Suider-Afrika Archives - Page 659 of 888

Alan van Heerden oorlede

Alan van Heerden, Suid-Afrika se eertydse fietsrykampioen, is Woensdag in ‘n motorongeluk oorlede.

Van Heerden, 57, is in die Sunninghill-hospitaal dood aan erge kopbeserings. Beeld berig dat die fiertsryer ‘n operasie aan sy hand ondergaan het kort voor die ongeluk.

Van Heerden het twee keer ’n wêreldtitel as veteraan ingepalm.

Hy het met meer as 1 000 oorwinnings op die pad en 21 tweede plekke as professionele fietsryer in België, gespog.

Fietsryentoesiaste het van Heerden as een van die beste fietsryers van alle tye beskryf.

Robbie Hunter, bekende Suid-Afrikaanse fietsryer, het Van Heerden se dood as hartseer nuus vir Suid-Afrika en ’n verlies vir Suid-Afrikaanse fietsry op Twitter beskryf. Hy sal altyd onthou word, het Hunter gesê.

topcargo развод

Manto Tshabalala-Msimang ‘vergewe’

Die voormalige minister van gesondheid, Manto Tshabalala-Msimang, het foute gemaak soos enigiemand anders en moet vergewe word, het Cosatu Woensdag met die tyding van haar dood gesê.

Tshabalala-Msimang is Woensdagmiddag vanweë komplikasies wat spruit uit ‘n leweroorplanting wat sy in 2007 ondergaan het, dood.

Sidumo Dlamini, president van Cosatu, het die nuus van haar dood as skokkend beskryf.

“Sy het sekere foute gemaak maar sy was ‘n mens. Suid-Afrikaners het ‘n groot leier in die ANC verloor,” het Dlamini gesê.

Volgens hom moet mense haar vergewe vir haar foute.

Die ANC het Tshabalala-Msimang beskryf as iemand wat geveg het vir geregtigheid en demokrasie.

“Manto het haar lewe aan die stryd vir demokrasie in Suid-Afrika gewy,” het woordvoerder Jackson Mthembu gesê.

Volgens Mthembu het haar dood die ANC van ‘n toegewyde lid geroof.

Die Jong Kommuniste-liga het ook hul meegevoel met die dood van Tshabalala-Msimang uitgespreek.

Gugu Ndima, woordvoerder van die liga, het gesê dat alhoewel die Jong Kommuniste van Tshabalala-Msimang se opinies oor MIV en Vigs verskil het, hulle haar vir die rol wat sy tydens die stryd teen apartheid gespeel het, respekteer.

Die IVP het ook skok en meegevoel met Tshabalala-Msimang se dood uitgepreek.

“Ons het die nuus van haar dood met skok ontvang,” het Musa Zondi, woordvoerder vir die IVP gesê.

Die IVP het hul meegevoel met haar familie en veral haar man, Mendi Msimang, en kinders uitgepreek.

online games

Besnydenis-dodetal styg

Die dodetal van die Oos-Kaap se besnydenis dié seisoen het na 15 gestyg, het die provinsie se departement van gesondheid Vrydag gesê.

Woordvoerder Sizwe Kupelo het gesê dat die departement ingelig is van ‘n seun wat in Sterkspruit gesterf het oor die naweek.

Nog ‘n seun is Vrydagoggend by ‘n onwettige inisiasie-skool in Cradock dood.

Die oorsaak van die sterftes is nog nie bekend nie, maar die departement sal nadoodse ondersoeke op al die slagoffers laat uitvoer.

Kupelo het bygevoeg dat ‘n 17-jarige seun in Libode in die Transkei in hegtenis geneem is nadat hy glo twee 18-jariges besny het. Hy sal Maandag in die hof verskyn.

Die twee 18-jariges word in St. Barnabas hospitaal op die dorp behandel.

swarovski crystal bridal topcargo

Cronin glo nie dis Malema se dreigboodskappe nie

Jeremy Cronin, die SAKP se adjunk-sekretaris-generaal, het Sondag gesê hy vind dit moeilik om te glo dat dreigboodskappe per SMS wat hy ontvang het van die ANC-jeugliga-leier Julius Malema af kom.

“Ek kan nie eintlik glo dat hulle van Julius Malema is nie, maar hulle is geteken ‘Julius Malema’. Ek vind dit moeilik om te glo dat hy [hulle] sal stuur,” het die SAUK Cronin aangehaal.

Die ANC-jeugliga kon nie vir kommentaar bereik word nie.

