Vrae oor Dakota-vliegramp

Sasfu, die veiligheidsmagte se vakbond, sê daar is nog baie vrae oor die noodlottige ongeluk waarin ‘n militêre vliegtuig verlede naweek in die Drakensberge verongeluk het.

Ses bemanningslede en vyf passasiers is in die ongeluk dood toe ‘n C47TP-Dakota neergestort het.

Volgens die SABC het die vakbond versoek dat ‘n onafhanklike kommissie die ongeluk ondersoek, maar die weermag weier. Siphiwe Dlamini, ‘n woordvoerder vir die weermag, sê hul eie ondersoekspan is meer as bevoeg om die ondersoek uit te voer.

Nosiviwe Maphisa-Nqakula, minister van verdediging, het gesê gure weer kon tot die ramp bygedra het. 

In 2004 egter, het ‘n verslag gemaan dat opleiding en die gebrekkige toepassing van standaarde in die lugmag aangespreek behoort te word. 35 Eskader van Ysterplaat het ongeveer ‘n maand gelede sy eerste C47TP-Dakota op Mthatha se lughawe “verloor”, berig Erika Gibson in Die Burger.

‘n Verslag oor die waarskynlike oorsake tot die ongeluk op Mthatha se lughawe is volgens Gibson aan Die Burger verskaf waarin die vlieënier in die eerste vlug uitgesonder is as hoogs onbevoeg om te vlieg.

Desondanks en strydig met alle bepalings van vliegveiligheid is die vlieënier weer en weer kanse gegun om te kwalifiseer, skryf Gibson.

Die bron van die verslag het voorspel dat minstens drie kandidate ongelukke gaan veroorsaak.

“Ons was reg oor dié een – nou wag ons vir die ander twee. Daar is waarskynlik heelwat meer van hierdie gevalle as dié met wie se opleiding ons gemoeid was.”

Die verslag is geskryf terwyl kapt. M.S.M. Manaka haar vliegopleiding by die Sentrale Vliegskool Langebaanweg gedoen het.

In daardie stadium moes studente 93,8 uur vlieg. Manaka het 152,8 uur nodig gehad.

Sy het ook ‘n nuwe, meer senior instrukteur gekry om te help omdat sy gesukkel het.

Sy het gefaal om alleen op verskeie van haar vlugte te vlieg weens “gevaarlike praktyke”. Dit sluit in die tydige herstel uit sekere vliegbewegings en harde landings.

In twee belangrike toetse het sy onderskeidelik 66% en 59% behaal, vergeleke met die slaaggemiddelde van 90% en 80%.

Die verslag het tot die gevolgtrekking gekom dat: “2lt. Manaka nié oor die vermoë beskik om ‘n vlieënier te word nie.”

Ondanks die verslag is sy weer kanse gegun totdat sy haar vlerkies uiteindelik ontvang het.

Sy het ligte vliegtuie gevlieg voordat sy na 35 Eskader oorgeplaas is om haar aanpassing op die C47TP te doen. Dié vliegtuie is glo ingewikkeld om te land.

Manaka se ongeluk het tydens die landing plaasgevind toe die vliegtuig twee keer gespring het voordat dit van die aanloopbaan af geloop het. Die vliegtuig lê nog langs die aanloopbaan en gaan waarskynlik afgeskryf word.

Dit was juis deels om dié vliegtuig te gaan oppas waarom vyf veiligheidswagte op vandeesweek se rampvliegtuig was. Die lugmag het vroeër gesê hy sal nie kommentaar lewer voordat ‘n ondersoek afgehandel is nie.

Genl. Marthie Visser, woordvoerder van die lugmag, het gesê die vliegtuig is onlangs opgradeer.

прокурор Фильчаков

Polisiehoofde in hegtenis geneem

Twee polisiemanne wat ondermeer teregstaan op aanklagte van bedrog van sowat R1,1 miljoen is elk borgtog van R10 000 in die Pretoriase landdroshof toegestaan, het die Valke gesê.

