers gesê.

Zille het die plakkers daarvan beskuldig dat hulle nie in die tou wil staan vir huise nie en die projek wil saboteer. Die 23 mense wat gearresteer is, is dieselfde mense wat “opsetlik chaos saai”, het Zille gesê.

Malema rand glo polisiereservis aan

Beweringe dat Julius Malema ‘n polisiereservis aangerand het wat sy deurnagpartytjie kom bederf het, is deel van ‘n komplot wat deur Helen Zille en haar opposisie uitgedink is.

Dit was een van Malema se antwoorde op die nuus wat gister gelek is van die wilde daknatmaakpartytjie in Sandton.

Malema het buite die Johannesburgse Landdroshof aan sy aanhangers gesê hulle het geen toestemming nodig om op die sypaadjie te vergader nie. Die hofsaal waar sy haatspraakverhoor tans gehou word, is te klein en daarom mag sy ondersteuners buite vergader, het hy gesê.

“Die polisie wil toestemming hê! Watter toestemming?” Die ANC se jeugligapresident het voorts geskree dat “niemand hulle moet uitdaag nie, want dan gaan die polisie kla dat hulle aangerand word”.

Die skare het die jeugleier se dreigemente met vreugde en ‘n gelag begroet.

Hy het aan die skare gesê daar is ‘n “permanente agenda” om die leierskap van die jeugliga te ondermyn.

Malema het ook uitgevaar teen die Star-koerant wat die insident gerapporteer het omdat hulle nie die naam van die reservis genoem het in die berig nie. “Hoe kan julle so ‘n berig doen?” Hy het gesê hy reageer nie op gesiglose aantygings nie en die “spioene” van Zille blameer vir die berig.

‘n Saak van aanranding is Maandag teen Malema aanhangig gemaak by die Bramley-polisiestasie, volgens supt. Eugene Opperman.

Volgens die Star het die drank Saterdagaand gevloei by die nuwe huis in Sandown, Sandton en brullende Harley-Davidson motorfietse het die rus in die stil woonbuurt versteur.

Nadat die bure gekla het, is die partytjie 4uur die oggend deur die polisie gestaak. Maar nie voordat Malema en sy lyfwagte ‘n polisiereservis, die buurman, aangerand het nie.

Book of Fortune

Cachalia kritiseer ‘syferspeletjie’

Appèlhofregter Azhar Cachalia het die Geregtelike Dienstekommissie het gister gesê hy is gekant teen die “syferspeletjie” as dit daarby kom om swart of wit regters aan te stel.

“As ek of my gesin of iemand wat voor ‘n regter verskyn, wil ek nie ‘n regter hê wat soos ek lyk nie, ek wil ‘n regter hê wat regverdig is,” het hy tydens sy onderhoud van een van die vier posisies op die Grondwethof gesê.

Hy het gereageer op ‘n vraag van die Onafhanklike Demokrate se leier, Patricia de Lille, oor of Indiërs en kleurlinge in die definisie van “swartes” ingesluit moet word.

Hy het gesê dat alhoewel breëbasis ekonomiese bemagtigingswetgewing swart as swart, kleurlinge en Indiërs definieer, dit iets was waarin mense “vasgevang” word.

Die fokus moet eerder daarop wees om iemand aan te stel wat ‘n nie-rassistiese, nie-seksistiese regsamptenaar sal wees.

Hy het gesê dat gedurende die apartheidseraregering van die Nasionale Party, wie se beleid daarop gebaseer was om swartes en blankes te skei, hulle uit ‘n poel blanke regters gekies is, en dat daar ‘n sterk gevoel was dat hulle kwotas vir Jode ingestel het.

“Daar kon nie meer as een of twee in die appèlhof wees nie. Hulle het al die ander uitgesluit en binne die wit troep het hulle die syferspeletjie gespeel en ek vol baie sterk daaromtrent en ons kan nie weer die syferspeletjie speel nie.”

Die IVP se Koos van der Merwe sê hy was daardie tyd in die Nasionale Party en het nooit van so iets gehoor nie, waarna Cachalia teruggekrabbel het en gesê het “dit is hoe dit in regskringe geïnterpreteer is.”

