Nuus Archives - Page 979 of 1583

Vreemdelinghaat prut by Medupi

Die kragreus Eskom het gesê bouwerk by sy Medupi-kragstasie in Limpopo sal voortgaan wanneer arbeidsdispute opgelos is.

Die terrein is voor die verkiesing gesluit ná motors en kantore tydens gewelddadige betogings aan die brand gesteek is. ‘n Woordvoerder van Eskom, Hillary Joffe het egter aangedui dat die onlangse chaos by die konstruksieterrein nie die 2012-sperdatum van die projek sal affekteer nie.

Wit base beskuldig glo werkers van vreemdelinghaat. Werkers beskuldig hul base weer daarvan dat hulle buitelanders in plaas van Suid-Afrikaners aanstel. Vier mense is reeds in hegtenis geneem op aanklagte van brandstiging en saakbeskadiging.

Ontstoke werkers het eers gesorg dat die brandblussers leeg is voordat hulle geboue aan die brand steek waar wit bestuurders werk..

best 10 online games topcargo отзывы

Is daar hoop vir Afrika?

Onlangs in ‘n gesprek met ‘n sakeman van Wes-Afrika, het hy afgesluit deur die wens uit te spreek dat Suid-Afrika Afrika so kan help ontwikkel, dat Afrika meer soos Europa en Suid-Afrika kan word. “Afrika is so ver agter julle,” het hy moedeloos afgesluit.

Kan Suid-Afrika dit doen?

Ja. Suid-Afrika is ekonomies meer as twee keer so sterk soos Nigerië en amper drie-keer so sterk soos Egipte. Suid-Afrika is ekonomies 80 keer sterker as die gemiddelde Afrikastaat. Daarbenewens het ons die beste paaie-, krag- en telefoonnetwerke in Afrika en is ons aandelebeurs een van die tien grootste aandelebeurse in die wêreld. Amper die helfte van alle teerpaaie in Afrika, is in Suid-Afrika.

Maar as ons oor Afrika praat, moet ons ook realisties wees oor Afrika se probleme. Ek is kwaad vir Afrika se korrupsie en magsmisbruik. Ek is moeg vir Afrika-konflikte en TV-beelde van jong soldate in kamoefleeruniforms wat vol bravade agter op ‘n bakkie staan met ‘n swaar masjiengeweer in die hand en bande vol koeëls om die nek. Ek is moedeloos as ek nog een keer moet kyk na Afrika-babas wat met dowwe oë en uitgeteerde lyfies lê en hoop op kos.

Kommunikasie-infrastruktuur is ‘n belangrike voorwaarde vir ontwikkeling in Afrika.

Vodacom en MTN het die “pay-as-you-go”-konsep ontwikkel en groot sukses in Afrika behaal. Hulle is tans die hoof-selfoonverskaffers in verskeie Afrika lande.

Daar is talle soortgelyke voorbeelde van Suid-Afrikaanse maatskappye se suksesse in Afrika. Shoprite Checkers het tans die grootse voedselwinkel-netwerk in Afrika met amper 200 winkels in vyftien lande. Suid-Afrikaners bedryf Kameroen se spoorweë en ons bou paaie en brûe in Malawi en Mosambiek. Deur MultiChoice en die SABC bereik Suid-Afrikaanse televisieprogramme en nuus reeds 48 Afrikalande terwyl Media24 tydskrifte verkoop in Nigerië en Kenia.

Suid-Afrika het binne tien jaar na 1994 een van die top lande met beleggings in Afrika geword. Suid-Afrikaanse maatskappye het reeds geslaag om die lewenstandaard van baie Afrikane te verbeter.

Maar ek wil ook met Afrikaners praat. Baie Afrikaners onttrek hulle en hoop die probleme gaan weg. As Afrikaners eerlik oor hulle posisie nadink, het hulle op die oomblik nie baie keuses nie. Of jy emigreer, of jy raak betrokke en help om vir die Afrikaner ‘n plek in die son in Afrika te skep. Dit kan nie in isolasie gedoen word nie. Die feite is dat as Afrika tot niet gaan, dan is Suid-Afrika in die moeilikheid. As Suid-Afrika tot niet gaan, is die Afrikaner in die moeilikheid.

‘n Britse joernalis het onlangs aan my gesê: “Julle Afrikaners kan nooit brugbouers in Afrika wees nie vanweë julle geskiedenis.”

Is hy reg? Wat is die houding teenoor Afrikaners in die res van Afrika? Behalwe vir in Suid-Afrika, waar Malema sê ons is almal misdadigers, is ek orals in Afrika nog net positief ontvang.

Tans het 24 Afrikastate reeds versoeke gerig vir Suid-Afrikaanse kommersiële boere om by hulle te kom boer en met voedselproduksie te help.

