Nuus Archives - Page 801 of 1583

Obama haal tjekboek uit oor Sirië

In ‘n telefoongesprek tussen presidente Poetin en Barack Obama, het die leiers saamgestem dat ‘n politieke oplossing bereik moet word vir die beëindiging van die geweld in Sirië.

“President Obama het ook die geleentheid gebruik om meegevoel uit te spreek oor die tragiese verlies van lewe as gevolg van die oorstromings in die suide van Rusland vroeër hierdie maand en gewys op die Amerikaanse gereedheid om bystand te verleen indien nodig,” het die Withuisverklaring gelees.

Met betrekking tot die gesprek tussen Poetin en Obama, het die Withuis die behoefte aan ‘n gekoördineerde politieke benadering tot die beëindiging van die geweld beklemtoon.

“Die twee presidente het kennis geneem van die toenemende geweld in Sirië en ooreengekom op die behoefte om ‘n politieke oorgang so gou as moontlik te sien omdat ons gedeelde doelwit die beëindiging van die geweld is en ons ‘n verdere agteruitgang van die situasie wil verhoed,” het die Withuis gesê.

“Verskille in benaderings bly [tussen Washington en die Kremlin] met betrekking tot die praktiese stappe om ‘n skikking te bereik,” het die Russiese presidensiële woordvoerder Dmitri Peskov egter aan verslaggewers gesê na aanleiding van die Poetin-Obama oproep.

Die Russiese en Amerikaanse leiers het gepraat ná ‘n bomaanval Woensdag waar vier hooggeplaaste lede van president Bashar al-Assad se binnekring vermoor is. Die aanval het ‘n dag voor die Veiligheidsraad se sitting plaasgevind. Die mandaat van die VN-waarnemermissie in Sirië het Vrydag verstryk, wat die stemmery genoop het.

Rusland en die VSA het mededingende standpunte oor hoe om die 300-lid VN-sending uit te brei. Moskou is gekant teen sanksies teen Sirië en gesê dat dit gelykstaande sou wees aan die ondersteuning van die doelwitte van die rebelle.

Intussen het Moskou met Siriese opposisielede ontmoet. Rusland vrees dat die Westerse siening sal lei tot ‘n herhaling van wat in Libië gebeur het.

SA bly buite stemming oor Sirië

Suid-Afrika en Pakistan het buite stemming gebly in die jongste Westerse skuif teen die Siriese regering, het die adjunk-minister van Internasionale Betrekkinge Ebrahim Ebrahim aan Eyewitness News Donderdag gesê.

Hy sal die media oor die Verenigde Nasies se Veiligheidsraadsstem aangaande die situasie in Sirië in Pretoria Vrydag toespreek, berig Sapa. Ebrahim het gesê die besluit sou net die Siriese regering straf, en nie die rebelle nie.

Hy het bygevoeg dat die rebelle goed bewapen is. Hy het ‘n oproep gedoen dat die Siriërs self hulle probleme moet oplos.

Brittanje, Frankryk, Duitsland en die Verenigde State van Amerika het voorgestel dat die internasionale gesant Kofi Annan se sespunt-vredesplan ingevolge Hoofstuk Sewe van die VN-handves verleng word, sodat die Veiligheidsraad aksies wat wissel van diplomatieke en ekonomiese sanksies tot militêre ingryping kan magtig.

Op die oomblik, sê Ebrahim is die geweld in Sirië “buite beheer”.

Hy het gesê om ‘n einde te maak aan die lyding van onskuldige burgerlikes is ‘n prioriteit.

Ebrahim het gesê Suid-Afrika ondersteun die pogings van die spesiale gesant vir Sirië, Kofi Annan, in die rigting van die beëindiging van die konflik.

Hy het gesê ‘n bom in die hoofstad Damaskus Woensdag, wat senior regeringsamptenare gedood het, waaronder die minister van verdediging Daoud Rajha, en “die baie gruwelike slagtings” van die afgelope paar weke, het getoon daar is twee kante van die konflik.

Beide Rusland en China het die skuif in die Veiligheidsraad geveto.

Siriese owerhede en rebelle is gewikkel in ‘n 16-maande-konflik oor die bewind van president Bashar al-Asaad.