кабины депутат лобановский

Drama in Hlophe-onderhoud

Die Geregtelike Dienskommissie se onderhoud met die regterpresident van die Weskaap, John Hlope, het gister ‘n dramatiese wending geneem toe daar beveel is dat die publiek en die media die vertrek ontruim gedurende ondervraging oor sy verbintenis met die maatskappy Oasis.

Patricia de Lille, die leier van die Onafhanklike Demokrate, het hom gevra om die terme rakende sy bindfooi met die maatskappy te beskryf om haar sodoende te help om die aangeleentheid te verstaan.

Sommige van die kommissarisse het kapsie gemaak en gesê die GDK het reeds dié saak afgehandel.

Maar De Lille en die Inkatha Vryheidsparty se Koos van der Merwe het gesê dit was belangrik om in staat te wees om vrae oor die aangeleentheid in die openbaar te vra.

Advokaat Isak Smuts wou ook gehad het dat Hlope die oënskynlike teenstrydigheid dat sy stryd met die Grondwethofregters nie persoonlik was nie, moet verduidelik.

Smuts het tydens die GDK se voorlopige ondersoek gesê dat Hlophe sekere verklarings oor die regters gemaak het.

Na debatvoering het die Appèlhofregterpresident, Lex Mpati, gesê hy wil sulke argumente vermy.

Die bevel is toe gemaak dat die vertrek deur die media en die publiek ontruim moet word. Terwyl hulle op ‘n laer verdieping gewag het, is die media uit die gebou verskuif aangesien driftige stemme gehoor is.

Sangoma aangehou vir verkragting van leerling

‘n Een-en-dertigjarige manlike sangoma is gister te Lawley naby Ennerdale vir die verkragting van ‘n 16-jarige swartmeisie in hegtenis geneem. Hy was besig om die jeugdige as tradisionele geneser op te lei.

Konstabel Edwin Ntsheo sê die man is by sy huis gearresteer nadat die meisie en haar ouers ‘n klag van verkragting gelê het.

“Die meisie beweer dat haar opleier haar in Maart vanjaar vertel het dat die voorvaders verlief geraak het en daarom moes hulle ook romanties verbind raak. Sy sê sy het nie gereageer nie maar het haarself verskoon en badkamer toe gegaan.”

Volgens Ntsheo is die meisie by haar terugkeer herhaaldelik deur die sangoma verkrag, wat haar later na bewering by vyf verskillende geleenthede verkrag het, waaronder Saterdag 19 September.

“Sy beweer dat, terwyl die man haar verkrag het, hy haar beveel het om ‘Thokoza Baba, Thokoza Baba’ (wat vry vertaal, ‘geniet vader’ beteken) by herhaling te sing.”

“Thokoza” word ook gebruik om sangomas te groet en sangomas besig dit dikwels as hulle met mekaar of pasiënte praat en wanneer hulle mense in die algemeen groet.

Ntsheo sê die man het na bewering die meisie gedreig om niemand te vertel nie en vir haar gesê dat sy vir die res van haar lewe sou ly indien sy dit sou doen.

Na verwagting sal die man binnekort in die Vereenigingse landdroshof verskyn.

детские сайты

Wits betaal vir kampusvrede

Die beplande betoging deur studente aan die Universiteit van die Witwatersrand, Wits, is Vrydag afgestel, sê die South African Student Congress (Sasco).

Die president van Sasco, Mawethu Rune, het gesê dat die betoging afgestel is en dat hulle alle verdere kwessies na die universiteitsraad sal verwys wat die eerste week in Oktober weer bymekaar sal kom om die situasie te bespreek.

“Ons fokus nou daarop om die raad bewus te maak van die rede agter al ons vereistes,” het Rune gesê.

“Die studente sal dus Vrydag voortgaan met hulle klasse en studies.”

Die universiteit het ‘n ooreenkoms onderteken om sommige van die kwessies op te klaar wat hierdie week tot betogings op die kampus in Johannesburg gelei het. Hulle het ooreengekom om die toelaag van studente wat van finansiëlesteundienste gebruik maak vanaf R1500 na R2000 per kwartaal te verhoog. Dit sal egter beteken dat die pakket wat hulle volgende jaar moet ontvang minder sal wees.

Die bestuur sal ook probeer om die voorgestelde toename in verblyfkostes van 11.68% te ondersoek.

