Marzanne is blind

Marzanne Kruger, is Donderdag uit die hospitaal ontslaan, maar is blind. Die baba is vroeër dié maand ernstig beseer nadat haar swart oppasser haar aanvallers in die huis ingelaat het.

Dit is nie bekend of sy permanent blind sal wees nie. Marzanne was byna vier weke lank in die hoësorg-eenheid van die Sandton Medi-kliniek.

Intussen het die Johannesburgse landdroshof Stanley Nkari Donderdag Nelson Maphosa, een van die aangeklaagdes en ‘n Mosambiekse burger, se borgaansoek van die hand gewys.

Maphosa word saam met ‘n tweede verdagte aangekla van huisbraak met verswarende omstandighede en poging tot moord, wat verband hou met die aanval in April in Randburg.

‘n Derde verdagte is steeds soek. Die saak is uitgestel tot 7 Junie.casino gameФильчаков Александр Васильевич

Saak teen terreurverdagtes uitgestel

Die saak teen drie beweerde terroriste is Woensdag uitgestel deur die Phalaborwa-landdroshof, volgens SABC-nuus.
Die staat moet nog steeds argumenteer waarom die drie borgtog geweier moet word.

Hulle staar sewe aanklagte in die gesig, insluitend klagtes om terreur te pleeg, omdat hulle na bewering die Wêreldbeker-sokkertoernooi wou ontwrig.

Aan ‘n vierde beskuldigde, die 21-een-jaar-oue André Stroh, is verlede Vrydag borgtog toegestaan van R3000 in die Phalaborwa-landdroshof .

Stroh is een van ses mans wat in hegtenis geneem is vir die vermeende grafskending van die voormalige diplomaat Norman Mashabane. Na aanleiding van verdere ondersoek is glo gevind dat die grafskending deel van ‘n komplot was om dade van terrorisme teen swartes te pleeg.

Musa Zondi, woordvoerder vir die Valke, het gesê die polisie het die mans met groot hoeveelhede plofstof en ammunisie vasgetrek.

“Ons het ontdek dat hulle ‘n hele aantal wapens en ammunisie het. En het kapasiteit gehad om plofstof te vervaardig. Hulle is aangekeer in besit van ‘n groot aantal plofstowwe.”

Die aanklagte teen twee van die mans het verlede Vrydag teruggetrek.

casinos games onlineлобановский александр биография

Nederlandse toeris aangeval

‘n 51-jarige Nederlandse toeris is in Port Elizabeth tydens ‘n rooftog gesteek, het The Herald Online Donderdag berig.

“Sy was besig om loop langs die begin van die pad te loop toe ‘n man skielik verskyn,
het sy gesê, ‘n man met ‘n mus uit die niet,” het woordvoerder polisiekaptein Sandra Janse van Rensburg gesê.

Die man het toeris Maria Blits met ‘n mes gesteek in die arm, waarna sy aan hom haar handsak gegee het. Hy het weggehardloop.

Die voorval het gebeur terwyl sy na Humewood teruggeloop van ‘n inkopietog by Humerailwinkelsentrum.

‘n Verbygaande motoris het haar na die hospitaal geneem, waar sy ‘n operasie aan die bo-arm sal moet ondergaan.

Blits is in Port Elizabeth om haar dogter, Melke, wat ‘n uitruil student uit Nederland is, te besoek.

теннис турнир атрДанильченко Юрий прокурор

Dis nie wanbetaling nie, dis kabeldiefstal, sê hospitaal

Die kragprobleme by Chris Hani Baragwanath Hospital in Soweto is glo iets van die verlede nadat die krag weer Woensdag aangeskakel is, het die Gautengse gesondheidsdepartement gesê.

Die rede waarom die hospitaal sonder elektrisiteit was vir die afgelope twee dae, is weens kabeldiefstal sê ‘n woordvoerder Mandla Sidu in ‘n verklaring.

Hospitaalbestuur moes operasies uitstel en ambulanse is na ander hospitale verwys. ‘n LUR Qedani Mahlangu, sê hy is “verheug dat daar geen sterftes of ander ongelukkige voorvalle plaasgevind het weens dié kriminele daad nie”.

Sidu het vroeëre berigte oor wanbetaling weerspreek en gesê die kragonderbreking is deur kabeldiefstal veroorsaak en daarna was daar nie genoeg geld om vir die diesel te betaal wat die kragopwekkers aan die gang sou kry nie.

