E-tol deel van ‘reuse korrupsie’

Alle Suid-Afrikaners behoort die Bondgenootskap teen Stedelike Tol se regsaksie teen die Gautengse e-tolstelsel te ondersteun. Die e-tol is deel van ‘n reusagtige korrupsiespul wat die oorlewing van grondwetlike demokrasie in die gedrang bring, volgens Terry Crawford-Browne.

Toe ANC-intelligensieagente onder leiding van Bheki Jacobs die fluitjie oor die wapenskandaal in 1999 geblaas het, het hulle aan my gesê die wapenskandaal is maar die oortjies van die seekoei.

Volgens dié agente was daar ‘n algemene verband tussen olietransaksies, rybewyse, Coega, Cell C, diamant- en dwelmsmokkelary, handeldryf in wapens, geldwassery en tolpadkontrakte.

Dié verband was ‘n 10%-oorbetaling aan die ANC in ruil vir politieke beskerming.

Dit is waarom dit so belangrik is dat elke Suid-Afrikaner die Bondgenootskap Teen Stedelike Tol (Outa) se regsaksie teen Gauteng se e-tolstelsel ondersteun.

Die oorlewing van die land se grondwetlike demokrasie is in die gedrang.

Die ANC weier om sy boeke vir openbare ondersoek oop te maak en voer telkens skynheilig aan dat dit sy privaatsake is.

Aangesien die ANC byna bankrot was, het die voormalige ANC-tesourier Mendi Msimang almal in 2007 op die Polokwane-konferensie verras deur te openbaar die ANC het bates van R1,75 miljard.

Dit het die ANC, selfs toe, een van die rykste politieke partye in die wêreld gemaak en die ANC-leiers het sedertdien skaamteloos aangehou met hul soeke na rykdom.

Die wapenskandaal het in September 1999 ontplof. Dit broei steeds vandag ondanks massiewe pogings van oudpres. Thabo Mbeki en sy kollegas om die skandaal te probeer toesmeer.

Tog laat ooreenkomste daarna, insluitende reuse-beleggings in elektrisiteit, die wapenskandaal soos kleingeld lyk.

Elke keer wanneer ons as Suid-Afrikaners ons ligte aanskakel, dra ons by tot die ANC se geldkas.

Die e-tolskandaal het uiteindelik in Mei verlede jaar in die ope gekom.

Dit het openbare woede ontlok omdat die regering die burgers as een groot spaarbussie beskou wat die ANC gedurig moet finansier.

In werklikheid was die korrupsie met tolpaaie reeds so vroeg as in 1994 duidelik.

Een van Schabir Schaik se maatskappye, die Nkobi-groep, was nie net by die wapenskandaal betrokke nie, maar het ook verskeie regeringskontrakte ter waarde van R10 miljard ontvang.

Van dié kontrakte was die skepping van die N3-hoofweg tussen Johannesburg en Durban as ‘n tolpad en die ontwikkeling van die nuwe rybewyskaart.

Die departement van vervoer, onder leiding van Mac Maharaj, het in 1996 ‘n kontrak oor rybewyse van R650 miljoen aan die Prodiba-konsortium toegestaan.

Vir elke hernuwing ontvang Prodiba R40. Die konsortium bestaan uit maatskappye in die Shaik-sakeryk:

– Idmatics, ‘n filiaal van die Franse verdedigingsgroep Thales, wat ‘n sentrale karakter in die wapenskandaal geword het.

– KobiTech, deel van Shaik se Nkobi Holdings. In daardie stadium was Shaik ‘n plaaslike direkteur van Thales.

In 2005 is Shaik skuldig bevind aan korrupsie en dat hy omkoopgeld van Thales aanvaar het. Gevolglik is KobiTech in 2007 uit die konsortium geskop, maar Thales is steeds ‘n lid.

Nkobi Holdings is na die wyle ANC-tesourier, Thomas Nkobi, genoem.

Dié maatskappy bestaan uit minstens een filiaal, Floryn Investments, wie se uitsluitlike doel was om “skenkings” na die ANC te kanaliseer.