Betogers het ook intussen die Siriese ambassade in Kaïro bestorm uit simpatie met teenstanders van president Bashar al-Assad.

Sirië se staatsnuusagentskap het berig dat die aanval die werk van “saboteurs was, wat befonds word deur die Golf-state bekend vir hul teenkanting teen Sirië deesdae.”

‘n Siriese diplomaat in die Egiptiese hoofstad het aan Reuters gesê dat die ambassade filmmateriaal van die betogers wat deur die hekke gebreek het, in hul besit het.

“Dit is dieselfde mense,” het Sirië se ambassadeur in Kaïro, Yusuf al-Ahmed, aan die Siriese nuusagentskap gesê wat glo reeds teen Sirië betoog het. “Ons het ‘n lys van name aan die owerhede oorhandig, maar geen stappe is geneem nie.”

Фильчаков прокурор

Boere ‘sondaars’ by Vaal-waterdiefstal

Die Vaalrivier loop ‘n “beduidende risiko” as gevolg van onwettige gebruik van water, suur mynwater en munisipale waterverliese, het die Business Day Vrydag berig.

Die rivier voorsien aan 60 persent van die land se ekonomie en 45 persent van die bevolking water.

Waterwese se woordvoerder, Linda Page het gesê die gebruik van onwettige water is verlede jaar geraam op 244.000.000 kubieke meter.

“Ons weet dat die grootste sondaars boere in hierdie gebied is,” het Page het aan die dagblad gesê.

Nie-inkomste water (water wat nie deur munisipaliteite deur verlies en foute heffings dra nie) bestaan uit ongeveer 36 persent van die totale waterverbruik.

Om water in stand te hou, het Suid-Afrika nodig om onwettige besproeiing teen volgende jaar uit te wis en die tweede fase van die Lesotho Hoogland Waterprojek te implementeer, het die koerant berig.

‘n Praagleser het binne minute op die internet egter vasgestel dat die bruto-aanvraag omtrent 3580 miljoen kubieke meter is. As 36% daarvan deur die munisipaliteite verloor word, is dit 1288 miljoen kubieke meter.

Daar kan dus veilig aangeneem word dat die onwettige waterverbruik van 244 miljoen kubieke meter ook ander partye insluit omdat boere onmoontlik die ‘grootste sondaars’ kan wees gegewe die inligting.

Volgens die leser laat die berig met opset belangrike inligting uit om ‘n negatiewe sentiment oor boere aan te blaas.

SA rentekoerse daal

Die Suid-Afrikaanse reserwebank (SARB) het die repokoers met 50 basispunte verlaag na 5%, het die goewerneur van die SARB, Gill Marcus, Donderdag gesê,

Die primakoers sal na 8,5% sak.

Dit volg ná nege agtereenvolgende vergaderings van die monetêre beleidskomitee waar die repokoers onveranderd gebly het op 5,5%, nadat dit met 650 basispunte verlaag is tussen die middel van 2008 en November 2010.

Die SARB stel rentekoerse vas omdat hulle inflasie binne ‘n teiken van tussen 3% en 6% moet hou.

Verbruikersprys-inflasie was 5,5% vir Junie, terwyl die produsenteprys-inflasie 6,6% in Mei was.

‘Madibadag’ ‘n fiasko

Kennelik is verblyf in ‘n tronksel nie altyd ‘n nadeel nie, want het die grote Nelson Mandela nie ook só sy tyd verwyl nie?

‘n Gevangene wat ‘n “Madibadag”-reünie vir gevangenes en hul families by die Westville-gevangenis gereël het sonder magtiging van die Departement van Korrektiewe Dienste, is in warm water.

Veroordeelde moordenaar, Lucky Cyprian Mpungose, het daarin geslaag om ‘n advertensie te plaas in ‘n koerant ter aankondiging van die gebeurtenis, en daarna media-onderhoude toegestaan uit die tronk en selfs ‘n uitnodiging aan die LUR van Vervoer, Gemeenskapsveiligheid en Skakeling, Willies Mchunu, gestuur.

Maar die geselligheid, wat bedoel was om Nelson Mandela se 94ste verjaarsdag te vier, is Woensdag gestaak toe geskokte tronkbase snuf in die neus gekry het. Hulle het gesê hulle het ‘n “fiasko” op hande gehad.

