Suid-Afrikaanse nuus, d.w.s. sowel nuus uit Suid-Afrika én Suider-Afrika.
’n Eenjarige baba en haar oppasser (30) is beseer toe rowers hulle in Robindale aangeval het, het paramedici gesê.
Vanessa Jackson, woordvoerder vir ER24 het gesê die vrou en die baba het kopbeserings opgedoen.
“Hulle is albei weens hul kritieke toestand na ’n hospitaal geneem.”
Dit is steeds onduidelik waar die rowers toegang tot die perseel gekry het, het sy gesê.
“Sedert die moord op Eugene Terre’Blanche die aandag wêreldwyd op plaasaanvalle in Suid-Afrika gevestig het, was daar nog aanvalle soos dié by Brits. Die jongste aanval, dié op mnr. Karel Griessel, is groot nuus omdat dit ook in die distrik Ventersdorp plaasgevind het.
“Die verdere hartseer is dat sedert Terre’Blanche vermoor is, nog tussen 700 en ‘n duisend Suid-Afrikaners teen ‘n tempo van meer as 50 per dag vermoor is sonder dat dit veel van ‘n rimpeling veroorsaak het,” sê Botha wat ook die waarnemende voorsitter van die Christen-Demokratiese Alliansie (CDA) is.
“Berigte soos die Vrystaatse gesin van vyf wat in afgryse steier na hulle deur ses mans met grawe en messe gewapen, aangeval is het verskyn. Niemand is in hegtenis geneem nie. Nog ‘n berig handel oor ‘n man wat doodgeslaan is, sy vrou deur ‘n bende verkrag is en hul vyfjarige dogter ernstig aangerand is toe ‘n bende van 15 mans by hul huis ingebreek het. Niemand is nog in hegtenis geneem nie. ‘n Jong Kaapse man, 23, bloei in die arms van sy pa dood na ‘n vroeg-oggend aanval deur die aanvallers. Hy is met ‘n lang mes in die wang gesteek, en die mes toe afwaarts gedwing. So ver bekend is niemand nog in hegtenis geneem nie. Voorvalle soos hierdie het algemeen geword in Suid-Afrika.
“Die enigste gevolgtrekking waartoe gekom kan word is dat die regering daarin faal om sy burgers te beskerm en doeltreffend met misdadigers af te reken. Suid-Afrika is vinnig besig om ‘n mislukte staat te word.”
Ahmadinejad se besoek aan Uganda is van groeiende belang aangesien wêreldleiers deur middel van ‘n nuwe rondte VN-sanksies druk op Iran wil plaas teen die voortsetting van sy kernprogram.
Die verklaring bevat geen besonderhede van die Zimbabwe-been van die reis nie maar wys daarop dat die Iranse president Vrydag gesprekke met Ugandese amptenare, insluitend President Yoweri Museveni, in Kampala sal voer.
Uganda is tans een van die roterende Veiligheidsraadslede.
“Dit is duidelik dat ons as ‘n lid van die Veiligheidsraad die kwessie van kernenergie gaan bespreek,” het die permanente sekretaris van Uganda se buitelandse sake departement, James Mugume, Dinsdag gesê.
“Ons het al met Iran oor hierdie kwessie vir ‘n geruime tyd gesprek gevoer.”
Iran se minister van buitelandse sake Manouchehr Mottaki het Sondag gesê Teheran beplan ope gesprekvoering met al 15 lede van die Veiligheidsraad in ‘n poging om ‘n dooiepunt oor ‘n kernbrandstoftransaksie wat die Weste teenstaan, te breek.
Volgens ‘n mediaverklaring deur Sharon Hudson-Dean, die ambassade se woordvoerder, is al die Amerikaners wat op die trein was geïdentifiseer en opgespoor.
Die VSA se ambassadeur, Donald Gips, het die toneel van die ongeluk kort na dit gebeur het, besoek.
“Ons gedagtes en gebede is met diegene wat deur hierdie ongeluk geraak is,” het hy gesê.
“Ons wil Suid-Afrikaanse nooddienste en ander partye wat dadelik hulp aangebied het, bedank, en ons sal voortgaan om saam met Suid-Afrikaanse owerhede te werk om Amerikaners wat deur die ongeluk geraak is, te help,” het hy gesê.
Twee vroue, albei werknemers, is in die ongeluk oorlede toe dit naby Pretoriastasie ontspoor het, net voor 12 uur Woensdagoggend. Een was swanger.
Die trein het ontspoor toe die waens begin beweeg het omdat die lokomotiewe verander is van ‘n elektriese na ‘n stoomenjin.
