Nuus Archives - Page 964 of 1583

ANC te sag oor korrupsie sê Mantashe

Gwede Mantashe, sekretaris-generaal van die ANC, het in ‘n dokument geskryf ‘n waarskuwing gerig dat die regerende party “te sag” is oor korrupsie, berig die Sunday Independent.

Mantashe het gesê om bewerings [van korrupsie] teen ANC-lede te verwerp, skaad die beeld van die ANC.

“Te veel hoëprofiel sake en bewerings teen ons lede, help glad nie. Ons kan dit verwerp, maar die skade wat dit die ANC se beeld berokken, is groot.”

Mantashe het dié uitlatings in ‘n verslag van 99 bladsye vir die ANC se lekgotla, wat Sondag ten einde geloop het, gemaak.

“Een kwessie wat aanhoudend te voorskyn kom in die verkiesingsnavorsing, selfs onder ons getroue ondersteuners, is dat die ANC te sag is oor korrupsie en na sy eie [lede] kyk,” het Mantashe verder gesê.

“Dít vereis ‘n stelsel om die bewerings te ondersoek en sal ‘n boodskap uitstuur dat die ANC nie korrupsie gaan duld nie.”

Dié waarskuwing kom te midde toenemende druk op pres. Jacob Zuma om teen Gwen Mahlangu-Nkabinde, minister van openbare werke, en genl. Bheki Cele, nasionale polisiehoof op te tree.

Adv. Thuli Madonsela, Openbare Beskermer, het verlede week bevind dat hulle verantwoordelik is vir wanadministrasie rakende die huurkontrakte vir nuwe polisiekantore in Pretoria en Durban.

Cosatu en opposisiepartye het Cele en Mahlangu-Nkabinde se bedankings geëis.

прокурор Фильчаков

Polisiehoof bedank oor bande met Murdoch

Die mees senior polisiebeampte in Brittanje, Paul Stephenson, het Sondag bedank ná aantygings oor Scotland Yard se bande met Rupert Murdoch se empaaier te midde van die afluisterskandaal.

“Ek het vanmiddag die minister van binnelandse sake en die burgemeester ingelig van my voorneme om te bedank as kommissaris van die Metropolitaanse Polisiediens,” het Stephenson in ‘n verklaring gesê.

Die Britse polisie het onder skoot gekom vir hul hantering van die stygende krisis en Stephenson self het Sondag aantygings oor sy bande met Murdoch moes trotseer.

Stephenson word in verslae met Neil Wallis, voormalige adjunkredadekteur van News of the World verbind. Luidens die verslae het die polisiehoof vroeër vanjaar ‘n aanbod aanvaar om vir vyf weke by ‘n luukse spa, waar Wallis as ‘n openbare betrekkinge-konsultant gewerk het, te bly.

Die polisiemag moet reeds bontstaan vir vrae oor waarom Wallis as ‘n raadgewer aangestel is, twee maande nadat hy by dié poniekoerant bedank het. Wallis is verlede week in hegtenis geneem.

“Ek het hierdie besluit geneem as gevolg van die hardnekkige gerugte en aantygings oor die Met se bande met News International op ‘n senior vlak en veral met mnr. Neil Wallis, wat, soos julle weet, verlede week tydens Operasie Weeting in hegtenis geneem is,” het hy gesê.

Hy het egter daarop aangedring dat hy niks onbetaamliks gedoen het nie.

“Laat ek dit duidelik stel: ek en die mense wat my ken, weet dat my integriteit heeltemal ongeskonde is,” het Stephenson bygevoeg.

“Ek mag dalk wens dat ons sekere dinge anders hanteer het, maar ek sal nie slaap verloor oor my persoonlike integriteit nie.”

куклы барбі Лобановский

Malema se inkomstebron gaan ondersoek word

Die Suid-Afrikaanse Inkomstediens (SAID) is versoek om die geldsake van Julius Malema, leier van die ANC-jeugliga, te ondersoek.

Die DA het die ondersoek aangevra nadat dit aan die lig gekom het dat Malema ‘n huis van R16 miljoen in die Johannesburgse rykmansbuurt Sandown bou.

“Ek sal ‘n brief skryf en vra dat sy finansies ondersoek word. Die tyd het aangebreek. Dit is onmoontlik vir iemand wat ‘n salaris van R25 000 verdien om ‘n banklening van R16 miljoen te kry,” het ‘n woordvoerder gesê.

