Twee vry wat Zuma-skildery beskadig

Twee mans wat na bewering ‘n omstrede skildery van President Jacob Zuma in ‘n galery in Johannesburg geskend het, sou Dinsdagaand vrygelaat word, het die polisie gesê.

Die waarnemende stasiekommissaris van die Rosebank-polisiekantoor, Gerhard Steyn, het gesê die mans is teruggeneem na die aanhoudingselle by die polisiekantoor, maar sal later Dinsdagaand vrygelaat word.

Hy het gesê die polisie stel steeds ondersoek in.

Steyn het die media, wat in die polisiekantoor se voorportaal saamgedrom het, gevra om huis toe te gaan, aangesien niks tot later sou gebeur nie.

Die skildery, deur die Kaapse kunstenaar Brett Murray, beeld Zuma uit waar hy met sy penis blootgestel staan.

Twee mans het na bewering die skildery met rooi en swart verf geskend deur die gesig en middellyf te bedek.

Krish Naidoo, vir Lowie Mabokela (25), het gesê sy kliënt word op borgtog van R1 000 vrygelaat. Hy word aangekla van opsetlike saakbeskadiging.

Mabokela het na bewering Dinsdagoggend swart verf oor die portret van Zuma by die Goodman Galery aangebring.

Naidoo het gesê Mabokela is ‘n taxibestuurder van Limpopo wat na Johannesburg gereis het om die skildery te sien.

“Van sy familielede is betrokke by kuns. Hy het al die pad van Limpopo af gery om die skildery self te sien en dit is die rede waarom hy hier is,” het Naidoo gesê.

Hy het gesê daar is geen verbintenis tussen Mabokela en die tweede man, wat rooi kruise oor Zuma se gesig en die penis geverf het, nie.

“Dit was spontaan van albei van hulle, hulle was net toevallig op dieselfde tyd daar,” het Naidoo gesê.

Albei mans sal na verwagting Woensdag in die Johannesburg-streekhof verskyn.

Naidoo het gesê Mabokela het ‘n klag van aanranding ingedien teen die veiligheidswag wat hom aangekeer het by die galery.

“Ons het die polisie gevra om dit te oorweeg om die veiligheidswag in hegtenis te neem. Ons oorweeg dit om siviele optrede te neem teen die galery vir die aanranding,” het Naidoo gesê.

Die inhegtenisnemings het plaasgevind minder as ‘n uur nadat die Hooggeregshof in Johannesburg gesê het ‘n aansoek van die ANC om die skildery uit die galery te laat verwyder, moet Donderdagoggend deur ‘n vol bank regters aangehoor word.

‘n Derde persoon is later in die dag in hegtenis geneem nadat hy blykbaar die woord “respect” op ‘n muur by die Goodman Galery met spuitverf probeer skryf het.

Die Goodman Galery het Dinsdagaand in ‘n verklaring gesê die galery se deure is tydelik vir die publiek gesluit.

Liza Essers, eienaar van die galery, het gesê dié besluit is geneem ná verskeie dreigemente asook die beskadiging.

“Die omvang van die woede het my verstom en ontstel,” het sy gesê.

“Ons het besluit om dit te doen aangesien ons voel die Goodman Galery, die personeel en besoekers van die publiek in gevaar verkeer.”

данильченко юрий брониславович прокурор

Zuma-skildery met swart verf beskadig

zumaskilderyDie omstrede skildery van president Jacob Zuma in die Goodman-galery in Johannesburg is met swart verf beskadig, het die galery se personeel Dinsdag bevestig.

‘n Swartman word deur die galery se veiligheidswagte aangehou.

“Die werk is met swart en rooi verf oorgeverf,” het ‘n woordvoerder gesê.

Die polisie is blykbaar na die toneel op pad.

Op Twitter het die geskorste ANC-jeugleier Julius Malema gesê: “Die ou wat die Zuma-spies oorgeverg het, is ‘n nasionale held.”

