Nuus Archives - Page 948 of 1583

Mogoeng lag DA-besware af

Regter Mogoeng Mogoeng sal as Suid–Afrika se hoofregter dien, aangesien die meerderheid (16 teenoor 7) van die Regterlike Dienskommissie (RDK) se 23 lede hul steun aan hom toegesê het.

Hy is die enigste kandidaat vir die pos van hoofregter nadat hy deur pres. Zuma benoem is om regter Sandile Ngcobo te vervang wat in Julie aangekondig het hy sal nie aanbly in sy pos ná die verstryking van sy termyn nie.

Zuma het Ngcobo versoek om nie weer as hoofregter te dien nie.

Mogoeng het dié naweek voor lede van die RDK verskyn wat hom oor sy benoeming uitgevra het en dit het geblyk dat hy sterk steun van veral ANC-lede in die RDK geniet. Die meeste van die kommissarisse is ANC-ondersteuners.

Koos van der Merwe van die IVP, het Mogoeng versoek om hom aan die proses te onttrek tot die ontsteltenis van die paneel. Jeff Radebe, minister van justisie, het Van der Merwe berispe en adjunk-hoofregter Dikgang Moseneke, RDK-voorsitter, het dié versoek buite orde gereël.

Mogoeng het in reaksie gesê:”Ek het ‘n teken gekry dat dit die regte ding is. Ek dink God wil hê ek moet die hoofregter wees.”

Die DA is fel gekant teen Mogoeng se aanstelling. Kritici het sy “patriargale ingesteldheid”, gebrekkige etiese waardes en “onsensitiwiteit” teenoor vroueregte uitgelig as redes waarom hy nie moet dien nie.

“Dank die Here ek kon my saak stel. Noudat almal dit weet, kan ek sê: Moenie geskok wees nie, kalmeer en vat dit rustig. Dit (die besware) is nie so erg as wat dit lyk nie, julle het julle misgis,” het Mogoeng gesê toe adv. Hendrik Schmidt (DA) teen Mogoeng uitgevaar het.

Shell belowe SA kan selfonderhoudend raak

Suid-Afrika kan binne ‘n dekade “energieselfonderhoudend” raak as kommersieel ontginbare volumes gas in die Karoo ontdek word, sê die bestuurder wat verantwoordelik is vir die Karooprojek vir hidroliese breking.

“As die eksplorasie-pogings bewys dat die skalie kommersieel ontginbare volumes gas bevat, dan kan Suid-Afrika die produksie van hierdie bron binne ‘n dekade verwag,” het Jan Willem Eggink, die stroomop-bestuurder vir Shell SA aan die Kaapstadse Persklub gesê.

“As die volumes selfs die helfte so groot soos die VSA se Energy Information Administration se ramings is, dan kan Suid-Afrika waarskynlik energieselfonderhoudend wees vir die komende dekades.”

Lees verder.

Zim-jeug steun Malema

Die Zimbabwiese jeug het ‘n petisie aan die Suid-Afrikaanse ambassade in Harare teen die beweerde vervolging van die ANC-jeugliga president Julius Malema, oorhandig, het Zimbabwe se Herald Online berig.

Die oorhandiging van die versoekskrif aan die adjunk-Suid-Afrikaanse ambassadeur Andy Makwabe in Harare Donderdag, is deur die Pan-Afrikaanse Jeug Unie se adjunk-sekretaris-generaal Tendai Wenyika behartig. Sy het gesê: “Ons neem met hartseer kennis van die ontwikkelinge in die ANC wat probeer om die beeld en die persoon van Julius Malema en die ANC-jeugliga leierskap te skaad.

“Ons hoop die probleem sal onderling opgelos word met ‘n uitspraak wat Malema en sy uitvoerende raad in staat sal stel om hul ampstermyn te voltooi. Die rol wat Malema as ‘n plaaslike meningsleier speel in die stryd vir ekonomiese vryheid moet nooit ondermyn word nie.”

Sy het gesê dat die swart jeug ondersteun Malema se oproep vir die nasionalisering van myne en die onteiening van grond.

“Die besef dat die behoefte aan ekonomiese transformasie as ‘n saak van dringendheid beskou word wat die swart meerderheid bevoordeel, is in terme van Pan-Afrikanistiese idees, baie edel.”

Malema en vyf mede-beskuldigdes staar ‘n ANC-dissiplinêre verhoor in die gesig.