Teen laat Woensdag was die spoor tussen Pretoria en Centurion nog gesluit.
Na verwagting sal die opruimaksie ten minste drie dae neem en die ondersoek na die oorsaak van die ongeluk sal vyf dae neem.
“Die probleme waardeur die boeregemeenskap in die gesig gestaar word, insluitend plaasmoorde, moet verstaan word uit beide die boere en plaaswerkers se oogpunt. Daarom vind hierdie vergadering met Fawu plaas,” het hy gesê.
Die Vryheidsfront Plus wil graag die volgende sake, wat ‘n wesenlike invloed op begroting en diensverskaffing het, onder die aandag van minister Sexwale bring:
1. Behuising is ‘n multi-dimensionele probleem vanuit ‘n groeiende gemeenskap met ‘n aanvraag wat alle redelike vermoë tot lewering oorskry. Die department se strategiese oorsig noem dan ook dat deel van die department se verantwoordelikheid is die geweldige groei van informele nedersettings. Behalwe vir natuurlike aanwas, is die grootste drywer agter dié groei die poreuse toestand van ons grense en die toestroming van onwettige immigrante na Suid-Afrika en nie, soos die Minister voorheen genoem het, die onwettige uitsetting van plaaswerkers nie. Ek is bly dat die Minister dié misverstand met my partyleier, die adjunkminister van Landbou, Bosbou en Visserye, dr Pieter Mulder, opgeklaar het. Om die onbeperkte groei van informele nedersettings aan te spreek, sal die Minister en sy department eerder met die Department van Binnelandse Sake, Verdediging en Polisie moet konsulteer en ‘n inter-ministeriële plan moet opstel ten einde die invloei van onwettige immigrante te stuit en slegs die te huisves in terme van ons internasionale regsverpligtinge. Dit is ‘n saak wat met die nodige politieke wil en fokus aangepak moet word.
2. Tweedens, wil ons die Minister vra om ook ag te slaan, nie net op die skep van nuwe behuising nie, maar ook op die instandhouding van bestaande maatskaplike behuising. In daardie verband sal dit sinvol vir die department wees om te skakel met plaaslike owerhede, en veral die Metropolitaanse owerhede in Gauteng, rakende die instandhouding van maatskaplike behuising wat aan hulle behoort. Gedurende die tydperk waarin ek as raadslid in die Johannesburgse Metropolitaanse owerheid gedien het, het ek seker 80% van my tyd gespandeer aan probleme met betrekking tot hierdie tipe behuising wat in meeste gevalle alles behalwe leefbare wooneenhede is. Dat die munisipaliteite traag is om hierdie behuising te onderhou, is inderdaad ‘n oorskatting. Daar bestaan so te sê geen politieke wil tot onderhoud nie, tot so ‘n mate dat telkens met hofsake gedreig moet word om dienslewering te verseker. Ons vra, derhalwe, dat die Minister ook hieraan aandag sal skenk.
3. Van die Metropolitaanse owerhede het ook besluit om van die maatskaplike behuising aan bewoners te verkoop. In Johannesburg is hierdie koopkontrakte al sedert 2000 met inwoners gesluit, maar tot op hede is nog nie een stuk behuising se titelaktes oorgedra nie. Die verskoning wat Johannesburg Metro aanbied is bloot dat hulle nie geld vir oordrag het nie. Dit is onaanvaarbaar en ons wil van die Minister weet of hy ook op ‘n holistiese basis regoor Gauteng provinsie hieraan aandag kan skenk. Verdere vertragings in hierdie verband sal lei tot publieke opstand en regsaksies, beide wat teenkonstruktief sal wees vir alle partye hierby betrokke, veral die regering.
4. Laastens, wil die Vryheidsfront Plus die Minister en sy department gelukwens met hulle suksesse in die stryd teen korrupsie. Dis ‘n bemoedigende teken. Ons wil ook die Minister se aandag op ‘n verdere vorm van misdaad vestig waar raadslede, ten einde polities-gedrewe demografiese verskuiwings te maak, op ‘n bedrieglike wyse onontwikkelde grond wat nie aan hulle behoort nie, aan ongesofistikeerde arm mense verkoop waar hulle dan kom vestig, met informele nedersettings as eindresultaat. Dit blyk landwyd ‘n groeiende probleem te wees.
