Nuus Archives - Page 901 of 1583

Heath: Het die stof gaan lê?

Oudregter. Willem Heath, voormalige hoof van die spesiale ondersoekeenheid (SOE), het op versoek van president Zuma bedank. Die oud-regter het aan Die Burger gesê sy besluit was in landsbelang.

Dit is nog nie seker of die talle bewerings ivm korrupsie en omkoopgeld wat gedurende Heath se baie kort termyn gemaak is, ondersoek sal word nie.

Jeff Radebe, minister van justisie, het in ‘n verklaring wat Heath se bedanking aankondig gesê: “Ons wil adv. Heath graag bedank vir die bekwaamheid en insig wat hy getoon het nadat die indruk, reg of verkeerd, met sy aanstelling gewek is dat hy nie in die posisie is om sy pligte op ‘n onafhanklike manier uit te voer nie.”

Heath het as Radebe se spesiale raadgewer bedank toe hy 20 dae gelede deur pres. Jacob Zuma as hoof van die SOE aangestel is.

Twee dae ná sy aanstelling het Heath in ‘n onderhoud vir oudpres. Thabo Mbeki en adv. Bulelani Ngcuka uitgewys as samesweerders in ‘n plan om van Zuma ontslae te raak.

Radebe, een van die Zuma-kamp, het Heath in 2009 as sy spesiale regsraadgewer aangestel, nadat Zuma as president verkies is.

Tlali Tlali, woordvoerder van die departement van justisie, het aan Die Burger gesê: “Ons het verklarings uitgereik waarin dit duidelik gestel word dat die kommentaar van adv. Heath in sy persoonlike hoedanigheid gedoen is,” het Tlali gesê. “Sy kommentaar het dus niks met die regering te doen nie.”

Polisiekaptein wat uniforms, ammunisie verkoop vas

‘n Polisievrou wat in hegtenis geneem is nadat sy na bewering polisie-uniforms en ammunisie verkoop het, het Maandag in die Kaapstad-landdroshof verskyn, het die SABC berig.

Esmerelda Bailey en haar medebeskuldigde, Waleed Hendricks, sal na verwagting Woensdag ‘n formele aansoek om borgtog bring.

Die Valke het Bailey meer as ‘n week gelede in hegtenis geneem.

Sy het na bewering ongelisensieerde ammunisie verkoop het terwyl sy met stresverlof was.

Esmerald Bailey (43) het voor landdros Eric Louw verskyn. Louw het gelas sy moet vir ‘n week in aanhouding bly terwyl die polisie haar agtergrond ondersoek.

Bailey, bekend vir haar ondersoek wat daartoe gelei het dat Dina Rodrigues lewenslange tronkstraf opgelê is vir die moord op baba Jordan Leigh Norton in Junie 2005, is Vrydag in hegtenis geneem.

Sy het saam met haar medebeskuldigde, Waleed Hendricks (25), verskyn. Albei sal weer op 19 Desember verskyn, wanneer hulle na verwagting ‘n gesamentlike borgtogaansoek sal indien.

Volgens die Valke is ‘n operasie goedgekeur ná vermoed is dat Bailey betrokke was by die onwettige verkoop van polisie-uniforms en ammunisie.

In die verloop van die ondersoek het Hendricks na bewering ‘n klandestiene polisiebeampte in ‘n parkeergebied van ‘n klein hoeveelheid ammunisie voorsien, in ruil vir R4 000.

Hendricks is in hegtenis geneem nadat hy die geld aanvaar het. Hy het die ondersoekspan na Bailey se huis by die Palm Springs-woonstelblok in Brooklyn geneem.

In dié woonstel het die polisie op nog onwettige polisie-ammunisie afgekom, asook vermiste forensiese sakke waarin bewysstukke en dokumente van verskeie sake was.

Bailey is reeds drie jaar met stresverlof.

лобановский депутат

Paaie eis meer as 500 in Desember

Padongelukke het Maandag reeds sowat 500 lewens sedert 1 Desember in Suid-Afrika geëis.