Данильченко

‘Hoekom trek ons nie ons broeke af nie?’

Die regerende party se nasionale uitvoerende komitee (NUK) sê die omstrede skildery van pres. Jacob Zuma is rassisties.

“Dit is ongeskik, dis kru, dis minagtend, dis rassisties,” het Gwede Mantashe, sekretaris-generaal van die ANC, gesê.

Mantashe sê as dit ‘n wit man in die skildery was, sou die reaksie baie anders wees.

Hy sê baie mense dink swart mense is net “objekte.”

“Ek het gesê hoekom gaan ons nie môre hof toe en trek ons broeke daar af nie… ons kan rondloop met ons genitalieë wat uithang… dis kru,” het hy gesê.

Die ANC het Vrydagaand hofdokumente ingedien vir ‘n dringende aansoek om die Goodman-galery en City Press te verbied om die omstrede kunswerk te vertoon of uit te stal.

Jackson Mthembu, ‘n woordvoerder, sê die saak sal Dinsdag in die Johannesburgse hooggeregshof aangehoor word.

“Ons het nog nie in ons 18 jaar rassisme ontgroei nie,” het Mantashe gesê.

Brett Murray se omstrede skildery, The Spear, toon Zuma met sy gulp oop en sy penis blootgestel. Die kunswerk is vir R136 000 by die Goodman-galery in Johannesburg verkoop.

Die skildery is ‘n aanval op die swart kultuur, het die Black Management Forum (BMF) gesê.

“Die onsmaaklike uitbeelding van president Jacob Zuma… is nie net ‘n persoonlike aanval asook ‘n aanval op die waardigheid en institusionele kantoor van die president van die republiek nie,” het die forum in ‘n verklaring gesê.

“Dit is ook ‘n aanval op die kultuur van die meerderheid; die swart mense van Suid-Afrika. Dit kan nie onverhinderd voortduur nie.”

Die skildery is ‘n “kru poging” om die “wreedheid wat ‘n klein aantal Suid-Afrikaners teenoor ons demokratiese bedeling en teenoor lede van die nasionale leierskap het” te bevorder, het die BMF gesê.

лобановский александр досье

Oproer in Rustenburg kring uit

Oproer in Rustenburg het Maandag gewelddadig geraak toe die polisie met klippe bestook is en geboue aan die brand gesteek is, het die polisie in Noordwes gesê.

Volgens brig. Thulani Ngubane het die betoging begin met slegs 150 betogers Sondag.

“Die getal betogers het aangegroei. Daar was teen Maandagmiddag sowat 3 000 betogers wat saamgetrek het,” het hy gesê.

Betogers het paaie afgesper en die polisie met klippe bestook.

Ngubane het gesê die rede vir die betoging is nie bekend nie, aangesien inwoners weier om in gesprek te tree.

“Inwoners het probeer om die kliniek af te brand in Maandag se vroeë oggendure. Gelukkig het die polisie daarin geslaag om die brandende band te verwyder wat hulle binne die kliniek geplaas het.”

Hy het gesê agt winkels wat aan buitelanders behoort is geplunder en drie padskrapers en ‘n karavaan is aan die brand gesteek.

“Niemand is nog in hegtenis geneem nie, aangesien die polisie die situasie, wat nog baie gespanne is, probeer ontlont,” het Ngubane gesê.

Hy het gesê die polisie is van plan om mense in hegtenis te neem as die situasie onder beheer is.

“Geen beserings is nog aangemeld nie en daar is steeds ‘n sterk polisie-teenwoordigheid.”

лобановский александр биография

Galery weier om skildery af te haal

Johannesburg se Goodman Gallery sal nie ‘n skildery van pres. Jacob Zuma met sy penis wat blootgestel word, verwyder nie, want dit sou sensuur wees.