“Die Polokwane-moord was so wreed dat lede van die Polisie berading moes ontvang. Dit is ‘n bewys dat die aanvallers vrees by die gemeenskap wil inboesem. Wanneer groot groepe misdaad pleeg is dit nie net gewone kriminaliteit nie, maar is daar ‘n ander motief en agenda. Wat die Vryheidsfront Plus betref is hierdie ‘n tipiese optrede met ‘n politieke motief om mense van hulle grond af te verwilder en sal so gesien word totdat die teendeel bewys word,” sê Groenewald.
“Die minister van Polisie, mnr. Nathi Mthethwa, sal nou moet bewys dat sy woorde omgesit word in dade. Hy voer samesprekings met verskeie groepe, maar alles sal net lippediens wees as die Polisie nie daadwerklik toeslaan en plaasmoorde as ‘n prioriteit beskou en die misdadigers aan die kaak stel nie,” het Groenewald gesê.
Ja, en toe ruk praag.co.za se spannetjie op na die ANC-perskonferensie in Luthuli-huis oor Malema se geheimsinnige tugverhoor wat “intern” gaan geskied en waaroor ‘n gesette, bebrilde Thandi Modise, ANC-adjunk-sekerataris-generaal, geen woord wou rep nie.
Wee die middestad van Johannesburg. Vuil, vervalle, ‘n skadu van sy vorige self en waar jy R20 vir parkeerplek in ‘n gebou sonder elektrisiteit betaal aan ‘n nie-amptelike wag wat die bewaker by die ENB-gebou oorkant die staat vir jou “reël”.
Luthuli-huis is baie geel, die agtergrond van die ANC-vlag wat mens oral teen die mure en op baniere aantref. Die sekuriteit is nie waffers nie. Trouens, ‘n Malema-ondersteuner weier na afloop om sy sakkie deur die X-straalmasjien te sit sodat daar byna ‘n geveg in die voorportaal ontstaan. Maar meer daaroor later.
Ons is effe laat en die mediakonferensie is reeds aan die gang. In die ANC se mediaverklaring staan onder die amusante hofie “Oor mynnasionaliseringstudietoere” die volgende: “Die ANC-jeugliga het die ANC ingelig oor hul studietoere na verskeie lande om verskeie nasionaliseringsmodelle te bestudeer. Die ANC respekteer die reg van die Jeugliga om nuwe kennis in te win tydens die proses van ‘n perspektief op die nasionalisering van mye te formuleer.”
Nou wonder ‘n mens hoe word dié lakoniese frase op die plaaslike en Londense aandelebeurse verstaan? Die BBC-man – nie Jonah Fisher wat laas uitgejaag is nie, maar ‘n plaasvervanger want op Facebook het Fisher my laat weet hy is met verlof – brom oor die bekommernisse van buitelandse beleggers tydens sy vraagbeurt. Nee wat, antwoord Thandi Modise, buitelandse beleggers behoort nie deur sulke studietoere afgeskrik te word nie.
Daar is heelwat vrae oor die aard van die dissiplinêre verhoor, maar sowat van ‘n staatsgeheim was daar sedert die presiese ligging van die land se kernbomme onder PW Botha nog nie in die land gewees nie. Die frase “interne aangeleentheid wat nie met die media bespreek sal word nie”, word oor en oor herhaal. Ek staan reg agter die kameramanne van die SAUK en e-tv, links van my die Britse kontingent van die BBC en die Londense Guardian. Ek het geen kamera saamgebring nie, maar neem sommer ‘n foto of twee van die figure voor hul geel en groen uitspansel met my selfoon.
Tydens die tweede rondte kry die uwe kans vir ‘n vraag. “Dan Roodt van praag.co.za.” Daar is ‘n effense beroering in die saal, dog ek gaan voort: “Daar word vermeld in u persverklaring dat die nasionalisering van myne ‘n legitieme studieveld by die ANC-jeugliga is. Maar mnr. Malema het so onlangs as verlede naweek ook taamlik radikale uitsprake oor grondbesit in die land gemaak en gemeen dat die huidige grondbesitters almal ’buitelanders’ sou wees. Hy het ook gesê dat stemreg niks beteken as dit nie tot die oordrag van grond lei nie. My vraag is dus: Verteenwoordig metodes van grondnasionalisering of radikale grondhervorming soos in Zimbabwe ook ‘n ‘legitieme studieveld’ vir die ANC-jeugliga en dalk vir u party?”
Dis nogal heel oulik hoe elke vraag genotuleer word en na so drie, vier vrae sorgvuldig beantwoord word, sy dit dan in vae, ontwykende terme.