City Press het Sondag berig dat Malema ‘n dreig-SMS aan Cronin gestuur het ná ‘n vernederende verskyning van Malema by ‘n SAKP-konferensie.

casino games slots free download topcargo кидалы

Malema dreig Cronin per SMS

Die president van die ANC-jeugliga, Julius Malema, het ‘n dreigboodskap per SMS aan Jeremy Cronin, die SAKP se adjunk-sekretaris-generaal, gestuur ná ‘n vernederende verskyning van Malema by ‘n SAKP-konferensie, het City Press Sondag berig.

“As jy dink jy het my ‘n les geleer, wag tot jy sien wat jou gaan tref,” het Malema glo vir Cronin per SMS laat weet nadat hy by die SAKP se konferensie in Polokwane uitgejou is.

City Press berig dat verskeie leiers binne die ANC en die SAKP die SMS bevestig het.

Cronin wou nie die dreigteksboodskap aan City Press bevestig nie en het net Malema se taalgebruik as “nogal ongeïnhibeerd” beskryf. “Ek ignoreer daardie soort ding.”

“Ons wil ‘n konstruktiewe verhouding hê, nie met die individue nie, maar met die ANC-jeugliga in die geheel,” het Cronin gesê.

Cronin en Malema het verlede maand ‘n vyandige woordewisseling gehad. Cronin het in die SAKP se nuusbrief gesê diegene wat wil hê myne moet genasionaliseer word, soos Malema, verstaan nie die ekonomie van die kwessie nie.

Malema het teruggeblits en Cronin as ‘n “wit messias” beskryf.

Nie die ANC-jeugliga of die SAKP kon vir kommentaar bereik word nie.

casino free games

Polisie skiet man na argument

‘n 26-jarige man is Donderdag in Henneman in die Vrystaat doodgeskiet nadat hy glo in ‘n argument met ‘n polisieman betrokke geraak het, het die Onafhanklike Klagtedirektoraat (OKD) gesê.

Na bewering het die polisielid sy wapen uitgehaal terwyl hy en die kêrel in ‘n woordewisseling beland het. Hy het die man glo ses keer in die bolyf geskiet.

Volgens Moses Dlamini, woordvoerder vir die OKD, het die slagoffer op die toneel gesterf.

Die OKD is na die toneel gestuur om ondersoek in te stel. Met hulle aankoms was die polisielid reeds in hegtenis geneem en na die polisiestasie geneem.

Die verdagte sal Maandag in die landdroshof aansoek doen om borgtog.

Meer as duisend agter tralies oorsee

Sowat 1062 Suid-Afrikaanse burgers sit oorsee agter tralies, het Maite Nkoana-Mashabane, minister van internasionale betrekkinge en samewerking, gesê.

Sowat 691 (65%) mense is in die tronk weens dwelmverwante oortredings. Hiervan is 362 manlik en 329 vroulik.

Geen van die Suid-Afrikaners het enige kans om hul vonnis in Suid-Afrika uit te dien nie, omdat die regering nie onderhandelinge aangaan om gevangenes te skuif nie.

Na bewering is daar sowat 177 Suid-Afrikaners in Brasilië in die tronk, 109 in die Verenigde Koninkryk, 66 in beide Peru en Botswana, 56 in Australië, 53 in Lesotho, 49 in Swaziland, 47 in Argentinië, 42 in Pakistan, 41 in Venezuela, 25 in Namibië en 24 Spanje.

Daar is ook verskeie Suid-Afrikaners in aanhouding in Mauritius, Indië, Afganistan, Amerika, Kanada, China, Hong Kong, Japan, Nieu-Seeland, Suid-Korea, Thailand, Chili, Trinidad en Tobago, Bolivia, Ecuador, Costa Rica, en die Verenigde Arabiese Emirate.

сварочные

Binnelandse sake is die mees korrupte

“Die Vryheidsfront Plus verwelkom die skorsing van 31 beamptes in diens van die Departement van Binnelandse Sake weens hul betrokkenheid by die onregmatige registrasie van geboortes. Die ondersoeke wat Binnelandse Sake in die verband onderneem, blyk vrugte af te werp. Met hierdie optrede veroorsaak die Minister van Binnelandse Sake, me. Nkosaza Dlamini-Zuma en haar departement, egter dat die publiek daarvan oortuig word dat Binnelandse Sake die mees korrupte staatsdepartement is,” het dr. Corné Mulder, hoof woordvoerder oor Binnelandse Sake vir die Vryheidsfront Plus gesê.

“Binnelandse Sake werk met die status van persone deurdat hulle verantwoordelik is vir die toekenning en uitreiking van statusgewende-dokumentasie. In die opsig moet geen foute en korrupsie geduld word nie. Dit is daarom nie aanvaarbaar dat beamptes wat geskors is steeds hul salarisse ontvang totdat ‘n dissiplinêre verhoor afgehandel is nie. Dit is die belastingbetalers wat die las hiervoor dra terwyl hulle deur die beamptes benadeel is,” meen dr. Mulder.

