Nuus Archives - Page 982 of 1583

Medupi-kragstasie in chaos gedompel

‘n Ingeligte bron het aan ‘n internetwebwerf vertel wat werklik by die twee Eskomkragstasies, wat nog in aanbou is, gebeur het. Die media verswyg die gebeure en hou die publiek skaamteloos oningelig, volgens werknemers.

By die Kusile-kragstasie in Mpumalanga naby Witbank, het die swart werkers Dinsdag 3 Mei 2011 begin staak oor dinge waaroor hulle ontevrede was, hulle is in kennis gestel dat die staking onwettig is en dat hulle moet terugkeer werk toe.

Die swartes het toe op Vrydag 6 Mei 2011 weer by die werk aangemeld, maar toe verneem dat die stelsel “geen werk, geen betaling” (no work no pay) van toepassing is. Hulle was toe ontevrede omdat hulle nie vergoeding sou kry vir die dae wat hulle gestaak het nie. Die situasie het onmiddelik handuit geruk en die swartes het begin plunder, twee van die konstruksiefirmas by die kragstasie se kantore is afgebrand, so ook ‘n reuse-mobiele kraan en verskeie voertuie, talle ander voertuie is deur die woedende swartes erg beskadig.

Volgens die Hoofbestuurder van Eskom, Brian Dames is die skade in daardie stadium beraam op R60 miljoen. Vanoggend 10 Mei 2011 het chaos ook uitgebreek op die Medupi-kragstasie op Ellisras, wat ook nog in aanbou is, toe die 15 000 werkers daar ter ondersteuning van die swartes by Kusile-kragstasie tot geweld oorgegaan het.

Binne enkele minute is die kantoorgeboue, mobiele krane en twee voertuie van Kentz-konstruksie op Medupi aan die brand gesteek; voertuie op hulle dakke omgerol en verskei bakkies en karre se ruite uitgeslaan.

In een stadium was daar 5 brandweerwaens op Medupi, met nog op pad, dit het gewemel van polisie, maar onder die omstandighede kon hulle seker nie veel meer doen as om handtekeninge te vra nie.

In die loop van die oggend het 6 ambulanse en 3 noodvoertuie by die kragstasie opgedaag. Swartes wat nie aan die geweld wou deelneem nie, is aangeval, en van hulle het soos besetenes by die hekke uitgevlug, die vlaktes in, nog met die gereedskap in die hand waarmee hulle besig was, ander het op voertuie en waterkarre geklim net om uit die kragstasie te kom. Die skade hier kan soveel as R100 miljoen of meer beloop.

Teen vroegmiddag het die polisie die ingange na Ellisras afgesper en bewaak, aangesien hordes swartes op pad is dorp was om die blanke werkers van Kentz aan te val in die wooneenhede wat deur Kentz gehuur word.

Alle blankes in Kentz se diens, waarvan my broer een is, het opdrag ontvang om met hulle Kentz-werknemerkaarte hulle voertuie op Kentz se rekening vol brandstof te maak en onmiddelik die dorp te verlaat. Volgens Kentz se topbestuur sal Medupi om veiligheidsredes gesluit wees tot na die verkiesing.

Kyk mens na die verloop van gebeure, is dit duidelik dat daar geen begrip is nie, maar net opgehoopte haat teen die blankes. Die regering kerm oor werkskepping, maar die wat werk het, wil nie werk nie, en vernietig alle strukture met hul optrede, hoe verder die konstruksiewerk aan Medupi vorder, hoe meer werkgeleenthede sal daar wees, maar mense besef dit nie.”

магазин игры Лобановский

VF Plus lê klag teen Zuma

Die Vryheidsfront Plus gaan vandag ‘n klag by die Onafhanklike Verkiesingskommissie (OVK) teen president Zuma lê vir sy uitsprake wat hy in die Vrischgewacht-township naby Delareyville aan kiesers gemaak het.

Zuma het volgens Beeld (13/05/2011) gesê dat diegene wat hulle rug teen die ANC draai, teëspoed sal moet trotseer en aan die ANC-voorvaders verantwoording sal moet doen wanneer hulle sterf. Volgens dr. Pieter Mulder, VF Plus-leier, is hierdie optrede van Zuma ‘n duidelike verbreking van die OVK se verkiesingskode. “Zuma se gedrag is eerstens intimiderend van aard deurdat hy vrees by kiesers inboesem oor die gevolge van ‘n stem anders as vir die ANC en tweedens misbruik hy sy posisie van tradisionele gesag om kiesers te beïnvloed om ‘n stem vir die ANC uit te bring,” het dr. Mulder verder gesê.

