Nuus Archives - Page 838 of 1583

Condi Rice nog steeds gewild onder Amerikaners

Condoleezza Rice, die voormalige Amerikaanse minister van buitelandse sake onder George Bush, sê sy sien haarself nie as Mitt Romney se vise-president-spanmaat in die komende verkiesings nie, maar twee-derdes van die kiesers het ‘n baie hoë dunk van haar.

Rice se naam was verlede week andermaal in die nuushooflyne toe Romney haar genoem het as een van ‘n stuk of 15 mense wat hy dink potensiële kandidate kan wees om as vise-presidentskandidaat sy spanmaat in die verkiesings te wees. Praaglesers was die eerste in SA om die nuus te verneem.

Rasmussen-meningspeilings het ‘n dag of wat na die berigte ‘n landswye opname onder 1000 Amerikaanse kiesers gedoen en gevind dat twee-derdes van hulle ‘n baie gunstige siening van Rice het.

Die vraag het weliswaar nie daaroor gegaan of hulle dink of sy die beste spanmaat vir Romney sal wees nie, maar sy het nogtans die beste gevaar in aansien uit ‘n kortlys van name wat aan kiesers voorgehou is en oor wie hulle ‘n mening van gunstig of ongunstig moes uitspreek.

Dit is insiggewend dat ‘n groot deel van diegene wat haar in ‘n gunstige lig sien, lede van die Demokratiese Party en eintlik ondersteuners van Obama moet wees want die verdeling van Republikeine en Demokrate is op die oomblik min of meer gelyk. Rasmussen se peilings word altyd slegs gedoen onder mense wat aandui dat hulle wel in die verkiesing gaan stem en dit maak die opname meer geloofwaardig.

Sommige ontleders sien Rice se gunstige aansien onder so baie demokrate as ‘n sterk pluspunt om haar wel te oorreed om Romney se spanmaat te wees. Sy kan ‘n beduidende getal kiesers wegtrek van Obama en ‘n Romney-oorwinning amper verseker.

Of die Republikeinse partybase die swart Amerikaanse vrou sal aanvaar, is egter ‘n ander storie. Daar is juis baie sterk stemme wat in die RP opgaan dat die konserwatiewe Rick Santorum Romney se spanmaat moet wees, maar dit kan baie onseker kiesers en ook twyfelende demokrate afskrik.

Die verwagting is dat Newt Gingrich Woensdag sal aankondig dat hy hom aan die wedloop vir die RP se kandidaatskap onttrek en dat hy Romney se kandidatuur sal onderskryf. Die verwagting is ook dat die 76-jarige Ron Paul wat ook nog in die veld is, kort na volgende week se voorverkiesings uit die stryd kan tree.

Dit sal meebring dat die onderlinge twis in die RP nou end kry en Romney en die party hulle aandag ten volle aan Obama en sy swak administrasie kan wy. Voorlopige peilings dui daarop dat Romney en Obama albei op die oomblik op 45% van die steun kan staatmaak met die res onseker of mense wat eintlik ‘n derde kandidaat verkies. Daar sal dus nog baie politiek in die volgende maande bedryf word.

topcargo отзывы

Boervrou deur twee swartes doodgewurg

‘n Boervrou, Henna Smit (75), is Donderdagaand op die plaas Theerivier sowat 20km buite Citrusdal deur twee swartes verwurg, berig die Burger.

Die stasiebevelvoerder van die Citrusdal-polisie, lt.kol. Cisce Coetzee, het gesê die lyk is Vrydagmiddag deur haar seun in haar huis gevind. Hy woon ook op die plaas in ‘n ander huis sowat 30m van sy ma se huis af.

Haar hande en voete was vasgebind. Hy het gesê Smit is moontlik buite haar huis oorval. Sy is vermoedelik verwurg.

Volgens Coetzee het Smit sy ma Donderdagaand vir die laaste keer gesien. Die honde se geblaf in die nag het hom laat besef iets is nie pluis nie. Hy het gaan ondersoek instel en op haar vasgebinde lyk afgekom.

Die polisie is dadelik ontbied. Volgens die ondersoekbeampte word vermoed dat vier mense by die aanval betrokke was.

Die twee swartes (24 en 33) wat in hegtenis geneem is, is nie inwoners van Citrusdal nie. Hulle het reeds in die plaaslike landdroshof op aanklagte van moord verskyn.

Hoe Suid-Afrikaners ondergrawe word deur e-tol

Die ooreenkoms tussen Sanral en Kapsch Oostenryk, die e-tolbedryfsmaatskappy is nie met die korporatiewe entiteit nie, maar met Kapsch Swede.