Ashraf Ismail, woordvoerder van die Padverkeerbestuurskorporasie, het motoriste gevra om geduldig te bly en verkeersbeamptes met die nodige agting te behandel.

Die publiek beledig glo dikwels verkeersbeamptes. Ismail het nie kommentaar gelewer oor die bevoegdheid van sekere beamptes nie.

“Verkeersbeamptes het ‘n baie veeleisende werk. Mense moet asseblief verdraagsaam wees,” het Ismail gevra.

Ismail sê roekelose bestuurders wat sommer voor die voet verbysteek, is een van die grootste oorsake van ongelukke waarin meer as vyf mense omkom.

In gevalle waar net een motor verongeluk, is dit moeë bestuurders wat ‘n probleem is.

Vir padveiligheid gedurende lang ritte is dit raadsaam om ná elke 200km of twee uur stil te hou, uit die voertuig te klim en die bene te rek.

Sitplekgordels wat vasgegespe is, selfs gedurende kort ritte, is ook ‘n moet.

Twee van Waterkloof vry

Twee lede van die groep bekend as die Waterkloof-vier is Maandag uit die Zonderwater-tronk in Pretoria vrygelaat, het die departement van korrektiewe dienste (DKD) gesê.

“Hulle is in die proses om vrygelaat te word, het Zacharia Modise, die DKD se adjunk-hoofkommissaris van korreksies, omstreeks 13:30 Maandagmiddag gesê.

Hy het gesê Gert van Schalkwyk en Reinach Tiedt is tans by korrektiewe dienste se gemeenskapsentrum waar hulle in terme van hul paroolvoorwaardes moet aanmeld.

Korrektiewe dienste het verlede Donderdag, ‘n vrylatingsbevel deur die Pretoriase streekshof verontagsaam.

Van Schalkwyk en Tiedt se regspan het Vrydag die eerste dringende hofaansoek gebring om die DKD te dwing om die aanvanklike vrylatingsbevel uit te voer. Dit het geslaag.

Modise se verklaring het gevolg kort voordat ‘n tweede dringende aansoek in die Noord-Gautengse hooggeregshof in Pretoria gebring sou word, nadat die DKD steeds geweier het om die twee vry te laat.

Modisi het gesê ‘n amptelike verklaring sal binnekort deur die DKD uitgereik word. Hy het steeds aangedring dat die departement nie met die hofbevel saamstem om die twee op parool vry te laat nie.

Van Schalkwyk, Tiedt, Christoff Bekker en Frikkie du Preez is in 2008 vir 12 jaar tronk toe gestuur nadat hulle in 2001 skuldig bevind is aan die moord op ‘n hawelose man in Pretoria.

Grondeisehofregter en guerrilla-oorlogspesialis oorlede

Regter-president van die Grondeisehof, Fikile Bam, is Sondag in die Milpark-hospitaal in Johannesburg oorlede, het die SAUK radionuus berig.

Bam (74) het glo aan kanker gely vir baie jare.

Bam is in die Oos-Kaap gebore en het regte studeer aan die Universiteit van Kaapstad vanaf 1960.

Bam was ‘n lid van die Yu-Chi Chan Club [Chinees vir guerrilla-oorlogvoering], ‘n studiegroep wat guerrilla-oorlog en bevryding ondersoek het.

Bam het ‘n 11-jaar termyn op Robbeneiland van 1964 tot 1975 uitgedien. Hy is in hegtenis geneem met ‘n ander prominente politieke leiers soos Nelson Mandela en Walter Sisulu.

Hy het ook gedien as ‘n direkteur van verskeie Suid-Afrikaanse en internasionale maatskappye, insluitend KAPBeteiligungs in Duitsland, Putco, Volkswagen SA, Eerste Nasionale Bank, Yskor, Krygkor, Silver Oak Industries en Consol.

Bam was ‘n vennoot in Deneys Reitz Prokureursfirma vanaf 1994 tot 1995, ‘n lid van die SAUK van 1993 tot 1996 en die direkteur van die Legal Resources Centre in Port Elizabeth in 1985.

