Malema sê grond is gesteel

Grondhervorming en die restitusiedoelwit om 30% van Suid-Afrika se landbougrond teen 2014 in swart besit te hê, is gereeld in die nuus en Cosatu en Julius Malema , voorsitter van die ANC-jeugliga, het hul opinies hieroor aan die BBC verduidelik.

Dit is reeds bekend dat die doelwit van 2014 na 2025 geskuif is en die grootste rede wat hiervoor voorgehou word is, is hoë plaaspryse, luidens ‘n berig in die Irish Times. Finansiële beperkinge, burokratiese sloerdery en die internasionale ekonomiese krisis word ook voorgehou as redes vir die huidige stand van sake.

[…]

Malema meen die Regering se gewillige koper en verkoper-benadering tot grondhervorming is onsuksesvol en grondeienaars moet ‘n ononderhandelbare aanbod van die Regering gebied word. “Ons sal betaal, maar net wat ons kan bekostig want hulle het dit in elke geval gesteel. Hulle het ons grond gesteel,” het hy aan die BBC gesê.

Cosatu-woordvoerder Patrick Craven sê die feit dat ‘n hele generasie sal verbygaan voordat restitusie werklik toegepas is, is nie goed genoeg nie. “Ons sit op ‘n sosiale tydbom. Die feit dat mense van landelike gebiede gedwing word om na plakkerskampe in stede te trek skep die soort spanning wat ons om kwessies soos dienslewering sien. Dit sal baie beter wees as hulle ‘n lewe in landelike gebiede kan maak. Die grootste rede waarom hulle nie kan nie is die feit dat grondeienaarskap in dié gebiede steeds ongebalanseerd is.”

Lees die volledige berig hier.

 

ds dentalФильчаков

Uhuru Guru vrygelaat

Te midde van ‘n storm wat PRAAG se berig oor die inhegtenisname van Uhuru Guru, webmeester van South Africa Sucks, veroorsaak het, is hy so pas vrygelaat, volgens ‘n sms wat van sy regsverteenwoordiger vanaf die Randburgse landdroshof ontvang is.

Blykbaar was die saak nie eens op die rol nie en is geen klag teen hom gelê nie. Hy het egter die nag in die selle van die Lindense polisiestasie deurgebring en is vanmore saam met die ander verhoorafwagtendes geboei en na die hof vervoer.

Sy vrylating kom ná PRAAG vanmore ‘n veldtog op tou gesit het, met mediaverklarings en oproepe aan invloedryke persone. “Ons was reg om ‘n internasionale veldtog vir sy vrylating op tou te sit. Dit lyk egter asof die polisie besef het dat hulle geen saak het nie,” het Dr. Dan Roodt van PRAAG gesê.

“Die feit dat so iets kon gebeur, toon egter dat alles nie pluis is nie. Die staat het duidelik sy mes in vir die onafhanklike webwerwe wat aan die ANC se oorhoofse beheer ontkom,” het hy gesê.

металлические брекетыФільчаков Олександр Васильович прокурор

Ystervuis teen webwerwe

Die inhegtenisname van die bekende Johannesburgse “blogger” Uhuru Guru van die woernaal South Africa Sucks het gister skokgolwe deur Suid-Afrika se internetgemeenskap gestuur. Oënskynlik het die ANC-bewind op die vooraand van die Wêreldsokkerbeker tot hardhandige optrede oorgegaan teen webwerwe wat die land se probleme soos misdaad en verdrukking van minderhede aan die groot klok hang. Daar is ook die afgelope dae ‘n veldtog deur anonieme briefskrywers op LitNet, ‘n webwerf in die Media24-stal, gevoer teen die misdaadberigte wat South Africa Sucks gewoonlik met kommentaar aanbied.

