Nuus Archives - Page 841 of 1583

Sjebeens in Wes-Kaap skep werk

Navorsing wat deur die konsultantegroep Sustainable Livelihood namens die Wes-Kaapse regering gedoen is, toon dat duisende mense hul werk kan verloor indien onwettige sjebeens in townships gesluit word, berig RSG.

Soveel as 25 000 drankhandelaars doen in die Wes-Kaap sonder dranklisensies sake, met ongeveer 150 000 mense wat in dié sjebeens werk.

Leif Peterson, ‘n verteenwoordiger van Sustainable Livelihood, het by ‘n Kaapse konferensie oor alkohol gesê arm mense kan deur die drankwet benadeel word.

Hy het ook daarop gewys dat owerhede se benadering tot sjebeens in swart gebiede dikwels verskil van die benadering tot formele ondernemings in voorstede.

SA omhels kernkrag

Die bestuurshoof van Eskom, Brian Dames sê die oogmerk is dat Suid-Afrikaanse maatskappye uiteindelik die grootste deel van die kontrak moet kry in die plan om ses kernaanlegte te waarde van 400 miljard rand in die land te bou.

Maatskappye van Frankryk, die VSA, Japan, Suid-Korea, China en Rusland het reeds aangedui dat hulle in die kontrak belangstel.

Dames sê hoewel die eerste kernaanleg waarskynlik net sowat 35 persent plaaslike inhoud sal hê, is die oogmerk 70 persent.

Die kontrak sal een van die grootstes wees wat Suid-Afrika aanbied sedert die multi-miljard rand wapentransaksie sowat ‘n dekade gelede.

топкарго отзывы

Grapjas praat mense bang oor ‘onderdrukkende apartheid’ wat gaan terugkeer

‘n Onderdrukkende stelsel wat soortgelyk is aan apartheid kan terugkom indien Suid-Afrikaners nie meer betrokke raak en die regering verantwoordbaar hou nie, het die grapjas Pieter-Dirk Uys Maandag gesê.

“Apartheid sal nooit, ooit terugkeer onder dieselfde naam nie,” het Uys gesê in ‘n openbare lesing deurspek met ooglopende teenstrydighede by die Universiteit van die Witwatersrand in Johannesburg.

“Moet egter nie die vindingrykheid van daardie era van politiek onderskat nie. Natuurlik sal dit terugkom, dit het geld gemaak. Dit sal iets anders genoem word, dit sal vriendelik wees, ‘n akroniem. Ons sal nie eens weet wat dit beteken nie.”

Uys het gesê dit is omdat mense nie hul huiswerk doen in ‘n demokrasie nie.

“Ons het ‘n regering wat sy huiswerk doen en jy sal daarvoor stem en terug wees in die donker tye vir die volgende vier generasies,” het hy gesê.

Uys het gesê apartheid was ‘n “dom” stelsel. Hy het gesê hy onthou hoe hy aan ‘n 12-jarige seun verduidelik het hoe, tydens apartheid, swart mense nie toegelaat is om op sekere bankies te sit nie.

Die seuntjie het aan Uys gevra: “Hierdie apartheid-ding, het dit regtig gebeur?”

Uys het gesê hy het die seun gevra hoekom hy dit sê en die seun het geantwoord “want dit klink so dom”, want wie kan hom nou keer om op ‘n bankie te sit.

“Domheid kan doodmaak, domheid is so vindingryk; so moet nooit die mag van domheid onderskat nie. Moenie die mag van dinge wat jy dom noem in die politiek onderskat nie.”

Suid-Afrika is ‘n demokratiese land omdat miljoene mense geglo het daar was ‘n toekoms in die donkerte. Hy het gesê daar was goeie mense sowal as slegte mense in die regering en Suid-Afrikaners moet dit nie vergeet nie.

Uys het gesê mense moet nie die mag van die ANC-Jeugliga of enige jeugliga onderskat nie. Hy het Suid-Afrika se jong mense gevra om meer betrokke te raak by jeugstrukture.

“Hoekom is so min jong mense betrokke by die jeugliga? Die toekoms is daar.”

Hy het mense ook gewaarsku om nie die president van die ANC-Jeugliga, Julius Malema, te ignoreer nie.