Die verhoor sal Vrydag om 09:00 hervat word wanneer die dissiplinêre komitee uitspraak sal lewer op Malema se aansoek om die klagtes te laat vaar.

Swartes die sondebokke in Libië

Rebellemagte en gewapende burgers het duisende swart Libiërs daarvan beskuldig dat hulle veg om Moeammar Gaddafi te ondersteun en swartes word tans oral gevange geneem en weggevoer na tydelike gevangenisse regoor die hoofstad Tripoli.

Feitlik al die gevangenes sê hulle is onskuldige trekarbeiders, en in die meeste gevalle is daar geen bewyse dat hulle nie is nie. Maar dit verhoed nie dat sowat 200 gevangenes – almal swart – hierdie week op ‘n sokkerveld met ‘n hoë muur om, ingeboender is en die versengende son moes trotseer nie.

Intussen het Suid-Afrika Navo se ingryping in Libië veroordeel en deelname aan Donderdag se konferensie wat in Parys gehou word oor Libië se toekoms, boikot, het pres. Jacob Zuma gesê.

Die doel van die konferensie is om dié oorloggeteisterde land te herbou.

“Ons is nie gelukkig met die manier waarop die VN-verdrag van 1973 geïmplementeer is om lugaanvalle in Libië toe te laat nie,” het Zuma op ‘n mediakonferensie tydens sy staatsbesoek aan Noorweë gesê.

PVV vra dat EU-ontwikkelingshulp aan SA gestaak word

PVV Europarlementariërs Barry Madlener en Lucas Hartong willen dat de Europese Commissie onmiddelijk stopt met het geven van ontwikkelingshulp aan Zuid-Afrika. In het kader van de Country Strategy Paper voor ontwikkelingshulp (*), gesloten voor de periode 2007-2013, zegde de EU een bedrag van 980 miljoen euro toe. Dit geld zou moeten bijdrage aan het handhaven van de sociale stabiliteit in het land, van sociale stabiliteit is echter allerminst sprake.

De Amerikaanse ambassade in Zuid-Afrika heeft haar burgers inmiddels opgeroepen zich te laten registreren (**) om op de hoogte gehouden te worden van de actuele dreiging van geweld in dat land. Onder andere naar aanleiding van het openbare proces tegen ANC jeugdleider Malema constateert de ambassade een snel slechter wordend politiek klimaat in Zuid-Afrika, met name jegens blanken. Tevens worden geregeld met name blanke journalisten ernstig gehinderd bij de uitoefening van hun functie als vertegenwoordiger van de vrije pers.(***)

Madlener: “Iedereen ziet dat er van een toenemende sociale stabiliteit geen sprake is. De EU weet van gekkigheid niet waar ze het geld aan uit moet geven en projecten als deze zijn dan ook schering en inslag. Op kosten van de belastingbetaler probeert Brussel goede sier te maken in Zuid-Afrikaans. Een volslagen nutteloos project dat wederom aantoont dat de EU moet stoppen met het geven van ontwikkelingshulp.”

Vragen aan de Commissie:

1.)

Is de Commissie met de PVV van mening dat de huidige opstelling van de Zuidafrikaanse ANC-overheid bepaald niet getuigt van het najagen van sociale stabiliteit en sociale cohesie?

2.)

Kan de Commissie aangeven waarom er ondanks de sterk toenemende sociale en politieke onrust in Zuid-Afrika nog steeds zoveel geld uit het EU-budget naar dit land gaat?

3.)

Is de Commissie met de PVV van mening dat hulp die tot nu toe vanuit de EU is verleend met deze specifieke doelstelling kennelijk volslagen ontoereikend en nutteloos is gebleken?

4.)

Is de Commissie voornemens deze ‘ontwikkelingshulp’ te staken? Zo nee, waarom niet?

Фільчаков прокурор

Grondvoorstelle plaas druk op voedselsekerheid

“Daar is verbeteringe in die groenskrif op grond wat verwelkom moet word. Deurdat die groenskrif op grond egter steeds ‘n plafon voorstel op die hoeveelheid privaatgrond wat ‘n individu mag besit, skep dit ‘n resep vir voedseltekorte in Suid-Afrika. Ongeveer 15% van Suid-Afrika se kommersiële boere produseer tans 80% van die kos wat gebruik word. Deur grondbeperkings op hierdie groot boere te plaas, gaan die hele landbou-ekonomie verwring sonder om die grondhervormingsprobleme van die regering op te los,” volgens dr. Pieter Mulder, adjunkminister van Landbou, Bosbou en Visserye. Dr. Mulder was ‘n spreker by die TLU se jaarlikse kongres in Pretoria.