Verskeie families is by die tronkhekke voorgekeer en vertel die geleentheid is gekanselleer.

‘n Bron by die tronk het gesê gevangenes was teleurgesteld. Baie mense het in die vroeë oggendure tougestaan by die telefoon om hul families te waarsku.

Hy het gesê dit was moeilik om die smokkel van sigarette, geld en selfone by funksies soos hierdie te beheer.

‘n Ma het aan die Daily News gesê sy is deur haar seun, ‘n gevangene in die Medium B-afdeling, oor die voorval ingelig.

Die ma, wat annoniem wil bly, het gesê dit sou ‘n ope dag wees en hulle sou die geleentheid gekry het om die gevangenes met kos en lekkernye te bederf.

“My seun het my vertel dat ‘n braai beplan is en ons kan vleis bring. Ek het vir hom skaaptjops en wors gekoop. Ek is ook vertel om klere te bring wat deur die gevangenis aan minderbevoorregte gemeenskappe versprei sou word.”

Sy het gesê sy het ‘n oproep van haar seun Woensdag gehad om te sê die storie is gekanselleer.

“Ek is so teleurgesteld. My twee seuns en ek sien daarna uit om ‘n tyd saam te spandeer.”

Mpungose, ‘n voormalige tronkbewaarder wat tot lewenslange gevangenisstraf gevonnis is in 2002 vir die moord van Korrektiewe Dienste, Thuthukile Bhengu, het die advertensie geplaas het in ‘n Zoeloe-koerant Sondag, en familielede van gevangenes na “Madibadag” genooi.

Mpungose het voorheen ‘n program Sesikhulile geloods, wat gemik is op die versoening van gevangenes met die res van die wêreld, insluitend die slagoffers van hul misdade.

Dit word geborg deur die Suid-Afrikaanse Nasionale Taxiraad (Santaco).

Statebond ondersoek SA menseregteskendings ná klag deur PRAAG

Ná ‘n klag deur PRAAG, ‘n Afrikaanse nie-regeringsorganisasie, is die Statebond besig om menseregteskendings te ondersoek wat tans in Suid-Afrika teen Afrikaners, buitelanders en ander minderhede gepleeg word.

Luidens ‘n reaksie van die kantoor van die Statebond-sekretaris-generaal, is PRAAG se klag na die Menseregte-eenheid vir verdere ondersoek verwys.

Sluit aan by PRAAG

Dr. Dan Roodt, direkteur van die Pro-Afrikaanse Aksiegroep, het sy tevredenheid uitgespreek dat die Statebond binne twee tot drie weke gereageer het vanaf die datum toe die klag ingedien is. “Tot op hede, het ons gevind dat internasionale organisasies soos die VN en die internasionale strafhof traag is om op Suid-Afrika se toenemende menseregtekrisis te reageer. Ons het rede om te hoop dat die Statebond en Koningin Elizabeth II ons kwessies so gou as moontlik sal aanspreek.”

Suid-Afrika is ‘n stigterslid van die Statebond, wat 54 Engelssprekende lande regoor die wêreld byeenbring. As lid van die Statebond is die land verplig om internasionale menseregtestandaarde te eerbiedig, asook die Statebond se eie Bevestiging van Statebondwaardes en -beginsels wat in 2009 aangeneem is.

In sy brief aan die Statebond, het PRAAG die volgende geopper: die vervolging, diskriminasie en buite-geregtelike moorde wat op Statebond-onderdane soos Malawiërs, Mosambiekers en Zimbabwiërs gepleeg word. Maar wat Afrikaners betref, meen PRAAG dat daar ‘n “sistemiese skending van menseregte” plaasvind, waaronder “rassediskriminasie in die werkplek, by opvoeding en toegang tot kapitaal; taal- en kulturele diskriminasie; moorde, buite-geregtelike teregstellings en etniese vervolging; die verkragting van Afrikanervroue en – meisies; verdrywing vanaf tradisionele Afrikanergrondgebied en -plase; asook die gedwonge oordrag van kinders vanaf die Afrikanergroep na die Suid-Afrikaanse groep deur verengelsing, indoktrinasie en assimilasie”.