Soos wat Jacobs verstaan het, was daar nog erger skandale soos vermeende ingewikkelde geldwassery deur die Reserwebank en die tesourie, wat Suid-Afrikaners glo al miljarde rande gekos het. Die aantygings is nog nie ondersoek nie.

Baie van die geldwassery is volgens Jacobs gedoen deur die Public Investment Commission (PIC), wat die staat se pensioenfonds bestuur.

Die PIC is nou Suid-Afrika se grootse finansiële instelling, wat meer as ‘n R1 000 miljard bestuur.

Die PIC word deur die staat besit met die minister van finansies as die staat se ex officio-verteenwoordiger.

Ongelukkig is Jacobs, ‘n voormalige intelligensie-agent van die ANC wat ‘n tyd lank onder Mbeki in die ANC se departement van internasionale betrekkinge gewerk het, in September 2008 onder verdagte omstandighede in die ouderdom van 46 oorlede.

Baie van sy kollegas glo dat die kankers waaraan hy dood is met opset veroorsaak is en dat hy vermoor is.

Ek het ook die Seriti-kommissie, wat aangestel is om die omstrede wapentransaksie te ondersoek, gevra om sy dood te ondersoek.

Toe die e-tolsaak in die hof gedraai het, het dit ook aan die lig gekom dat die PIC sowat 50% van skuldbriewe besit wat deur die Suid-Afrikaanse Nasionale Padagentskap (Sanral) uitgereik is.

Daar is baie op die spel. Indien die e-tolprojek nie slaag nie, sal belastingbetalers nie net Sanral uit die skuld moet red nie, maar ook moet help om die sowat R8 miljard in staatsamptenare se pensioengeld te vervang.

Dit word nie eens meer bevraag­teken of die e-tolstelsel te duur of bedrieglik was nie, nie eens deur die huidige minister van finansies, Pravin Gordhan, nie.

Sy ingryping in die saak in Mei verlede jaar was ongehoord en het ook vrae laat ontstaan oor wat die rede vir sy paniek was.

Dit het ‘n bespotting gemaak van die Wet op Openbare Finansiële Bestuur (PFMA) en artikel 217 (1) van die Grondwet wat sê dat regerings kontrakte op ‘n regverdige, billike en oop wyse moet hanteer.

Watter geraamtes het Gordhan saam met die e-tol, Sanral en PIC geërf?

Die verlaging van Suid-Afrika se kredietgradering deur drie internasionale kredietagentskappe voorspel die groeiende kommer oor die moontlikheid van ‘n toekomstige ekonomiese inploffing, wat vererger word deur die regering se onvermoë om onrus regoor die land te beheer.

Die uitspraak in Desember verlede jaar teen Outa deur waarnemende regter Louis Vorster vererger ook die saak.

Kortweg, volgens Vorster, het belastingbetalers geen toevlug wanneer uitvoerende besluite irrasioneel, roekeloos en onwettig is nie.

Dit sal seker nooit in die konstitusionele hof staan nie? In die tydlose woorde van die Britse regsgeleerde lord Denning: “Fraud unravels everything.”

 

Александр Фильчаков Васильевич

Cosatu ruk op na Swartruggens-tolhek

Cosatu sê die betoging wat by die Swartruggens-tolhek in die Noordwes beplan word, sal Vrydag voortgaan.

Solly Phetoe, die vakverbond se provinsiale sekretaris, sê die protesoptog sal voortgaan ten spyte van terugslae om die polisie se toestemming te kry.

Cosatu wou verlede week ‘n deurnagbetoging hou om te eis dat tolgeld of geskrap word, of van R71 na R20 vir ‘n gewone motor verminder word.

Die vakbondfederasie is nie toegelaat om dié optog te hou nie, maar het toestemming gekry om die betoging Vrydag te hou.

“Ons sal na die tolhek opruk en antwoorde eis oor die memoranda wat aan die departement van vervoer en Sanral oorhandig is… aangesien dit ‘n sosiale las op arm mense is…”

Александр Фильчаков

Sasolburg kalm

Die polisie het die oproer in die Zamdela-lokasie by Sasolburg Donderdag weer onder beheer gebring n weerwil van ‘n nag van geweld. Vier oproeriges is gedurende die afgelope drie dae doodgeskiet.