Dit is die verantwoordelikheid van minister Dlamini-Zuma om die Departement se integriteit te herstel en te behou. Sy moet daarom nie net op ondersoeke konsentreer om korrupsie hok te slaan nie, maar eerder na die kwaliteit beamptes wat aangestel word. Haar departement se eng fokus op transformasie syfers veroorsaak dat effektiwiteit opgeoffer word ter wille van ‘n koppetel-oefening. Die feit dat byna sestig beamptes binne ‘n tydperk van ses weke geskors is vir korrupsie, moet vir die Minister wys dat sy en haar departement totaal misluk met transformasie omdat effektiwiteit in die slag bly en ‘n ernstige verlies aan kundigheid meegebring word,” het dr. Mulder bygevoeg.

Лобановский Харьков

Botswana vra groen hulp

Botswana het nagenoeg R1 miljard per jaar nodig om klimaatsverandering te beveg wat meestal gebruik sal word om die uitset van kweekhuisgasse van sy kragstasies te verminder.

Kitso Mokaila, minister van omgewingssake, het Woensdag voor sy vertrek na Kopenhagen gesê Botswana is baie afhanklik van termiese krag soos steenkool en benodig veiliger tegnologieë om kweekhuisgasuitsette te verminder.

Botswana stel tans 0.4% van die wêreld se kweekhuisgasse vry, meestal omdat lande in Suidelike-Afrika van hul steenkool kragsentrales afhanklik is.

Volgens hom sal dié fondse ook gebruik word in die proses om oor te skakel na bronne soos sonkrag wat nie skade aan die omgewing veroorsaak nie.

“Botswana het baie sonskyn wat gebruik kan word om krag op te wek, maar ons het fondse nodig vir toerusting om dit te kan gebruik. Om daardie rede sal ons vra om hulp hiermee,” het Mokaila gesê.

win real money no deposit casinos Фільчаков прокурор

Doodstraf vir gay Oegandese

Voorgestelde wetgewing in Oeganda wil homoseksualiteit met die dood straf. Familielede en vriende van homoseksuele sal voorts tot sewe jaar tronkstraf opgelê kan word indien hulle nie ‘n gay persoon by die owerhede gaan aangee nie.

Selfs verhuurders van eiendomme kan opgesluit word indien hulle huisvesting aan gays verskaf.

Gayregteaktiviste sê dié wetgewing is deel van ‘n goeiende en wye front in Afrika wat gekant is teen homoseksualiteit.

Die wetgewing het onder die invloed van Amerikaanse sendingwerk deur konserwatiewe Christene tot stand gekom.

In sy huidige gedaante is homoseksualiteit met die dood strafbaar indien aktiewe MIV-besmette gays saamwoon of in die gevalle waar verkragting deur dieselfde geslag gepleeg word.

Gewoontemisdadigers, dws gays wat herhaaldelik gevang word, staar ook die galg in die gesig. Diegene wat gevang word dat hulle homoseksuele dade pleeg kan lewenslank opgesluit word onder huidige wetsbepalinge.

Die stap het krtiek uitgelok van gayregteaktiviste internasionaal en betogings word in Londen, Washington en New York beplan.

David Bahati, die figuur wat die beplande wetgewing dryf, het kritiek verwelkom, maar het bygevoeg dat streng maatreëls nodig is om homoseksuele te keer om skoolkinders te “rekruteer”.

Hoërskoolonderwyser David Kisambira meen die slegte voorbeeld word in Brittanje en Amerika gestel en daar is volgens hom organisasies in ontwikkelde lande wat hulle vir die werwing van Oegandese kinders vir gay bedrywighede beywer.

Oeganda se minister van etiek, James Nsaba Buturo, sê homoseksualiteit is nie “natuurlik in Oeganda” nie en dat die wetgewing nodig is om die invloed van die buiteland teen te werk.

Die instelling van die doodstraf teen homoseksuele is ‘n gewilde siening onder gewone Oegandese wat meen die gesin is onder beleg.

Dit is ook nie enigste Afrikaland wat anti-gay wette oorweeg nie. In Nigerië is dit reeds met die dood strafbaar, maat dié land oorweeg stappe om die bevordering daarvan ook te bekamp. In Boeroendi is verhoudings tussen dieselfde geslag verbode en Rwanda bespreek ook tans soortgelyke wetgewing.

In Kenia is homoseksuele verhoudings verbode, maar die regering het die bestaan daarvan nietemin erken deur onlangse navorsing oor gesondheidsorg wat onder meer seksuele oriëntasie ondersoek het.