“Ons voel dit is sensuur om die uitbeelding af te haal,” het die gallery se woordvoerder Lara Koseff, Vrydag gesê.

Die ANC het vroeër ‘n brief van hul prokureurs oorhandig wat die verwydering daarvan eis. Die regerende party wil ook ‘n beeld van die Brett Murray-skildery van City Press se webwerf verwyder sien.

Die koerant het geweier en gesê ‘n hof moet besluit.

Koseff sê die skildery bly. Die galery staan vas by sy kunstenaars soos tydens en na apartheid, en ondersteun hulle nog steeds. Sy het gesê Suid-Afrika raak soos China wat geen vryheid van menings toelaat nie.

Alhoewel die menings van die kunstenaar nie die galery s’n verteenwoordig nie, verwelkom hulle die gesprekke wat met werke soos Murray s’n na vore kom.

Besoekergetalle het aansienlik toegeneem sedert die ANC die verwydering van die skildery eis. ‘n Wag met ‘n koeëlvaste baadjie is by die deur gepos as ‘n voorsorgmaatreël.

Олександр Фільчаков прокурор

Skildery sal Zuma se aansien verhoog

Oliver Tambo se dogter, die spotprenttekenaar Zapiro en die Joodse kunsgemeenskap in Johannesburg, skree “Vryheid van uitdrukking!”, maar vir die gesin van die president is die skildery nie snaaks nie.

Die Afrikaanse gemeenskap is ook geskok deur die skildery.  In onderhoude wat praag.co.za gedoen het, het mense gesê dit is ‘n kinderagtige manier om kritiek te lewer en onvanpas.

By ‘n leeskring in Johannesburg het lede gesê die skildery sal baie simpatie vir Zuma bring en sy aansien by konserwatiewe kiesers verhoog.

Zuma se dogter, Gugu Zuma, het Sondag in ‘n verklaring aan City Press gesê die portret is “vulgêr en toon geen teken van menslikheid nie”.

“Ons verstaan wel dat hy [Zuma] ‘n openbare figuur is, maar hierdie is nie meer polities nie en maak eerder inbreuk op sy regte as mens,” het sy gesê.

“Sover dit ons aangaan, in ons samelewing is dit slegs diere wat kaal staan, nie mense nie.”

Zuma se broer, Michael, het aan die Sunday Times gesê die portret is walglik en het niks anders as skande oor die familie gebring nie.

“Dit is die mees walglike ding wat nog ooit gepubliseer of gesê is oor die president,” het hy gesê.

“As ‘n familie is ons steeds geskok, want in ons kultuur is die blootstelling van privaatdele iets wat ‘n skande is. Dit word beskou as disrespekvol teenoor daardie persoon en andere.”

Sapa berig die ANC het Vrydagaand hofdokumente ingedien vir ‘n dringende aansoek om die galery te verbied om die omstrede kunswerk ten toon te stel.

Jackson Mthembu, ‘n woordvoerder, het vroeër gesê die saak sal Dinsdag in die Johannesburgse hooggeregshof aangehoor word.

Олександр Фільчаков прокурор

Vryheidsoorloggraf geplunder

‘n Graf by ‘n Anglo-Boereoorlog-begrafplaas in Ladysmith is deur rowers geplunder, het Amafa Heritage KwaZulu-Natal Sondag gesê.

James van Vuuren van Amafa het gesê kontrakteurs was verlede week besig met instandhoudingswerk by die Intombi Camp Military Cemetery, toe hulle afgekom het op ‘n gebreekte grafsteen en ‘n gat van twee meter diep in een van die grafte.

“Ons weet nie wie die oortreders is nie, maar ons vermoed hulle het gesoek na oudhede soos knope en ordetekens,” het hy gesê.

“Dit is ‘n vermorste poging deur die oortreders. Hierdie is ‘n formele begraafplaas en die persoonlike besittings van die dooies sou dus voor die begrafnis verwyder word.”