Maj.genl. Solly Lazarus en kol. Hein Barnard, wat albei geskors is, is Dinsdag in hegtenis geneem, het kapt. Paul Ramaloko, woordvoerder van die Valke, gesê.

Lazarus en Barnard staan tereg op aanklagte van diefstal, bedrog en korrupsie nadat hulle onbehoorlik voordeel getrek het uit ‘n geheime fonds.

Ramoloko het gesê die saak is tot 21 Februarie uitgestel.

Александр Фильчаков Васильевич

SA, Pakistan voer stryd teen seerowery

Suid-Afrika en Pakistan is uitgesonder as die twee lande wat in die voorste linie staan in die stryd teen terrorisme en seerowery in die Indiese Oseaan.

Die bevelvoerder van die Pakistanse Vlootsending – Muhammad Ihsan Qadir – het die media aan boord van die besoekende vlootdekskip – PNS Tippu Sultan – in Simonstad toegespreek.

Die vaartuig is saam met ‘n ondersteuningsvaartuig op ‘n vierdaagse besoek aan Suid-Afrika om bande te verstewig.

Qadir sê Pakistan is reeds die afgelope drie jaar deel van die Amerikaansgeleide-koalisie om seerowery hok te slaan. Die Suid-Afrikaanse vloot het onlangs sy verkennings aan die kus van Mosambiek hervat.

прокурор Фильчаков

Mandela het longinfeksie

Oudpres. Nelson Mandela ly aan ‘n longinfeksie, het die presidensie in ‘n verklaring gesê.

“Dokters het tot ‘n gevolgtrekking gekom… wat ‘n herhaling van ‘n vorige longinfeksie getoon het…” lui die verklaring.

Die presidensie het bygevoeg dat die oudpresident die geskikte behandeling kry.

Duisende Suid-Afrikaners het vroeër die ikoniese leier ‘n spoedige herstel toegewens, nadat hy die naweek in die hospitaal opgeneem is.

Pres. Jacob Zuma het Mandela (94) besoek en gesê hy word goed versorg.

Dit is die tweede keer vanjaar wat die voormalige staatshoof in die hospitaal opgeneem word.

Mandela het nog nie in die publiek verskyn sedert Suid-Afrika in 2010 die Wêreldbeker-sokkertoernooi aangebied het nie.

Фильчаков Харьков

Honderde polisievuurwapens weg

Riah Phiyega, nasionale polisiekommissaris, se kantoor sê 740 polisievuurwapens is vanjaar óf gesteel óf polisiebeamptes het hulle verloor.

Phiyega se kantoor sê ses vuurwapens is in toilette verloor, terwyl ‘n totaal van 246 op ‘n nalatige wyse verlore gegaan het. Die verlies van 286 vuurwapens moet nog geklassifiseer word.

In totaal is 350 polisiebeamptes vir die verliese gedissiplineer.

Die nalatige verliese sluit in een polisieman wat sy dienspistool verloor het terwyl hy dronk was. Vier vuurwapens is in rooftogte gesteel terwyl polisiebeamptes drank gebruik het, en tien vuurwapens is in inbrake gesteel terwyl beamptes se huise nie gesluit was nie.

Phiyega sê 425 ondersoeke na die verdwyning van vuurwapens is nog aan die gang

данильченко юрій броніславович

Skade na swaar reën en hael

Miljoene rande om mense te help word benodig ná ‘n erge haelstorm groot skade in KwaZulu-Natal aangerig het, het Nomusa Dube, LUR vir samewerkende regering, Maandag gesê.

Die storm het Sondagaand oor Ladysmith en omliggende gebiede uitgesak.

“Gebiede soos Acacia, Steadville, Tsakane en Modelkloof in Ladysmith word die ergste geraak. Honderde mense is dakloos gelaat,” het Dube in ‘n verklaring gesê.

Sy het ‘n nooddiensspan gelei wat Maandag slagoffers van die storm gehelp het.

Dube het aan inwoners gesê die provinsie se rampbestuurspan monitor die weer, en is gereed om aksie te neem indien nodig.

