Suider-Afrika Archives - Page 677 of 888

Argitek van Mbeki-beleid bedank

Joel Netshitenzhe, raadgewer in die presidensie, sleutelargitek van beleid in die Mbeki-era en ‘n senior ANC-lid, het bedank.

Die presidensie het Dinsdag in ‘n verklaring gesê Netshitenzhe se bedanking kom ná ‘n “bespreking en gesamentlike ooreenkoms” met Trevor Manuel, minister van beplanning.

Netshitenzhe, 52, is sedert 1994 werksaam in die regering.

“Hy was die eerste uitvoerende hoof van die regeringskommunikasiediens (GCIS). Hy het ‘n belangrike rol gespeel in stigting van die beleidskoördineringsliggaam (PCAS) in die presidensie, waarvan hy die hoof was.”

“Die presidensie wil Netshitenzhe bedank vir sy toegewyde openbare diens en wens hom alle sterkte toe,” het die presidensie gesê.

Geen bewyse vir aanval op Zoeloekoning

Polisie soek nog na bewysstukke om die aspirant Zoeloekoning, prins Melizwe Dlamini, se bewerings dat daar op hom geskiet is by sy huis in La Lucia, te staaf.

“Ons ondersoek die saak en kan nie die moontlikheid dat die wagte dalk net klappers laat afgaan het uitskakel nie,” het supt. Vincent Mdunge gesê.

Volgens Mdunge is geen koeëlpatrone op die toneel gevind nie en is daar ook geen tekens van skade aan Dlamini se huis opgespoor nie.

Die voorval het na bewering verlede Woensdagnag plaasgevind.

Mshikashika Khambule van die Nhlangwinistam het tydens ‘n perskonferensie gesê dat menigte skote buite Dlamini se erf gevuur is maar dat die mure om die huis nie tydens die aanval beskadig is nie.

Khambule kon nie verduidelik hoekom daar nie skade aan dié strukture aangerig is nie. Hy sê niemand is tydens die aanval beseer nie en die voorval is die volgende dag aan die polisie aangemeld.

Khambule sê ook dat dit nodig is vir die regering om polisie buite Dlamini se huis aan te stel.

“Ons is baie bekommerd oor die aanval en voel dat ons koning beskerm moet word,” het hy gesê.

free games bonus

Ses aangekeer na aanval op polisiestasie

Ses mense is in hegtenis geneem vir openbare geweld nadat ‘n skare mense klippe na die Emawotipolisiestasie buite Durban gegooi het.

Sowat 500 mense het Sondag buite die polisiestasie betoog en aangedring daarop dat ‘n lid van die gemeenskap wat in hegtenis geneem is, vrygelaat word.

Polisie het rubber koeëls gevuur om die skare uitmekaar te jaag voordat vyf mense in hegtenis geneem is.

Volgens supt. Vincent Mdunge is nog ‘n persoon Dinsdag in hegtenis geneem vir die besit van ‘n vuurwapen wat glo tydens talle moorde gebruik is.

Die man wat Dinsdag in hegtenis geneem is, was een van die aanvoerders van die skare.

betting sites free Лобановский

Zuma maan Malema

President Jacob Zuma het die president van die ANC-jeugliga, Julius Malema, gevra om homself te gedra as hy die Sakhilelokasie in Mpumalanga besoek.

Malema gaan Woensdag dié lokasie besoek.

Zuma het behoedsaam reageer toe hy hoor wat Malema beplan.

“Hy [Zuma] het gesê, ‘Ek hoop gaan nie dinge daar verder opvlam nie. Ons sukkel om die probleem daar aan te spreek’,” aldus Malema.

Die jeugleier het die gewelddadige protesoptogte ten sterkste veroordeel en gesê mense wat bande brand en T-hemde dra met Zuma se gesig op, diskrediteer die president.

Данильченко Харьков

Polisie se dubbele standaarde

Die skorsing van ses polisielede van die Hlobane polisiestasie in die Vryheid-distrik in KwaZulu-Natal, is ‘n bewys van dubbele standaarde in die Polisie. Die ses lede was betrokke om ‘n misdaadsindikaat oop te vlek en het verskeie beskuldigdes gearresteer.