“In Suid-Afrika het die hoeveelheid grond wat onder landbouproduksie is, met 30% afgeneem van 1994 tot 2009,” volgens dr. Mulder. “Dit plaas baie groter druk op landbouers om steeds genoeg voedsel vir die Suid-Afrikaanse bevolking van 50 miljoen te produseer op minder grond. Grondhervorming, klimaatsverandering en die wisselkoers is van die belangrikste redes wat daartoe gelei het dat hierdie grond nie meer onder produksie is nie. Dit terwyl Suid-Afrika maar 13% grond het wat geskik is vir volhoubare intensiewe boerdery,” het Mulder bygevoeg.

“Suid-Afrika se kommersiële boere het van 60 000 in 1996 afgeneem na minder as 40 000 vandag. Ongeveer 40 miljoen mense van Suid-Afrika se bevolking van 50 miljoen kan nie in hulle eie voedselbehoeftes voorsien nie. Dit beteken dat elke kommersiële boer vir ongeveer 1100 mense kos moet produseer. Suid-Afrika behoort in die lig van hierdie syfers baie meer te doen om te verseker dat die kommersiële landbousektor nie tot niet gaan nie. As ‘n land een keer sy kommersiële landbousektor verloor het, soos in Zimbabwe gebeur het, is dit amper onmoontlik om dit weer op te bou,” het dr. Mulder gesê.

Александр Фильчаков

Israel waarsku aanvallers uit Gasa, Sinai

Die hoof van Israel se weermag het militante in Gasa gewaarsku om Israel se mag nie uit te daag nie, nadat gerugte onthul het dat ‘n aanval vanuit Sinai beplan word.

“Hamas en ander terreurgroepe in Gasa moet weet hulle sal ‘n fout maak om ons mag uit te daag en dat enige poging om die burgers van Israel leed aan te doen, ernstige gevolge sal hê,” het stafhoof Benny Gantz Woensdag in ‘n persverklaring gesê.

Die weermag het twee dae gelede hul gereedheidsvlakke op die Egiptiese grens opgegradeer nadat hulle uitgevind het hernieude aanvalle word in die gebied beplan in opvolging van ‘n reeks dodelike aanvalle in die suide van Israel op 18 Augustus.

“Ons is oor ‘n terreursel in Sinai ingelig wat uit meer as 10 terroriste bestaan,” het Matan Vilnai, minister van binnelandse veiligheid, aan verslaggewers gesê. Volgens hom word die groep met die organisasie Islamitiese Djihad verbind.

Volgens Avi Dichter, ‘n Israeliese parlementslid en hoof van die Shin Bet-sekerheidsdiens, sal ‘n aanval vanuit Sinai ‘n manier vir militante van Gasa wees om hul betrokkenheid te verdoesel sodat die aanvalle nie Palestynse pogings belemmer om lid van die VN te word nie.

“Die oomblik toe die terreurorganisasie begryp het ‘n regstreekse aanval vanuit Gasa sal hul veldtog by die VN in September belemmer, het hulle hul aanvalle vanaf Gasa na Egipte geskuif,” het hy gesê.

Die Palestyne gaan hul amptelike versoek om lid van die VN te word op 20 September by die organisasie indien sodat dit by die 66ste byeenkoms van die Algemene Vergadering bespreek kan word.

Лобановский

Polisie moet hoof red van opstandige leerlinge

Die polisie in Mpumalanga moes ‘n skoolhoof van sy betogende leerlinge red. Hy het homself Woensdag in sy kantoor toegesluit uit vrees dat die leerlinge hom sou aanrand.

Die polisie het hul omstreeks 10:00 na die Vukuzame Sekondêre Skool in Tweefontein C naby KwaMhlanga gehaas en honderde betogende skoolkinders op die perseel aangetref, het kapt. Eric Mathavha gesê.

Hulle wou hê die skoolhoof moet afgedank word nadat hy na bewering ‘n vroulike onderwyser ‘n week gelede geskors het.

“Die hek was gesluit en die polisie moes gate in die draadheining sny om toegang tot die perseel te kry. Hulle het toe ‘n groep leerlinge wat aan die deur van die hoof se kantoor geskop het, onder beheer gebring.”