Die antwoord op my vraag deur Thandi Modise van onder haar kopdoek is: “Die ANC-jeugliga beskik, net soos die res van die ANC-strukture (“straktjas” in die Rooitaal) soos die Vroueliga of die Umkhonto-veterane-assosiase, oor outonomie. Die liggaam bepaal sy eie beleid en standpunte. Daar is niks mee verkeerd om uit te gaan en kennis (oor nasionalisering) op te doen nie. Daar is ook niks fout met debat nie. Dit is wat die president in die parlement gesê het: dat die publiek met Malema in debat oor hierdie kwessies behoort te tree.
“Wat die grondkwessie betref, oral in Suid-Afrika praat mense oor grond. Die ANC sal nie die weg van ‘n Zim-grondgryp inslaan nie. Maar terselfdertyd moet die grondbehoeftes van ander rasse” – ja, sy gebruik die terme “rasse”, dus is ras geen “sosiale konstruk” hier by Luthuli-huis nie – “in ag geneem word. Ons het al male sonder tal gewaarsku dat, indien daar nie herverpsreiding van grond plaasvind nie, daar wel ‘n Zimbabwe sal gebeur.”
Dus: grondgryp is nie amptelike beleid nie, maar iewers op die horison loer dit tog vir ons, indien bepaalde persentasies grond nie aan “die ander rasse” oorgedra word nie.
‘n Swart joernalis in die voorste ry wie se naam ek nie registreer nie, vra ‘n vraag oor die gewraakte “Dubula ibhunu”-liedjie wat telkens deur Malema gesing is. Dit ontlok ‘n interessante ekskursie in die musikologie en die semantiek deur madame Thandi Modise (ja, onder aan die ANC-mediavrystelling teken sy haar naam op’t Frans as “Mme Thandi Modise”). Volgens haar vind ‘n mens die betekenis van ‘n swart liedjie in die eerste twee tot drie reëls. Die frase “dubulu ibhunu” (“skiet die Afrikaners”) kom eers aan die einde, tydens die refrein, voor. Daarom behoort dit nie so ernstig opgeneem te word nie.
Die ANC stem nie saam met die hofuitspraak dat die liedjie “Skiet die Afrikaners” haatspraak verteenwoordig en dus verbied behoort te word nie. Nietemin sal die party die hofuitspraak respekteer. “Kyk, dis soos ‘n “Slegs blankes”-bordjie by die Robbeneilandmuseum,” gaan sy voort. “Ons kan nie voorgee dat daar nie sulke bordjies bestaan het nie. Ons kan ook nie voorgee dat daar nie liedjies soos ‘Skiet die boere’ gesing is nie. Dis deel van ons geskiedenis. Ons kan ook nie voorgee dat die Pondo’s nie teen die blanke owerheid in opstand gekom het nie. Of dat die Britte nie Afrikanervroue en -kinders by Klerksdorp aangehou het waar baie gesterf het nie,” laasgenoemde synde ‘n sydelingse verwysing na die Britse konsentrasiekampe van die Tweede Vryheidsoorlog. Ten slotte sê Modise: “Ons besef egter dat hierdie deel van ons geskiedenis met omsigtigheid gehanteer moet word en dat sulke liedjies nie gebruik moet word om verdeeldheid en rassegevoelens te saai nie.”
Daar is ook ‘n sterk gevoel by die ANC dat die media “sonder integriteit optree en die president teen die Jeugligapresident afspeel”. In die vertrek op die elfde vloer heers ‘n gespanne atmosfeer tussen die versameling laegraadse woordverwerkers (joernaliste), kameramanne en die ANC-verteenwoordigers. Dis amper soos ‘n hofsaak tussen twee vyandige partye wat hom voor jou afspeel. Die ANC is lank nie meer die liefling van die Suid-Afrikaanse pers of selfs van die buitelandse pers nie.
Voor die einde van die mediakonferensie vertrek ons. Onder in die gebou gekom, moet ek vinnig gaan geld trek om my swartmarkparkering in die donker gebou te bekostig. ‘n Lang, skraal swart met ‘n rooi hemp onder ‘n baadjie kom by die voordeur ingewandel met ‘n sakkie by hom waarin maklik ‘n vuurwapen versteek kon word. Hy weier egter om die sakkie deur die x-straalmasjien te laat gaan, asof hy iets het om weg te steek. ‘n Woordewisseling met die veiligheidswagte onstaan.