PRAAG is ook bekommerd oor “inmenging in tradisionele Afrikanerskole en opvoedingspraktyk waardeur sulke instellings afgebou word en die oordrag van die Afrikaanse taal, kultuur en identiteit aan die volgende geslag verhoed word, vandalisme wat teen die Afrikanererfenis, -museums, -letterkunde, -kuns en geskiedkundige terreine gepleeg word deur verwaarlosing, gebrek aan befondsing of opsetlike vernietiging, asook naamsveranderings van dorpe, strate en plekke ten einde die Afrikanererfenis en historiese teenwoordigheid in Suid-Afrika uit te wis”.

Die Statebond het voorheen stappe teen Suid-Afrika geneem toe daar in 1986 sanksies teen die land ingestel is, op aanbeveling van Biskop Trevor Huddleston van die Anglikaanse Kerk. Statebond-sanksies het uiteindelik tot bewindsverandering, of sogenaamde “regime change”, in Suid-Afrika gelei.

Die Statebond het ook in 2002 vir Zimbabwe weens sy menseregteskendings geskors, waarna die land in 2003 vanuit die Statebond onttrek het.

Sluit aan by PRAAG

Данильченко Харьков

Winnie prys Malema vir ekonomiese bevryding

Die Sowetan het gister berig dat die voormalige vrou van Nelson Mandela Malema in Nqgeleni in die Oos-Kaap geprys het dat sy pogings om ekonomiese bevryding vir die land te bring, opgemerk is.

Sy is vergesel deur Malema, ANC-jeugliga woordvoerder Floyd Shivambu, die liga se opgeskorte sekretaris-generaal Sandiso Magaqa, sowel as haar dogter Zinzdi.

Hulle was by die amptelike opening van kamers by die Mzontsha-kindersorgsentrum, as deel van die voormalige president Nelson Mandela se verjaarsdagvieringe. Die huis is deur die Mandela-familie geskenk.

Madikizela-Mandela het verwys na Malema as haar kleinseun, wat sy bedank het dat hy ekonomiese bevryding “in ons leeftyd” op die agenda geplaas het.

“Dankie vir die leiding in die veldtog, want dit is as gevolg van jou klem, die Jeugliga se klem op die rol wat ons moet speel as vryheidsvegters.”

Sy het gesê die land is diep in die moeilikheid omdat beloftes gemaak is wat nie vervul is nie.

Die familie het later by Mandela vir sy verjaarsdag middagete by sy huis in Qunu genuttig. Die Sowetan kon nie bepaal of Malema by die familie ingesluit is nie.

Voorskou van ‘n Olimpiese grootte fiasko

Londen en die Olimpiese Spele is duidelik nie gemaak vir mekaar nie, skryf Der Spiegel. Besoekers sal moet vasberadenheid en, die belangrikste van alles, geduld aan die dag lê om plekke te bereik. En vir die plaaslike bevolking is dit ‘n nagmerrie.

Dit is nooit maklik om ‘n Londenaar te wees nie, nie eens op ‘n volkome normale werksdag in ‘n Engelse somer nie.

Almal ervaar die swaarkry van die groot stadslewe in Londen. En vliegtuiggeraas, deels omdat dubbel- of trippel-paneelvensters skaars is, selfs in Europa se duurste stad.

In Londen, is motors, taxi’s en busse ondoeltreffende vorms van vervoer. As gevolg hiervan, dag na dag, druk miljoene mense hulself in die London Underground in, die oudste en onbetroubaarste metrostelsel in die wêreld.

Smal sypaadjies sorg vir verdere drukte as die reisigers bo-gronds verskyn na ‘n stampende, raserige, sweterige, warm rit.

Die drama ontvou weer elke aand, in die omgekeerde. Ongeveer die helfte van Londen se arbeidsmag pendel meer as 45 minute elk – as alles goed gaan. Is dit enige verrassing dat so baie mense by ‘n kroeg vertoef voor slapenstyd om hul sorge aan alkohol af te staan?

Nou is hierdie groot stad se mees uitdagende skouspel, die Olimpiese Spele, vir die derde keer aan bod. Voorheen is die Spele in 1908 en 1948 daar gehou.