Rooftogte is in Gauteng gepleeg en die geroofde goedere dan in die gebied van Hlobane versteek. Van die goedere is by die beskuldigdes gekry. Die stasiebevelvoerder van Hlobane het al ses die polisielede ingevolge regulasie 13 geskors. Dit nadat van die beskuldigdes gekla het die lede het hulle aangerand.

Hierdeur word hulle salarisse en voordele opgeskort totdat die ondersoek teen hulle afgehandel is. Nie een is strafregtelik aangekla nie. Hierdie ondersoeke kan maande neem en het ‘n vernietigende effek op die lede se gesinne, aangesien daar nie ‘n inkomste is nie, sê Pieter Groenewald (LP), hoofwoordvoerder van Polisie vir die Vryheidsfront Plus.

In die Wes-Kaap word ‘n polisielid in die hof skuldig bevind aan diefstal nadat hy wieldoppe op ‘n ongelukstoneel gesteel het, maar word aangestel as ‘n stasiebevelvoerder. Dit is sulke optredes wat polisielede verwar ten opsigte van wat hulle optredes moet wees.

Polisielede behoort eers skuldig bevind te word alvorens hulle salarisse summier gestaak word. Hierdie besluit laat vrae ontstaan oor die bevoegdheid van die stasiebevelvoerder, tensy hy ‘n verskuilde agenda het. Die Minister sal skriftelik gevra word om in te gryp, sê Groenewald.

best free топкарго отзывы

Suid-Afrika kwetter op Twitter-toptien

Suid-Afrika is die tiende grootste gebruiker van Twitter in die wêreld.

Dié sosiale netwerk is volgens die Kanadese navorsingsmaatskappy, Sysomos, baie meer gewild in Suid-Afrika as in Japan (0.71%), die Filippyne (0.64%) en China (0.49%).

Hier te lande is 0.85% van alle interaksie op Twitter, oftewel 467 500 gebruikers.

Die VSA loop natuurlik die verste voor met 62.14% Twitter-gebruikers en meer vroue (53%) as mans (47%) kwetter op die netwerk.

Twitter lok jaarliks sowat 55 miljoen unieke besoekers per maand, alhoewel 21% van Twitter-gebruikers nog glad nie ge-“tweet” het nie.

“Terwyl Twitter se groei deeglik opgeteken is, wou ons die soeklig plaas op hoe mense Twitter gebruik en die sleutelfaktore in gebruikers se agtergrond, demografie en aktiwiteite identifiseer,” het Nick Koudas, Sysomos se mede-uitvinder en uitvoerende hoof in ‘n persverklaring gesê.

Twitterstede is New York gevolg deur Los Angeles en Toronto.

roulette free no deposit bonus Фільчаков прокурор

Pretoria se treine staan agv voortslepende geweld

Metrorail se treindienste tussen Pienaarspoort- en Greenviewstasie in Pretoria sal opgeskort word mits treingeweld nie binnekort gestaak word nie, het die Passasierspooragentskap van Suid-Afrika, Prasa, gesê.

“Voorvalle is aangemeld van wettelose groepe pendelaars wat die treindrywer met gewere dwing om ongeskeduleerd na Pienaarspoort te ry,” lees ‘n Prasa-risikoverslag.

Prasa se uitvoerende hoof, Lucky Montana, het gesê dié “grootskaalse wetteloosheid” laat hulle met geen ander keuse as om treindienste vir vyf dae op te skort totdat die veiligheidsituasie verbeter nie.

Verlede week is ‘n sekuriteitswag en pendelaar gewond na ‘n skietery op ‘n trein by Pienaarspoort.

Prasa het in hul verslag toegegee dat die platform by Pienaarspoort se stasie nie wyd genoeg is om ekstra pendelaars te akkommodeer nie en gesê hulle vrees ‘n toeloop van mense én beserings.

Die maatskappy beplan nuwe stasies en opgraderings in November, teen ‘n koste van R230 miljoen, maar pogings om die kapasiteitsprobleme aan te spreek word deur die voortslepende geweld belemmer.