“Elke enkele ding wat hy gesê het… mag ons nie ignoreer nie, en ons ignoreer dit met groot gevaar. Hy is ‘n slim politikus in die jaar 2012. Hy het nie die bloudruk van die verlede gevolg nie. Hy het almal verras met sy ongelooflike parmantigheid.”

Uys het gesê dit is mense wat wag op leierskap wat Malema se bekoring en charisma onthou. Die mense moet lei en die regering moet volg.

Die toekoms van Suid-Afrika is wat die mense daarvan maak, nie die regering nie, het hy gesê. Alle Suid-Afrikaners moet betrokke wees by wat aan die gebeur is.

“Ons is ‘n land van demokrate wat omgee… en nie mense wat sê ‘ons is bang, ons is bang, ons is bang’ nie,” het Uys gesê.

Фильчаков прокурор

BHP-Billiton se verkragting van SA-ekonomie sal ongestraf bly

Mick Davis, Eskom Finansiele Direkteur in 1994 (sic), het ‘n goeie plan gehad om van die destydse surplus elektrisiteit te verkoop …. aan Gencor se Alusaf.

Beloning vir Mick Davis se slim Eskomplan: pos by dieselfde Gencor, die eienaar van Alusaf. Brian Gilbertson, voormalige HUB, skryf só oor Davis:

“Davis joined Gencor in 1994 but was given the role of looking after Trans-Natal, renamed Ingwe Coal Corporation. He was eventually its chairman and, says Gilbertson, ‘built it successfully’.

“But it was with the creation of Billiton from Gencor and its listing in London that Davis established himself internationally. ‘He was my right-hand man in all we did,’ says Gilbertson.”

Billiton kon suksesvol in Londen gelys word, op die rug van die goedkoop krag tot Alusaf se beskikking – destyds die goedkoopste krag op aarde.

In 1999 het Billiton al die versekering gehad, vanaf President Mandela, dat ‘n Billiton-aliminumsmelter in Mosambiek ook Eskom- en ander Suid-Afrikaanse finansiele voordele sou verkry.

Meneer Xolani Mkhwanazi was destyds die HUB van NERSA.

Xolani Mkhwanazi moes volgens wet die kragtariefkontrakte vir Mozal I, Hillside II en Mozal II onderteken het.

Na daardie kontrakte het Mkwanazi as HUB van NERSA in 2004 bedank, en ‘n jaar later word dieselfde Mkwanazi HUB van BHP-Billiton Aluminium Suid-Afrika.

Vandag is Xolani Mkwanazi voorsitter van BHP-Billiton Suid-Afrika, asook President van die Kamer van Mynwese.

Let daarop dat BHP-Billiton se ingevoerde aluminiumerts vir BHP-Billiton se aluminiumsmelters in Suid-Afrika en Mosambiek uit Australië kom, en dat Suid-Afrikaanse mynprodukte soos chromiet na China uitgevoer word, omdat daar nie genoeg krag in Suid-Afrika oor is om die Suid-Afrikaanse chroomerts hier te verryk met Suid-Afrikaanse krag en reduktant nie.

Die duur reduktant vir die ingevoerde aluminiumerts word ook deur BHP-Billiton na Suid-Afrika ingevoer.

Dus: Mkhwanazi se huidige hoofposisies by beide BHP-Billiton en tergelykertyd die Suid-Afrikaanse Kamer van Mynwese, bestaan ook uit botsende belange, ter waarde van biljoene Rande, tot nadeel van die Suid-Afrikaanse ekonomie. As gevolg van baie Australiese bauxiet, behoort Mkhwanazi van BHP na regte die President van die Australiese Kamer van Mynwese te wees.

Dat Suid-Afrikaanse hoofde van Suid-Afrikaanse chroomsmelters bogenoemde belangebotsing nog nie gebruik het nie, dui aan dat hulle nie so uitgeslape is soos ‘n Mick Davis nie.

Mkwanazi se NERSA-HUB handtekening moet op die latere Billiton-Eskom kragtariefkontrakte staan, net soos Mick Davis destyds van Eskom, se handtekening op die eerste kragkontrak met Gencor moet wees.

