Simon Bhebe, hoof van die Tshwane-metropolisie, is van poging tot moord aangekla nadat hy betrokke was in ’n geveg met ’n ander man.
Die insident het vroeg Sondagoggend in die Mazukwana-kroeg in Atteridgeville plaasgevind. Bhebe en ’n vriend het skynbaar met ’n groep mans begin argumenteer. Skote is deur albei partye afgevuur. Bhebe en nog ’n persoon is gewond en hospitaal toe geneem. ’n Derde persoon is op die toneel gearresteer en van poging tot moord aangekla. Die SAPS het op drie vuurwapens en twee motors beslag gelê.
Bhebe is deur die polisie ingelig dat hy gearresteer sal word sodra hy uit die hospitaal ontslaan word.