Nuus – Bladsy 1128 – praag.co.za

Guinee in ‘n gemors

Lansana Conté, president van Guinee, het Maandagaand ’n noodtoestand in sy land afgekondig. Meer as ’n honderd mense is al sedert die begin van Januarie dood in gevegte tussen betogers en soldate.

Conté is tans 72 jaar oud en vir die afgelope 23 jaar reeds aan bewind ná ’n militêre staatsgreep in 1984. Hy het die weermag beveel om “alle nodige stappe te doen” om ’n burgeroorlog te verhoed. Die opposisie (bestaande uit veertien politieke partye) het verlede week ’n staking uitgeroep om teen die aanstelling van Eugene Camara as die nuwe eerste minister te protesteer (hy is een van Conté se vertrouelinge). Die geweld in die strate het egter hand uitgeruk en jeugdiges met kapmesse het begin om winkels te plunder en ampswonings van politici aan te val. “Ons is honger, ons is honger, ons soek verandering, hy (Conté) moet waai!” het hulle geskreeu.

Hierdie arm Wes-Afrikaland het 9.4 miljoen inwoners. Op 12 Februarie is agtien mense in onluste dood. Op dieselfde dag het die eerste onmin in die weermag, op wie Conté soveel staatmaak, kop uitgesteek. Van die jonger soldate is ontevrede oor die onlangse aankoms van gewapende soldate uit Liberië en die feit dat hulle nie onlangs bevorder is soos verwag nie. Air France en ander lugrederye het intussen hulle vlugte na Conakry opgeskort. Soldate van die presidensiële wag het gister die kantore van ’n privaat radiostasie, wat krities teen die regering staan, verwoes. Ander radiostasies het anonieme dreigemente ontvang.

Tot dusver is Guinee die geweld gespaar wat sy buurlande (Ivoorkus, Liberië en Sierra-Leone) getref het. Die land beskik oor twee derdes van die wêreld se bouksiet, maar net ’n klein groepie, na aan die president, trek hieruit voordeel. In 2006 het inflasie die prys van die land se stapelvoedsel, ’n sak rys, laat styg tot twee maal die gemiddelde salaris van ‘n Guinese amptenaar.

thunderstruck full movie online free лобановский обыск

Afrikanerraad in sig?

Volgens prof. Danie Goosen, sameroeper van ’n Forum van Afrikaanse organisasies, is ’n “deurbraak gemaak” op die pad na ’n verteenwoordigende Afrikanerraad tydens ’n vergadering op 7 Februarie. Oor die afgelope aantal jare is ’n verskeidenheid inisiatiewe vir ’n Afrikanerraad geloods, maar elkeen het tot dusver versand weens verdeeldheid en die onwilligheid van organisasies en individue om met mekaar saam te werk.

Organisasies wat op 7 Februarie hul steun aan die gedagte van ’n Afrikanerraad toegesê het, is onder andere (met die naam van die verteenwoordiger in hakies): AB (Stoffel van der Merwe), Afrial (Anton Knoetze), AfriForum (Kallie Kriel), Dames Aktueel (Rina Auckamp), Dames Kring (Chrissie Naudé), FAK (Danie Goosen, Roland Henwood), Kommissie vir Gemeenskapsregte (Chris Landman), Orania-beweging (Frans de Klerk, Carel Boshoff iv), Rapportryers (Rudi Schultze), SAOU (nog onseker) en die Voortrekkers (Piet Strauss).

Instansies wat volgens Goosen nog binne die konteks van die Forum uitstaande is, is die Erfenisstigting (Gert Opperman), VRA (KoosMalan) en die JJD.

Naas die FAK se huidige inisiatief is Praag reeds vier jaar lank besig met gesprekke en aanvoorwerk om ’n Afrikanerraad tot stand te bring. Ná aanvanklike byeenkomste in die Ou Raadsaal op Kerkplein vanaf 31 Mei 2003, is ’n Konfederale Afrikanerforum gestig waaruit ’n Tussentydse Afrikanerraad ontstaan het. Praag en die Afrikaner-alliansie het ook in Desember 2005 ’n samewerkingsooreenkoms onderteken om ’n Afrikanerraad tot stand te bring.

Gisteraand het dr. Dan Roodt van Praag die weeklikse vergadering van die Tussentydse Afrikanerraad bygewoon waar daar besluit is om ’n verskeidenheid organisasies wat nie deel uitmaak van die huidige inisiatiewe nie, te nader ten einde binnekort ’n gesamentlike vergadering met die FAK-groep te reël.

