Nuus Archives - Page 1151 of 1583

Komplot om wapens vir Hezbollah te verskaf, gefnuik

‘n Amerikaanse federale grootjurie in Pennsylvanië het gister vier mans formeel vir ‘n beweerde komplot om die Libanese terroristegroep, Hezbollah, deur onwettige planne van meer as ‘n duisend masjiengewere te voorsien.

Die klag kom net ‘n dag nadat ander amptenare in Philadelphia gesê het dat hulle ‘n soortgelyke komplot om lugafweermissiele te bekom en na Sirië te stuur, gefnuik het, hoewel owerhede in dié saak nog nie sover gegaan het om enige iemand daarvan te beskuldig dat hulle ‘n spesifieke terreurgroep probeer help het nie. Hezbollah, ‘n Sjiïtiese organisasie in Libanon is op die VSA se lys van terreurorganisasies.

Die aanklag wat gister aanhangig gemaak is beweer dat die twee verdagtes probeer het om ongeveer 1,200 Colt M4 masjiengewere aan Hezbollah te verskaf, maar hulle pogings is deur ‘n operateur onder die dekmantel gefnuik. Die samesweerders het na bewering gepoog om die wapens in Philadelphia te koop en na ‘n hawe in Sirië te verskeep vanwaar hulle uiteindelik met ‘n ompad na Hezbollah sou gaan.

Die aanklag is ook teen agt ander persone vir minder ernstige misdrywe wat verband hou met die vervoer van gesteelde of vervalsde goedere.

Die owerhede sê daar is altesaam 13 verdagtes in aanhouding en 11 word nog gesoek.

Hezbollah wat in 1982 gestig is, het berugtheid in die Weste verwerf toe dit verbind was met die ontvoering van Westerse gyselaars en ‘n reeks bomontploffings teen Westerse teikens.

Hezbollah tree hoofsaaklik op ter wille van Libanon se 1,2-miljoen Sjiïtiese Moslems, die land se grootste enkele sekte.

Hezbollah het oor die jare gegroei tot waar hulle ‘n netwerk van belange bedryf – klinieke, skole, ‘n TV-stasie en ‘n weeklikse koerant.

Александр Фильчаков

VSA wil hê NAVO moet magte na Afghanistan stuur

Die Amerikaanse weermag verwag van NAVO-medelidlande om meer soldate na Afghanistan te stuur indien president Barack Obama sou besluit om nog versterkings te stuur, het die Pentagon gister gesê.

“Dit is duidelik dat as die president sou besluit om addisionele magte tot die stryd in Afghanistan te verbind, daar verwag sou word dat ons bondgenote bykomende magte sal bydra,” het die perssekretaris Geoff Morrell aan ‘n nuuskonferensie gesê.

Oor die afgelope drie jaar het lidlande van die Noord-Atlantiese Verdragsorganisasie op ‘n bestendige grondslag magte na Afghanistan gestuur ná die ontplooiing van Amerikaanse versterkings, het hy gesê.

Morrell sê “die grondwaarheid is dat daar nie ontken kan word dat NAVO aansienlike addisionele magte opgedok het wanneer ons magte oor die afgelope paar jaar bygevoeg het,” en dat dit “soms misgekyk word.”

Omtrent 68,000 Amerikaanse soldate is in Afghanistan gestasioneer saam met ongeveer 42,000 ander buitelandse magte in die NAVO-geleide sending.

Obama het gister onderneem om “die taak af te handel” in Afghanistan en belowe hy sal binnekort sy besluit om nog tienduisende bykomende magte te stuur om insypelaars te beveg, bekend maak.

Die Amerikaanse president sê hy sal die “verpligtinge” van die geallieerdes uitspel en dit duidelik maak dat die “Afghaanse mense uiteindelik in hulle eie veiligheid sal moet voorsien” in ‘n aankondiging voor Donderdag se Dankseggingsvakansie.

Dit is onwaarskynlik dat NAVO-lidlande gou Obama se besluit om meer troepe te stuur met ‘n aankondiging van hulle eie sal volg, het Morrell gesê.

Duitsland, die derde grootste bydraer tot die internasionale sending in Afghanistan, het gesê dat ‘n vergroting van hulle 4,500-sterk mag bepaal sal word nadat Obama se besluit hersien is en na ‘n konferensie wat vir Januarie gereël is.

‘n NAVO-bevelvoerder het gewaarsku dat “Europese lande nie te baie bykomende soldate gaan stuur nie”.

blood suckers game

1,5-miljard rand vir SAUK

Die regering gaan die SAUK vir hulle kykeronvriendelike inhoud met R1,5-miljard beloon.