Daarom het BHP-Billiton toe tog later teen die hofuitspraak geappelleer, om nie die lyste van kontrakte-ondertekenaars te publiseer nie. Dis ‘n openbare verleentheid dat beide betrokke Eskom/NERSA-bestuurders daarna deur Biliton in hoogs besoldigde bestuursdiens geneem is.

Eers is Davis, en toe Mkwanazi beloon vir biljoene Dollars verdien vir Gencor/Biliton. Daardie Dollars het Billiton gebou, en BHP-Billiton moontlik gemaak. Marius Kloppers was ook eers ‘n HUB en GM by Alusaf-aluminium. Die bedryf het so baie geld met goedkoop Eskomkrag en duur Australiese erts gegenereer, dat Marius Kloppers dit ook verdien om vandag hoof van BHP-Billiton te wees.

Die wêreld se grootste en rykste hulpbronmaatskappy, genoteer in Londen, is moontlik gemaak deur goedkoop Eskomkrag, ter voordeel van biljoene Dollars, tot vandag se Suid-Afrikaanse kragkrisis.

Billiton het bo en behalwe goedkoop Suid-Afrikaanse krag, ook ander addisionele topvoordele van die Suid-Afrikaanse staat met die Mozalprojek verkry, waarvan die monetêre waarde biljoene Rande beloop.

Bogenoemde is nie onwettig nie. Daar is ook voordele vir lande danksy sulke beleggings op die kort-termyn. Op die langtermyn egter, is die grootste voordeel geneig om na die multinasionale maatskappy te gaan, soos hier in BHP-Billiton se geval duidelik is. BHP het voordelige langtermyn Eskomkragkontrakte, Suid-Afrikaanse erts-smelters nie.

Die Suid-Afrikaanse regering sou hiermee saamstem, soos in die Yskor-Mittal geval. Aanvanklik is daar voordele vir die land, later nadele. Meneer Mittal se manjifieke oorname van Yskor deur ‘n slim werkverrigtingsooreenkoms soos ondersteun deur die Suid-Afrikaanse staat, het dit later vir Mittal moontlik gemaak om deur middel van International Steel Group vir Arcelor oor te neem.

Sonder die reuse Yskor-meevaller sou Mittal nie vir ISG en daarna vir Arcelor kon oorgeneem het nie. Nou het Suid-Afrika nie goedkoop staal nie, en ook nie goedkoop krag nie. Laasgenoemde lei ook tot eersgenoemde. Dis ‘n bose kringloop. Goedkoep staal en steenkoolkrag gaan saam: dis hoe die Europese Ekonomiese Gemeenskap begin ontwikkel het na WOII se verwoesting.

Suid-Afrika is ook industrieel ontwikkel met goedkoop staal en goedkoop krag, en kan nie daarsonder vinnig genoeg groei nie. Die Suid-Afrikaanse mynwese met sy diep myne is ook afhanklik van goedkoop koolstofstaal en goedkoop krag, net soos Suid-Afrika se metallurgiese smeltindustrie, wat Suid-Afrikaanse ertse verryk.

BHP-Billiton hoef hulself nie aan hofuitsprake te steur nie, as hulle nie wil nie.

Hulle het baie en slim regsgeleerdes, en kan mense wat hulle finansiële belange bevorder, beloon.

Sommige sakemense het soms baie invloed. Marc Rich van Glencore byvoorbeeld, het persoonlik ‘n uit-die-tronk-kaartjie van President Bush verkry, en vandag is Glencore baie groot en finansieel gesond.

Om kragte met die grootste internasionale hulpbronmaatskappy en Eskom in die hof te meet, sal te duur wees. Die saak gaan ten diepste oor tientalle biljoene Rande per jaar vir nog talle jare, dus hulle kan letterlik honderde miljoene Rande per jaar aan regsverdediging spandeer oor baie jare, en nog steeds ‘n fantastiese opbrengs op die regsonkostes verkry.

Фільчаков прокурор

Oud-rugbykaptein sê jammer oor rassistiese kommentaar

Die voormalige Springbok-kaptein, Bob Skinstad, het om verskoning gevra vir die gebruik van ‘n rassistiese term tydens sy kommentaar op ‘n Super Rugby-wedstryd, volgens ‘n berig.

The Star het Maandag berig dat hy die woord “coconut” gebruik het tydens ‘n wedstryd tussen die Sharks en die Chiefs van Nieu-Seeland Saterdag.