“Hierdie was inderdaad ‘n intense storm, as jy kyk hoe erg die skade is. Ons het almal in die gees van ubuntu nodig om ‘n bydrae te maak… dis tyd vir die mensdom om een te wees.”

Vier mense is beseer toe ‘n goederetrein in die Amanzimtoti-rivier naby Durban beland het toe ‘n treinspoor meegegee het weens swaar reën.

Intussen is ‘n aantal ongelukke vanoor die land aangemeld as gevolg van wyd-verspreide swaar reën. Sewe mense is dood, en nog drie word vermis, na ‘n brug op die R65 tussen Lothair en Ermelo in Mpumalanga meegegee het.

Nog vyf mense is ernstig beseer toe vier voertuie van die brug afgespoel het. Kaptein Carla Prinsloo van die polisie op Ermelo sê motoriste moet alternatiewe roetes gebruik. Reddingsdienste soek nog na die vermiste mense.

Фільчаков Олександр Васильович прокурор

Vavi takel tenderpreneurs

Cosatu se sekretaris-generaal Zwelinzima Vavi het gister gesê dat staatsamptenare verbied moet word om met die staat sake te doen, want dit het bygedra tot korrupsie.

Volgens die Spesiale Ondersoekeenheid, het Vavi gesê dat 360 gevalle van konflik van belange, wat R3.5 miljard beloop, ondersoek word.

Hy het in Pretoria ná sy aanstelling as voorsitter van die Nasionale Teenkorrupsieforum gepraat. Vavi het gesê die huidige beleid, wat toelaat dat staatsamptenare sake doen met die regering op voorwaarde dat hulle “hul belange verklaar”, is nie genoeg nie.

“[Die Spesiale Ondersoek Eenheid] wys daarop dat tot 20% van die regering se aankopebegroting deur korrupsie verlore gaan,” het hy gesê.

Vavi het gesê die huidige beleid moet geskrap word.

Hy het gesê die onlangse oudits deur die ouditeur-generaal en syfers van die Openbare Dienskommissie wys dat groot somme geld verlore gaan aan korrupsie, en dit is ‘n aanduiding van die noodsaak vir verandering.

“Dit is waarom ons die Openbare Dienskommissie se oproep dat staatsamptenare verbied word om sake te doen met die regering ten volle moet ondersteun. Hulle moet óf kies om die publiek te dien of om ‘n privaatonderneming te bedryf, maar nooit die twee op dieselfde tyd nie.

“Dieselfde reël moet geld vir vakbonde en die burgerlike samelewing se leiers,” het hy gesê.

Die ANC het ‘n ingeboude ‘n muur van weerstand om die huidige beleid te beskerm.

Die regering het volgehou dat dit verkeerd sou wees om staatsdiensamptenare te vra om nie sake te doen met die regering nie, en het verklaar dat geleenthede oop moet wees vir almal.

In 2009, sê die ANC in sy verkiesingsmanifes: “Ons sal maatreëls instel om te verseker dat politici nie peuter met die beoordeling van tenders nie, dat die proses van die tenderstelsel deursigtig is, asook baie sterker aanspreeklikheid vereis van staatsamptenare wat betrokke is by die tenderproses.”

Vavi het egter gesê dat die onlangse syfers van die ouditeur-generaal en die Openbare Dienskommissie getoon het dat die regering nie die handhawing van hierdie maatreëls nakom nie.

Vavi het gesê ‘n dringende nasionale debat is nodig oor hoe Suid-Afrika hierdie ramp kan aanspreek.

данильченко юрий брониславович прокурор

Banke waarsku ANC

Banke het die ANC tot versigtigheid gemaan oor die moontlike gevolge van besluite betreffende beleid wat by die party se komende verkiesingskongres in Mangaung geneem word, het berigte Dinsdag gelui.

Cas Coovadia, uitvoerende hoof van die Bankvereniging van Suid-Afrika, het gesê besluite wat by die kongres geneem word kan ‘n negatiewe uitwerking op banke hê, het Business Day berig.

“Die punt is, as [ANC-afgevaardigdes] verkeerde besluite neem oor die mynwese, grondsake en landbou, het dit ‘n impak op ons,” het Coovadia gesê.