Die voordeur van Uhuru Guru is gisteroggend om 6:30 deur ‘n “taakmag” van die polisie afgeskop en hy en sy gesin is hardhandig uit die bed gepluk. Sy vrou is nie toegelaat om enige oproepe te maak nie en selfs sy dogtertjies se selfone is gekonfiskeer, tesame met alle rekenaartoerusting in die huis. Die taakmag, wat uit lede van die polisie, veiligheidspolisie en verskeie spesialiseenhede soos kubermisdaad bestaan het, het die webmeester ook oor PRAAG en dr. Dan Roodt ondervra, wat moontlik kan veroorsaak dat die polisie se veldtog na hierdie webwerf kan uitbrei.

Uhuru Guru, wat tans om sakeredes verkies om anoniem te bly, is agterna na ‘n Johannesburgse polisiestasie geneem waar hy tans in aanhouding verkeer. Volgens sy regsverteenwoordiger is daar duidelike pogings deur die staat om die regsproses te vertraag ten einde hom vir die maksimum periode vir ondervraging aan te hou. Die klagtes teen hom is onduidelik, maar daar word gepraat van crimen injuria, asook ‘n insident tydens 1993 toe een van sy werknemers gesteelde goedere ter waarde van enkele honderd rand op sy perseel versteek het. Dit wil voorkom asof die polisie dié klag wat sestien jaar gelede teruggetrek is, op hul rekenaar opgespoor het ten einde ‘n verskoning te vind om hom in hegtenis te neem.

Volgens Uhuru Guru se regsverteenwoordiger is “die hardhandige en oordrewe optrede deur die polisie… duidelik polities gemotiveer”.

PRAAG het enkele dae gelede vanuit ‘n bron binne die ANC verneem dat daar ‘n groep blanke Afrikaners binne die polisie verkeer wat weens transformasiedruk hul eie poste en begrotings moet motiveer deur op ‘n fiktiewe “regse gevaar” te spioeneer. Die polisie wat gister teen Uhuru Guru van South Africa Sucks opgetree het, was blykbaar deur die bank blanke Afrikaners wat direk aan hoofkantoor rapporteer en nie aan enige plaaslike polisiestasie nie.

Volgens Uhuru Guru se regsvereentwoordiger het hulle ‘n “sinistere indruk gemaak, presies soos die ou Veiligheidspolisie in die tagtigerjare onder die Nasionale Party. Ek was destyds baie links gewees en as ek nie so ontnugter was deur die nuwe Suid-Afrika nie, sou ek seker steeds links gewees het. Daarom moes ek dikwels met die Veiligheidspolisie namens kliënte onderhandel wat in aanhouding was. Gister se ervaring het my ‘n gevoel van déjà vu gegee. Dit was presies dieselfde, dieselfde mense, dieselfde metodes, dieselfde kyk in die oë. Een van: ‘Te hel met jou. Ons maak wat ons wil.'”

Dr. Dan Roodt van PRAAG het intussen verklaar dat “daar geen bande tussen PRAAG en South Africa Sucks bestaan nie. Terwyl South Africa Sucks se hooffokus misdaad en Suid-Afrika se rasseprobleme is, wil praag.co.za ‘n onafhanklike, algemene kuberkoerant wees wat lesers oor allerlei sake inlig en ook onverskrokke, maar beskaafde kommentaar lewer. Hoewel die feite oor misdaad wat in South Africa Sucks vermeld word gewoonlik waar is, handhaaf die blad ‘n polemiese en uitdagende toon wat nie ons styl is nie. Maar dis Uhuru Guru se goeie reg, indien Suid-Afrika wel ‘n demokrasie met spraakvryheid sou wees. Die huidige gebeure laat egter twyfel of Suid-Afrika veel langer op die etiket ‘liberale demokrasie’ sal kan aanspraak maak.”

Dr. Roodt was egter vol moed dat die alternatiewe Afrikaanse media die huidige aanslag van die staat sou oorleef. “Die ANC is ‘n magshonger monster wat geen teenspraak of alternatiewe sienings duld nie. Immers het die beweging sy tande in die ou Oos-Europa geslyp waar totalitêre bewinde alle aspekte van die samelewing beheer het. Daarom, toe ons praag.co.za as ‘n e-koerant gevestig het, het ons die blad se bediener in die VSA opgestel waar ons die beskerming van die Amerikaanse grondwet en wette oor vryheid van spraak geniet. Nóg die ANC, nóg die Veiligheidspolisie wat tans ‘n voorbeeld van South Africa Sucks gemaak het, kan ons stilmaak. Al word ons almal in die tronk gesit weens ons menings teen geweldsmisdaad en meerderheidsoorheersing in Suid-Afrika, beskik ons ook oor mense in oorsese lande wat die webwerf van daar af kan bedryf en aanhou publiseer.”