Kapsch Swede was eers SAAB, ‘n 50%-aandeelhouer in ‘n maatskappy genaamd SANIP. British Aerospace hou die ander 50%. SANIP is na bewering die voertuig wat gebruik is deur SAAB en BAE om die beweerde omkoopgeld van sowat R100 miljoen in die wapentransaksie-sage te betaal om te verseker dat die Gripen-vegvliegtuig gekies word.

Die name Hlongwane, Modise, ANC, Zuma, Shaik figureer prominent op die lys van beweerde ontvangers.

Waarom dan Kapsch Swede, en nie die korporatiewe entiteit nie? Lesers kan hul verbeelding gebruik.

Hoeveel kos dit? Volgens die korporatiewe struktuur wat gebruik word om die e-tolstelsel te implementeer in Suid-Afrika, ongeveer 80c van elke rand van die wins gaan gerepatrieer word na Oostenryk via Swede. Gauteng alleen sal na verwagting oor R350 miljoen ‘n maand in tolgeld genereer.

Indien slegs ‘n baie konserwatiewe 10% wins beskikbaar is om gerepatrieer te word, beteken dit dar oor die R28miljoen per maand oorsee gaan.

Данильченко Харьков

VF+ verwelkom mediaverslag

“Die Vryheidsfront Plus verwelkom die aanbevelings van die Persvryheidskommissie (PVK) in hul verslag oor die toekomstige regulering van die media. Die voorstel dat oorsig oor die media tussen die publiek en die media gedeel word in teenstelling met die huidige self-regulering van die media, is een van die voorstelle wat die VF Plus gemaak het tydens die openbare verhore van die PVK vroeër vanjaar. Hierdie voorstel vervang die noodsaaklikheid vir die regering om direk in te gryp deur ‘n mediatribunal, maar die eensydige self-regulering van die media word ook nie langer geduld nie,” het adv. Anton Alberts, VF Plus-parlementêre woordvoerder vir Kommunikasie, in sy reaksie op die verslag van die PVK gesê.

‘n Meer gebalanseerde benadering tot die regulering van die media word deur die PVK se aanbevelings geskep omdat die reg van die media om selfregulering toe te pas gebalanseer sal word met die publiek se reg tot inspraak in die oorsig van die media. Groter publieke deelname in die proses om kwessies aan te spreek wanneer die media foutiewelik of oneties opgetree het, sal verseker dat individue se regte beter beskerm sal word.

Die VF Plus vind dit ook bemoedigend dat ‘n hele aantal van die voorstelle wat die party tydens die verhore gemaak het in die verslag ingesluit is. Dit sluit onder andere die volgende in:

· Geen pornografie of pornografiese material van kinders sal in gedrukte media gebruik word nie;

· Die oplegging van ‘n finansiële straf vir deurlopende en ernstige oortredings van die persombudsman se bevindings;

· Groter beskerming word gebied vir individue se reg tot privaatheid;

· Die insluiting van die audi alterem partem-reël sal verseker dat alle partye wat ‘n belang het by ‘n kwessie die geleentheid gebied sal word om kommentaar te lewer;

· Die skep van ‘n Mediaraad wat op dieselfde basis as die Uitsaaiklagtekommissie funksioneer.

Die onafhanklike gesamentlike oorsig oor die gedrukte media is ‘n groot stap in die regte rigting wat, indien die gedrukte media die voorstelle aanvaar, sal verseker dat meer gebalanseerde en objektiewe verslaggewing plaasvind.

topcargo отзывы

Republikeine se buitelandse beleid?

Die VSA sal moet voortgaan om die leiding te neem om probleme in die wêreld aan te spreek en te probeer oplos. Dit sal dalk toenemend in koalisies met bevriende lande gedoen moet word en sonder die goedkeuring of instemming van ‘n halsstarrige Veiligheidsraad in die VN.

Hierdie sterk, maar omstrede standpunt is die afgelope week uitgespreek deur senator Marco Rubio wat genoem word as ‘n sterk kandidaat om Mitt Romney se spanmaat te wees in die presidentsverkiesing teen die einde van die jaar.

Hoewel hy glad nie Romney se naam genoem het nie en nie probeer voorgee het dat dit ook Romney se sienings is nie, moet aanvaar word dat dit ‘n goeie aanduiding kan wees van ‘n nuwe Republikeinse administrasie se buitelandse beleid.