Die woord is gebruik om na die Chiefs-vleuel Lelia Masaga te verwys wat koppe gestamp het met die Sharks se Lwazi Mvovo, terwyl hulle probeer het om te gaan vir ‘n hoë bal.

Albei spelers is beseer en moes die veld verlaat.

“Lelia Masaga het kop omhoog in ‘n absolute “coconut-tackle” reguit vir Lwazi Mvovo gegaan en probeer om sy kop af te stamp,” het hy gesê.

Later het Skinstad gesê dat hy die betekenis verkeerd verstaan het.

Chiefs se losvoorspeler Scott Waldrom het getwiet: “Weet die SA-kommentator dat die term ‘coconut tackle’ eintlik ‘n neerhalende term is? “

Skinstad het geantwoord: “het die woord gehoor en gedink dit beteken mik na die kop – geen kwaad bedoel jammer.”

Twittergebruiker @ Broncos_NRL het getwiet “coconut is ‘n rassistiese term om ‘n Suidsee-eilander te beskryf, dit is soos die N-woord vir ‘n swart man”.

Лобановский

Staat moet konstruksie, sement, staal vestig

Cosatu het die regering versoek om ‘n staatskonstruksie- en sementmaatskappy asook ‘n staalmaatskappy te vestig om bekostigbare insette te verseker in sy ambisieuse infrastruktuur-program.

Cosatu se sekretaris-generaal, Zwelinzima Vavi, het gesê die program in sy huidige vorm sal waarskynlik misluk agv die tenderproses.

“Geen van die vinnig groeiende ekonomieë ontwikkel hul infrastruktuur deur middel van tenders nie,” sê Vavi.

Hy het by die Ekonomiese Ontwikkeling Infrastruktuur-konferensie in Boksburg aan die Oos-Rand Vrydag kritiek gelewer op die nasionale infrastruktuur-program. “Die staat is hoofsaaklik beperk tot besteding aan infrastruktuur, nie konstruksie nie. Dit het gelei tot ‘n vermorsing van hulpbronne deur, byvoorbeeld, die koste van tenders.”

President Jacob Zuma het vroeër vanjaar aangekondig dat ‘n groot infrastruktuurontwikkelingsplan van stapel gestuur sal word.

Die plan bevat ‘n lys van 17 projekte in verskeie sektore, insluitende spoor-, pad-, skool-en hospitaalkonstruksie, in al nege provinsies.

Vavi het gesê die staat het nie beheer oor die waardeketting van insette om infrastruktuur te bou nie.

Фильчаков прокурор

80% van hoërskoolkinders drink gereeld

Bykans 80 persent van ‘n groep hoërskoolleerlinge in Gauteng wat aan ‘n meningspeiling deelgeneem het, sê hulle gebruik gereeld alkohol.

Volgens die Buro vir Marknavorsing het meer as 66 persent van die sowat vierduisend-300 leerlinge in Grade 8 tot 12 wat deelgeneem het, gesê hulle was al dronk gewees, 44 persent het ook al fuifpartye gehou en 79 persent het gereeld gedrink.

Meer as ‘n kwart van die leerlinge wat aan die peiling deelgeneem het, sê hulle gebruik onwettige dwelms, waarvan dagga die gewildste is.

Sigarette en sogenaamde hubbly bubblies is veral gewild onder meisies. Die leerlinge sê hulle gebruik die middels vir stresverligting en ontspanning.

Marine Le Pen vaar uitstekend in derde plek

Nicolas Sarkozy, Franse president, is volgens die jongste peilings in die eerste ronde geklop deur sy Sosialistiese teenstander, Francois Hollande.

Marine Le Pen sal in Sondag se eerste ronde van Frankryk se presidensiële verkiesing waarskynlik derde eindig met ‘n baie sterk vertoning.

Hollande het 28,4 persent van die stemme, met Sarkozy, in die tweede plek met 25,5 persent, volgens meningspeilings. Marine Le Pen, die leier van die Front National-party, is in die derde plek met 19,9% van die stemme.