Die verkiesingskode is ingevolge artikel 9(1)(a)(ii) baie duidelik dat intimiderende gedrag ontoelaatbaar is en ingevolge artikel (9)(2)(e) is enige gedrag waar gesag misbruik word om kiesers te beïnvloed om op ‘n sekere wyse te stem, verbied.

Hierdie klagte teen Zuma word gebring teen die agtergrond van verskeie uitsprake deur Zuma en ander senior ANC-lede wat kiesers gereeld bombardeer met godsdienstige boodskappe en vergelykings met die Christelike Godheid. Hierdie gedrag is vir meeste Christene, insluitende die VF Plus, ‘n steen des aanstoots en kan beskou word as godslasterend. Dit is ‘n aanduiding van die ANC se desperaatheid om stemme te werf en te behou vir die komende verkiesing.

“Die ANC se optrede is ‘n gevolg van een-party wat regeer en te sterk geword het. Dieselfde sal gebeur indien enige ander party alleen in bewind kom en al die verskillende groepe en oortuigings moet verteenwoordig. Koalisiepolitiek, waar meer as een party saam regeer, hou die voordeel van meer wigte en teenwigte teen magsmisbruik in,” het dr. Pieter Mulder bygevoeg.

play online casino

Jeugliga vies omdat Zuma hulle isoleer

President Jacob Zuma se opmerking dat die menings oor grondhervorming uitgespreek deur ANC-jeugligapresident Julius Malema sy eie is, isoleer die jeugleier, het die ANC-jeugliga Donderdag gesê.

Die liga het gereageer nadat Zuma die ANC van die sieninge gedistansieer het.

“Om die sienings wat in die… liga se besprekingsdokument uitgedruk word aan…Malema toe te skryf, is nie van hulp nie en kan net dien om hom (Malema) van die organisasie (ANC) te isoleer,” het die liga se nasionale werkkomitee Donderdag in ‘n verklaring gesê.

Zuma het na berig word, gereageer op besorgdheid wat uitgespreek is deur boere oor grondhervorming deur te sê: “Malema is op ‘n leerkurwe en die boerderygemeenskap moet nie ontsteld word deur sy uitlatings nie. Wat hy sê, is bloot sy (Malema se) sienings.”

In die liga se besprekingsdokument, wat met die oog op die liga se komende verkiesingskonferensie uitgereik is, stel die liga wysigings voor aan die eiendomsklousule van die Grondwet om die regering toe te laat om “in die openbare belang” op grond beslag te lê.

Die liga meen dat die onteiening van grond sonder vergoeding ‘n beleidsvoorstel deur die liga is en nie dié van ‘n individu nie.

Die verhouding tussen Zuma en Malema, sy eens getroue ondersteuner, het intussen versleg. Malema se naam is ook genoem in ‘n beweerde komplot wat glo beplan word vir die ANC se nasionale verkiesingskonferensie in 2012 om Zuma uit die kussings te lig.

бани внутри прокурор Фильчаков

DA-, OD-lede loop oor na VF Plus

‘n Aantal sleutelrolspelers van die Demokratiese Alliansie en die Onafhanklike Demokrate in Gauteng is vandag amptelik deur die VF Plus in hul nuwe politieke tuiste verwelkom.

Mnr. Christo Smith het kort voor die OVK se afsnytyd vir die nominasie van kandidate as sittende raadslid van die DA in Midvaal bedank en hom by die VF Plus aangesluit.

Volgens die leier van die VF Plus in Gauteng, mnr. Jaco Mulder, vorm die Midvaal en Kaapstad munisipaliteite ‘n steunpilaar vir die DA-verkiesingsveldtog terwyl ‘n donker wolk oor Midvaal hang vanweë ondersoeke na korrupsie.

Ander prominente lede wat hulself by die VF Plus aangesluit het is mnr. Craig Bennetts wat as sittende raadslid van die DA in die Ekurhuleni-metroraad aan die Oos-Rand bedank het en ‘n DA-genomineerde kandidaat van Suidheuwels, Johannesburg, me. Tess.

‘n Voormalige leier van die OD in Gauteng, mnr. Brian Power, staan ook as kandidaat vir die VF Plus in Johannesburg.

Mense keer die liberale raas en blaas politiek van die DA en OD die rug toe en keer terug na hul wortels. Die VF Plus word toenemend gesien as die natuurlike politieke tuiste van mense wat met ‘n Christelike waardestelsel wil bydra tot werklike oplossings.