Studentekaarte wat in 2009 gesluit is sal weer oopgemaak word en die huidige studenteraad sal studente aanmoedig om die finansiëlesteundienste te besoek vir verdere bystand in 2009.

Die studenteraad sal ook ‘n beroep op die studente doen om hulle uitstaande rekeninge te vereffen.

бра интернет

Barberton-gebied, toneel van daaglikse skietgevegte

Minister Susan Shabangu sê daaglikse skermutselinge tussen die polisie en onwettige myners in Mpumalanga se Barberton-gebied is aan die orde van die dag.

"Interbende- en skietgevegte is nou byna 'n daaglikse gebeurtenis in dië gebied. Konfrontasies tussen onwettige myners, die polisie en veiligheidspersoneel vind al hoe meer plaas," het sy blykbaar aan die Nasionale Raad van Provinsies gesê, volgens haar gedrukte toespraak.

Die onwettige myners of zama-zamas is gewapen en gebruik ontvoerde wettige myners as menslike skilde in konflikte met die polisie.

"Hierdie onwettige delwers is gewapen en gevaarlik. Hulle dra openlik 'n ernorme aantal wapens, wat AK47's en 9mm pistole insluit."

In Welkom in die Vrystaat, word fopmyne van plofstof vir die polisie en veiligheidspersoneel gestel.

"Onwettige mynbou brei uit na ander onwettige aktiwiteite, wat kinderprosttusie en kinderarbeid insluit. Asof dit nie genoeg is nie, word goeie burgers wat die onwettige aktiwiteite aanmeld by die owerhede met hulle lewens gedreig en geteister."

Die hoogsgeorganiseerde en ryk sindikate wat hiervoor verantwoordelik is, hark miljarde rande in en gebruik onwettige myners om kos en ander benodighede soos plofstof en toerusting te vervoer, het sy gesê.

Plaaslike bendes help die sindikate om myners om te koop en werf delwers vir buurlande soos Botswana, Lesotho, Mosambiek en Zimbabwe. Die bendes verskaf ook regshulp aan onwettige myners.

Die goud wat gemyn word, word uit die land gesmokkel en benadeel die land se ekonomie.

"Die gesmokkelde goud word deur tussengangers en frontmaatskappye aan buitelandse kopers aangebied," sê Shabangu.

In 'n poging om hierdie onwettige bedrywighede stop te sit, is 'n forum geskep waarop die polisie, gemeenskapsleiers, die regering en mynmaatskappye dien. Berigte van onwettige mynbou in Gauteng aan die Wesrand doen nou ook die rondte.

Sy het gesê die Kabinet is vasberade om dmv die nuutgestigte Valke die kriminele te beveg. Polisie en aanklaers gaan ook ondersoek word om te kyk of hulle nie die sindikate help nie.

Die polisie in Mpumalanga en die Vrystaat wat met die kwessie gemoeid is, was nie dadelik beskikbaar vir kommentaar nie.

kompressormash.com депутат лобановский

Hoera, 17737 is hier!

Ja, uiteindelik het die groot dag aangebreek, en 17737 is hier! Min of meer ses maande nadat hy die land belowe is, maar soos die gesegde lui: eerder laat as nooit.

Nee, 17737 het niks te doen met 46664 nie. 46664 was Nelson Mandela se tronknommer op Robbeneiland, wat later ‘n soort fondsinsamelingsnommer geword het. Maar 46664 doen niks om die lewe van ons gewone sterflinge te verander nie.

Maar 17737 gaan ons lewe glo ingrypend verander.

Hierdie magiese 17737 is die nuwe direkte lyn na Jacob Zuma se kantoor. Dis die lang beloofde regstreekse lyn na hom, waar allerhande klagtes gelug kan word. Veral klagtes van korrupsie in staatsdienste en swak dienslewering deur amptenare.

Helaas sal inbellers nie direk met die Prez kan praat nie. Die Prez beman nie die oproepsentrum nie. Amptenare doen. En ons hoop dis amptenare wat deeglik gekeur is, wat bo enige verdenking van moontlike korrupsie staan, mense wat geensins in die versoeking sal kom om die klagte teen ‘n korrupte “comrade” met wie hy “gestruggle” het, te verdoesel nie.

