Nuus Archives - Page 980 of 1583

Afrikaanse film wen Queer Palm

Die bruin regisseur van die eerste Afrikaanse film wat by die gesogte Cannes Filmfees in Frankryk met ‘n Queer Palm vereer is, sê dié eer kom van “reuse van Europese rolprent kritici”.

Oliver Hermanus se rolprent Skoonheid het die toekenning vir die beste film wat handel oor gay kwessies Saterdag losgeslaan.

Die film handel oor Francois, ‘n familieman uit die Vrystaat, wat sukkel om sy latente seksuele begeertes te onderdruk.

In sy stryd, ontwikkel hy ‘n ongesonde en vernietigende obsessie met sy vriend se 22-jaar-oue seun.

Deon Lotz, die Suid-Afrikaanse akteur wat die rol van Francois vertolk, het gesê hy is “in ekstase” dat die film die toekenning gewen het.

“Dit gee wonderlike erkenning aan Suid-Afrika se groeiende filmbedryf,” het hy gesê.

Lotz, wat ook die rol van die FW de Klerk in die film Winnie speel, het gesê: “Ek sou nie sê Francois is ‘n gay-in-die-kas nie Hy het net nie geweet hoe om hierdie gevoelens wat hy onderdruk het, te hanteer nie as gevolg van Afrikanermans wat altyd op ‘n sekere manier optree”.

Elisabeth Quin, ‘n Franse kritikus en president van die jurie wat die Queer Palm toeken, het gesê: “Ons is getref deur hierdie film se uitbeelding van self-haat, homofobie en rassisme.

“Skoonheid is ‘n ontstellende, radikale film, ware teater.”

“Ek hoop Suid-Afrika is gereed vir Skoonheid wanneer ons terugkeer,” het Oliver gesê.

Фильчаков прокурор

Zille twiet vals

Helen Zille het die Sunday Times Sondag berispe in ‘n twiet op Twitter dat die koerant verkeerd is om te berig dat die DA 21,97% van die stemme gewen het en daarop gewys dat die koerant vroeër ‘n hoër syfer op sy voorblad gebruik het.

“Die korrekte resultaat is DA 23,9% (NIE 21,9%) en ANC 62% (NIE 63,65%), ” het sy geskryf.

Die telling wat Zille verkies sluit die verkiesing vir distriksrade uit – dus die derde stembrief wat aan kiesers gegee is wat nie in een van die agt metro’s woon nie. In dié rade het die DA aansienlik swakker gevaar met net 15% van die stemme.

Die DA het maw alleen 21,97% van alle stemme verower, en nie 23,9% soos die party beweer nie. Die ANC het 63,65% gewen.

Navorsers het dié syfer van die OVK se finale uitslae beaam en gesê dit dui die werklike stempersentasie aan.

ANC wil munisipaliteite regruk

In die komende weke, gaan die regerende party maatreëls tref wat burgemeesters, munisipale bestuurders en ander senior amptenare meer verantwoordbaar sal maak, soos lede van die parlement en provinsiale wetgewers reeds is, sê die ANC.

Die besluit kom in die nasleep van verlede week se plaaslike regeringsverkiesings waarin die ANC se ondersteuning gedaal het van ongeveer 66% in die 2006 , tot ongeveer 62%.

Sy mededinger, die DA, geniet ‘n toename in sy steun, van omtrent 16% in 2006 tot sowat 24% verlede week, danksy die amperse verdwyning van kleiner partye.

Die munisipale hervormings is deel van die regerende party se munisipale omkeer strategie. Partywoordvoerder Jackson Mthembu het gesê verbeteringe sal “so gou as moontlik” geïmplementeer word , in ‘n poging om dienste “vinniger en meer doeltreffend” te lewer.

Die skuif, sê Mthembu, sal die ANC help om die geleidelike erosie van sy ondersteuning deur opposisie partye te keer.

“Selfs voor die verkiesing, was ons bekommerd oor die prestasie van ‘n paar rade Ons begrawe nie ons koppe in die sand as ons mense nie tevrede is met die diens nie… Wanneer mense vir jou stem, is jy dit aan hulle verskuldig om vinniger en meer doeltreffende dienste te lewer.

“Ons wil uit te voer [die maatreëls] so gou as moontlik sodat mense sal besef dat hul stem is nie misplaas,” het Mthembu gesê.

Een van die meganismes wat oorweeg word sluit in dat die nasionale Tesourie onbestede munisipale begrotings toe kan wys.

Die ANC, het Mthembu gesê, kan nie geld aan die Tesourie teruggee, terwyl mense min dienste het nie.

“Burgemeesters het beide wetgewende en uitvoerende gesag – en dit moet geskei word.

“Sommige dele van ‘n raad moet kyk na die belangrikste werk van die burgemeester en die uitvoerende gesag. Die raad moet in staat wees om te sit op sy eie sonder die burgemeester en die uitvoerende gesag,” het Mthembu gesê.

Hy het gesê die ANC se nasionale uitvoerende komitee sal hierdie naweek die uitslag van die verkiesing bespreek, en die party se prestasie en die pad vorentoe evalueer.