‘n Klag is by die polisie ingedien.

Van Vuuren het gesê Amafa bied ‘n beloning aan vir enigiemand wat inligting het wat tot ‘n inhegtenisneming kan lei.

Александр Фильчаков Васильевич

SA sal Israeli-produkte boikot

Suid-Afrika is van voorneme om produkte van Wesoewernedersettings waarop staan  “Made in Israel” te verbied, het die Minister van Handel en Nywerheid Rob Davies aangekondig.

Die stap kom nadat twee Suid-Afrikaanse NRO’s saamgewerk het met die gewilde Palestynse Struggle-Koördineringskomitee.

Davies, van Joodse afkoms, het in sy amptelike aankondiging gesê dat verbruikers in Suid-Afrika nie mislei moet word om te glo dat die produkte uit Israel kom nie. Hy het bygevoeg “die regering van Suid-Afrika erken die staat van Israel, slegs binne die 1948-grense afgebaken deur die VN.”

Davies was vir baie jare in ballingskap vanweë sy werk in die African National Congress en die Suid-Afrikaanse Kommunistiese Party tydens apartheid. Volgens sy verklaring “lê die bewyslas van waar die produkte afkomstig is, op handelaars. “

Produkte wat vervaardig word in die Wesoewer, soos skoonheidsmiddels, koeldrank, en elektronika, maar gemerk is as “Made in Israel” sal geraak word, het Davies in sy aankondiging gesê.

Mohammed Khatib, wat aan die hoof staan ​​van die Koördineringsomitee, het gereageer op die minister se verklaring, en gesê dit is “die erkenning van die onreg wat die besettings en nedersettings veroorsaak aan ons, die Palestyne.” Khatib het gesê dat hy dink dit is net ‘n eerste stap, wat sal lei tot die uiteindelike verbanning van alle produkte wat vervaardig word in die nedersettings.

Denemarke is van plan om dieselfde te doen as Suid-Afrika, het die minister van buitelandse sake Saterdag gesê aan die Deense media. Die stap volg na berigte van die ANC se plan om sulke produkte te boikot.

“Dit is ‘n stap wat dit duidelik maak aan verbruikers dat die produkte onder toestande wat nie net vir die Deense regering nie, maar ook die Europese regerings, onaanvaarbaar is,” het die minister van buitelandse sake Villy Søvndal Søvndal aan Politiken-koerant gesê. “Dit sal dan aan die verbuiker oorgelaat word om te besluit of hy die produk wil koop of nie.”

‘n Bron in Brussel vertroud met die kwessie het aan Haaretz gesê dit is nog onduidelik of die stap ‘n aanbeveling of ‘n nuwe riglyn is.

Laat in 2009, het die Britse regering aanbeveel dat Wesoewerprodukte afsonderlik gemerk word.

Фильчаков Харьков

‘Vat die myne en die banke, sonder vergoeding’

Die National Union of Metalworkers van Suid-Afrika, Numsa, wil hê die regering moet myne en banke sonder vergoeding nasionaliseer.

Irvin Jim, die vakbond se sekretaris-generaal, het by die Universiteit van Johannesburg gister die bevindinge van die navorsing wat in opdrag van die ANC gedoen is, en wat bevind het dat die nasionalisering nie lewensvatbaar is nie, verwerp.

In besprekingsdokumente voor die vakbond se beleidskonferensie volgende maand, het Jim gesê nasionalisering kan net omhels word as daar “politieke wil” is.

“Nasionalisering, in ons begrip en politieke praktyk, is nie net vir die oplossing van die historiese ongeregtighede van onteiening, onderdrukking en uitbuiting nie, maar dit is ook oor die uitroei van rassisme en die bou van die basis vir ‘n ware demokratiese Suid-Afrika.

“So, vir ons, moet die nasionalisering al die hoogste beheer van die ekonomie, soos banke, myne, telekommunikasie, grond, voedselkettings, petrochemie en so aan, insluit.