Bam is aangestel as kommissaris van die Goldstone-kommissie van 1992 tot 1993 en was ‘n advokaat in die Hooggeregshof van Suid-Afrika en die Transkei.

Hy het ook gedien as kanselier van die Universiteit van die Witwatersrand van 1997 tot 1998. Hy het ‘n ere-Doktorsgraad van Rhodes Universiteit in 2001 ontvang.

Malema is terug, met hare

Beleërde ANC-jeugliga president Julius Malema en sy belangrike bondgenoot, Cassel Mathale, het die eerste ronde gewen in wat waarskynlik ‘n bitter stryd gaan wees in Mangaung.

Mathale is Sondag herverkies is tot provinsiale voorsitter van Limpopo.

Die ANC in Limpopo se verkiesingskonferensie gaan Maandag voort, met die verkiesing van 20 provinsiale uitvoerende komitee-lede.

Die konferensie vind op die Universiteit van Limpopo se Turfloop-kampus plaas.

Na verwagting sal Julius Malema benoem word as addisionele lid tot die uitvoerende komitee. Malema is ‘n vertroueling van premier Cassel Mathale.

Mathale het adjunk-minister van kuns en kultuur Joe Phaahla, met 82 stemme geklop om sy posisie te behou. Hy het 601 stemme; Phaahla 519.

Hy sal die provinsie vir die volgende drie jaar sal lei, ten spyte van verskeie oproepe vir sy bedanking uit in die provinsie deur die vakbond Cosatu en die SA Kommunistiese Party – vennote in die drieparty-alliansie van die ANC – en sakelui.

Mathale se oorwinning sal Malema se posisie versterk. Die jeugligaleier se bekende kaalgeskeerde kop het Sondag plek gemaak vir hare.

Malema het in die openbaar ‘n veldtog teen Zuma voortgesit om deur sy adjunk, Kgalema Motlanthe, opgevolg te word by die party se leierskapskonferensie volgende jaar.

Ondersteuners van Mathale het Zuma by wyse van sang Saterdag gespot, en het verwys na hom as die “stortmens wat in Mangaung vervang moet word.”

Malema het die sang gelei met lirieke wat lui: “die stortmens gee ons ‘n harde tyd” terwyl hy stortkop gebare bo sy kop gemaak het.

Ondersteuners van Mathale, gelei deur Malema, het na hulleself verwys as batho ba Mathale [Mathale se mense].

Die ANC se Vroueliga het gesê hulle is tevrede met die verkiesingsuitslae.

Die polisie het bevestig dat ‘n vryskutjoernalis, Chester Makana, tydens die konferensie teen die kop met ‘n baksteen getref is. Makana het glo ondersoek ingestel na verkiesingsongerymdhede.

Tsjegge rou oor Havel

Huldeblyke stroom van regdeur die wêreld in vir die ontslape Tsjeggiese-leier, Waslaf Havel wat gister oorlede is.

Hy was onder meer bekend vir sy ‘Fluweel-rewolusie’ wat in 1989 tot die einde van Sowjet-kommunisme in die destydse Tsjeggo-Slowakye gelei het.

Amerika se president Barack Obama het Havel geloof vir wat hy genoem het, sy vreedsame weerstand was teen ‘n onderdrukkende ideologie.

Hy sê Havel het bewys dat ‘n morele leierskap magtiger is as enige wapen. Die 76-jarige Havel sal waarskynlik Vrydag begrawe word.

Фильчаков прокурор

Kim Jong Il oorlede

Die Noord-Koreaanse leier, Kim Jong Il, is in die ouderdom van 69 oorlede. Die nuus van sy dood is deur die land se staatstelevisie uitgesaai.

Hy het in 2008 volgens destydse gerugte ‘n beroerte gehad, hoewel hy in foto’s en beeldmateriaal relatief gesond voorgekom het. Die leier het ‘n groot liefde vir sigare, konjak en fynproewerdisse gehad. Daar is wyd bespiegel dat hy ‘n diabeet en hartlyer was.