Dit wil dus voorkom asof ’n Afrikanerraad selfs binne enkele maande kan realiseer. Die groter behoefte aan samewerking onder Afrikaners word toegeskryf aan die verskeidenheid krisissewat hulle in die gesig staar in die vorm van geweldsmisdaad, agteruitgang van Afrikaans aan skole en universiteite, asook die emigrasie van hoogs opgeleide volksgenote.

Maar ook die opwelling van Afrikanersentiment waarvan die gewildheid van Bok van Blerk se De la Rey-lied maar een simptoom is en waaroor onlangs in die media berig is, speel ’n rol om mense en organisasies wat voorheen deur politiek of ideologie verdeel is bymekaar te bring. Die gevoel onder deelnemers aan die verskillende gesprekke word as een van “opgewondenheid” beskryf.

ригонда купить

Mugabe se partytjie

Kaviaar asseblief!

Die sogenaamde Beweging van 21 Februarie het met ’n fondsinsamelingsveldtog vir die jaarlikse viering van president Robert Mugabe se verjaarsdag begin. Die geleentheid sal op 24 Februarie in Gweru plaasvind.

Sowat 300 miljoen dollar word benodig om die partytjie te reël. Amper 87 miljoen dollar is reeds tydens die bekendstellingsfunksie van die fondsinsameling ingesamel.

Volgens Emmanuel Fundira, voorsitter van die komitee, sal al tien provinsies geteiken word. Die tema van hierdie jaar se partytjie is “Bemagtiging, voorspoed en vrede.”

Verlede week het Gideon Gono, goewerneur van die Zimbabwiese reserwebank, inflasie onwettig verklaar. In Januarie vanjaar is inflasie in die land op 1 281% geraam. Daar word gereken dat agt uit elke tien Zimbabwiese burgers nou in armoede leef.

beyond polus купить

Tshwane-metrohoof in die sop

Simon Bhebe, hoof van die Tshwane-metropolisie, is van poging tot moord aangekla nadat hy betrokke was in ’n geveg met ’n ander man.

Die insident het vroeg Sondagoggend in die Mazukwana-kroeg in Atteridgeville plaasgevind. Bhebe en ’n vriend het skynbaar met ’n groep mans begin argumenteer. Skote is deur albei partye afgevuur. Bhebe en nog ’n persoon is gewond en hospitaal toe geneem. ’n Derde persoon is op die toneel gearresteer en van poging tot moord aangekla. Die SAPS het op drie vuurwapens en twee motors beslag gelê.

Bhebe is deur die polisie ingelig dat hy gearresteer sal word sodra hy uit die hospitaal ontslaan word.

стенд для Фильчаков

Transformasie van woonbuurte kom

Wagtend op ‘n Toskaanse fasade

Sowel die ANC-president Thabo Mbeki as ’n konsultant vir die departement van behuising het bevestig dat gedwonge integrasie van woonbuurte wat tans op grond van ras en klas "geskei" is, binnekort sal plaasvind.

In ’n onderhoud gisteraand met die SAUK-TV in antwoord op ’n vraag of Suid-Afrika al “een nasie” gevorm het, gesê nee, maar dat optrede binnekort sal volg om swart en wit deurmekaar te laat woon en meer swartes op bestuursvlak in die ekonomie aan te stel.

In ’n voorlegging aan die Vereniging van Eiendomseienaars (Veesa), het mnr. Dan Smit, ’n konsultant vir die departement van behuising, einde verlede maand die regeringsbeleid uitgespel waarvolgens laekostebehuising voortaan deel sal vorm van elke nuwe eiendomsontwikkeling. Ontwikkelaars gaan gedwing word om ten minste 30 persent van elke ontwikkeling aan laekostebehuising van tot so min as R50 000 per wooneenheid af te staan.

Volgens Smit is “die doel van die nuwe beleid nie net om ontwikkelaars te dwing om meer laekoste-huise te bou nie, maar ook om die rasse- en klasseverskille in Suid-Afrika verder af te breek.” Hierdie nuwe sosialistiese gees was ook teenwoordig in Mbeki se jongste staatsrede waarin groot klem gelê is op die uitbreiding van die welvaartstaat deur die instelling van omvattende maatskaplike versekering. Groter klem gaan voortaan op die gelykstelling van rasse en klasse gelê word.