“‘n Ondersoek moet gedoen word om vas te stel waar die geld vandaan kom. As iemand vir hom geld gee, moet ons weet wie dit is.”

Die Sunday Independent het berig dat Malema ‘n huis op die erf in Sandown, wat hy in 2009 gekoop het, laat sloop het, en ‘n nuwe moderne spoghuis bou.

Die ANC-jeugliga weier om kommentaar te lewer oor Malema se nuwe huis.

Die ANC het ook vroeër vanjaar gevra vir ‘n ondersoek nadat dit aan die lig gekom het dat regeringstenders onwettig aan maatskappye, wat aan Malema verbind word, toegeken is.

lego friends купить киев Данильченко Харьков

DRK sluit opposisie se TV-stasie

Die Demokratiese Republiek van die Kongo se minister van inligting het gesê hy sal sy toestemming verleen vir die sluiting van ‘n televisiestasie wat deur ‘n opposisieleier besit word omdat die programme ‘n bedreiging vir die openbare orde inhou.

Lambert Mende het gesê Radiodiffusion Lisanga Television hits geweld aan.

Die stasie word deur Roger Lumbala besit. Hy is ‘n opposisieleier en voormalige rebel wie se party teen Joseph Kabila, die huidige president, in hierdie jaar se presidensiële verkiesing te staan sal kom.

‘n Woordvoerder vir Lumbala se party het gesê die sluiting van die stasie is ‘n skending van die grondwet.

Die DRK het sowat 50 televisiekanale, honderde radiostasies en byna 200 koerante. Die land gaan later vanjaar ‘n nasionale verkiesing hou.

online slots free прокурор Фильчаков

Boer wat MK-standbeeld omtrek, vas

Corné van Tonder (25), ‘n boer van Bethal wat na bewering die brons standbeeld van Nokuthula Simelane, ‘n MK-soldaat, met sy bakkie omgetrek het, se voertuig is deur die batebeslagleggingseenheid van Mpumalanga gevat.

Dié eenheid het Donderdag by Van Tonder se plaas opgedaag en op die voertuig beslag gelê.

Simelane is as lid van umKhonto weSizwe met ‘n brons standbeeld vereer omdat hy vermoedelik gemartel en doodgeskiet is deur die destydse NP-regering.

Van Tonder het die standbeeld in Januarie met sy bakkie omgetrek en sodoende die figuur net bokant die voetstuk afgebreek.

Twee veiligheidswagte het die polisie ontbied toe hulle sien hoe Van Tonder die reste van die beeld agterop sy bakkie laai.

Van Tonder en sy minderjarige seun wat saam met hom was, is opgespoor nadat die voertuig het ‘n pap wiel gekry. Hy is op heterdaad met die buit betrap.

Van Tonder is op borgtog van R5 000 vrygelaat, maar die strafregtelike saak teen hom is steeds hangend.

Die skade aan die beeld beloop glo ongeveer R200 000.

сколько стоит ролики

Prof ontvang traumaberading na slanery

Prof. Anton van Niekerk van Stellenbosch Universiteit se onlangse rubriek oor die skuldlas van wittes het hom erge kopsorge besorg.

Van Niekerk, direkteur van die Sentrum vir Toegepaste Etiek aan die Universiteit Stellenbosch, is Donderdag deur Abel Malan (48) in sy kantoor in die Lettere-gebou in die gesig geslaan.

“Stellenbosch beskik nie oor genoeg beskerming om Anton van Niekerk te beveilig nie,” het Malan gesê nadat hy deur kampussekuriteit weggelei is.

Prof. Russel Botman, US-rektor, het Donderdag tydens ‘n nuuskonferensie gesê Van Niekerk se gesig is gekneus en sy bril gebreek. Hy het glo mediese en traumaberading ná die voorval ontvang.

Botman het aan die media gesê dit is “‘n laakbare daad en verwerplik in die konteks van ons pogings en strewe om ‘n Suid-Afrika te skep waarin die regte van al sy mense beskerm word”.

Van Niekerk wou nie op navrae reageer nie. Hy het alle navrae die US se kommunikasie-departement verwys.

Malan, ‘n landbou-ekonoom en ‘n sakeman van Nelspruit, is ‘n lid van die Volksraad-verkiesingskommissie (VVK), wat ‘n kieserslys probeer opstel om ‘n Afrikanervolksraad te verkies. Die doel van die lys is om dmv onderhandelinge met die ANC ‘n eie grondgebied te bekom.