Maar daar is ‘n voorwaarde. Dan moet Afrikaners nie permanent voel hulle word deur die regering geteiken nie. Dit maak dat alle energie vir oorlewing in Suid-Afrika aangewend word en is daar nie energie vir uitreik na Afrika nie.

игр детские Александр Фильчаков

DA-munisipaliteit ondersoek vir korrupsie

President Jacob Zuma het die Spesiale Ondersoekeenheid versoek om Gauteng se Midvaal-munisipaliteit te ondersoek. Zuma het dié ondersoek na bewerings van korrupsie, wanbestuur en die verduistering van fondse aangevra, het die SABC berig.

Die DA het dié munisipaliteit verower in die plaaslike verkiesings. Bewerings van korrupsie, wanbestuur en geldverduistering het reeds voor die verkiesing gesirkuleer. Die Midvaalmunisipaliteit was vóór die verkiesing ook in die hande van die DA.

Die burgemeester van Midvaal, Tim Nast, sê egter die munisipaliteit het al agt jaar in ‘n ry ‘n skoon oudit gekry.

“Dit kom nie as ‘n verrassing nie dat die aankondiging kom twee dae nadat die DA ‘n klinkende oorwinning in Midvaal behaal het,” het Nast aan die openbare uitsaaier gesê.

“‘n Mens kan nie help om te dink daar sit ‘n vorm van politiek daaragter nie.”

Nast het gesê verskeie politieke partye, insluitende die ANC en die Vryheidsfront Plus, maak al jare lank dié soort bewerings.

“Ons het alreeds met die Openbare Beskermer, die polisie en verskeie liggame saamgewerk oor die afgelope twee jaar. Ons sal ons volle samewerking aan die Spesiale Ondersoekeenheid ook bied.”

Die SABC het gesê die proklamasie wat Zuma onderteken het, bevat min besonderhede. Dit sê die eenheid moet onder meer die onbehoorlike wegdoening met munisipale bestuurbates, die versuiming om gelde wat aan die raad geskuld word in te win en die ontplooiing van personeel op verkeerde posvlakke ondersoek.

VN waarsku Nigerië oor hoë geboortesyfer

‘n Spesiale adviseur van Ban Ki-moon, die Verenigde Nasies se sekretaris-generaal, het Nigerië Maandag gewaarsku teen ‘n bevolkingsontploffing.

Hy meen die huidige bevolking van 158 miljoen kan teen die jaar 2100 groei tot 730 miljoen.

“Ek is regtig bekommerd oor ‘n bevolkingsontploffing in Nigerië. Dit is nie gesond nie. Nigerië moet mik om ‘n maksimum van drie kinders per gesin te hê,” het Jeffrey Sachs gesê.

Hy het gesê dat ‘n verhoogde jaarlikse ekonomiese groeikoers bo die huidige 7% en geïntegreerde ontwikkeling die land een van die belangrikste ekonomieë in die 21ste eeu kan maak.

President Goodluck Jonathan, wat Sondag met ‘n vierjaar-termyn afskop, het gesê hy gaan Nigerië se ekonomiese span lei.

“Na my inhuldiging Sondag sal ek die voorsitter van die ekonomiese bestuurspan wees wat saamgestel is uit belangrike regering- en sakesektorlede.”

сауна оборудование

Soedannese skikking na die maan?

Groot kommer heers oor die toekoms van die Soedannese skikking nadat militêre magte uit die Arabiese noorde Sondag die stad Abyei en omstreke ingeneem het. Tot 20 000 mense het volgens die VN dieper in die suidelike deel ingevlug, wat bestem is om in Julie onafhanklik te word.

Die onafhanklikheid van die Christen-suide van die Moslem-noorde is bestem om burgeroorloë wat oor dekades duur, ten einde te bring, en volg op ‘n skikking en referendum.

Beide partye maak egter op Abyei aanspraak, en die feit dat dit ‘n olieryke gebied is, het stellig heelwat hiermee te make. Die meeste oliebronne is bestem om na die afskeiding in die suidelike gebied te val. Abyei geniet sedert die 2004-skikking spesiale status, maar is histories ook spesiaal hanteer om botsende aansprake tussen ‘n rits aanspraakmakers te hanteer.

Die algemene verwagting is dat die inwoners van Abyei ten gunste van insluiting by die suide sou stem in ‘n referendum waar reeds moes plaasvind.

Die regering in die suide het die oorname as ‘n daar van oorlogsverklaring beskryf, en die VN het inderhaas ‘n bemiddelaar na Khartoem gestuur.