Kleiner, goedkoop huise sal voortaan tussen duurder wooneenhede gebou moet word. Die ANC het reeds verlede jaar in Pretoria aangekondig dat hy beplan om huidige middelklasvoorstede wat grotendeels deur blankes bewoon word, demografies te “transformeer” deur sekere buurte te onteien en laekostebehuising tussen bestaande huise te bou.

Volgens mnr. Dan Smit sal ontwikkelaars van nuwe buurte ook nie toegelaat word om die armer huise te groepeer nie, maar moet sulke eenhede tussen duurder wonings geplaas word.

Nog ’n vereiste is dat die afwerking van sulke sub-ekonomiese wooneenhede nie by dié van die ander huise in ’n gegewe ontwikkeling mag afsteek nie. Gelykheid moet die norm wees. Ontwikkelaars is dit eens dat die maatreëls vernietigend op die eiendomsbedryf sal inwerk.

Een inwoner van Pretoria het die nuwe beleid as "suiwer kommunisme" beskryf. Terwyl die ANC tot dusver sy transformasieprogram oor die boeg van ras gegooi het, is dit duidelik dat klassieke sosialistiese gelykheidsbeginsels huidige beleid, ten minste wat behuising en ruimtelike ordening betref, gaan bepaal.

play ultimate texas topcargo отзыв

Staat en hoofregter s? Ho?rskool Ermelo die stryd aan

Onlangs het ons berig dat die Hoërskool Ermelo die eerste rondte van sy hofstryd gewen het deur te slaag met ‘n dringende aansoek wat bepaal dat die provinsiale onderwysdepartement in die Oos-Transvaal (tans Mpumalanga) nie met die skool se taalbeleid mag inmeng nie. Maar nou het sowel die nasionale minister van onderwys, Naledi Pandor, as die hoofregter hulself aan die kant van die dertien Engelse leerlinge geskaar wat teen wil en dank die skool wil bywoon.

Op Maandag 12 Februarie begin ‘n nuwe rondte in die saak as Pandor, namens ene Ncane Elizabeth Masilela wat wil hê haar kind moet in Engels by die skool onderrig word, nog ‘n dringende aansoek in die Pretoriase Hooggeregshoof aanhangig maak. Die hoofregter, Pius Langa, het ook tot die saak toegetree deur op grond van ‘n brief wat van die staatsprokureur ontvang is te gelas dat die saak heropen word met die moontlikheid dat die vorige uitspraak deur regter Bill Prinsloo nietig verklaar kan word.

Die staat voer nou aan dat 37 leerlinge reeds tot die skool toegelaat is, maar nie onderrig ontvang nie. Ook beweer die onderwysdepartement dat hy nie vinnig genoeg skole kan bou nie weens die sementtekort wat te wyte sou wees aan die sokkerwêreldbeker van 2010. Daarom móét die Afrikaanstalige Hoërskool Ermelo Engelse klasse instel.

Akademiese navorsing het reeds bewys dat waar Afrikaanse skole Engelse klasse instel, sulke skole gewoonlik binne drie tot vyf jaar geheel en al verengels.

Dit wil voorkom asof die ANC nou met ‘n hernieude poging kom om die laaste oorblywende Afrikaanse skole, veral op die platteland, oor te neem en te verengels. In sy mees onlangse verskyning op die SAUK-TV op 11 Februarie het Mbeki gesê dat die beheerrade van te veel skole nog in blanke hande is en dat dit nie veel langer geduld sal word nie.

лобановский класс

ANC knoop bande met Bolivia

Evo Morales

’n Senior ANC-afvaardiging is pas terug uit Bolivia waar hulle die eerste demokraties verkose inheemse president, Evo Morales, kon oortuig om Suid-Afrika te kom besoek.

Morales se oorwinning meer as ’n jaar gelede het kommer by ontwikkelde en buurlande laat posvat dat hy nie Bolivia se beste belange dien deur aan te dring op die wettiging van die verbode dwelm kokaïen nie.

Daarbenewens is Morales besig om privaatbates vir die staat toe te eien deur die nasionalisering van aardgasaanlegte.

Bolivia is een van die armste lande in Suid-Amerika waar die koka-plant deur ’n grootliks landelike bevolking verbou word, ten spyte van die land se aansienlike gas- en olie-reserwes.