Mahlangu het aan die media verduidelik dat hulle reeds baie geld aan verskaffers moet oorbetaal wat hulle skuld, maar dat die tesourie hulle daarop gewys het dat hulle kwota vir die jaar uitgeput is.

Dit is hoekom die diensverskaffers nie betaal is nie, het hy gesê “Dit is ‘n kontantvloeiprobleem tussen die tesourie en die provinsie.”

games noлобановский супермаркет класс

Slag vir wol- en vleisuitvoere weens slenkdalkoors

Die Burger berig dat verskeie lande ’n verbod op die invoer van diereprodukte uit Suid-Afrika geplaas het weens die voorkoms van slenkdalkoors.

Botswana, besluit nog of hy dieselfde maatreëls gaan instel.

Peter Thabethe, waarnemende direkteur-generaal van die departement van landbou, bosbou en visserye, het Woensdag aan die parlement gesê dat China en Turkye ’n verbod op alle wol- en leerinvoer uit Suid-Afrika geplaas het. Saoedi-Arabië en die Verenigde Arabiese Emirate het eweneens handelsbeperkinge op die invoer van beesvleis geplaas.

Dit volg op die verbod op die invoer van diereprodukte uit Namibië, Lesotho en Zimbabwe.

Meer as 6300 stuks vee het reeds gevrek in veral die Vrystaat, Noord- en Oos-Kaap, asook die Wes-Kaap.

Altesaam 329 uitbrekings van die siekte het tussen Februarie en 6 Mei vanjaar reeds voorgekom.

вопросы полиграфа в фсбДанильченко Юрий Брониславович компромат

Grootste hospitaal sonder krag

Dele van die Chris Hani Baragwanath hospitaal is sedert Maandag sonder elektrisiteit weens onbetaalde rekeninge.

Qedani Mahlangu, Gautengse LUR vir gesondheid, het verduidelik dat ‘n “kontantvloei-probleem” tussen haar departement en die Tesourie, die oorsaak van die probleem is.

“Diesel sal voor die einde van die dag by die hospitaal afgelewer word sodat die kragopwekkers in werking kan tree,” het sy bygevoeg.

Mahlangu het met die media gepraat na aanleiding van die dood van ses babas by die Charlotte Maxeke-hospitaal in Johannesburg.

гост внутреннее электрическое освещение рабочие чертежиАлександр Фильчаков Васильевич

Mev Zuma glo in duisternis

Die presidensie en die eThekwini-munisipaliteit wou nie Woensdag kommentaar lewer oor gerugte dat pres. Jacob Zuma se een vrou, Nompumelelo Ntuli-Zuma, se kragtoevoer na haar woning afgesny is nie.

Na bewering het Ntuli-Zuma nie haar elektrisiteitrekening betaal nie.

Volgens Zizi Kodwa, presidensiële mediaraadgewer, kan niemand dié bewerings op hierdie stadium bevestig nie.

“Ek is glad nie bewus van so iets nie,” het Kodwa gesê.

Die hoof van die elektrisiteitsdepartement by die eThekwini-munisipaliteit, Sandile Maphumulo, het gesê dat hulle nie oplet wie se elektrisiteit afgesny word nie.

“Ons sit heelwat wonings se elektrisiteit af sonder dat ons weet aan wie die eiendom behoort. Ek kan dus nie die voorval bevestig of ontken nie,” het Maphumulo gesê.

The Mercury het Woensdag berig dat Ntuli-Zuma in ‘n huis sonder water of elektrisiteit woon.

Sy het na bewering sowat R9 500 aan die munisipaliteit geskuld. Die geld moet eers ten volle betaal word voordat die munisipaliteit weer die kragtoevoer sal aanskakel.

Ntuli-Zuma woon reeds die afgelope vyf jaar in ‘n luukse woning in Morningside, Durban saam met haar twee kinders en ander familielede.

Na bewering is sy reeds sedert verlede week sonder enige elektrisiteit. Daar was vroeër vanjaar ook gerugte dat Ntuli byna uit die huis geskop is omdat daar ontevredenheid was rakende die huur.

Ntuli-Zuma se selfoon was afgeskakel en sy kon nie vir kommentaar bereik word nie.воздушный ресивер купитьлобановский александр жена

Terre’Blanche-moordsaak hervat

Die man wat verdink word van die moord op die ontslape AWB-leier, Eugene Terre’Blanche, sal Woensdag weer in die hof verskyn.