дитячі велосипеди купитиАлександр Фильчаков Васильевич

Studente brand lesingsaal af, beskadig biblioteek, rekenaarlokale

‘n Lesingsaal by die Universiteit van Zululand is aan die brand gesteek en die gebou is met klippe bestook toe ‘n studenteraadsvergadering verdaag het.

“Een lesingsaal is heeltemal verwoes nadat dit aan die brand gesteek is en ‘n hele aantal ander geboue is ook deur ‘n klipgooiery beskadig,” het Sishokonke Mapisa, die sekretaris van die universiteit, gesê.

“Skade van oor ‘n miljoen rand is aangerig.”

Studente het die biblioteek, rekenaar lokale en lesingsale beskadig.

Volgens Kapt. Thulani Zwane, ‘n polisiewoordvoerder, word die saak ondersoek en is niemand nog in hegtenis geneem nie.

Xolani Ngwezi, sekretaris van Sadesmo het gesê dat die SA Students Congress (Sasco) verantwoordelik is vir die skade.

Hulle het glo uit ‘n studenteraadsvergadering geloop weens ontevredenheid rondom die verkiesingsproses.

 

стоматологиялобановский александр дети

Polisie slaan toe op vervalsingsbedryf

Mpumalanga se polisie het toegeslaan op ‘n onderneming wat vervalste universiteits-, matrikulasie-, bestuurskool- en vakmanskapkwalifikasies vervaardig.

Die polisie het agterdogtig geraak toe 13 polisiereserviste se kopieë van hul matriek sertifikate dieselfde verwysingsnommer gehad het.

Hulle het op ‘n wenk gereageer wat tot die inhegtenisneming van ‘n 25-jarige man in Emthonjeni gevolg het.

Hy het aanvanklik homself in sy huis probeer toesluit, maar het uiteindelik ingegee en die polisie ingelaat.

Binne in die huis was ‘n verskeidenheid rekenaars en hardeskywe sowel as ‘n hele aantal roof-CD’s en DVD’s.

Daar was ook ‘n masjien wat vervalste bankkaarte maak.

Hy het ketelbouersertifikate, siviele ingenieursgrade en ‘n verskeidenheid diplomas vervaardig.

Vir ‘n gesertifiseerde kopie, het hy R50 gevra en vir ‘n vervalste ‘oorspronklike’, R350.

Meeste mense het gesertifiseerde kopieë by hom gekoop.

“Vanselfsprekend het die polisiereserviste nie veel van ‘n toekoms in die polisie nie,” het kaptein Leonard Hlathi gesê.

“Ons het nie plek vir sulke mense in die polisiediens nie.”

Die beskuldigde sal in die Machadodor landdroshof verskyn op aanklagte van bedrog, vervalsing en uiting.

‘n Klag van letterdiewery sal ook mettertyd teen hom gemaak word.

 

купить свитер для девочки 12 летАлександр Фильчаков

Swart studente verwoes kampus

Studente aan die Universiteit van Zululand in KwaZulu-Natal het Dinsdagaand lelik amok gemaak en verskeie klasse en geboue op die kampus beskadig, het die polisie Woensdag gesê.

“Ek kan bevestig dat die universiteit se eiendom beskadig is. ‘n Saak is aanhangig gemaak maar niemand is nog in hegtenis geneem nie,” het kapt. Thulani Zwane, polisiewoordvoerder, gesê.

Volgens studenteleiers by die universiteit is die studenteraad se kantore, ‘n klaskamer, die biblioteek en ‘n rekenaarlokaal beskadig.