липецк воротки,топкарго отзывы

Wit Amerikaners ervaar rassisme, sê studie

Beide wit Amerikaners en swart Amerikaners sien beduidende vordering in die stryd teen anti-swart vooroordeel, maar wit Amerikaners glo die vordering het gekom ten koste van wittes, het ‘n nuwe opname bevind.

Die navorsers het in ‘n ewekansige steekproef 209 blankes en 208 swartes gevra hoeveel diskriminasie elke groep in die gesig staar, op ‘n skaal van een tot tien, vir elke dekade sedert die 1950’s.

Swart Amerikaners het anti-swart vooroordeel as dalende tendens gesien, van 9,7 in die jare 50 tot 6,1 in die ’00s. Oor dieselfde tydperk, het hulle ‘n klein toename in anti-wit vooroordeel opgemerk, van 1,4 tot 1,8.

Wit Amerikaners het ‘n selfs skerper afname in anti-swart vooroordeel gesien: van 9,1, in die ’50s, tot 3,6, in die ’00s. Maarv wat veral opval, volgens die navorsers, is die skerp toename in waargenome anti-wit vooroordeel: Onder blankes, het dit opgeskiet van 1,8 na 4,7.

Wit Amerikaners, in kort, meen dat anti-wit vooroordeel ‘n groter maatskaplike probleem is in die nuwe eeu, as anti-swart vooroordeel.

Die navorsers beskryf die patroon, wat nie merkbaar verskil ten opsigte van ouderdom of onderwysvlakke nie, as bewys dat wit Amerikaners rasseverhoudinge as verlore stryd ervaar, waar een groep se winste deur ‘n ander se verlies geneutraliseer word.

Bron: “Whites See Racism as a Zero-Sum Game That They Are Now Losing,” Michael I. Norton and Samuel R. Sommers, Perspectives on Psychological Science (Mei)

Britte ontvang folteraar met ope arms

Phillip Machemedze, 46, het reeds uitgewyk na die Verenigde Koninkryk in 2000 saam met sy vrou, want hy het “genoeg van die marteling” gehad, maar het nietemin agt jaar gewag om aansoek te doen vir verblyfreg.

Op 4 Mei is hy verblyfreg in Brittanje gegun ten spyte van die misdade teen die mensdom wat hy gepleeg het, nadat ‘n tribunaal beslis het hy sal vermoor word deur sy voormalige Central Intelligence Organisation-kollegas indien hy terugkeer na Zimbabwe.

Volgens bronne leef hy en sy vrou op die Britse regering se uitkeervoordele in Newport, Suid-Wallis.

‘n Beraamde 800 mense is ontvoer of het verdwyn, 80 gedood en meer as 90 gemartel in die aanloop tot die 2000-verkiesings in Zimbabwe. Mnr Machemedze het aktief hieraan deelgeneem.

Die CIO, saam met die polisie en gewapende magte, is wyd veroordeel vir die ergste geweld.

Mnr Machemedze het vier jaar in die CIO gedien. Hy het ook bely dat hy ‘n wit boer dmv elektriese skokke gefolter het, en daarna bewusteloos geslaan het.

Maar hy beweer dat hy probeer het om die CIO te verlaat.

Immigrasieowerhede in Newport het gesê daar bestaan geen twyfel nie dat Machemedze “diep betrokke in wrede dade van uiterste geweld” was.

“Sommige is stadig dood en hulle liggame begrawe in ongemerkte grafte. Hy het mense met hul ledemate afgesny gesien. Ander voorvalle van marteling is te grusaam om te vertel,” het ‘n amptenaar belas met sy aansoek, gesê.

Hy het bygevoeg dat Machemedze nie kan terugkeer na Zimbabwe nie aangesien hy waarskynlik self gefolter sal word deur Mugabe se geheime polisie, en hy daarom beskerming moet geniet.

drive multiplier mayhem

Aantygings van rassisme teen DA in Tshwane

Ernstige aantygings van rassisme teen die DA in Tshwane het aan die lig gekom. Swart lede beweer hulle word deur wit partyleiers gemarginaliseer.

Partylede het ook beweer dat die leierskap bestaan uit “rassiste wat graag die behoud van die status quo” wil sien deur swart DA-lede uit sleutel posisies te hou.

Die party se wit hoofsweep, Derek Flemming, is na bewering betrokke is by die opstel van ‘n petisie teen die party se plaaslike leier, Brandon Topham, ook wit, wat as die DA se burgemeesterskandidaat vir Tshwane aangewys is.

Topham se vermoë om die party te lei word in die petisie bevraagteken. Dit is onder swart DA-raadslede versprei wat glo Topham is nie geskik om hulle te lei nie en dat hy simpatiek staan teenoor “wit rassiste” in die party.