Die SAKP se sekretaris-generaal Blade Nzimande, Cosatu se sekretaris-generaal Zwekinzima Vavi asook verteenwoordigers van die ANC-jeugliga en lede van die nasionale uitvoerende komitee se besoek is deur Kgalema Motlanthe as “hoogs geslaagd” beskryf.

As rede voer Motlanthe aan dat die ANC en Morales se Beweging vir Sosialisme in Bolivia – die akroniem in Spaans is MAS wat ook “meer” beteken – onderskeidelik politieke leiers op hul gebied is en dat daar nou meer as ’n sistematiese verhouding tussen die twee gevorm is na afloop van die onlangse besoek.

Motlanthe het benadruk dat albei politieke bewegings uit ’n soortgelyke geskiedenis van kolonialisme en marginalisering gebore is. Bolivia lê tans groot klem op die gebruik van inheemse tale wat danksy Spaans tot 37% gekrimp het deur inheemse leerplanne in skole aan te moedig.

Motlanthe het egter bygevoeg dat “alle oplossings nie meganies van een land tot die ander toegepas kan word nie.”

Nobelpryswenner het voorheen sy lidmaatskap van Waffen-SS erken

G?nter Grass

Skrywer en Nobelpryswenner, Günter Grass (79), wat sedert verlede jaar midde in ’n politieke storm verkeer nadat hy erken het dat hy deel was van die Waffen-SS tydens die Tweede Wêreldoorlog in sy nuwe outobiografie, het ’n nuwe verweer.

Die Duitse Radio Bremen het bekend gemaak dat Grass in 1986 tydens ’n onderhoud wel indirek verwys het na sy verlede as soldaat. Dié radiostasie sou dele van die onderhoud wat in die argiewe bewaar gebly het weer gister, Vrydag 9 Februarie, uitsaai.

Die onderhoud het deel uitgemaak van ’n reeks getiteld “Toe ek 17 jaar oud was”. Daarin vertel Grass aan literêre joernalis Irmgard Bach dat hy na die Oosfront gestuur is as lid van die Waffen-SS waar hy eers in Silesië gedien het en daarna in Berlyn.

“Dit was Marskompanieë genoem waar seuns van 16, 17 saam met oueres van 50 of 60 gedien het, die oorblyfsels van die Volkssturm en die manne van die Waffen-SS" sê Grass in die onderhoud wat nou 39 jaar later opnuut groot belangstelling wek.

Kritici het tot dusver vir Grass verkwalik dat hy nie eerder sy verlede bekend gemaak het nie.

ла ла лупси игры Данильченко Харьков

Misdaad is oorlog! s? konsultant

In ‘n opspraakwekkende artikel in ‘n Johannesburgse dagblad het die bekende konsultant en veranderingsdeskundige, dr. Bertie du Plessis, beweer dat Suid-Afrika so te sê in ‘n militêre konflik of "laegraadse burgeroorlog" verkeer. Hy meen "die polisie gaan ons nie regtig help nie" en doen aan die hand dat lede van die publiek moet saamwerk om mekaar teen die aanslag te beskerm.

Meningitisepidemie tref Oeganda

Nog ‘n dag, nog ‘n epidemie

‘n Dodelike meningitisepidemie het in die noordwestelike gebiede van Oeganda uitgebreek.

Woensdag het gesondheidsowerhede in Kampala bekend gemaak dat reeds 38 mense uit die 930 gevalle wat aangemeld is, oorlede is.

Dié syfer het intussen na 67 gestyg, nadat bykans 1 700 gevalle Vrydag opgeteken is.

Ronald Ocaatre, gesondheidsafgevaardigde van Arua in die noorde van die land het Vrydagoggend gesê dat die 1 672 gevalle wat in klinieke aangemeld is, waarskynlik nie al die mense wat deur die epidemie geraak word insluit nie.

Hy het bygevoeg dat dat daar sekerlik al meer as ‘n honderd mense gesterf het aan die uitbraak omdat “heelwat persone verkies om tradisionele wyse dmv plante behandel te word”

‘n Inentingsprogram is van stapel gestuur en daar word beoog om 400 000 mense in die betrokke gebiede teen dié siekte wat spoedige behandeling vereis, in te ent.