“Die klaskamer is afgebrand en die polisie moes van rubberkoeëls gebruik maak om die kwaaddoeners onder beheer te bring,” het Thabani Mthabela, voorsitter van die ANCYL-tak, gesê.

Volgens Xolani Ngwezi, verteenwoordiger van die Suid-Afrikaanse Demokratiese Studentebeweging (Sadesmo), is die South African Students’ Congress (Sasco) glo te blameer vir die voorval.

“Die leiers van Sasco het uit ‘n vergadering geloop waar ‘n kwessie rondom die studenteraad se verkiesing bespreek is,” het Ngwenzi, gesê.

 

no deposit casino free moneyФильчаков прокурор харьков

Swartes verwyt mekaar oor sukses

Versoeke deur die Nasionale Metaalwerkersunie, Numsa, om Tokyo Sexwale en Patrice Motsepe se rykdom te nasionaliseer, kom uit jaloesie.

Só meen Gwede Mantashe, die sekretaris-generaal van die ANC.

Volgens Mantashe verwyt swart mense mekaar oor sukses.

“As enigiemand vooruitbeweeg, voel ons jaloers en verwens ons hulle sukses,” het Mantashe Dinsdag by Luthuli-huis aan die media gesê.

Beide Motsepe en Sexwale het groot voordeel getrek uit die regering se swart ekonomiese bemagtigingsprogram.

Motsepe is Suid-Afrika se rykste man.

Numsa se versoek kom ná die twee se name verlede Sondag op ‘n Sunday Times-lys van die land se rykste mense verskyn het.

“Ons moet die jaloesie hanteer en nie stokkies draai nie. Dit is nie ‘n nasionaliseringsdebat wat deur Numsa gelug is nie,” het Mantashe gesê.

Mantashe het ook die publieke aanval deur die Jong Kommuniste-liga (YCL) op die ANC se tesourier-generaal, Matthews Phosa, gekritiseer.

YCL het Phosa gekritiseer omdat hy gesê het dat myne in die lande nie onder staatbeheer geplaas sal word nie.

“Persoonlike aanvalle en beswaddering is seker maniere om enige debat te ontspoor,” het hy gesê.

Mantashe het ook gesê sulke persoonlike aanvalle verswak die alliansie tussen die ANC, Cosatu en die SACP.

Dié tipe aanvalle op individue sal volgende week in bilaterale vergaderings bespreek word.

 

магазин школьной одежды для девочеклобановский харьков

Huursoldate vry

Ekwatoriaal-Guinee het vir Simon Mann, Britse huursoldaat, die Suid-Afrikaner Nick du Toit en drie ander vrygelaat.

Hulle is in 2004 in hegtenis geneem vir ‘n mislukte staatsgreep.

“Hulle het totale amnestie ontvang en is vry om te gaan,” het Jeronimo Osa Osa Ekoro, minister van kommunikasie, gesê.

“Hulle het 24uur om die land te verlaat na ‘n bestemming van hul keuse.”

President Teodoro Obiang Nguema, wat al sedert 1979 aan bewind is, het aan hulle amnestie gegee.

Die Britse en Suid-Afrikaanse huursoldate het 34 jaar tronkstraf ontvang vir hul rol om Obiang Nguema uit te dryf.

“Dit was glo ‘n persoonlike besluit deur die president, gebaseer op humanitêre redes,” het ‘n Britse woordvoerder in Londen gesê.

Die vier Suid-Afrikaanse burgers is tans by die Suid-Afrikaanse ambassade in Malabo en sal binnekort terugkeer na Suid Afrika.

Hulle vrystelling kom op die vooraand van president Jacob Zuma se geskeduleerde besoek aan Ekwatoriaal-Guinee.

 

купить автомойкулобановский александр дети

Boesak terug na ANC

Skaars twee ure nadat Allan Boesak sy bedanking vanaf Cope aangekondig het, het die ANC hom terug verwelkom na hulle kamp.

Membathisi Mdladlana, minister van arbeid het Boesak Dinsdag in ‘n verklaring na die party terug verwelkom.

“Ons wil Boesak herinner aan sy tuiste, die organisasie met die ideologie en visie, die ANC,” het Mdladlana gesê.