‘n Polisiewoordvoerder het aan Sapa gesê die situasie is onder beheer, maar bly steeds gespanne.

‘n Huis is oornag oproeriges onder die klippe gesteek en ‘n brand is by ‘n konstruksieterrein gestig, het konst. Peter Kareli gesê. Dié voorvalle was glo “krimineel gemotiveer”.

Polisielede is blykbaar deur die oproeriges geteiken. ‘n Polisiebeampte het bevestig dat van die polisielede se huise aangeval is en sommige se privaat voertuie is Dinsdag by die Zamdela-polisiekantoor beskadig toe inwoners die polisiekantoor gestorm het.

Daar is 261 mense gearresteer, onder wie 23 in hegtenis geneem in ‘n opvolgpolisie-operasie.

Woensdag het 39 gemeenskapslede in die Sasolburg-landdroshof op aanklagte van openbare geweld verskyn, en 10 is op waarskuwing vrygelaat is.

Die oorblywendes sal op 30 Januarie weer in die hof verskyn.

Oproeriges in Sasolburg het glo gister gedreig om die huis in Parys van Ace ­Magashule, Vrystaatse premier, af te brand.

Oupa Khoabane, die ANC se woordvoerder in die Vrystaat, het bevestig die party is bewus van dié dreigemente, maar wou nie daarop kommentaar lewer nie.

Die plunderaars het hul fokus eergisternag na Magashule se huis in sy tuisdorp, Parys, verskuif nadat hulle miljoene rande se skade in Sasolburg aangerig het.

Die geweld is oënskynlik gemik teen die samesmelting van die Parys- en Sasolburg-munisipaliteite.

Dit gaan egter nie oor die beplande herafbakening nie, maar dat die huidige ANC-leierskap groot geldelike voordeel sal trek uit ‘n samesmelting.

Die opstand is waarskynlik te wyte aan die naderende Vrystaatse leierskonferensie, nadat die eerste een, wat in Junie verlede jaar gehou is, deur die konstitusionele hof ontbind is.

Die nuwe konferensie sal op 23 Februarie in Parys plaasvind.

Олександр Васильович Фільчаков

ANC kritiseer bank se negatiewe houding

Die presidensie het Woensdag teleurstelling en verbasing uitgespreek oor FNB se advertensieveldtog.

“Ligsinnige advertensies wat ‘n haat vir die regering of die regerende party uitspreek sal ons nie help om die land se ontwikkelingsdoelwitte te bereik nie,” het hy in ‘n verklaring gesê.

“Die presidensie is teleurgesteld en verras deur die eensydige veldtog.”

Die veldtog bestaan uit verskeie video’s van kinders in skooluniforms wat hul hoop vir die land uitspreek.

“Die land word deur armoede oorrompel… terwyl [pres.] Jacob Zuma sy huis laat opknap,” het een jeugdige van KwaZulu-Natal gesê.

‘n Universiteitstudent van Gauteng het gesê: “Die regering dink net aan hulself… Ek is van ‘n plattelandse gebied en die regering sien nie wat gebeur nie.”

Collins Chabane, die minister in die presidensie, het gesê die huidige globale ekonomiese krisis bedreig werke en mense se lewensbestaan.

“Nou is die tyd vir alle sektore van die samelewing om saam te staan om die uitdagings van armoede, ongelykheid en werkloosheid te teiken. Dit is ons gemeenskaplike vyand as die mense van Suid-Afrika.”

Hy sê sterk vennootskappe met die Nasionale Ekonomiese Ontwikkelings- en Arbeidsraad (Nedlac), die regering-, arbeid-, sake- en gemeenskapsektors is nodig om gesamentlike groei te bevorder.

Hy sê probleme in die mynsektor en werksverliese is waarop mense moet fokus.

“Daardie is die kwessies waarop ons ons aandag moet vestig, hoe om vas te klou aan die werke wat ons het, terwyl ons nuwes skep, eerder as om voort te gaan met die gevaarlike veldtog om negatief oor die land te praat tydens ‘n globale ekonomiese krisis.”