“Metrorail kan nie dienste en veiligheid in ‘n omgewing waarborg waar werknemers en pendelaars voortdurend kriminele bedreigings in die gesig staar nie,” het Montana bygevoeg.

100 free live chat Фільчаков прокурор

Drieverdiepinggebou in Nairobi stort ineen

Volgens ‘n polisieamptenaar in Kenia is ‘n onbekende getal mense vasgekeer in die puin van ‘n drieverdiepinggebou wat in die hoofstad Nairobi inmekaargestort het.

Maandag se voorval kom skaars ‘n week nadat die Kenia Architectural Association ‘n verslag uitgereik het waarin hulle gesê het dat 65% van die geboue in die land nie aan die vereiste standaarde voldoen nie.

Volgens Samuel Mukindia is 13 mense al sover gered, waarvan drie in ‘n kritieke toestand verkeer. Talle ander is nog onder die puin vasgekeer.

‘n Verslaggewer van die Associated Press kon dele van ‘n vrou se liggaam onder die puin sien uitsteek en ‘n man wat uitgehaal is het gesê dat daar ‘n hele klomp mense in die kamer langs hom was.

Geboue wat inmekaarstort is algemeen in Afrika.

Korrupte amptenare, boumateriaal wat nie op standaard is nie, gebrekkige beplanning en ontwerp asook swak vakmanskap is dikwels die oorsake van die rampe.

лампы для

Bafana pos hul afrigter

Daar is slegs 235 dae voordat die Wêreldbekersokkertoernooi afskop, en Suid-Afrika se sokkerspan sit sonder ‘n afrigter.

Die Brasiliaan Joel Santana het die trekpas gekry vir Bafana Bafana se ellendige vertonings waarin hulle agt van hul laaste nege wedstryde verloor het.

Die hulpafrigters Jairo Leal en Pitso Mosimane dien tans as waarnemende afrigters.

Ten spyte van sy powere vertoning, was Santana verlede week nog seker dat hy sy werk sou behou. Suid-Afrika het onlangs met 0-1 teen Ysland verloor toe Ysland 23 plekke onder Bafana op die wêreldranglys was.

“Ek bly net waar ek is. Ek het nog nooit van ’n afrigter gehoor wat gepos word as hy vriendskaplike wedstryde verloor nie,” het hy by die span se terugkoms uit Reykjavik aan die media gesê.

Santana spog met die onderskeiding dat hy die eerste Bafana-afrigter geword wie se span ses agtereenvolgende wedstryde verloor het.

Daarbenewens het Bafana ook twee keer onder hom tot op die 85ste plek op die wêreldranglys gedaal.

In 1996 was Bafana op die 16de plek op dié lys. Dit is hul swakste posisie in 15 jaar.

bridal jewellery

Paarl Media nie aandadig aan brand

Die brand by ‘n maatskappy wat die boeke-aanleg in April in die Paarl verswelg het en die dood van 11 werkers veroorsaak het was deur ‘n diepbraaier in ‘n kombuis veroorsaak, het Paarl Media Maandag gesê.

“Die mees waarskynlike oorsaak van die brand blyk om kookolie te wees wat in die kafeteria aan die brand geslaan het. Dit is deur ‘n onafhanklike maatskappy op kontrak basis gehandhaaf,” het Stephen van der Walt, uitvoerende hoof van Paarl Media, in ‘n verklaring gesê.

Volgens Van der Walt het die vlamme vinnig versprei en het die dak aan die brand gesteek. Dit het baie rook veroorsaak wat werkers se pogings om te ontsnap gekortwiek het.

Die brand het op 17 April vanjaar in Dal Josafat in Paarl uitgebreek.

Van der Walt sê die maatskappy se bevindinge oor die brand is gevolgtrekkings van forensiese ondersoeke wat deur kenners aangegaan is.

Hy sê die ondersoek het gerugte dat ‘n “stof-ontploffing” die brand veroorsaak het, verkeerd bewys.

ігри дівчачі