Op sigself is die gedagte van so ‘n klagtelyn nie verkeerd nie. Maar elke klagte moet tog seker ondersoek word? Wie gaan dit doen? Die polisie? Waarom word die polisie dan nie sommer self geskakel nie? Gaan Zuma self elke dag net gou die sentrum wat in sy kantoor gesetel is, besoek en die lysie van beweerde korrupte amptenare deurgee, of is hierdie net ‘n politieke fopspeen waaraan die publiek moet kan suig om hulle rustig te hou, te midde van sneeuballende verval in dienslewering op elke regeringsvlak?

Klagtes lê al dik op feitlike elke regeringsvlak se leier se tafel. Ons is bevrees dat daar nou net ‘n nuwe tafel geskep word, waar die klagtes ook gaan ophoop, stof vergaar en mettertyd gaan verdwyn soos polisiedossiere in howe.

Die eerste paar dae van 17737 het vir menige rapporteerder van korrupte aangeleenthede al in frustrasie verander. Want dis byna onmoontlik om deur te kom na die nommer. Dit kan natuurlik wees dat die lyn beset is as gevolg van die geweldige aanmelding van korrupsie en vrot dienslewering. Dit kan ook wees dat hier self ‘n geval is van swak dienslewering. Dus: ons moet swak dienslewering aanmeld by ‘n kantoor wat swak diens lewer. So verander daar uiteindelik niks nie, behalwe dat mense baie hoopvol begin skakel, want die 17737-fopspeen is gegee om ons te laat glo dat dinge gaan verbeter.

Maar drie of vier pogings verder, is die hoop beskaam, die fopspeen uitgesuig, en bly die korrupsie onaangemeld. Niks het verander nie, behalwe dat ‘n halfdosyn nuwe poste geskep is, as ‘n verbeeldingryke begin om ‘n halfmiljoen poste voor die einde van die jaar te skep.

online slots no deposit

Kriegler gaan GDK hof toe vat

Oud-regter Johann Kriegler, voorsitter van die Freedom Under Law, FUL, ’n onafhanklike regsorganisasie sonder winsbejag, gaan 'n aansoek in die hooggregshof bring om die Geregterlike Dienskommissie, GDK, se besluit oor regterpresident John Hlophe te hersien.

Dokumente sal na verwagting volgende week by die hof ingedien word.

FUL het Donderdag in 'n verklaring gesê die GDK het nie op 'n brief wat aan hulle gestuur is, reageer nie.

Die brief versoek skriftelike redes waarom die GDK die saak teen Hlophe laat vaar het.

"FUL het nog geen reaksie van die GDK ontvang nie, en gaan oor tot die volgende stap," het FUL gesê.

Die brief is op 10 September aan Lex Mpati, waarnemende voorsitter van die GDK, gestuur en die GDK is tot 15 September kans gegee om op die brief te reageer.

Kriegler het verlede week in 'n onderhoud met Mail & Guardian gesê die GDK het ‘n vraagteken oor John Hlophe laat hang deur hom nie onder kruisverhoor te plaas nie.

“Die aanklagtes teen Hlophe is van die ergste wat jy teen ‘n regterlike amptenaar kan maak – om die integriteit van die hoogste hof in die land te ondermyn,” het Kriegler, voormalige regter van die konstitusionele hof en ‘n stigterslid van FUL, aan die koerant gesê.

“Ek weet nie of die aanklagtes waar is of nie.

“Al wat ek weet is dat die RDK dit nie wou ondersoek nie en dit was die basiese fout.”

“Dit los ‘n vraagteken bo sy kop en ek weet nie hoe hy sy kollegas in die oë sal kan kyk nie,” het Kriegler gesê.

Sy opmerkings verwys na die aanklag deur die GDK dat Hlophe wou inmeng in ’n uitspraak van die konstitusionele hof rakende Jacob Zuma voordat hy president geword het.

Hlophe het weer beswaar gemaak teen die feit dat die regters hul aantygings publiek gemaak het nog voordat hy daarop kon reageer.

Na ‘n voorlopige verhoor het die RDK besluit om die saak daar te laat, en Hlophe het na ‘n tydperk van spesiale verlof sy werk hervat.

online free slots