“Puna Moroko, prokureur vir Chris Mahlangu, is in Klerksdorp vir sake. Ons sal dus eers ander sake moet afhandel en behoort teen 10:00 klaar wees,” het ‘n beampte by die hof gesê. 

Die saak moes oorspronklik 09:00 voorgekom het.

Intussen is sowat 60 polisielede buite die hof om die situasie te monitor. Die groot skares wat egter tydens die vorige verskynings teenwoordig was, het nie weer opgedaag nie.

Tydens die vorige verskyning was daar vrese oor Mahlangu se burgerskap omdat hy geen identiteitsdokument (ID) het nie. Daar was ook geen inligting oor hom by die departement van binnelandse sake beskikbaar nie.

Moroko het geargumenteer dat Mahlangu borgtog moet ontvang omdat hy twee kinders het waarna hy moet omsien. Hy het ook gesê dat sy kliënt nie op die vlug sal slaan nie, omdat hy nie oor die nodige reisdokumente beskik nie.

Die hof het op 10 Mei gehoor dat Mahlangu en sy vermeende 15-jarige medepligtige in Terre’Blanche se plaashuis buite Ventersdorp ingebreek het. Hulle het die voormalige AWB-leier glo 28 keer met ‘n panga en ‘n stuk staal geslaan terwyl hy geslaap het.

Hulle het daarna sy broek afgetrek en sy selfoon gesteel

Terre’Blanche se lyk was “byna onherkenbaar” geskend deur die aanval.

free 10 noДанильченко Юрий прокурор

Skok oor strikke in Bewarea

“Toe het ek só gehuil,” vertel ‘n inwoner van Langenhovenpark, Bloemfontein na sy in ‘n nabygeleë koppie na haar vermiste kat gaan soek het, en sy op ‘n goedversorgde dooie kat in ‘n valstrik afgekom het. Die kat kon nog nie lank dood wees nie. Haar eie kat word nog vermis.

Mev. Annalene van Staden het die Bewarea genader na sy na haar kat gaan soek het, en haar hond saamgeneem het. Sy is versoek om haar verhaal aan die Polisiëringsorum-vergadering, wat dieselfde aand plaasgevind het, te kom vertel. Eers is haar hond in een van die strikke bestaande uit ‘n houtpen wat in die grond ingeslaan is en “weed eater”-lyn bestaan, gevang. Dié groot hond kon nie self loskom nie.

Sy het hierna op nog verskeie strikke afgekom, sommiges bestaande uit staalstawe en soortgelyke lyn, voor sy die doodgewurgde kat ontdek het. Die kat is in een van die wippe met ‘n staalstaaf gevang.

Ontstelde lede van die Polisiëringsforum het versoek dat die polisie gesprek voer met bouers by ‘n bouterrein naby die toegangstrook na die koppie. Die polisie sal hul deurlopende aksies om bosslapers op te ruim, verskerp. Die vrou het die DBV ook reeds in kennis gestel, en ‘n klag by die polisie gelê.

Die Bewarea stel ondersoek in na moontlikhede om toegang tot die koppies te beheer. Die Bewarea wil graag die ou skanskraal op dieselfde koppie waarop die strikke nou gekry is, restoureer. Dié skanskraal is juis, aldus ‘n bewaringskundige, afgebreek toe bouers met die eerste bouwerk in Langenhovenpark dassies gejag het. Die gemeenskap wil graag die koppies as bate “terugwen.”

ремеза компрессор ценатопкарго отзыв

Dene en Nederlanders deur Al Kaida geteiken by WB

‘n Vermeende Al Kaida-ondersteuner wat in Irak aangehou word, het Dinsdag gesê dat hy met familie en vriende gepraat het om Deense en Nederlandse spanne wat volgende maand aan die Wêreldbeker-sokkertoernooi in Suid-Afrika deelneem aan te val om beledigings teen die Profeet Mohammed te wreek. 

Irakse veiligheidsmagte wat die Saoedi-burger aanhou, bekend as Azam Abdullah al-Qahtani Saleh, het gereël dat The Associated Press met hom ‘n onderhoud by ‘n ongeïdentifiseerde regeringsgebou in Bagdad voer.

Hy het gesê hy het aanvanklik in 2004 na Irak gegaan om te veg teen Amerikaners en is gewerf deur Al Kaida. 