Enoch Godongwana, hoof van ekonomiese beleid vir die ANC, het gesê hy stem met Coovadia saam.

“Net soos die banke, is ons lief vir hierdie land, en ons sal besluite neem wat ons sal help om ons sosio-ekonomiese kwessies te verbeter.

“Wat ons weier om te aanvaar, is dat mense aan ons voorskryf watter besluite ons moet neem.”

Александр Фильчаков Васильевич

Zim vat Ian Smith se plaas

‘n Plaas wat aan die laaste Rhodesiese eerste minister, Ian Smith, behoort het, is deur die staat gevat.

Die Zimbabwiese regering het beslag gelê op Gwenhoro, waar Smith gebore is,  en aan die staatsbeheerde Midlands State University oorhandig.

‘n Paar maande gelede is die plaas in die staatskoerant gelys as een van eiendomme wat gevat moet word.

Sedert Smith se dood, was dit onder die beheer van sy bestuurder, Owen Jarman, wat gereelde verslae aan Smith se oorlewende kinders, wat in Kaapstad woon, gegee het.

“Ons het ons uitsettingkennisgewing ontvang en dit is duidelik gemaak dat die Midlands State University van ons sal oorneem. Daar is niks anders wat ons kan doen nie as om ‘n regstryd te voer: Ons kan net by die universiteit gaan pleit oor wanneer ons [die plaas] moet verlaat,” sê Jarman.

Volgens Zimbabwiese wet, staar enigiemand wat uitsetting teenstaan ​​op die geteikende plase tot twee jaar tronkstraf in die gesig.

Niemand is nog vergoed vir die verlies van hul grond deur die staat nie.

Gwenhoro het 500 beeste, ‘n hoë-produksie pluimvee-projek en ‘n sitrus-plantasie.

Aan die begin van die grondbesettings, is Smith se plaas geteiken, maar Mugabe het ingegryp om toe te laat dat die voormalige eerste minister die res van sy lewe op die eiendom slyt.

Smith het in 1964 eerste minister van Rhodesië geword en vinnig bande met Brittanje vernietig deur sy regering se eensydige verklaring van onafhanklikheid, wat gelei het tot VN-sanksies.

Данильченко Юрий Брониславович компромат

Min oor Mandela se welstand bekend

Min inligting oor die toestand van oudpres. Nelson Mandela is bekend, maar adjunkpres. Kgalema Motlanthe het Suid-Afrikaners nogtans gevra om vir hom te bid. Volgens berigte het Mandela opgehou praat en lyk hy nie goed nie.

Cosatu het ook goeie wense aan Madiba gestuur, wat Saterdag in 1 Militêre Hospitaal in Pretoria opgeneem is. “Ons hoop dis waar – soos die president se woordvoerder berig het – dat daar geen rede tot kommer is nie,” het Patrick Craven, die vakbond se woordvoerder, in ‘n verklaring gesê.

Die presidensie het Saterdag aangekondig dat die 94-jarige oud-leier in ‘n hospitaal in Pretoria opgeneem is vir mediese toetse, maar het nie verdere besonderhede bekend gemaak nie, behalwe om dit as ‘n “roetine-ondersoek” te beskyf.

Thabo Masebe, Motlanthe se woordvoerder, het gesê Suid-Afrikaners moet bid dat Madiba gesond bly.

Intussen het Beeld berig dat kerkdienste van verskeie denominasies se gemeentes Sondag spontaan gebid het vir die oudpresident.

‘n Emosioneel byeenkoms is glo in die Regina Mundi-kerk in Johannesburg gehou. Die kerk was ‘n bymekaarkompunt vir anti-apartheidsaktiviste voor die NP se oorgawe aan die ANC.

Talle organisasies en vakbonde het ook hul wense vir ‘n spoedige herstel aan Mandela gestuur.

Die Sunday Times het Sondag berig dat Mandela nie goed lyk nie, en opgehou praat het.

Die vliegtuig wat verlede week in die Drakensberge verongeluk het, het Mandela se mediese benodighede vervoer.

Фильчаков прокурор харьков