ANC wil koerant se kantore afbrand

Die voorsitter van die ANC in Nelson Mandelabaai, Nceba Faku, het Donderdagaand meer as 100 partylede aangemoedig om die Herald-koerant se kantore af te brand terwyl hy sy party se verkiesingsoorwinning buite Port Elizabeth se stadsaal gevier het.

Volgens die Herald het ‘n seniorwoordvoerder van die party die ANC “byna onmiddellik” gedistansieer van die uitlating, en gevra vir politiese volwassenheid by partyleiers.

Faku, wat by die ingang van die stadsaal gestaan het met ‘n ANC-vlag op sy skouer, het gesê die party het ‘n “belangrike stryd tussen die ANC en die media” gewen.

“Die primêre stryd van die ANC is met die media, veral die Herald, in hierdie streek,” het Faku volgens die koerant gesê.

“Weg met wit politieke partye, weg. Weg met diegene wat vir wit politieke partye stem, weg.”

Die ANC het beheer oor die Nelson Mandelabaai-metropool behou met 51.9% van die stemme.

Kaapstad se krag af

Die elektrisiteitstoevoer sal Dinsdag in Kaapstad onderbreek word om toerusting by ‘n substasie in Seepunt te vervang, het die stad Vrydag gesê.

Dié onderbreking sal vanaf 08:30 tot 17:00 duur.

Die gebiede wat geraak word is: Ocean View-rylaan, Rhineweg, Antwerpweg, Nelsonweg, Firmountweg, Oldfieldweg, Doverweg, High Levelweg, Calaisweg en Battery-singel.

“Inwoners word versoek om alle elektrisiteitsinstallasies in dié tydsduur as lewendig te beskou, omdat die elektrisiteitstoevoer sonder kennisgewing herstel sal word,” het die stad gesê.

Navrae kan gerig word aan 0800 220 440.

holidays

Israel woedend vir Obama

‘n Lid van die Likud-party in Israel het president Barack Obama die “nuwe Arafat” genoem wat Israel se vernietiging wil bewerkstellig, met verwysing na die afgestorwe Palestynse Bevrydingsleërleier.

Obama het die Palestyne Donderdag gelyk gegee in hulle aandrang dat die toekomstige Palestynse staat op die grense vóór die 1967-oorlog gegrond moet wees.

Dié skuif het groot woede in Israel ontketen. Israel sê die grense van ‘n Palestynse staat moet bepaal word deur middel van onderhandelinge.

In ‘n toespraak waarin die Amerikaanse beleid in die Midde-Ooste en Noord-Afrika uitgelê is, het Obama Donderdag die Palestyne se openingsposisie herhaal. Dit is slegs ‘n dag voor ‘n besoek aan Washington deur die Israeliese eerste minister Benjamin Netanyahu. Netanyahu is heftig gekant teen enige verwysing na die grense van 1967.

Tot en met Donderdag was die Amerikaanse posisie dat die Palestynse se gedagte van ‘n staat wat gebaseer is op die grense van 1967, deur ooreenkomste bereik moet word waarin daar eers grond uitgeruil word met die Israeli’s.

Die Amerikaners het voorheen Israel se begeerte vir ‘n veilige Joodse staat deur middel van onderhandelinge ondersteun. Obama het egter dié posisie Donderdag laat vaar ten gunste van die Palestyne.

Daar heers groot verdeeldheid in Israel oor die Amerikaanse president se toespraak. Tsipi Livni, lid van die opposisie in die Knesset, sê indien Israel nie instem nie, sal die land verder internasionaal geïsoleer word.

Joodse skenkers in die VSA het intussen gewaarsku dat Obama se herverkiesingsveldtog in die gedrang kan kom as hy volhou met sy vyandige houding teenoor Israel.

Sommige Joodse skenkers sê reeds Obama het Israeliese leiers te hard gedruk om konstruksie van nedersettings in betwiste gebiede te staak, ‘n deurgaanse element van Amerikaanse beleid.

Sommiges is ook bekommerd dat Obama meer druk op die Israeli’s as die Palestyne plaas om vir vrede te onderhandel en sê hulle is teleurgesteld dat Obama nog nie besoek gebring het aan Israel nie.

DA-burgemeester is Frelimo-soldaat

Mnr. Basil Kivedo, kader van umKhonto weSizwe (MK), militêre vleuel van die ANC, is die DA se nuwe burgemeester van die Breedevallei.

Kivedo was lid van die Frelimo-magte in Mosambiek en het ook in Tanzanië opleiding ontvang om terreur te saai.

Ná die Kodesa-ooreenkoms tussen die destydse NP en ANC-onderhandelaars wou Kivedo steeds nie die wapen neerlê nie.

Kivedo het aan Media24 gesê hy staan steeds “vasgeanker in die Vryheidsmanifes”. Hy gaan hom glo beywer vir die landbou- en wynbougemeenskap.