данильченко юрій броніславович компромат

Treine aan die brand gesteek

Twee treinwaens is by die Croesus-treinstasie in Johannesburg aan die brand gesteek, het Metrorail Woensdag gesê.

Die waens was deel van ‘n trein wat Dinsdagaand na Braamfontein op pad was, het ‘n woordvoerder van Metrorail, Lawrence Venkile, gesê.

“Geen beserings is aangemeld nie, maar voorlopige ondersoeke dui dat brandstigting die oorsaak kon wees.”

Drie treinwaens is Dinsdagmiddag by die Woodstock-stasie in Kaapstad vernietig. Vier pendelaars is beseer en is na die Groote Schuur-hospitaal geneem.

Metrorail sê beide brande was waarskynlik weens brandstigting.

Mosenngwa Mofi, uitvoerende hoof van Metrorail, sê die maatskappy doen ‘n beroep op hulp van alle wetgewers om ‘n einde te bring aan die vernietiging van sy bates.

топкарго

Anti-apartheidshospitaal sluit

Personeel by die McCord-hospitaal in KwaZulu-Natal het kennisgewings ontvang dat die hospitaal in Maart gaan sluit, berig die Sunday Times.

Dít volg ná die provinsiale departement van gesondheid se aankondig dat hy nie meer jaarliks die hospitaal van ‘n subsidie sal voorsien nie.

“McCord het nie ‘n aanduiding ontvang dat sy befondsing hernu gaan word  nie. Weens dié verlies verloor McCord sy lisensie om as ‘n staatsondersteunde hospitaal te bedryf en sal dit nie kan bekostig nie,” het Kevin Smith, hoof-uitvoerende beampte van die hospitaal, gesê.

Patrick Bond, direkteur van die Centre for Civil Society aan die Universiteit van KwaZulu-Natal, sê die sluiting van McCord is ‘n aanklag teen die Suid-Afrikaanse sowel as die Amerikaanse regerings.

“Dit is regtig skokkend … dit weerspieël ‘n kombinasie van die absolute onsensitiwiteit van die eerstens die Obama- en dan die Zuma-administrasies,” het hy gesê. “Ironies genoeg, was McCord een van die hoogste profiel Vigs-klinieke wat mense soos Paul Farmer – ‘n beroemde Harvard dokter – en Jim Yong Kim, nou Wêreldbankvoorsitter, hier in Durban gevier het deur hul Partners in Health-netwerk.”

Die Amerikaanse president se Noodplan vir Vigs, die PEPFAR-program, het voorheen McCord as ‘n begunstigde ingesluit.

Suid-Afrika het in die loop van 10 jaar byna R25 miljard van PEPFAR ontvang, om MIV/Vigs-voorkoming, sorg en behandeling te ondersteun. Maar verlede jaar het die Obama-administrasie planne aangekondig om befondsing vir PEPFAR te sny om op tuberkulose en malaria te konsentreer.

McCord is een van die grootste hospitale in KwaZulu-Natal en bestaan uit 140 beddens en 400 personeellede. Die hospitaal bedryf ook die land se grootste MIV-sorg- en behandelingsprogram.

Volgens die koerant sal alle gesondheidsdienste by die hospitaal op 31 Maart opgeskort word.

Pasiënte sal na ander staatsondersteunde hospitale in Durban verwys word.

Sibongiseni Dhlomo, provinsiale minister van gesondheid, wou nie kommentaar lewer oor die kwessie nie.

Die hospitaal se geskiedenis is nóú verweef met die stryd teen apartheid, “vir die Zoeloe-mense”. McCord het in die verlede onder skoot gekom weens hul minagting van die Groepsgebiedewet. Onder die Wet het Verwoerd die hospitaal uitgesonder as problematies.

In Februarie 1963 het die Post-koerant ‘n voorblad gedra wat na die hospitaal as die “People’s Hospital” verwys, in kritiek teen die voorstel dat hulle na ‘n tuisland behoort te verskuif.