Die polisie het die leerlinge kalmeer en ‘n vergadering met hulle en die skool se beheerliggaam gehou. Klasse is vir die dag gekanselleer.

Die provinsiale onderwysdepartement was nie onmiddellik vir kommentaar beskikbaar nie.

Pik stabiel

Pik Botha, minister van buitelandse sake in die Apartheid-era, is in ‘n stabiele toestand en op die oomblik onder toesig by die Netcare Akasia Hospitaal in Pretoria-Noord, het die hospitaal Woensdag gesê.

“Ons kan weens vertroulikheidsredes nie eintlik kommentaar lewer oor die besonderhede nie, maar ons kan bevestig dat hy opgeneem is vir hartversaking en steeds in die hospitaal behandel word,” het die hospitaal se bestuurshoof, Priscilla Botha, gesê.

Sy het gesê personeel by die hospitaal “hou ‘n oog oor die situasie”.

Die 76-jarige oud-politikus is Woensdagoggend in die hospitaal opgeneem nadat hy gesukkel het om asem te haal terwyl hy saam met sy vrou, Ina, met vakansie was.

Ina het aan die SAUK Radio gesê sy hart het ingegee weens die toestand van sy longe.

“Die longe is ‘n probleem, aangesien dekades van rook hom nie goed gedoen het nie. Die situasie in sy longe kan nie omgekeer word nie,” het sy gesê.

“Wat die hart betref, sal ons nadat hy ontslaan is ‘n kardioloog konsulteer en dit van daar af vat.”

Dokters het hom herhaaldelik gewaarsku om op te hou rook indien hy nie verdere hartprobleme wil ervaar nie.

Botha het as minister van buitelandse sake gedien in die laaste jare van apartheid en het as minister van minerale- en energiesake gedien onder Nelson Mandela, Suid-Afrika se eerste demokraties verkose president.

Hy het in 1996 uit die politiek getree.

Malema se klag teen tugbeamptes verwerp

Die ANC se dissiplinêre komitee het ‘n aansoek verwerp wat deur Julius Malema, president van die ANC-Jeugliga, gebring is teen drie van die tugkomiteelede, het ‘n woordvoerder Woensdag gesê.

Die komitee het bevind dat onvoldoende feite voorgelê is om vooroordeel of ‘n persepsie van vooroordeel wat bestaan, by Derek Hanekom, voorsitter, Susan Shabangu, minister van minerale bronne, en Collins Chabane, minister in die presidensie, te bewys, het Jackson Mthembu, ANC-woordvoerder, in ‘n verklaring gesê.

Hy het gesê die dissiplinêre verhoor is tot Vrydag uitgestel om die komitee kans te gee om te besluit oor Malema se aansoek vir die klagtes om teruggetrek te word.

Die komitee sal sy besluit Vrydag om 09:00 bekend maak.

Malema word dissiplinêr verhoor nadat hy daarvan aangekla is dat hy die ANC se naam in oneer gebring en onmin in die ANC gesaai het.

Hy het onlangs gesê die ANC-Jeugliga sal ‘n span na Botswana stuur om plaaslike opposisiepartye te konsolideer en ‘n bewindverandering te help bewerkstellig, aangesien geglo is die regering in Botswana “is in volle samewerking met imperialiste” en “ondermyn die Afrika-agenda”.

Benewens Malema word Floyd Shivambu, ANCYL-woordvoerder, Ronald Lamola, adjunk-president, Pule Mabe, tesourier-generaal, Sindiso Magaqa, sekretaris-generaal, en Kenetswe Masenogi, adjunk-sekretaris-generaal, aangekla.

Almal behalwe Shivambu sal Vrydag voor die komitee verskyn, het Mthembu gesê. Sy dissiplinêre verhoor is tot ‘n latere datum uitgestel.

Shivambu het Woensdag gesê Malema sal met sy regsverteenwoordigers in gesprek tree voor sy volgende verskyning.

Groepe jeugdigdes wat Malema ondersteun het Dinsdag klippe, bottels en bakstene na joernaliste en polisiebeamptes in die Johannesburgse middestad geslinger.

Die geweld het bedaar nadat Malema hulle toegespreek het.

‘n Klein groep ondersteuners het Woensdag deur die strate rondom Luthuli-huis, waar die verhoor gehou word, gemarsjeer.

Hulle het gefluit, op vuvuzelas geblaas en “voetsek” aan polisiebeamptes geskree.