Die Vryheidsfront Plus se navorsing onder die meer as 130 000 persone wat sy tolhekpetisie geteken het, dui daarop dat die party gaan groei in die komende plaaslike owerheidsverkiesing. Daar is vasgestel dat tussen meer as 70% van die ondertekenaars bereid sal wees om die VF Plus in die verkiesing te steun. Volgens adv. Anton Alberts, VF Plus-parlementêre woordvoerder oor Kommunikasie, is die steun ‘n mengsel van ou en nuwe ondersteuners. “Heelwat van die petisielede het aangedui dat hulle vir die eerste maal die VF Plus gaan steun weens sukses wat die party behaal met die beskerming van die belastingbetaler teen uitbuiting.

Die VF Plus is tans die derde grootste opposisieparty in Gauteng naas die DA en Cope. Met die binnegevegte in Cope asook groei in steun vir die VF Plus kan die party dalk na die verkiesing van 18 Mei 2011 groei tot die tweede grootste opposisieparty in Gauteng.

Die VF Plus sal na die verkiesing bereid wees om saam met ander opposisiepartye koalisies te vorm soos die party in 2006 in Kaapstad en George gedoen het.

Die VF Plus gee op hierdie wyse aan Afrikaners, minderhede en kiesers wat sy waardestelsel deel, inspraak in plaaslike regering.

Profete voorspel dodelike aardbewings vir Rome en Taiwan – maar Spanje loop deur

Dié week het baie lugtige inwoners van Rome na die buitewyke uitgewyk – spesifiek die dag waarop ‘n profeet jare gelede voorspel het ‘n dodelike aardbewing sou dié stad tref. Dié “profeet” is al tien jaar gelede oorlede, en hoewel seismoloë die versekering gegee het dat daar niks buitengewoon te wagte is nie, wou sommige inwoners maar liefs bang Tino, as dooie Tino wees.

Ook in Taiwan het ‘n “profeet” se voorspelde datum van ‘n dodelike aardbewing gekom en gegaan. Die man bly steeds in sy plakkershuisie wat hy meen nie dodelike gevolge sal inhou wanneer die aardbewing – volgens hom 14 op die Richterskaal, dié eiland sou tref nie. Hy glo nou hy mag dalk ‘n dag of wat uit wees.

Die dodelike aardbewing wat wél in die voorspelde tydperk voorgekom het, het die Suid-ooste van Spanje getref en tien lewens geëis. Dit was maar ‘n baie ligte aardbewing, vergeleke met die grotes wat voorkom, en het maar 5,3 op die Richterskaal gemeet. (Op die USGC se webwerf word dit as 5,1 aangegee, ‘n sterkte wat selde die lys haal, maar dié keer wel waarskynlik weens die lewensverlies). Dit is ongeveer ‘n honderd keer ligter as die Tulbach-aardbewing.

Heelwat skade is met die aardbewing in Spanje aangerig, veral in die ou stede Lorca, Cartagena en Albacete. ‘n Ou kloktoring het ingestort en het ‘n TV-verslaggewer wat besig was om ‘n onderhoud te voer, met ‘n haarbreedte gemis.

‘n Terloopse interessantheid is dat argeoloë onlangs, vir die tweede keer daarop aanspraak gemaak het dat hulle Atlantis aan suidelike kus van Spanje ontdek het. In die jongste aanspraak is die “bouvalle” (onder die oppervlak in ‘n vleigebied) sestig kilometer van die kus, en hulle verklaar dit aan die hand van ‘n reuse tsunami wat op ‘n reuse aardbewing gevolg het. Hulle wys daarop dat ‘n aardbewing waarskynlik net so sterk soos die onlangse wat soveel dood en verwoesting in Japan veroorsaak het, op 1 Nov 1775 ‘n tsunami tot gevolg gehad het wat Lissabon feitlik verwoes het. Volgens hulle sou ‘n beter gerigte tsunami wel die gebied kon tref waar “Atlantis” nou ontdek is.

Na die groot Japannese aardbewing het ‘n paar grotes reeds voorgekom, bv die een van 7,1 wat Honshu getref het, een van 6,8 wat heelwat dood en verwoesting in Mjanmar veroorsaak het, en van onderskeidelik 6,9 en 6,8 wat Solomon-eilande en die Lojaliteitseilande getref het.