Dié Durbanse hospitaal het toe volgens sy ondersteuners “alle rassistiese teorieë verkeerd bewys”.

 

лобановский александр

VF+ hou ANC vir geweld in Vrystaat verantwoordelik

Die Vryheidsfront Plus hou die ANC in die Vrystaat verantwoordelik vir die gewelddadige onrus in die Vrystaat. Die ANC-regering in die Vrystaat het nie die vermoë om die onrus in die Vrystaat te hanteer en te beheer nie.

Die Vrystaate regering beplan om die twee munisipaliteite Metsimaholo (Sasolburg, Oranjeville, Deneysville) en Ngwathe (Parys, Heilbron, Koppies, Vredefort en Edenville) saam te voeg as een munisipaliteit. Die VF Plus het by twee geleenthede hierteen by die Afbakeningsraad besware ingedien. Dit maak nie sin om twee probleme in een groot probleem saam te voeg nie. Met die opstande in daardie omgewing blyk dit duidelik dat die gemeenskappe ook nie ten gunste van die samevoeging is nie. Die gemeenskappe besef dat bloot net die samevoeging nie dienslewering gaan verbeter nie, maar net ‘n groter probleem gaan veroorsaak.

Die VF Plus veroordeel ten sterkste die vandalisme en plundery wat met die opstand aan die orde van die dag is. Die ANC moet egter verantwoordelik gehou word vir hierdie onaanvaarbare toestande want hulle skep die frustrasie by die mense op grondvlak.

Die verdeeldheid binne ‘n regerende politieke party mag nooit die oorsaak wees van die verval van wet en orde binne ‘n land of provinsie nie en dit is wat nou in die Vrystaat gebeur.

Die verantwoordelikheid rus nou op die Vrystaatse premier en sy uitvoerende komitee om die griewe van die mense aan te hoor, aandag daaraan te gee, oplossings te vind en wet en orde te handhaaf.

лобановский александр харьков

De Doorns: Vakbond sê geen afdankings

Ongeveer 1 500 stakende loonarbeiders sal die week na verwagting na hul werk in De Doorns terugkeer, het die Food and Allied Workers’ Union (Fawu) gesê.

Katishi Masemola, sekretaris-generaal, sê die vakbond het ‘n beroep op werkers gedoen om terug werk toe te gaan, in die gees van voortdurende onderhandelinge vir ‘n hoër daaglikse loon.

“Ons vra dat alle gewillige werkers toegelaat sal word om na hul werke terug te keer, en dat diegene wat op plase woon, toegelaat sal word om na hul wonings terug te keer. Kortliks, geen werkers moet afgedank word nie en alle afdankings moet nietig verklaar word.”

Plaaswerkers in die Wes-Kaap het verlede jaar begin staak en geëis dat hul minimum dagloon van R69 na R150 aangepas word. Die staking is verlede maand opgeskort, maar is amper twee weke gelede in talle dorpe in die provinsie hervat.

Sedertdien het verskeie vakbonde en gemeenskapsleiers teenstrydige oproepe gemaak. Hulle het óf gesê die staking moet opgeskort word óf daarop aangedring dat die protesoptogte moet voortduur totdat boere die eise nakom.

Данильченко Харьков

Onderneming om vervalste dokumente te verskaf

Die polisie in die Oos-Kaap het op ‘n onderneming in Mthatha toegeslaan wat regeringsalarisstrokies, identiteitsdokumente en matrieksertifikate vervals, het ‘n woordvoerder Dinsdag gesê.

Kol. Mzukisi Fatyela het gesê die Bears-meubelwinkel het die polisie genader nadat personeel agterdogtig geraak het toe ‘n 39-jarige vrou ‘n rekening wou open.

Ná ‘n ondersoek is vasgestel dat sy werkloos is, maar ‘n regeringsalarisstrokie en -identiteitsdokument, albei vervals, verskaf het.

Die vrou is Maandag in hegtenis geneem en het die polisie na die onderneming in Mthatha geneem waar sy die vervalste dokumente gekoop het.