Van Niekerk se onversetlike houding teenoor die grensoorlog asook Afrikaners se beweerde volgehoue skuldlas, het Malan glo tot aksie oorgehaal.

Die Verkennersbeweging van Suid-Afrika, waarvan Malan ook adjunk-president is, het begrip vir sy optrede uitgespreek en sy “onverskrokkenheid” geprys.

‘n Klag van aanranding met die opset om ernstig te beseer is teen Malan gelê. Hy sal na verwagting Vrydag in die landdroshof op Stellenbosch verskyn.

game slots

Gauteng se tenks loop vinnig leeg

“Die Vryheidsfront Plus neem met kommer kennis van die voortslepende staking wat die verskaffingslyne van brandstof na vulstasies belemmer. Volgens berigte is daar net twee dae se brandstofvoorraad oor by vulstasies in Gauteng.

Dit is uiters kommerwekkend dat die unies en werkgewers nog nie ‘n ooreenkoms kon bereik om die staking tot ‘n einde te bring nie. Dit beteken dat die staking tot diep in volgende week kan voortduur en sal effektief vervoer in Gauteng en ander provinsies tot stilstand dwing.

In effek sal die land se ekonomie wesenlik tot ‘n halt geroep word. Hierdie optrede is skandalig en die VF Plus doen daarom ‘n beroep op alle partye om so gou as moontlik ‘n ooreenkoms te bereik,” het adv. Anton Alberts, VF Plus parlementêre woordvoerder oor vervoer gesê.

“Die partye moet so gou as moontlik bymekaar kom en werkgewers moet indringend daarna kyk om die salarisverskille tussen die topbestuur en gewone werkers daadwerklik kleiner te maak, aangesien hierdie ongelykheid een van die grootste geskilpunte is,” het Alberts bygevoeg.

Die VF Plus doen ‘n beroep op alle motoriste en besighede om hulle voertuie vol te maak en spaarsamig met hulle brandstof te werk te gaan.

игри для днвочек

Solidariteit staak saam

Solidariteit-verteenwoordigers van regoor Suid-Afrika het Woensdag tydens ŉ spesiale bedryfsraadvergadering in die metaal- en ingenieursbedryf die 7%-loonaanbod van die Bedingingsraad vir die werkgewers in die Bedingingsraad vir die Metaal- en Ingenieursbedryf (MEIBC) verwerp. Indien die werkgewers nie tydens Vrydag se geskilvergadering ŉ beter loonaanbod maak nie, sal Solidariteit kennis gee van ŉ staking.

Volgens Dirk Hermann, adjunk uitvoerende hoof van Solidariteit, het die vakbond lank besin voor hy op dié stap besluit het, aangesien dit ŉ groot impak op die bedryf sal hê indien Solidariteit se lede, meestal geskoolde werknemers en ambagslui met skaars vaardighede, sou staak.

“Loononderhandelinge is ook aan die basiese ekonomiese beginsel van die wisselwerking tussen vraag en aanbod onderwerp,” verduidelik Hermann. “Daar is tans ŉ reuse-vaardigheidstekort in Suid-Afrika ten opsigte van geskoolde werknemers en ambagslui. Indien die vraag na ŉ produk styg, styg die prys daarvan en dieselfde beginsel behoort te geld vir die vergoeding van werknemers met skaars vaardighede,” volgens Hermann.

Intussen het Solidariteit beklemtoon dat sy lede nie die werk van stakende werknemers sal doen nie.

Solidariteit verteenwoordig nagenoeg 27 000 werknemers in die metaal- en ingenieursbedryf.

Die vakbond het egter Woensdag ná die vierde rondte van loononderhandelinge in die goudsektor van die Kamer van Mynwese, ŉ loongeskil verklaar. AngloGold Ashanti en Goldfields het vandag ŉ algemene loonaanbod van 5,5% vir kategorie 3-werknemers en ŉ loonverhoging van 5% vir kategorie 4- tot 8-werknemers, asook ambagsmanne, myners en amptenare, aangebied. Harmony en Rand Uranium het ŉ loonverhoging van 5,3% vir kategorie 3-werknemers en 4,8% vir kategorie 4- tot 8-werknemers en ambagsmanne, myners en amptenare aangebied.