для автосервиса

DA, Afriforum en Solidariteit sink VF+

Die VF+ het gekrimp tot kleiner as die ACDP (17 setels), UDM (25 setels) en die PAC (17 setels). Met onafhanklike kandidate wat 37 setels ingepalm het, het die party ‘n uitklophou by die stembus gekry.

Die VF+ kon slegs 15 setels verseker, nadat die enigste wit Afrikaanse party in 2006 79 setels verower het. Dit beteken in wese nou minder as 1% steun landwyd.

Dr. Pieter Mulder, ook adjunkminister van landbou, bosbou en visserye, se deelname aan die ANC-regering het waarskynlik vir die ineenstorting by die stembus gesorg. Die adjunkminister kon nie daarin slaag om naderende grondhervorming werklik aan te spreek nie.

Mulder het ook verkies om nie die platform te gebruik om etniese politiek te voer nie en was met sy uitsprake al geruime tyd in die skadu van die DA, net soos Solidariteit en Afriforum.

Laasgenoemde twee organisasies het hulle werknemers en ampsdraers in aanloop tot die pas afgelope munisipale verkiesing lidmaatskap van die VF+ verbied, wat waarskynlik dié party die finale nekslag toegedien het. Beide Solidariteit en Afriforum ondersteun die DA.

Die VF+ se doelwit van Afrikaneronafhanklikheid is ook lankal reeds deur die leierskap versaak ter wille van korttermyn poltieke gewin. Onafhanklikheid is ‘n ongewilde boodskap by kiesers wat deur die Afrikaanse hoofstroommedia gestigmatiseer is om Suid-Afrikanerskap en ‘n eenheidstaat te bevorder.

Mulder het aan Media24 gesê Vryheidsfronters het “strategies gestem” en dat hy “geen antwoord gehad het” teen die DA se verkiesingsboodskap nie. “Die DA het baie van ons steun afgeneem.”

Hy het beklemtoon dat kleiner partye steeds bestaansreg het omdat hulle na minderhede se spesifieke belange omsien. Dié boodskap wat veral op munisipale vlak moes inslag vind, is egter grootliks deur Afrikaanse kiesers geïgnoreer.

By partyondersteuners heers daar skok en ongeloof oor die beroerde vertoning, alhoewel dit reeds klaarblyklik vir die bestuur duidelik was dat hulle geen kans teen die DA, wat die ondersteuning van Afriforum, Solidariteit asook die FW de Klerk-Stigting geniet, staan nie.

IMF-hoof verkrag glo MIV-positiewe swart vrou

Dominique Strauss-Kahn, hoof van die Internasionale Monetêre Fonds wat in New York in hegtenis geneem is vir beweerde seksuele aanranding, sal Donderdagoggend vir borg aansoek doen.

Strauss-Kahn het glo ‘n swart vrou van 32 uit Wes-Afrika wat werksaam is as skoonmaker by die luukse hotel, Sofitel Hotel, waar hy tuisgegaan het, gedwing om orale seks met hom te hê.

Gerugte dat die swart hotelwerker MIV-positief is, doen tans die rondte, nadat daar vasgestel is dat sy in ‘n Bronxwoonstel uitsluitlik vir volwassenes met MIV of vigs woon.

Maar haar prokureur Jeffrey Shapiro het gister gesê dat sy nie HIV het nie, en die woonstel dmv onderverhuring bekom het.

‘n Spesiale aansoek namens Strauss-Kahn kan beteken dat hy teen Donderdag uit die gevangenis kan wees op borgtog van $1 miljoen as hy onderneem om homself aan elektroniese monitering in New York City te onderwerp.

Die Franse politikus word 24-uur dopgehou omdat die Amerikaanse owerhede wil verhoed dat hy selfmoord oorweeg in sy sel by die Rikereiland-gevangenis. Dit sluit volgens gevengenisowerhede in dat hy “skoene dra sonder veters,’ n oorpak in plaas van ‘n koordbroek asook dopgehou word”.

Twee wetstoepassingsbeamptes het op voorwaarde van anonimiteit aan Associated Press gesê dat ondersoekers ‘n stuk van die hotelkamer se tapyt forensiese ontleed.

Die amptenare sê die mat bevat semen van waar die hotelwerker gespoeg het nadat Strauss-Kahn haar gedwing het om orale seks met hom te hê.

для пескоструя

Verkiesingsgeweld: 14 vas

Die nasionale polisiekommissaris, genl. Bheki Cele, het gesê slegs 14 mense regoor die land is in hegtenis geneem vir verkiesingverwante oortredings, berig die SABC.

Dit sluit vyf mense in wat in hegtenis geneem is vir die mislukte sluipmoordpoging op ‘n ANC-kandidaat in Durban.

Volgens Cele het die meerderheid van dié wat in hegtenis geneem is, inbreuk gemaak op verkiesingverrigtinge en en die gang daarvan ontwrig.

Twee groepe, onderskeidelik van die ANC en Cope, het ook in Mokwallo, Vredefort, gebots. Die polisie en die OVK het egter tussenbeide getree.

Die OVK het gesê ten spyte van enkele haakplekke het die verkiesing glad verloop.

медсправка форма 086-у Фільчаков прокурор