Sy 7.800.000 inwoners sal ‘n gemiddeld van 1 miljoen bykomende besoekers per dag moet trotseer. Die reeds oorlaaide openbare vervoerstelsel sal belas word met ‘n addisionele 3 miljoen tariewe per dag. ‘n Totaal van 175 kilometer van die stad se strate sal vir normale verkeer gesluit word. Byna twee keer soveel soldate as wat Brittanje in Afghanistan het, ‘n helikopterdraer en spesiale mageenhede wat tot die tande gewapen is, sal die stad beset.

Londen neem reeds ‘n beskeie plek in, 38ste van 221 stede wêreldwyd, op die Mercer se 2011 Kwaliteit van Lewe-opname, ver agter Wene (1ste), München (4de), Toronto (15de), Hamburg (16de), Berlyn (17de) en Singapoer (25ste).

Londen se sukkelende groot lughawe Heathrow, is reeds op 99 persent van sy kapasiteit gedurende normale bedrywighede. Maar nou sal hulle honderde duisende ekstra passasiers wat aankom en vertrek binne ‘n kort tydperk moet hanteer. Dit lyk nie goed nie. Van gebrekkige beplanning tot meer gebrekkige beplanning.

En dan is daar Engeland se klassieke slegte weer. Die weerkundiges se Olimpiese voorspellings is niks kort van somber nie: Reën, reën en, ja, nog reën. En dit sal nie net val op die atlete nie, maar ook op die duurste sitplekke in die Olimpiese stadion. Optimistiese beplanners het besluit om nie die sitplekke te dek nie.

Met sowat 28.000 joernaliste en tegnici wat vir die byeenkoms geregistreer is, beteken dit byna drie vir elke aktiewe Olimpiese atleet. Nog nooit tevore in die geskiedenis was so baie lede van die media byeen op dieselfde plek nie.

Die Britte vier hul Britsheid met oorgawe. In 2011, het hulle nasionale trots daartoe gelei dat hulle ‘n uitspattige duur troue vir Prins William, die erfgenaam van die erfgenaam van die troon gehou het. Eerste Minister David Cameron het ‘n vier-dag nasionale vakansiedag afgekondig vir die 60ste herdenking van die koningin se se heerskappy. Geld en onkoste staan nie in die pad van Britse trots nie.

Die destydse eerste minister, Tony Blair het die toekenning van die 2012 Olimpiese Spele in London op 6 Julie 2005, met luide openbare applous aanvaar.

Die vooruitsig van ‘n goedkoop skouspel vergesel deur ‘n ekonomiese wonderwerk, teen ‘n prys van slegs £2,37 miljard is voorgehou. Maar ‘n parlementêre komitee het onlangs tot die gevolgtrekking gekom dat die Spele die openbare sektor alleen £11 miljard kos. Sommige kritici is van mening dat die totale koste vir Londen in werklikheid neerkom op ongeveer £24 miljard.

Blair het in die aanloop tot die Spele gesê dit dien as ‘n aansporing om die Britte se fiksheid en gesondheid, veral die kinders s’n, te verbeter.

Dit het klaarblyklik nie die gewensde uitwerking gehad nie, want die seuns en meisies van die Britse Eilande is onder die vetste in die Europese Unie. Londen se East End het nou ‘n Olimpiese Park en die grootste winkelsentrum in die EU – maar dit is steeds vuil, arm en in ellende gedompel.

Dit was helaas net nie moontlik om Londen vir die geleentheid radikaal te hervorm, soos die Chinese met Beijing in 2008 dit reggekry het nie.

Die 2012 Olimpiese Spele in Londen sal dus waarskynlik baie ruimte vir improvisasie, sjarme en talent laat.

Treinongeluk: Boer skuldig aan arbeidswetoortreding

‘n Voorlopige ondersoek na die treinongeluk wat die lewens van 25 swart plaaswerkers geëis het, toon dat die wit werkgewer, ‘n boer, arbeidswetgewing oortree het, het die Departement van Arbeid gister gesê.

In ‘n verklaring, berig The New Age, sê die minister van Arbeid, Mildred Oliphant, “Die ‘feit’ dat die werkgewer nie rekords gehad het van die werkers nie, vererger die probleem en die afwesigheid van hierdie besonderhede is ‘n oortreding van die Wet op Basiese Diensvoorwaardes (WBDV).”