Volgens Louis Pretorius, woordvoerder van Solidariteit, beteken die werkgewers se verbeterde loonaanbod niks. Werkgewers het in die derde rondte ŉ loonaanbod van ŉ algemene loonverhoging van 5% vir kategorie 3-werknemers en 4,5% vir die kategorie 4- tot 8-werknemers asook ambagsmanne, myners en amptenare gemaak. “Vandag se aanbod, van skaars ŉ halwe persentasiepunt meer, is niks anders as klatergoud nie,” meen Pretorius. “Teen die pas wat loononderhandelinge nou vorder, is ŉ loonooreenkoms beslis nog nie naastenby in sig nie,” voeg hy by.

Intussen is die aanbod vir die uitleeftoelaag steeds nie verbeter nie en werkgewers bied steeds slegs ŉ R50-verhoging aan. Daar is ook nog nie aan Solidariteit se eis, dat die aftreeouderdom van bogrondse werkers na 63 jaar verhoog word, gehoor gegee nie.

Die geskilrondte vir die steenkoolsektor is vir 20 Julie geskeduleer.

детские светильники

Brandstof raak min

Ten minste 150 vulstasies in Gauteng en 50 in KwaZulu-Natal is sonder brandstof, het die Fuel Retailers Association (FRA) gesê.

“Dit was die syfers teen die sluiting gister [Woensdag],” het die uitvoerende hoof, Reggie Sibiya, gesê.

“Maar dit is net gerapporteerde syfers. Sommige vulstasies het nie verslag gedoen nie uit vrees vir intimidasie. Dit kan dus waarskynlik wees dat tussen 200 tot 250 vulstasies sonder brandstof in Gauteng is.”

Sibiya glo raffinaderye het syfers onderspeel.

Hy het gesê die landwye staking het die ekonomie benadeel en “bloei” sakeondernemings.

“Brandstofkleinhandelaars, byvoorbeeld, werk op ‘n vasgestelde marge. Ons kan nie die pomppryse verander nie en ons kan nie die kostes verhaal nie.”

Die gesprekke is deurlopend aan die gang met geen vordering wat gemaak word nie, het hy gesê.

“Ons is magteloos. Ons sien nie enige vordering nie en ons weet nie wanneer die staking sal eindig nie.

“Dit is amper die einde van die week, en ons is sonder resultate.”

Die Automobiel-Assosiasie-woordvoerder Gary Ronald, en Ceppwawu-koördineerder John Appolis het gesê hulle sal later Donderdag kommentaar lewer.

Engen-woordvoerder Tania Landsberg, Sasol-woordvoerder Nothemba Noruwana, en BP-woordvoerder vir Suider-Afrika, Glenda Zvenyika, was nie onmiddellik vir kommentaar beskikbaar nie.

Nagenoeg 70 000 werkers van verskeie unies het Maandag begin staak en eis ‘n minimum salaris van R6 000 ‘n maand plus ‘n 40-uur werkweek.

Geen ooreenkoms is nog bereik nie.

CIA se skyninentings ‘belemmer gesondheidsorg’

Pakistanse owerhede asook internasionale gesondheidsorganisasies is besorg oor stygende wantroue oor inentings nadat die CIA ‘n skyn-inentingsprogram onderneem het.

Dié inentingsprogram is in Abbottabad uitgevoer om DNS-inligting te versamel tydens die soektog na Osama bin Laden.

Gesondheidsorganisasies was reeds besorg oor die geloofwaardigheid van gesondheidsdienste weens ‘n toenemende polio-probleem in Pakistan.

Pakistan is die enigste land waar daar verlede jaar ‘n toename in die voorkoms van polio was en is nou die land met die meeste polio-gevalle ter wêreld.

Inentingsprogramme word reeds bemoeilik omdat gevegte met Islamitiese militante dikwels toegang tot gesondheidsorg belemmer.

Sekere Taliban-leiers meen dat inentings teen die moslemgeloof is.

Die CIA het in Maart ‘n Pakistanse dokter aangestel om ‘n Hepatitis B-inentingsprogram in die noordwestelike Abbottabad uit te voer.

Die doel van die inentingsprogram was egter om DNS van Bin Laden se kinders te kry om vas te stel of die Al-Kaïda leier in dié dorp was.

Michael O’Brien, ‘n woordvoerder vir die Rooikruis in Pakistan, het gesê hy is besorg dat die program ander noodsaaklike inentingsprogramme in Pakistan gaan bemoeilik.

“Enigiets wat die onpartydigheid van mediese dienste in gedrang bring, ondermyn die werk van mediese personeel oor die wêreld heen,” het hy gesê.

справка у 86 Лобановский