Rubio het nie gehuiwer om hard en reguit te praat nie. So het hy onomwonde gestel dat dat die VSA sy bondgenote en ook die wêreld daarvoor sal moet voorberei dat as onderhandelings en mooi praatjies nie werk om Iran se kernbomplanne te stuit nie, ‘n “militêre oplossing” nodig kan wees.

Hy glo dat Iran nie net probeer om kernwapens te maak nie, maar dit wil gebruik om die magtigste en leidende land in die Midde-Ooste te wees. En Assad van Sirië is Iran se groot bondgenoot en daarom is dit belangrik dat sy bewind omver gegooi word.

Rubio het daarop gewys dat Amerika sedert die Tweede Wêreldoorlog ‘n groot rol gespeel het om demokrasie en vryhede in die wêreld te bevorder. Dit is grotendeels aan die VSA se leiding en optrede te danke dat daar wel vooruitgang was.

Die vraag is nou of die VSA moet terugstaan en ophou om in te meng waar vryhede, demokrasie en vryemark-beginsels bedreig word, soos sommiges, selfs in die Republikeinse Party, bepleit, of moet
hy voortgaan om die leiding te neem.

Die probleem is dat as die VSA nie die voortou neem nie, sal niemand anders dit doen nie. Die VSA was nie altyd en oral suksesvol nie, en het dit nie alleen gedoen nie, maar die steun van sy vriende gehad. Die dinge is bereik omdat die VSA die visie en die wil en ook die vermoë gehad het om op te tree. En dit is gedoen sonder dat ander lande se grondgebied of bates of onafhanklikheid hulle ontneem is.

Hy was skerp krities oor sommige optredes en besluite van die VN se Veiligheidsraad – en die een-nasie-een-stem formule van die Algemene Vergadering en die VN se Raad vir Menseregte.

En vir Rusland en sy leier, Putin, het hy geen mooi woorde gehad nie. “Putin is swak. Hy probeer homself as sterk uit maak in sy toesprake, maar hy sien oral bedreigings vir sy beheer oor Rusland. En nou sweep hy anti-westerse gevoelens op om gewild te probeer wees en aan bewind te bly.

Sommige van ons bondgenote in Europa dink toenemend dat ons onlangse toenadering met Rusland tot gevolg gehad het dat ons hulle ignoreer en selfs ondermyn. Ons sal saam met hulle moet werk om ‘n sterker NAVO te bou en voort te gaan met missiel-verdedigingstelsels,” het die seun van Kubaanse vlugtelinge wat nou ‘n senior lid van die senaat se komitee vir buitelandse verhoudinge is, gesê.

Rubio sê hy glo die wêreld kan ‘n beter en vryer en voorspoediger plek word. Die VSA kan dit nie alleen laat gebeur nie, maar die wêreld kan dit ook nie regkry sonder die VSA nie.

Данильченко Харьков

Malema sal nie vervang word nie

Die ANC-jeugliga sal nie sy geskorste leier, Julius Malema, vervang nie, het Sunday Times berig.

Ronald Lamola, die adjunk-president, sal die rol van waarnemende president oorneem, soos deur die jeugliga se grondwet bepaal word. Hy het egter gister aan dié koerant gesê hy aanvaar nie Malema se skorsing nie.

“Niks het verander nie,” het hy volgens die koerant gesê.

“Julius Malema is steeds die president van die jeugliga. Ons sal die ANC se nasionale uitvoerende komitee vra om sy skorsing te hersien. As dit nie slaag nie, sal ons hierdie stryd by die ANC-kongres in Mangaung stry.”

Magdalene Moonsamy, woordvoerder vir die jeugliga, het vroeër namens die jeugliga se uitvoerende komitee ‘n verklaring uitgereik waarin wat sê “hy [Malema] sal die president van die ANCYL bly tot 2014”.

Metropolisie wat smous aanrand steeds aan diens

Vier Johannesburgse metropolisiebeamptes wat op video vasgevang is dat hulle ‘n ou smous aanrand in Midrand, is steeds aan diens, het die Citizen-koerant gister berig.

Die bruin woordvoerder van die metropolisie, superintendent Wayne Minnaar, het dit bevestig aan die publikasie, maar beklemtoon dat hulle nie aanranding deur sy beamptes aanvaarbaar vind nie.

Andries Ndlovu, (37), is geslaan in Ivory Park, naby Midrand, verlede Vrydag, klaarblyklik nadat hy probeer het om die beamptes om te verhoed dat ‘n 60-jarige man aan te rand.

‘n Selfoonvideo van 22 sekondes van die aanval is deur ‘n toeskouer vasgelê.