“Daar was baie salarisstrokies van nasionale en provinsiale regeringsdepartemente, sowel as Umalusi-sertifikate,” het Fatyela gesê.

Volgens Fatyela het die matrieksertifikate goeie simbole gehad.

Nóg ‘n vrou is op die perseel in hegtenis geneem, maar die eienaar was nie ten tye van die klopjag daar nie.

“Nóg mense gaan binnekort in hegtenis geneem word,” het Fatyela gesê.

данильченко юрій броніславович компромат

ANC veroordeel Sasolburg-geweld

Die ANC het Dinsdag die plundery en geweld tydens ‘n betoging in die Zamdela-woonbuurt in Sasolburg veroordeel.

“Ons grootste bekommernis is die vlak van kriminele bedrywighede wat plaasvind, insluitend die plundery van winkels,” het Jackson Mthembu, woordvoerder, in ‘n verklaring gesê.

“Dit sal nie net sakebedrywighede in die gebied raak nie, maar ook onskuldige inwoners.”

Die geweld, wat Sondag begin het, is veroorsaak deur planne om die Sasolburg- en Parys-munisipaliteit saam te smelt.

Betogers het Dinsdag probeer om ‘n plaaslike polisiekantoor af te brand en ‘n motor en winkel aan die brand gesteek.

Die polisie moes vir ‘n tweede agtereenvolgende dag rubberkoeëls gebruik om die betogers in bedwang te bring.

Die ANC het die regering en wetstoepassingsagentskappe geprys vir die “spoedige ingryping” en inhegtenisnemings.

“Dit kan nie toegelaat word in ‘n moderne samelewing soos dié waarin ons leef nie. Individue met bymotiewe neem… wat ‘n vreedsame betoging moet wees en maak dit ‘n teelaarde vir kriminaliteit,” het Mthembu gesê.

Richard Baloyi, minister van samewerkende regering, het besluit om die samesmelting van die Sasolburg- en Parys-munisipaliteit in die Vrystaat te laat vaar, berig die SABC.

Inwoners het aangedui dat hulle gelukkig is met Baloyi se besluit dat ‘n taakspan aangestel moet word om die ingewikkelde kwessie van munisipale afbakening aan te spreek.

Dié besluit volg ná dae van gewelddadige betogings in die gebied, veral in die Zamdela-woonbuurt.

Dinsdag het die situasie in die omstrede township-gebied handuit geruk toe die plaaslike polisiekantoor aangeval is. Betogers het ook probeer om ‘n polisievoertuig aan die brand te steek en regeringsamptenare is met Njalas na die toneel gebring.

Die situasie is tans ‘n bietjie rustiger, maar daar is steeds ‘n sterk polisieteenwoordigheid in die gebied, het Mail & Guardian berig.

Die polisie het vroeër versterkings ingeroep om te help om sowat 100 polisiebeamptes, inwoners en joernaliste uit die Sasolburg-polisiekantoor te bevry, berig Times Live.

Beeld berig ‘n man is Dinsdag in die oproer in die Zamdela-Sasolburg-omgewing doodgeskiet, vermoedelik toe ‘n groep oproeriges ‘n winkel in Sasolburg wou plunder. Verskeie mense, waaronder twee joernaliste, is ook in die geweld beseer.

Die polisie het ook aan aan Mail & Guardian bevestig dat die Zamdela-polisiekantoor aan die brand gesteek is. Die plaaslike Telkom-kantoor smeul ook.

Die polisie het ‘n pad, wat lei na die sentrale sakedistrik, versper in ‘n poging om te verhoed dat betogers die dorp betree. Die betogers het probeer om deur die versperring te breek, waarna die polisie rubberkoeëls afgevuur het.

Lede van die openbare orde-polisie het vroeër rubberkoeëls op die betogers gevuur en waterkanonne gebruik in ‘n poging om verdere geweld te verhoed. Polisiehelikopters sirkel oor die gebied en ‘n helikopter is ook gebruik om die minister te vervoer.

Inwoners betoog sedert Sondag oor die samesmelting van die Sasolburg- en Parys-munisipaliteit.

Фильчаков прокурор отзывы