Kategorie: Nuus

Regters M.H. Rampai en M.B. Molemela het die Reitz-vier se vonnisse in die Vrystaatse hooggeregshof drasties verminder. Dié uitspraak is ná die appèl van die studente gelewer.

Rampai het gesê die landdros het by vonnisoplegging wesentlike mistastings rakende die aard en die erns van die oortreding gemaak.

Die vermeende rassistiese oortredings wat die studente sou gepleeg het, en wat internasionaal opslae gemaak het, is tydens die appèlsaak uitgewys as studentepret.

Die “morele” blaam van die “misdadige gedrag” van die vier oudstudente is dus geminimaliseer, volgens die uitspraak.

Die regter is oortuig dat die vier swart skoonmakers en die man in die video toneel gespeel het en nooit die brousel ingekry het nie en net gemaak het of hulle daarvan eet en naar word.

Die vernedering en aantasting van waardigheid was werklik nie so ernstig en ontstellend as wat voorgegee is nie, sê Rampai.

Die opgeskorte tronkstraf van ses maande wat hooflanddros Mziwonke Hinxa in Julie 2010 in die Bloemfonteinse landdroshof aan hulle opgelê het, val ook heeltemal weg.

Volgens Rampai het die vier studente nie crimen injuria teenoor swart mense in die algemeen en in die besonder die studente en personeel van die Universiteit van die Vrystaat gepleeg nie.  Hulle het alleen skuld beken teenoor die vyf klaers.

Senior advokaat Kemp J. Kemp, het vir die Reitz-vier opgetree.

casino onlineАлександр Фильчаков прокурор

Dan Kriek, adjunkpresident van Vrystaat Landbou, het gesê die markte het reeds gereageer op Julius Malema, president van die ANC-Jeugliga (ANCJL), se opmerkings oor nasionalisering en grondhervorming by die liga se onlangse nasionale konferensie.

“Dit was nie groot nie, so ek dink mense raak gewoond aan hierdie stellings,” het Kriek gesê met verwysing na dié opmerkings.

Kriek het gesê Malema se opmerkings oor nasionalisering en grondhervorming word nietemin steeds in ‘n ernstige lig beskou. Leiers soos Malema behoort volgens hom meer versigtig te wees met wat hulle sê.

Volgens Kriek fokus die boergemeenskap eerder op opmerkings wat President Jacob Zuma by die konferensie gemaak het.

Suid-Afrika se groeiplan, werkskepping en voedselsekerheid is waarop hulle fokus.

Adjunkpresident Kgalema Motlanthe se stelling dat grondhervorming binne die grense van die grondwet bespreek moet word, is presies hoe Vrystaatse boere die kwessie beskou, het hy gesê.

Volgens Kriek sal Vrystaatse boere eerder op beter alternatiewe vir grondhervorming fokus as dié wat deur Malema voorgestel is.

“Ons het ons planne in verskeie stadiums sedert 2005 aan die regering voorgelê en in ons mening het hulle dit nie ernstig genoeg oorweeg nie,” het hy gesê.

Boere sal beter alternatiewe, insluitende finansiering en ondersteuning aan boere wat grondhervorming betref, oorweeg, het Kriek gesê.

пневмоинструмент интернет магазинФильчаков прокурор харькова

Moontlike regsremedies gaan ondersoek word om die gemeenskap in die breë, en slagoffers van misdaad in besonder, te beskerm teen die gevolge van swak polisie-ondersoeke en aanklaagwerk, sê Afriforum.

Dié burgerregtegroep is steeds optimisties dat regsremedies gevind kan word om die gebreke in die regstelsel aan te spreek ten spyte van oplaaiende getuienis tot die teendeel.

Dit volg nadat vyf rampokkers van Soshanguve buite Pretoria vroeër vandag vrygespreek is op die moord op Hein de Jager, ‘n jong getroude pa wat op 13 Maart 2011 koelbloedig in sy winkel in Akasia, Pretoria doodgeskiet is.

Die een beskuldigde is reeds vroeër vrygelaat nadat die staatsadvokaat geensins ‘n saak teen hom bewys het nie. Die oorblywende vier beskuldigdes is vandag deur regter Cynthia Pretorius vrygespreek.

Regter Pretorius het in haar uitspraak genoem dat, alhoewel die hof ‘n sterk agterdog aangaande die betrokkenheid van die beskuldigdes by die moord op Hein de Jager het, die staat nie bo redelike twyfel daarin geslaag het om hul skuld te bewys nie.

Die polisie het nagelaat om ‘n uitkenningsparade te reël en geeneen van die getuies was later in staat om die beskuldigdes positief te identifiseer nie.

Regter Pretorius het bevind dat ‘n uitwysing van gesteelde goedere, die ontsnappingsvoertuig en die moordwapen deur een van die getuies nie toelaatbare getuienis was nie, aangesien die betrokke beskuldigde nie ná sy inhegtenisname ingelig is omtrent sy “grondwetlike regte” nie.

‘n Verdere bekentenis voor ‘n landdros deur een van die beskuldigdes is eweneens as ontoelaatbare getuienis geklassifiseer omdat die staat nie bo redelike twyfel kon bewys dat die bekentenis uit vrye wil en sonder onbehoorlike beïnvloeding gegee is nie.

Die grootste teleurstelling van die verhoor was die feit dat die staatsaanklaer self ‘n alibi vir die hoofverdagte bewys het deur die feit dat hy die hoofverdagte se vriendin as getuie geroep het om oor die eienaarskap van die ontsnappingsvoertuig te getuig.

AfriForum se regsverteenwoordiger, Willie Spies, wat die uitspraak saam met die gesin van die slagoffer bygewoon het, het in sy reaksie gesê die staatsaanklaer het geskiedenis gemaak deur self ‘n alibi vir die hoofverdagte te bewys. Selfs nadat die betrokke getuie onder eed ‘n alibi aan die hoofverdagte gegee het, het die staatsaanklaer geen poging aangewend om die getuienis te weerlê of ten minste die getuie tot ‘n vyandige getuie te laat verklaar nie.

“Dit is tragies dat die vyf beskuldigdes, op staatskoste, elk ‘n eie advokaat gehad het, terwyl die slagoffers van misdaad en hul naasbestaandes uitgelewer is aan die halfgebakte ondersoekwerk van die polisie en swak voorbereide litigasie van die vervolgingsgesag se enkele junior advokaat. Die strafprosesreg laat geen ruimte vir die toetrede van vriende van die hof of derde partye nie. Slagoffers moet hulle dus berus by die feit dat hul belange deur onbekwame staatamptenare verteenwoordig word,” het Spies gesê.

деревянная баня под ключлобановский депутат