детский сайты topcargo

Verkiesingsprojeksies

As alle opposisiekiesers gaan stem en groot getalle ANC-kiesers wegbly van die stembus, kan sekere metrorade en enkele plaaslike rade deur koalisies van opposisiepartye regeer word.

Onrealistiese voorspellings deur politieke partye mag kort termyn voordeel inhou, maar maak dat opposisiekiesers wat na die uitslae teleurgestel is, anti-politiek en apaties in die toekoms word.

Van die 283 rade het die DA in 2006 sewe rade gewen, die IVP 33 en die ANC meer as 200. Enkele rade is met koalisies regeer.

Hierdie verkiesing gaan daar meer koalisieregerings wees en kiesers gaan begin om die voor- en nadele van die proporsionele kiesstelsel beter te verstaan. Koalisies maak dit moontlik dat kleiner partye groot bedinging kry waar hulle na die verkiesing die deurslaggewende rol in sekere metro’s en rade gaan speel. Die VF Plus gaan in al hierdie koalisies saam met ander opposisiepartye ‘n belangrike rol speel.

Waarom koalisies? Omdat die syfers en projeksies wys dat, behalwe dalk vir Kaapstad, geen opposisieparty alleen die ANC in die metro’s gaan wen nie.

Voorbeeld: Met die vorige plaaslike verkiesing in 2006 kon geen party meer as 50% in Kaapstad kry nie. Die DA het 41% gekry. Danksy ‘n koalisie tussen die DA, VF Plus, ACDP en enkele ander partye is geslaag om die ANC in opposisie te kry. Kaapstad het 210 raadslede en die Speaker het ‘n beslissende stem as daar gelykop gestem word. Met die eerste stemming is ‘n VF Plus-raadslid met 105 teen 104 stemme as Speaker gekies. Hierna het hy ‘n beslissende stem gehad waarmee die ANC in opposisie gehou is. As deel van die ooreenkoms is mev. Zille daarna as burgemeester verkies.

Hoe broos hierdie koalisie na vyf jaar steeds is, blyk uit die feit dat die DA in Kaapstad vandag (11 Mei 2011) ‘n noodkoukus gehou het en probeer om die vergadering te kanselleer waarop die begroting goedgekeur moes word. Hulle wil die vergadering kanselleer omdat sommige OD-raadslede nie die begroting ondersteun nie, en die DA bang is hulle verloor ‘n stemming so kort voor die verkiesing waar Kaapstad as die model van DA-regering voorgehou word.

Waar kan hierdie patroon herhaal word?

Naas Kaapstad het opposisiepartye die beste kans om in die Nelson Mandela (Port Elizabeth) metroraad dit te herhaal. In 2009 het die ANC 50% van die stemme in hierdie metro gekry. Die DA het 28% gekry. Omdat dit nie moontlik is om in minder as twee jaar van 28% na 50% te groei nie, gaan samewerking met die VF Plus, Cope en ander partye nodig wees om die ANC in opposisie in te forseer.

Dit gaan moeiliker wees in Johannesburg en Pretoria waar die ANC in 2009 63% en 61% gekry het teenoor die DA se 20,8% en 24,9% onderskeidelik. Verantwoordelike samewerking tussen opposisiepartye mag dalk ook hier tot sukses lei.

Ons navorsing en werwing wys dat realisme nodig is wanneer voorspellings oor die verkiesingsuitslae gemaak word. Die huidige onrealistiese voorspellings maak dat opposisiekiesers wat na die uitslae teleurgestel is, anti-politiek en apaties word.

Voorbeeld: Met die 2009 verkiesing het die DA ‘n veldtog geloods met die boodskap dat hulle Zuma kan stop. Toe die uitslag kom het die ANC 65% en die DA 16% gekry. Dit is veral ook waarneembaar in provinsies waar die verwagting by die vorige verkiesing gewek is dat die ANC uitgestem kan word. Kiesers was geskok toe Cope, en nie die DA die amptelike opposisie in vyf van die nege provinsies is. Die gevolge is dat daar tans kiesers is wat weier om te stem. Hulle voel hulle is die vorige verkiesing mislei deur hierdie veldtog en dat hulle stemme nou geen verskil gaan maak nie.

Uit die verlede blyk dit dat daar nie ingrypende verandering in stempatrone intree tussen die nasionale verkiesing en die plaaslike verkiesing twee jaar later nie. Opposisiepartye vaar gewoonlik ‘n paar persentasiepunt beter in die plaaslike verkiesing.