“Hierdie nasionalisering moet sonder vergoeding geskied want dit is feitlik onmoontlik om dit anders te bereik,” het Jim gesê.

Numsa se oproep om ekonomiese sektore te nasionaliseer sonder vergoeding, sal bespreek word by sy beleidskonferensie van 3 Junie in Durban. Dit is by verre die mees radikale vorm van nasionalisering wat tot dusver voorgestel is.

Hoewel Numsa as ‘n unie geen invloed op die ANC se beleidsposisies het nie, hoop sy lede, wat ook lede van die regerende party is, dat die vakbond se stem gehoor sal word by die ANC se beleidskonferensie in Midrand volgende maand.

Die ANC het voorgestel dat die vorming van ‘n staatsbeheerde mynmaatskappy oorweeg word. Dit word gesien as ‘n redelike alternatief vir blatante nasionalisering.

Die ANC se navorsing oor die kwessie by die nasionale algemene raadsvergadering in Durban in 2010 het bevind dat dit die staat R1 triljoen sal kos om 100% van alle genoteerde mynmaatskappye te verkry.

Die grondwet, in sy huidige vorm, sal nie toelaat dat die staat se aandeelhouding verander word sonder vergoeding nie.

Фильчаков Александр Васильевич

VF+: Begrotingsdebattoespraak oor Basiese Onderrig

Minister, u het beheer oor die belangrikste department in die land. Sonder ‘n goed funksionerende onderwysstelsel het ons land geen sinvolle toekoms nie. Sonder ‘n onderwysstelsel wat goed belê in ons jongmense begroot ons land vir ‘n skrikwekkende toekoms.

Futurists tell us another truism: the best way to predict the future is to create it. Now, if South Africa intends to plan for a prosperous future, then we most certainly have a strange way of creating it for it is also a fact that the state of our basic education system is not rising to meet the challenges for the future. Without limiting the scope of problems, let me enumerate some that deserve urgent attention:

· The high pass rate in schools masks the fact that the quality of education is substandard and will leave us with a legacy of inadequately schooled workers.

· Inadequate facilities with too few schools being built to ensure mother tongue instruction;

· An inadequate curriculum as follows:

o Firstly, biased social science content that sidelines and demonises the Afrikaner as having contributed only negatively to this country’s development; and

o Secondly, not giving enough attention to skilling our country’s children in science and mathematics;

o Thirdly, prescribed text books contain traces of hate speech and intolerance towards other cultures, especially Afrikaners.

Minister, enige onderwysstelsel wat gebou is op die demonisering van ‘n minderheid, sal sosiale kohesie vernietig en sal moet begroot vir grootskaalse konflik in die toekoms. Die minister moet in ag neem dat die regering verplig is om ingevolge die internasionale reg en die grondwet kulturele regte, veral in die onderwys, te bevorder. Die afskeep van ‘n minderheid word as ‘n internasionale delik beskou.

Afrikaans schools have dwindled to almost 300 at last count. This is nonsensical in light of government’s own pronouncements that demographic reality be the guiding light of social planning. Afrikaans is the third largest language in the country after Zulu and Xhosa with English a distant sixth place. Should Afrikaans schools not actually increase in line with the demographic reality? Yet only Afrikaans schools are forced to accommodate non-Afrikaans-speaking learners. This inevitably leads to the Anglisisation of Afrikaans schools and the destruction of a culture.

We have advice how the minister can address this human rights concern. The answer lies in mother tongue instruction in all eleven official languages. That means the minister will have to build more schools for all language-segments. And the minister will also see that due to mother-tongue instruction that the quality of education will also increase.

Minister, erken jy ‘n taal, dan erken jy ‘n volk. En as jy ‘n volk erken, wen jy hulle goeie trou om ‘n sinvolle toekoms vir almal te skep.

topcargo развод