“Die Wet bepaal dat werkgewers besonderhede van hul werknemers, insluitende besonderhede van hul naasbestaandes moet hê.

“Ons is deur arbeidsinspekteurs in kennis gestel dat die boer ontken dat hy die werkers in diens geneem het. Volgens hom het ‘n kontrakteur die werkers na hom gebring,” het Oliphant gesê.

“Duidelik is dit ‘n onverdedigbare posisie en oortree dit die WBDV, wat sê die werkgewer moet al die besonderhede hê van mense wat op sy perseel werk.”

Die 25 werkers is dood en ander beseer nadat die vragmotor waarin hulle gery het verlede Vrydag by ‘n spooroorgang tussen Malelane en Hectorspruit in Mpumalanga teen ‘n goederetrein gebots het.

Xenofobie ‘gevaarlik naby aan kookpunt’

Met hernieude aanvalle op vlugtelinge en asielsoekers in die Wes-Kaap en die Vrystaat in die afgelope weke, het groepe gewaarsku dat die land “gevaarlik naby aan kookpunt” is.

‘n Opname deur Pondering Panda het bevind dat 44% van jong Suid-Afrikaners gekant is teen buitelanders wat spaza-winkels bedryf.

Jeugdiges het ook glo vertroue verloor in president Jacob Zuma se vermoë om die land te regeer, het dieselfde maatskappy bevind, met 51% wat teen hom gestem het uit 12 791.

Die opname het ook bevind dat daar sterk rasse-verskille in menings bestaan, met die swart respondente wat meer positief is.

Die respondente was van regoor die land en tussen die ouderdom 18-34.

Meeste bruin, wit en Indiër-jeugdiges het nie van Zuma gehou nie, het die opname bevind.

Maar, in KwaZulu-Natal, het 54 persent van die respondente gevoel dat Zuma ‘n geskikte leier is.

In ‘n aparte opname, het 60 persent van die jeug het gesê dat hulle beslis sou stem in die land se algemene verkiesing in 2014. Agt-en-twintig persent het gesê hulle sal nie.

Hoewel misdaad en xenofobie as motiewe vir die verdrywing en aanranding van meer as 600 buitelanders beskou word, sê kenners die aanhoudende aanvalle kan gekoppel word aan die ANC se kritiek van vlugtelinge en asielsoekers.

Suid-Afrika het onder kwaai internasionale kritiek in 2008 deurgeloop toe meer as 62 mense dood en ongeveer 670 gewond is in xenofobiese aanvalle wat in Johannesburg uitgebreek het en regoor die land versprei het.

In die ANC se beleidsdokument, “vrede en stabiliteit” vra die party vir strenger wetgewing teen handel deur buitelanders.

Daar is ‘n uiteensetting in die dokument dat 95% van asielsoekers nie wettige vlugtelinge is nie. Vlugtelingorganisasies sê dit kom neer op die “demonisering van vlugtelinge”.

Van hulle het gesê dat die ANC se besprekingsdokument, wat tydens sy beleidskonferensie in Midrand ter tafel gelê is verlede maand, “problematies” is.

In Mitchells Plain se Beacon Valley, Kaapstad, is vier winkels in een straat op een aand aangeval, want bendes eis ‘n beskermingsfooi van tot R800 ‘n dag van die Somaliese winkels.

Die meeste van die geweld word egter gemik op buitelanders in Kaapstad se Khayelitsha en Philippi.

Ten minste 500 buitelanders is ook ontwortel in Botshabelo in die Vrystaat, in dieselfde week.

Valhalla Park se wyksraadslid Nas Abrahams, van die DA, het gesê die geweld is ‘n “free-for-all” soos wat swart Suid-Afrikaners Somali’s se spaza-winkels plunder.

Hy het gesê die polisie kon meer gedoen om te verhoed dat die plundering plaasvind. Hulle is gefotografeer terwyl hulle toekyk hoe die gesteelde goedere weggedra word.

André Traut, polisiewoordvoerder, het geweier om te spekuleer oor die vraag of die motief polities of krimineel is, of die gevolg van vyandigheid teenoor buitelanders.

Данильченко Харьков