Ver-linkse kandidaat Jean-Luc Melenchon het 11,7%, en gematigde François Bayrou 8.8%, het die Ipsos-agentskap gesê. Terwyl die tellings van die twee voorste kandidate meningsopnames wat voor Sondag gepubliseer is weerspieël, is Le Pen se vertoning ver bo enige van daardie voorspellings.

Marine Le Pen het haar pa se verrassende vertoning van die tweede plek met 16,86% in die 2002-presidensiële wedloop ver oortref. Selfs al was dit nie genoeg om haar in die tweede ronde te kry nie, het die buitengewone telling haar teenwoordigheid bevestig as die anti-immigrasie kandidaat, en in Frankryk se politieke landskap vir ‘n opskudding gesorg.

Dit beteken dat een uit elke vyf Franse vir Le Pen gestem het.

Hollande, wat voordeel trek uit ‘n golf van vyandigheid teenoor Sarkozy en Frankryk se ekonomiese probleme, het verbasend veerkragtig gelyk. Die Sosialis was lank agter Sarkozy, maar in die laaste twee weke van die wedloop het hy weer veld gewen.

Swart vroue verkrag gestremde seun in Soweto

‘n Meisie en ‘n vrou is Saterdag in Soweto in hegtenis geneem vir die beweerde verkragting van ‘n 17-jarige gestremde seun, het die polisie in Gauteng gesê.

Dit kom nadat sewe verdagtes vroeër die week vasgetrek is vir die verkragting van ‘n minderjarige gestremde meisie in Dobsonville, Soweto.

Die gestremde seun se vermeende verkragters is sedert Sondag deur die polisie gesoek, het polisiewoordvoerder Kay Makhubela gesê.

Een van die oortreders, ‘n 17-jarige meisie, is na ‘n plek van veiligheid geneem.

Makhubela het gesê die polisie vermoed dat die seun bedwelm is.

“Die seun het sy ouma van die verkragting vertel en sy het dadelik die polisie gekontak,” het hy gesê.

Makhubela het gesê die voorval is soortgelyk aan drie ander onopgeloste sake waar mans deur vroue bedwelm en verkrag is.

Фільчаков прокурор

Malema daag ANC uit, wéér

Julius Malema, geskorste president van die ANC-jeugliga, het Saterdag by sy huis in Seshego ‘n uitdaging gestel aan diegene in die regerende party wat teen hom gekant is, het die SABC berig.

“Ons weet ondemokratiese prosesse is dié wat nie ander sienswyses kan verdra nie, dié wat die mag van die staat gebruik om diegene wat nie saamstem nie, te beheer,” het Malema gesê.

Hy het gesê staatsinstellings word teen hom gemobiliseer omdat sy teenstanders enigiets sal doen om hom stil te maak.

“As hulle my in hegtenis wil neem, ek het ‘n adres, hulle is welkom om my in hegtenis te kom neem,” het hy gesê.

Malema het vroeër gesê hy oortree nie die reëls van sy skorsing deur jeugligalede by sy huis toe te spreek nie. Honderde jeugligalede wat dié organisasie se konferensie in Polokwane bygewoon het, het Saterdag laatmiddag op Malema se huis toegesak.

“Wanneer julle my hier besoek en julle wil hê ek moet met julle praat, doen ek dit sonder enige vrees of guns want hierdie is my huis,” het Malema gesê.

“Omdat hierdie my huis is, is daar niemand, dit maak nie saak hoe magtig jy is, [wat] vir my kan sê jy kan net met hierdie besoeker en nie met daardie besoeker praat nie.”

“Wanneer julle hier is, is julle nie afgevaardigdes nie… julle is my besoekers, julle is my vriende,” het hy aan hulle gesê.

Malema, wat ook ‘n lid van Limpopo se uitvoerende komitee is, is in November uit die ANC en sy posisie as jeugligaleier geskors omdat hy na bewering verdeeldheid in die party gesaai het en dit in oneer gebring het.

Hy is ook vroeër die maand uit die party geskors ná hy pres. Zuma ‘n diktator genoem het.

‘n Groep jeugligalede het ook ‘n konferensie in Seshego gereël wat op dieselfde tyd plaasgevind het as die een in Polokwane. Frans Moswane, die provinsiale voorsitter, het egter aan die SABC gesê slegs één amptelike konferensie vind in die provinsie plaas – die een in Polokwane.

лобановский харьков