‘n TNS navorsingsopname wat in Februarie in metropolitaanse gebiede gemaak is, het bevind dat 73% van die kiesers beplan om weer vanjaar vir dieselfde party te stem. Die opname het ook bevind dat persone wat ongelukkig is met hulle party, oorwegend gaan wegbly eerder as om vir ‘n ander party te stem.

Die navorsing het aangetoon dat die hoogste stempersentasies in Durban, Port Elizabeth, Bloemfontein en die Oos-Rand verwag word. Lae stempersentasie word vir Soweto, die Vaaldriehoek, die Suid-Rand en Oos-Londen voorspel.

Dit kan aandui dat opposisiekiesers wel meer gaan stem terwyl ANC-kiesers makliker gaan wegbly.

Die DA het in 2009 Wes-Kaap provinsiaal gewen. Die tendens behoort voort te duur. In die ander provinsies was die DA-uitslae in 2009: Gauteng 21,8%; KZN 9,1%; Noordwes 8,2%; Limpopo 3,4%; Mpumalanga 7,4%; Oos-Kaap 9,9%; Noordkaap 12,5% en Vrystaat 11,6%. Dit is hierdie werklikhede wat maak dat navorsing wys dat een enkele party nie alleen die ANC sal wen nie, maar dat koalisies dit wel kan doen.

хамам что это Фильчаков

‘Nasionalisering is nie ANC-beleid’

President Jacob Zuma het die versekering gegee dat die ANC nie die landelike armes in die steek sal laat nie, het die SABC Woensdag berig.

Zuma het volgens die SABC ook vroeër beklemtoon dat nasionalisering nié ‘n ANC-beleid is nie.

Hy het gereageer op die besorgdhede van sakemense, veral boere, oor die ANC-Jeugligaleier, Julius Malema, se beroep om myne te nasionaliseer by ‘n vergadering in Greytown.

“Hierdie is prioriteite vir ons en ek is seker ons sal hierheen terugkeer,” het hy gesê tydens sy veldtog in Msinga buite Pietermaritzburg – een van vier sub-streke wat onder IFP-beheer is.

“Ek het dit vandag gesê en dit is nie net omdat ek dit sê dat mense vir die ANC sal stem nie – soos julle kan sien, het hulle in groot getalle opgedaag.

“Mense sê nou dat die tyd hier in Msinga gekom het om te stem vir die organisasie van die mense. Ons sal hulle nie teleurstel nie. Dit is waarom ek die kwessie van raadslede en raadslede se benadering tot gemeenskappe met hulle opgehaal het,” het Zuma gesê.

Inwoners het gekla oor ‘n gebrek aan skole, water en gesondheidsfasiliteite. Zuma het gesê die ANC neem alle klagtes ernstig op en sal ná die verkiesing daarna omsien.

DA se voortvarendheid boemerang

Die broosheid van die samewerking tussen die DA en die OD was vandag duidelik deurdat die Kaapstad-metroraad nie die begroting vir 2011/12 kon goedkeur nie. Die begroting is nie goedgekeur nie omdat alle aanduidings daar was dat ontevrede OD-raadslede daarteen sou stem.

Wat die gebeure meer sensitief maak is die feit dat die DA tans regdeur Suid-Afrika hulself hoog opgee oor hoe die DA Kaapstad gewen het en daar regeer. Dit maak dit moeilik om te verduidelik waarom daar nie vandag ‘n meerderheid was om die begroting goed te keur nie.

Die DA betaal vandag die prys vir hulle leier, me. Zille, se vroeëre voortvarendheid deurdat sy die veelparty-groep, bestaande uit die VF Plus, ACDP, UDM en andere eenkant gestoot het. Die implikasie is dat die DA vandag uitgelewer is deur die onbetroubaarheid van sy nuwe vennoot – die OD.

Die VF Plus was vandag gereed en bereid om sy stem aan die begroting te gee as die stemming sou plaasvind.

Maak Lohathla-verslag bekend!

Die minister van Verdediging en Militêre Veterane, me. Lindiwe Sisulu, het bevestig die verslag na die dood van nege soldate in die skietongeluk in Lohatlha in 2007 is voltooi. Sy het ook gesê dat sedert 2005 is 21 lede van die weermag gedood in opleiding (7) en oefeninge (14). Sy het geantwoord op ‘n vraag van Pieter Groenewald van die Vryheidsfront Plus in die Parlement. In die antwoord word gesê dat weens die sensitiwiteit van die insident in Lohatlha sal die hoof van die Leër die minister persoonlik daaroor inlig, indien sy dit versoek. Destyds het ‘n 35 mm lugafweerkanon buite beheer geraak en het die operateur nege medesoldate doodgeskiet.