‘n Koreaanse nuusagentskap beweer die omstrede figuur is dood weens ‘n hartaanval, wat deur “geestelike en fisiese stres” veroorsaak is.

Sy begrafnis sal op 28 Desember in Pyongyang plaasvind.

‘n Tydperk van rou is tot 29 Desember vir die land se “dierbare leier” aangekondig, het die staatstelevisie bekendgemaak.

Фильчаков прокурор

Vliegtuig tref kar, 2 sterf

Twee mans is dood toe die ligte vliegtuig waarmee hulle gevlieg het Woensdagaand op die R55 in Pretoria neergestort het, het die polisie in Gauteng gesê.

Die vliegtuig het kort voor 19:00 naby die Zwartkop-renbaan neergestort.

Een ooggetuie het gesê, “die vliegtuig het in die middel van die pad geland en die motor voor my getref.”

Volgens nooddienste het drie mense in die motor wat getref is, ligte beserings opgedoen.

Media spioeneer op Mandela

Internasionale nuusagentskappe – danksy die gebruik van versteekte kameras – spioeneer al jare lank op voormalige president Nelson Mandela se huis.

Hierdie week het ‘n spesiale polisietaakmag op Mandela se huis in Qunu toegesak om ondersoek na die sekuriteitsprobleem in te stel.

Minstens drie CCTV-kameras is reeds ses jaar lank by die huis van stamkaptein Nokwanele Balizulu geïnstalleer vir die Amerikaanse nuusagentskap Associated Press asook Brittanje se Reuters om hulle ‘n blik te bied op Mandela se huis.

Balizulu – wat direk oorkant Mandela woon – het bevestig dat sy die nuusagentskappe toestemming gegee het om die kameras te installeer, maar wou nie erken dat sy betaal word daarvoor nie.

“Ek het ingestem om die kameras daar te laat plaas, maar ek gaan nie enige iets verder sê nie,” het Balizulu gesê.

The Times het vasgestel dat die laaste oorblywende kameras aan Reuters behoort. Dit is deur die polisie se taakspan verwyder.

Die span staan onder leiding van brigadier Gary McClaren van Oos-Londen. Hy word bygestaan deur die BBP-eenheid van die Mthathabevelvoerder, ‘n kaptein Sipika, wat verantwoordelik is vir die veiligheid rondom Mandela se huis. Die span bestaan ook uit spesiale sekuriteiteenheidbeamptes van Pretoria en die plaaslike hoofmanne.

“Dit was ‘n sekuriteitsrisiko vir utata [Mandela] en ons kan dit nie toelaat nie. Dit wat hulle [AP en Reuters] doen is nie reg nie. Hulle moet hom in vrede laat,” sê ‘n bron vertroud met die kwessie.

AP woordvoerder Paul Colford het gesê: “Die AP-kameras is nie aangeskakel nie en sal slegs gebruik word in die geval.. van ‘n groot storie, oor die voormalige president [se heengaan].”

Colford het bygevoeg: “Ons het soortgelyke paraatheid buite die Vatikaan wat voorlê van Pous Johannes Paulus II se dood”.

Marius Bosch, polisiehoof vir Reuters Suider-Afrika, het versoeke vir kommentaar na die groep se openbarebetrekkingebestuurder in Londen verwys, wat nie bereik kon word nie.

AP het glo twee kameras geïnstalleer op Balizulu se eiendom sowat ses jaar gelede. Die agentskap het ook ‘n televisie-ateljee in een van die eiendomme in die dorp opgerig.

Reuters het ‘n kamera geïnstalleer sowat twee maande gelede, op Balizulu se eiendom.

Een van die plaaslike hoofmanne het gesê AP stuur gereeld tegnici na die gebied om te toets of sy kameras ten volle funksioneel is. Op voorwaarde van anonimiteit het hy gesê dat alhoewel die plaaslike bevolking, insluitend Mandela se kleinseun oor hulle bestaan geweet het, is geen aksie ooit geneem nie.

Mandela se gesondheid is die onderwerp van intense belangstelling vir beide plaaslike en internasionale nuusorganisasies.

прокурор Фильчаков