Die Sunday Times het berig dat die beamptes gesien kon word dat hulle skop en trap op Ndlovu nadat hy geval het. Ndlovu het aan die SABC gesê die metropolisie pers smouse af vir omkoopgeld om hulle ihn vrede te laat.

Die beamptes het na bewering ‘n 60-jarige sweiser, Joseph Khumalo, aangerand toe hy ‘n kwitansie of kennisgewing geëis het nadat sy goedere geskut is. Ndlovu het die beamptes gevra waarom hulle Khumalo aanrand.

Hy is geslaan in sy gesig, en het begin om terug te veg.

Khumalo se twee seuns, Ananias en Michael, het gesê hulle is ook aangerand.

Laat politieke gevangenes vry: Azapo

Die Azanian People’s Organisation (Azapo) glo dat die spesiale afslag van vonnis wat deur president Jacob Zuma aangekondig is, is ‘n taktiek om sy voormalige finansiële adviseur Schabir Shaik vry te laat, volgens ‘n berig Maandag.

“Ons glo die oorkoepelende kwytskelding word slegs as ‘n afleiding gebruik omdat Zuma beoog om Shaik te help, ‘n persoon wie hy het geoffer sodat hy president kon wees,” het die Citizen Azapo se woordvoerder Funani Ka Ntontela aangehaal.

Volgens die Sowetan-koerant het die organisasie gesê dit is onregverdig om die kwytskelding aan te bied aan misdadigers, maar nie politieke gevangenes daarmee saam nie.

“Ons aanvaar die feit dat maatreëls gevind moet word vir die vermindering van oorbevolking in die land se tronke. Maar ons dink nie die uitgebreide kwytskelding van vonnis behoort een van daardie maatreëls te wees nie,” het hy gesê.

“Azapo … vra nog steeds vir die vrylating van politieke gevangenes. Dit is kamerade wat geveg het vir vryheid en skuldig bevind is deur die Nasionale Party,” het Ka Ntontela gesê.

“Maar die ANC sien nie ‘n behoefte dat hierdie vryheidsvegters vry moet wees om hierdie vryheid te geniet wat baie van ons geniet nie.”

Zuma het die aankondiging gemaak by ‘n Vryheidsdagviering.

In 2005, het die Durbanse hooggeregshof Shaik tot 15 jaar tronkstraf gevonnis vir bedrog en korrupsie. Sy straf eindig in 2021.

Suid-Afrikaner vas in Soedan

‘n Suid-Afrikaanse ontmyningsmaatskappy het Sondag gesê twee van sy werknemers is deur die Soedannese weermag ontvoer terwyl hulle aan ‘n ontmyningskontrak in Suid-Soedan gewerk het.

‘n Woordvoerder van die Soedannese weermag het vroeër beweer die mans is in hegtenis geneem omdat hulle vir Suid-Soedannese magte gewerk het.

Ashley Williams, uitvoerende hoof van die Suid-Afrikaanse staatsbeheerde Mechem, het gesê sy werknemers, ‘n Suid-Afrikaner en ‘n Suid-Soedannees, is saam met ‘n Britse VN-werker en ‘n Noorweegse burger ontvoer.

Williams het bewerings van ‘n Soedannese weermagswoordvoerder, dat die mans saam met Suid-Soedan werk in sy “aggressie” teen die noorde, verwerp.

“Dis humanitêre werk so die storie dat hulle militêre raadgewers is en hierdie soort van ding is totaal en al nonsens en nie waar nie,” het hy gesê.

“Ons doen humanitêre ontmyning op ‘n VN-kontrak en ons lede het volle VN-immuniteit. Die ontvoering het binne Suid-Soedannese grondgebied plaasgevind,” het hy aan die nuusagentskap AFP gesê, en verduidelik dat die twee mans suid gereis het tussen twee VN-basisse.

“Toe gryp hulle hulle en ry terug na Heglig met hulle, waar hulle toe beweer dat [die mans] in hierdie betwiste gebied in hegtenis geneem is, terwyl hulle nooit daar was nie.”

Valskermspringer sterf

‘n Man het in ‘n valskerm-ongeluk by ‘n valskermklub in Carletonville, wes van Johannesburg, gesterf, het die Valskermvereniging van Suid-Afrika gesê.

Roelof Hattingh (39) was Saterdagmiddag besig met ‘n solo-sprong toe die voorval gebeur het, het Mark Bellingan, woordvoerder van die vereniging, in ‘n verklaring gesê.

Hattingh se valskerm het doelmatig oopgemaak, maar het wegbeweeg van die landingsgebied.

Hy het ernstige beserings opgedoen. Die oorsaak van sy dood is nog onbekend.