Dié minister, wie ook die leier van die ANC Wes-Kaap taakspan is, het Boesak se skuif verwelkom om hom van ‘n sukkelende party te dissosieer.

“Cope is vaag, verlore en deurmekaar,” het Mdladlana gesê.

“Cope is ‘n party van dwase desperate mense, wat op mense se gevoel speel. Hulle werk buite die bewustheid van die mense van Suid-Afrika.”

Boesak het vroeër Dinsdagoggend sy bedanking by die Congress of the People ingehandig, glo omdat die party se strukture in wanorde is.

Volgens hom wou hy nie ‘n leierskapsrol by die party gehad het, toe hy in 2008 by hulle aangesluit het nie.

Boesak het gesê daar is al baie goeie hardewerkers geskors omdat hulle die party se leierskap gekritiseer het.

Phillip Dexter, woordvoerder van Cope, het Boesak se kritiek afgemaak en gesê dit was nog nooit maklik om ‘n nuwe party te stig nie.

“Ons het sy bedanking met teleurstelling ontvang. Hy het by die party aangesluit toe ons dit net gestig het, en baie mense het hoë verwagtinge gehad toe hy by die party aangesluit het.”

“Die uitdagings wat Boesak uitgewys het, is algemene uitdagings wanneer dit kom by ‘n nuwe organisasie. Ons wens hom alles van die beste toe,” het Dexter gesê.

Boesak se bedanking is nie die eerste vir Cope nie. Twee senior leiers Simon Grindrod en Lynda Odendaal het vroeër bedank as gevolg van die manier hoe die party bestuur word.

Cope is die derde grootste party in die parlement en werk toenemend saam met die DA.

Boesak het belowe om sy werk in die gemeenskap, kerk en as ‘n buitengewone professor aan die Universiteit van Stellenbosch voort te sit.

Hy het ook bygevoeg hy sal voortaan vir Cope bid.

“My gebed is dat Cope weer hul hoop en visie sal vind, om die beloftes wat hulle aan die mense van Suid-Afrika gemaak het, kan vervul.”

 

справка в спортзалФильчаков прокурор

Afrika kan in twee skeur

Vulkaniese aktiwiteite kan die kontinent Afrika moontlik in twee dele skeur.

Die bevindings het gekom nadat navorsers die 60 km-lange skeur in die noorde van Ethiopië gaan bestudeer het.

Dié skeur het verskyn nadat twee vulkaniese uitbarstings in 2005 in die streek, Afar plaasgevind het.

Dié voorval het dit vir wetenskaplikes moontlik gemaak om die aarde se tektoniese bewegings verder te bestudeer, het die verslag wat in die Geophysical Research Letters gepubliseer is, gesê.

“Die bevindings toon dat ‘n groot magnetiese deformasie in enkele dae kan plaasvind,” het Atalay Arefe, ‘n professor aan die universiteit van Ethiopië wat aan die studie deelgeneem het, aan AFP gesê.

Navorsers sê verskuiwings en skeure wat normaalweg op die bodem van die oseaan plaasvind, is die oorhoofse prosedures wat gevolg word wanneer kontinente van mekaar af weg skeur.

Afrika het dieselfde prosedure ondergaan toe dié kontinent miljoene jare terug vanaf Amerika los geskeur het.

“Afar gee nou ‘n natuurlike laboratorium waar ons eksperimente kan uitvoer om uit te vind of dit weer moontlik is,” het Atalay verduidelik.

Atalay, wat sedert die uitbarstings deel van die studiegroep was, het gesê die voorval in 2005 is ‘n vooruitskatting van wat moontlik in die vasteland mag plaasvind.

“Die oseaan se formasies vind baie stadig plaas en sal moontlik ‘n paar miljoen jare neem. Die skeur sal in die Afar streek begin en in die rigting van Mosambiek beweeg,” het hy gesê.

Die Afar streek, wat bekend is vir sy soutmyne en aktiewe vulkane, is die laagste en warmste plek op die planeet.

 

кукольный домик купитьФильчаков прокурор харькова