Swart diamante op pad

Voors. Nicky Oppenheimer

De Beers en die regering het ’n ooreenkoms aangegaan om ’n nuwe swart mynmaatskappy op die been te bring. Volgens hierdie ooreenkoms sal De Beers 20% van sy Namakwaland-operasie aan die staatsfirma Alexcor skenk om ’n swart maatskappy in 2008 tot stand te laat kom. Die Namakwaland-konsessie behoort al sedert 1928 aan De Beers. In 2006 het hierdie myn een miljoen karaat geproduseer.

Buyelwa Sonjica, minister van mineraal-en energiesake, het die transaksie verwelkom. Volgens haar sal die nuwe maatskappy help om werk in die Noord-Kaap te skep.

Die aankondiging van hierdie stap volg op die eerste daling in verkope wat De Beers die afgelope ses jaar beleef het. In 2006 was die maatskappy se omset 6.15 biljoen dollar, wat ’n daling van 6% in vergelyking met die verkope van 2005 verteenwoordig. Juwele doen steeds goed in veral Asië en die VSA, maar dis in die groothandel wat probleme ondervind word.

Oppenheimer verwag dat 2007 danksy o.a. EU-wetgewing wat diamante van die Russiese groep Alrosa beperk ook nie beter winste sal oplewer nie.

Gareth Penny van De Beers het ontken dat die Amerikaanse film Blood Diamond, wat tans in Suid-Afrikaanse teaters vertoon word, enigiets met die swakker verkope te doen het. Hierdie film handel oor die rol wat onwettige diamanthandel in oorloë op die Afrikavasteland speel.

to play

Chinese president prys Afrika se bydrae tot ewolusie

Hu Jintao

Die Chinese president, Hu Jintao, het eergister ’n miljoen dollar geskenk aan UNESCO se Wêrelderfenisfonds. Dié bedrag sal aangewend word om die vasteland se erfenisgebiede te bewaar. Dit volg op Hu se besoek aan die Wieg van die Mensdom, by Maropeng buite Krugersdorp.

Volgens Hu is die fossiele wat hy hier gesien het “bewys dat Afrikane belangrike bydraes tot menslike ewolusie gemaak het.”

Prof Philip Tobias, bekende paleontoloog, het die skenking verwelkom en gesê dat die geld Afrika in staat sal stel om ’n droom te verwesenlik en sy erfenisgebiede behoorlik te bewaar.

Afrika het tans 63 gebiede op die Wêrelderfenislys, uit ’n totaal van 788.

Hu pak nou die laaste gedeelte van sy Afrikareis aan, wanneer hy in die Seychelles aankom. Hy het die afgelope paar dae Kameroen, Liberië, Soedan, Zambië, Namibië, Suid-Afrika en Mosambiek besoek.

In Suid-Afrika is Hu deur Thabo Mbeki ontvang en die twee staatshoofde het op 6 Februarie ’n handelsooreenkoms onderteken. Suid-Afrika voer jaarliks ongeveer 4.37 biljoen dollar se goedere van China in, terwyl produkte ter waarde van sowat 1.2 biljoen dollar van hier na China uitgevoer word.

Hu het ook ’n byeenkoms by die Universiteit van Pretoria toegespreek. Hier het hy na die “ryk tradisie van samewerking” tussen China en Afrika ten opsigte van internasionale aangeleenthede verwys. China en Afrika behoort standpunt in te neem teen die wêreld se “ryk boelies”, volgens die Chinese president. Aangesien China self “koloniale aggressie” ervaar het, sal die Chinese nooit aan Afrika voorskryf wat om te doen nie.

Gedurende sy Afrikareis het Hu miljoene dollar in aalmoese uitgedeel en skuld afgeskryf. In ruil sal China die grondstowwe bekom wat nodig is om die fenomenale ekonomiese groei in die land aan te help. China se handel met Afrika het verlede jaar 39.7 biljoen dollar beloop. Naas die VSA en Frankryk is China nou die vasteland se derde grootste handelsvennoot.

no deposit slots

Vryheidsparkseminaar: voorspelbare demonisering van blankes en vorige bestel

Die ANC het weereens hul ware kleure getoon tydens 8 Februarie 2007 se seminaar in Kemptonpark wat gehandel het oor die ANC se Vryheidspark.

Groepe en indiwidue soos Afriforum en Steve Hofmeyr het onlangs beswaar aangeteken teen die feit dat blanke Suid-Afrikaanse soldate se name nie op die gedenkmuur in die ANC se Vryheidspark sou verskyn nie, maar dié van Kubaanse soldate wel. Afriforum het heeltemal tereg uitgewys dat die uitsluiting van ‘n bepaalde groep niks bydra tot versoening en nasiebou nie, en eerder teenproduktief is.