“Die minister moet die verslag dadelik bekend maak. Haar voorganger, mnr. Mosiuoa Lekota, het destyds in die Parlement onderneem dat die ondersoek na die Lohatlha-skietery deursigtig sal wees en dat niks weggesteek sal word nie. Die bekendmaking van die verslag is noodsaaklik sodat die Parlement sy oorsigrol kan vervul. Die publiek is ook geregtig om te weet wat verkeerd gegaan het en watter voorkomende stappe geneem is om ‘n soortgelyke insident te voorkom,” sê Pieter Groenewald, hoofwoordvoerder vir Verdediging van die Vryheidsfront Plus.

“Daar is baie onbeantwoorde vrae oor wat verkeerd gegaan het en of daar nalatigheid was en wie daarvoor verantwoordelik was. Daar is gesê dat die meganiese veiligheidspen van die kanon gebreek het, maar die kanon het ook statiese veiligheidspenne wat die doodsakker vaspen. Indien daar enige nalatigheid was moet iemand daarvoor verantwoordelik en aanspreeklik gehou word. Ek sal vandag ‘n amptelike vraag aan die minister oor die verslag by die Parlement indien,” het Groenewald gesê.

“Wat verder kommer wek is dat in agt sterfgevalle sedert 2007 is die Raad van Ondersoek na die voorvalle nog nie afgehandel nie. Dit sluit drie valskermsoldate in. As die ondersoek na die oorsaak nie afgehandel is nie, kan dieselfde fout hom herhaal en kan meer soldate sterf gedurende opleiding. Die minister sal ook moet antwoord hoekom hierdie ondersoeke nog nie afgehandel is nie,” sê Groenewald.

Александр Фильчаков

Meld klagtes direk by munisipaliteit aan

Die Vryheidsfront Plus het vandag ‘n diens saam met Mobilitate (www.mobilitate.co.za) geloods waar inwoners munisipale probleme direk by munisipaliteite kan inhandig. Hierdie diens sal beskikbaar wees op die webwerf www.mymunisipaliteit.org.za en is bykomend tot die bestaande diens waar swak dienslewering by die Verbruikerskommissie aangemeld kan word. Hierdie diens is tekenend van die mag wat tegnologie vir die gewone belastingbetaler en burger kan gee. Belastingbetalers is nou bemagtig om in die gemak van hulle huise direk ‘n klagte by hulle munisipaliteit aan te meld. Geen meer tyd sal gemors word deur in rye te staan en oproepe na munisipale dienssentrums te maak waar oproepe nie beantwoord word nie. Mobilitate se span sal klagtes monitor en druk plaas op munisipale owerhede om spoedige oplossings te verseker. Indien die munisipaliteit nie reageer nie word die inligting gepubliseer en kan die klagte deur die inwoner by die Verbruikerskommissie aangemeld word. Die kommissie kan die munisipaliteit dan dwing om diensgelde wat betaal is gedeeltelik of in geheel terug te betaal. Hierdie magte stem ook ooreen met die VF Plus se filosofie van “Geen dienste – Geen belasting”.

Hierdie vennootskap tussen ‘n politieke party en ‘n inligtingstegnologie-maatskappy vind vir die eerste keer plaas. Die belastingbetaler word bemagtig deur hierdie diens omdat munisipaliteite onder druk geplaas word om die dienste te lewer waarop inwoners geregtig is.

Die dienste beskikbaar op www.mymunisipaliteit.org.za sluit die volgende in:

1. Klagtes gelê direk by ‘n munisipaliteit. Die webwerf beskik ook oor ‘n kaart wat presies aandui waar die probleem voorkom en die GPS-koördinate word ook na die munisipaliteit saam met die klagte gestuur sodat reaksie vinnig kan plaasvind;

2. Klagtes na die Verbruikerskommissie. Die Verbruikerskommissie is in terme van die Wet op Verbruikersbeskerming daargestel om swak dienslewering in die algemeen aan te spreek, ook by munisipaliteite en gee verreikende magte aan die Kommissie om tariewe terug te eis van diensverskaffers en munisipaliteite;

3. Voorstelle aan munisipaliteite. Die webwerf maak voorsiening dat voorstelle ook aan die betrokke munisipaliteit gegee kan word, soos die oprig van ‘n spoedteken by ‘n skool of die opstel van ‘n nuwe verkeerslig.

баки для