‘n Irakse veiligheidsamptenaar met kennis van die ondersoek sê al-Qahtani is in hegtenis geneem na ‘n gesamentlike VSA-Irak-operasie in April waar twee ander Al Kaida-hoofverdagtes gedood is. Die amptenaar wou nie sy naam bekendmaak nie aangesien hy nie toegelaat word om besonderhede van die saak te bespreek nie.

Dokumente is in die huis gevind waar die twee gedood is. Dit is onder meer geskryf deur al-Qahtani en bevat detail van ‘n plan van aanvalle wat geloods sal word op die Wêreldbeker-sokkertoernooi. Dit het gelei tot sy arrestasie op 3 Mei, het die amptenaar gesê. Irakse owerhede het Maandag dié besonderhede openbaar. 

“Ons het gepraat oor die moontlikheid van wraak vir die beledigings teen die profeet deur Denemarke en Holland aan te val,” het al-Qahtani aan AP gesê. “Die doel was om die Deense en die Nederlandse spanne en aan te val asook hulle ondersteuners,” het hy bygevoeg. 

“As ons nie die spanne kon bereik nie, dan sou ons die ondersteuners teiken,” het hy gesê, en bygevoeg dat hulle gehoop het om gewere en motorbomme te gebruik. 

Dit is nie duidelik of die militantes die vermoë het om wat nogal ‘n gesofistikeerde plan was, in werking te stel nie – ‘n ingewikkelde aanval ver van hulle tuisbasis. Die Irakse veiligheidsamptenaar het gesê geen stappe is geneem om die plan in beweging te stel nie, soos byvoorbeeld deur die verkryging bommateriaal.

Al-Qahtani sê die plan benodig steeds goedkeuring van die Al Kaida-bevelsketting, spesifiek die groep se no 2, Ayman al-Zawahri. 

Die vermeende militant, wat ongeveer 30 jaar oud is met ‘n snor, geklee in ‘n oranje gevangenisuitrusting, het geen uiterlike tekens van besering of misbruik getoon nie. Hy het nie senuweeagtig of bang voorgekom nie. 

Al-Qahtani het gesê hy is deur die Amerikaanse magte in 2007 gevang en by Camp Bucca aangehou totdat hy in 2009 vrygelaat is. ‘n Amerikaanse militêre amptenaar, Keli Chevalier, het bevestig dat die Amerikaanse magte ‘n man met die naam van Abdullah al-Azam Saleh Qahtani gevange gehou het en dat hy by Camp Bucca aangehou is.

Die Amerikaanse militêre amptenaar het al die ander vrae oor al-Qahtani na die Irakse regering verwys.

In 2006 het 12 spotprente van die profeet wat in ‘n Deense koerant verskyn het, gelei tot woedende betogings in Moslemlande.

In Nederland, is ‘n anti-Islam party die land se vinnigste groeiende politieke beweging. Die leier, Geert Wilders, noem die Koran ‘n “fascistiese boek” en wil dit verbied sien in Nederland. Sy 2008-kortfilm het baie Moslems aanstoot gegee deur die afwisseling van Koraanse verse met beelde van terrorisme deur Moslem radikale. 

Hy meen ook dat die klere wat Moslems oor die algemeen dra, soos kopdoeke, verbied behoort word omdat hulle die Nederlandse landskap “besoedel”.

Wilders se gewildheid is deels ‘n reaksie op ‘n vlaag van Islamitiese radikale geweld. In 2004, het ‘n jong Moslem die Nederlandse filmmaker Theo van Gogh vermoor. Hy het ‘n kort film geproduseer oor die beweerde onderdrukking van Moslemvroue. 

Al-Qahtani het gesê dat die Wêreldbeker-sokkertoernooi beskou word as ‘n hoë-profiel internasionale gebeurtenis en Suid-Afrika is waarskynlik makliker om na te ‘n reis as een van die twee Europese lande wat hulle wou teiken. 

Vish Naidoo, ‘n woordvoerder vir Suid-Afrikaanse polisie, het Dinsdag gesê dat Suid-Afrikaanse beamptes nog steeds wag op woord van hul Irakse kollegas oor die arrestasie. Hy sê die enigste inligting wat Suid-Afrikaanse amptenare het is mediaverslae. 

FIFA het in ‘n verklaring Dinsdag gesê hulle wil nie kommentaar oor enige spesifieke potensiële bedreigings lewer nie.

для баниФильчаков прокурор