Dit was grootliks as gevolg van druk wat deur organisasies soos Afriforum uitgeoefen is dat die seminaar belê is. ‘n Redelike persoon sou verwag dat, indien die regime te goeder trou wou optree, die onderwerp van die seminaar sou wees hoe om alle Suid-Afrikaners te akkommodeer. Ten spyte van die retoriek oor die inklusiewe reënboognasie, is redelikheid egter nie iets waarvan die ANC beskuldig kan word nie.

Die seminaar is bloot gereduseer tot ‘n voorspelbare demonisering van blankes en die vorige bedeling se veiligheidsmagte. Van die ANC se veelvuldige misdade en lafhartige moorde op onskuldige burgerlikes was daar geen sprake nie. Reeds met die intreerede het die voorsitter van die Vryheidsparkstigting, Dr Wally Serote, met sy binnensmondse en totaal oninspirerende spreekstyl die trant geskep: daar is volgens hom diegene wat steeds nie oor hul “sondes” van die verlede wil bieg nie.

Spreker na spreker uit lande soos Lesotho het hoog en laag opgegee oor watter misdade die voormalige SAW in hul lande sou gepleeg het. Daar is egter totaal geswyg oor die ANC se marteling en moord op sy eie lede in sy kampe soos die berugte Quattro, of hoe die buurlande willens en wetens basisse en steun aan terroriste verskaf het, baie soos wat die Taliban in Afghanistan gemaak het.

Uit die ganse program, wat ‘n hele dag geduur het, is Kallie Kriel van Afriforum een spreekbeurt gegun van ‘n volle twintig minute, terwyl daar minstens vyf spreekbeurte afgestaan is aan buitelanders wat hoegenaamd geen belang het by hedendaagse Suid-Afrikaanse aangeleenthede nie. Die SAUK het vanmiddag berig dat ‘n duidelik teleurgestelde en ontnugterde Kallie Kriel opgemerk het dat die seminaar allermins oor versoening gehandel het en dat die Vryheidspark niks anders as ‘n ANC-park is nie.

PRAAG het nie die volledige verrigtinge bygewoon nie, buiten om ‘n persverklaring aan ‘n verteenwoordiger van die Vryheidsparkstigting te oorhandig, waarin die ANC gestriem is oor sy skynheiligheid en waarin daar versoek is dat alle Afrikaners en Boere se name van die ANC se skandmuur verwyder moet word.

баки для

Sluipmoord op Franse EU-diplomaat in Ivoorkus

Konsternasie heers in Franse en Europese gemeenskappe in die Ivoorkus nadat ‘n Franse diplomaat Dinsdagnag tuis in ‘n sluipmoordaanval gesterf het. Michel Niaucel (54) is binne sy swaarbewaakte huis deur ‘n enkele koeël in die bors gedood. Hy laat ‘n vrou en dogtertjie agter. Diefstal was skynbaar nie die motief nie.

‘n Span Franse deskundiges is op pad na die Ivoorkus om plaaslike ondersoekers by te staan. Die segspersoon vir die Europese Unie, Johannes Laitenberger, het voorts op ‘n perskonferensie sy hoop uitgespreek dat lig spoedig op die omstandighede van die raaiselagtige moord gewerp sal word.

Niaucel was, voordat hy vier jaar gelede ‘n loopbaan as diplomaat aanvaar het, ‘n polisieman verbonde aan die DST, oftewel die Franse teenspioenasiediens. Hy was gemoeid met veiligheidsaangeleenthede in die Ivoorkus namens die EU ten tye van sy dood.

In 2004 was dit Niaucel wat hoofsaaklik verantwoordelik was vir die ontruiming van 8 000 Franse burgers uit die Ivoorkus mbv ‘n lugbrug nadat Franse skole en boekwinkels deur plaaslike inwoners in ‘n opwelling van anti-wit gevoel in puin gelê is.

Sy vrou het oomblikke voor sy dood gehoor hoe hy met ‘n vreemde persoon gesels. Daar was geen spore van inbraak opgemerk nie. ‘n Kussing is gebruik om die knal van die Magnum 357 te demp en ‘n leë patroondoppie is op die toneel gevind. ‘n Onbekende rooi sak is in die badkamerkas gevind.