Woerts, spring ‘n gelerige swart vrou van die rusbank onder die geel muurversiering in die ingangsportaal neffens die hysbakke op en bars uit. “Jou stuk gemors, voetsek! Jou stuk gemors, voetsek!” Sy skree die woorde oor en oor. Dit blyk dat die skraal swart man met die rooi hemp ‘n Malema-ondersteuner is. “Malema is magtig!” snou hy haar toe. “Hy gaan president word!” Die dosyn of wat swartes wat in die ingangsportaal rondgemaal of -gesit het, vorm nou skielik twee vyandige groepe wat opgewonde babbel en skree. Hulle gluur mekaar aan asof daar enige oomblik geweld gaan uitbreek. Dan gee die man met die rooi hemp in en laat sy sakkie deur die x-straalmasjien ondersoek. Geen wapen nie.
Hy gaan haal die hysbak. Blykbaar is sy held, Malema, iewers in die gebou in sy kantoor. Hy het egter nie die mediakonferensie bygewoon en die trop joernaliste getrotseer nie.
Te oordeel aan die insident in die ingangsportaal loop gevoelens in Luthuli-huis tussen die verskillende faksies nogal hoog. Iets laat my dink dat hoe meer die spanning in die ANC tussen die “volwasse” party onder Zuma en die jeugliga onder Malema gaan verhoog, hoe minder gaan die verklarings wat die party uitreik enige sin maak.
Spanning vernietig die sin van dinge, dink ek by myself as ek nie sonder ‘n sekere haas die vervalle middestad van Johannesburg verlaat nie. Miskien is dit die semantiese les wat Thandi Modise in haar ontleding van die “Skiet die Afrikaners”-liedjie aan ons wou oordra. ‘n Franse frase uit ‘n vergete boek van Jean Baudrillard skiet my te binne, wat sou kon vertaal, iets in die trant van: “Die innerlike nag van sy brein.”
In hierdie dolle land en dolle tyd met die geweldige spanning waaronder ons almal verkeer, heers daar ‘n innerlike duisternis by baie wat ons beswaarlik nog met ons woorde kan verklaar of kan besweer.
‘n Protesaksie by die Siyahlala plakkerskamp en die aangrensende Buderile plakkerskamp in Brandvlei, Randfontein het die afgelope naweek hand uitgeruk toe inwoners besluit het om hul mobiele groen toilette na die munisipale kantore en hoofpad te sleep en aan die brand te steek. In die proses is padtekens uitgeruk en gevandaliseer waarna die SAPD met klippe en bakstene bestook is.
Volgens van Staden kon plaasboere in die omgewing nie hul wonings verlaat nie omdat die toegangsroetes na die plase deur die protesaksie geblokkeer was en moes hulle letterlik ure wag voordat die pad weer veilig was.
Die protesaksie is ook nie die eerste in die Brandvleigebied nie. Inwoners het vroeër reeds om behuising betoog waarna 700 huise sonder die nodige dienste voorsien is.
Die ANC stadsraad pluk nou die vrugte van onuitvoerbare beloftes. Die VF Plus eis dat die raad nou verantwoordelik begin optree omdat menselewens deur vals beloftes in gevaar gestel word.
“Die polisie op Klerkskraal, in wie se gebied die plaasaanval plaasgevind het, kon nie telefonies of per radio bereik word nie en dit wil voorkom asof die polisiestasie of onbeman of die lede aan die slaap was. Dit is totaal onaanvaarbaar en die minister van Polisie, mnr. Nathi Mthethwa, gaan versoek word om op te tree aangesien sulke laksheid bydra dat misdadigers nie die polisie vrees nie en maklik ontsnap.
“Die boeregemeenskap was weereens op hulle self aangewese om mnr. Griessel te hulp te snel. Die polisie op Potchefstroom het later reageer, maar die aanvallers het toe reeds gevlug.
“Plaasaanvalle in Noordwes neem onrusbarend toe en dit kan toegeskryf word aan haatspraak en veral opruiende uitlatings van die ANC-jeug asook van Cosatu in Noordwes,” het mnr. Pieter Groenewald, VF Plus-provinsiale leier in Noordwes en hoofwoordvoerder oor Polisie, gesê.
“Die minister van Polisie sal moet antwoorde verskaf oor hoekom die polisie op Klerkskraal nie beskikbaar was nie. Dit is sulke optredes wat daartoe bydra dat veral geweldsmisdaad, maar ook misdaad in die algemeen floreer en nie onder beheer gebring word nie.
“Cosatu blaas gereeld rassehaat aan omdat hy plaasaanvalle wil regverdig asof dit die boere is wat rassisme bedryf. Hierdie optredes sal onmiddellik gestaak moet word, anders sal boeregemeenskappe reg in eie hande begin neem omdat plaasaanvalle en plaasmoorde emosies nou tot breekpunt dryf,” het Groenewald gesê.