Enkele weke vóór die verkiesing het Helen Zille glo opgevlieg Pretoria toe om aan Topham te sê hy moet die leierskap aan ‘n swart kandidaat oorhandig. Dit is nie bekend of Zille mede-verantwoordelik was vir die opstel van die petisie wat Flemming gesirkuleer het nie.

Topham het glo daarna gedreig dat hy ‘n hofgeding teen die party sal begin indien hy nie aanbly as leier van die streek nie.

Sommige partyleiers het glo na bewering probeer om die “Broederbond agenda” binne die party te bevorder, volgens Engelse lede wat die petisie onderteken het en graag naamloos wil bly.

“Dit het gebeur tydens ‘n kiesafdelingvergadering in die raad toe ons dokumente in Afrikaans moes lees en ons beswaar gemaak teen hierdie soort van ding. Dit is die rassisme wat ons moet verduur in die DA.”

Topham meen egter dit behels ‘n wit persoon teen ‘n ander blanke, dus het dit het niks met rassisme te make nie.

‘Weste wil Libië se olie vat’

Die waarskynlike nuwe leier van Al-Kaida sê NAVO se operasies in Libië is bedoel om Moeammar Gaddafi se regering omver te werp sodat die Weste ‘n “marionet-regering” kan instel om beheer oor Libië se olie te verkry.

In ‘n 49-minuut lange klankopname het Ayman al-Zawahri, die nommer twee van Al-Kaida, Libiërs aangemoedig om wapens op te gaar vir ‘n guerrilla-oorlog teen die westerse koalisie.

Die klankopname is glo oor die naweek op militêre internet-forums gepubliseer. Volgens die webwerwe is die opname gemaak voor die Amerikaanse weermag Osama bin Laden op 2 Mei doodgeskiet het.

Na bewering is Al-Zawahri die waarskynlike kandidaat om Bin Laden as leier van Al-Kaida op te volg. Hy werk glo naby die grens tussen Pakistan en Afghanistan.

las vegas gaming commission

China beplan vlootbasis in Pakistan

Pakistan se versoek dat China ‘n vlootbasis by die suid-westelike hawe van Gwadar bou sodat die Chinese vloot ‘n gereelde teenwoordigheid daar handhaaf, gaan waarskynlik sowel Indië as die VSA se afkeur gaande maak.

“Ons het ons Chinese broers versoek om asseblief ‘n vlootbasis by Gwadar bou,” het Chaudhary Ahmed Mukhtar, Pakistan se minister van verdediging, aan die Financial Times bevestig. Die versoek is oorgedra aan China tydens ‘n besoek verlede week deur Yusuf Raza Gilani, Pakistan se eerste minister.

Tot nou toe het China weggeskram daarvan om die VSA en Beijing se bure, soos Indië, Maleisië en Indonesië te vervreem. “China se opkoms is ‘n voordelige mag vir vrede en ons het geen hegemoniese ambisies nie,” het ‘n Chinese amptenaar vertroud met Beijing se sekuriteitsbeleid verklaar.

Maar navorsers in Washington sê China se toegang tot basisse buite die land sal die uiteindelike aanduiding en waarskuwing wees dat hulle ‘n globale militêre mag raak. ‘n Pentagon-amptenaar het gesê: “Ons het vrae en bekommernisse oor hierdie ontwikkeling en [China se] bedoelings. Maar dit is die rede waarom ons glo dit is belangrik om ‘n gesonde, stabiele en deurlopende militêre-tot-militêre verhouding te hê. “

‘n Senior Pakistanse amptenaar vertroud met Sino-Pakistani verhoudinge oor marinesamewerking sê: “Die vlootbasis is iets wat ons hoop Chinese skepe sal gebruik om ons gereeld te besoek in [die] toekoms en ook die plek te gebruik vir die herstel en instandhouding van hul vloot in die [Indiese Oseaan]. “

‘n Deskundige by die Internasionale Instituut vir Strategiese Studies meen die konstruksie van ‘n vlootbasis in Gwadar sal China voorsien van sy eie skepe en duikbote met moontlik ‘permanente’ regte, saam met die moontlikheid van gereelde patrollies en oefeninge in die Arabiese See om die groeiende aantal Chinese tenkskepe te beskerm in die streek. Die groeiende aantal skepe is te wyte aan die land se energievereistes wat uit die Golfstreek gevoed word.

Die bestaande kommersiële hawe in Gwadar is gebou deur China, maar word beheer deur die Singapore Hawe-owerheid. Die nuwe verwikkeling kan Indië antagoniseer want dit kom te midde van ‘n versterking van China se militêre bande met Pakistan.

Tydens mnr Gilani se besoek verlede week, het Beijing ook ingestem om die lewering van 50 vegvliegtuie aan Pakistan te bespoedig.

римская баня