Die minister van kommunikasie, generaal Siphiwe Nyanda, het tydens dié aankondiging gesê die regering hoop dat dié finansiële inpsuiting deur die regering die SAUK sal help om in sy dringendste behoeftes te voorsien. Dit sluit die betaling van agterstallige skuld in.

Die SAUK se aansoek vir ‘n waarborg van R1,473-miljard is deur die minister van finansies, Pravin Gordhan, goedgekeur. R1-miljard sal onmiddellik aan die SAUK beskikbaar gestel word.

In sy verklaring sê Gordhan dat nuwe beheermaatreëls ingestel sal word om aandeelhouers die versekering te gee dat die geld reg bestee sal word. Dit sluit gereelde bestuursverslae in.

Die oorblywende sowat R473-miljoen sal oorhandig word afhangende van ‘n plan met duidelike geldelike oogemerke en maatreëls om koste te bespaar.

Nyanda het Gordhan en die SAUK bedank vir hulle werk. “Die SAUK is ‘n nasionale bate wat jaloers opgepas moet word deur diegene wat in beheer geplaas is deur Suid-Afrikaners.”

Vroeër dié maand het die SAUK se interimraad aan die parlementêre portefeuljekomitee gesê die uitsaaier sal in 2012 weer winsgewend wees.

Die uitsaaier beplan om alle skulde teen 2014 afbetaal te hê. Hulle is in Oktoberreeds R200 miljoen van die Tesourie toegewys en sal dit tussen November en Maart volgende jaar ontvang om vir plaaslike inhoud te betaal.

Die regeringswaarborg van R1,4 miljard oor vyf jaar, sal “die korporasie in staat stel om geld van instellings te leen”.

Tans staan die verliese op R910 miljoen, maar die uitsaaier sê die syfer is besig om te krimp. Sedert die begin van die finasiële jaar is die SAUK se oortrokke rekening tussen R580 en R600 miljoen.

www free games co uk

Held sterf nadat hy rower skiet

Durban – ’n Man is dood en drie ander ernstig gewond tydens ’n skietery wat tussen omstanders en gewapende mans uitgebreek het tydens ‘n gepoogde rooftog op ‘n hengelwinkel.

Jeff Wicks, woordvoerder van Netcare 911, het gesê die skietery het gister in Sidarweg losgebreek.

Twee mans het Bills Fish Tackle-winkel binnegegaan en die werknemers met vuurwapens gedreig, waarna hulle met R2 000 kontant en voorraad, weggehardloop het.

“’n Omstander wat gesien het wat gebeur het, het ‘n vuurwapen uitgeruk en een van die skurke twee keer in die maag geskiet,” het Wicks gesê.

Wicks het gesê die man het toe saam met nóg twee omstanders, die vlugtende rowers in ‘n bakkie agterna gesit.

Die rowers het hulle in ‘n paarkeerarea ingewag en op hulle gevuur.

Die man wat die eerste rower geskiet het, is noodlottig getref.

“Hy is deur paramedici aan die bestuurderskant van die bakkie in ‘n plas bloed gevind, en het gesterf weens ‘n skietwond in die mond en bors.

“Die twee ander mans is na onderskeidelik die Wentworth-hospitaal en die Bluff mediese sentrum geneem voor paramedici op die toneel verskyn het. Die man wat die bakkie bestuur het, is in ‘n ernstige maar stabiele toestand in die Wentworth hospitaal en ontvang behandeling.”

‘n Derde man veg vir sy lewe in die hospitaal maar daar word nie verwag dat hy sal oorleef nie.

Die polisie soek tans na die rowers wat gevlug het.

Die toestand van die rower wat geskiet is, is nie bekend nie.

play slots free Фильчаков прокурор

Meer haatmisdade in die VSA gerapporteer

Verslae van haatmisdade teen homoseksueles en godsdiensgroepe het skerp gestyg in 2008, volgens data van die FBI wat gister vrygestel is.

Oor die geheel het gerapporteerde haatmisdade met omtrent twee persent toegeneem. Dieslefde syfers toon ‘n amper 11 persent styging in haatmisdade gebaseer op seksuele oriëntasie en ‘n bykanse nege persent gebaseer op godsdiens.

Die grootste kategorie, rasgemotiveerde haatmisdade, het met minder as een persent gedaal.

Joe Solmonese, die president van Menseregte Veldtog, die grootste Amerikaanse homoseksuele-regte groep, het die getalle onaanvaarbaar genoem en gesê dit toon ‘n noodsaaklikheid vir die uitbreiding van die federale haatmisdaadwet wat verlede maand deur president Barack Obama geteken is.

Onder al die kategorieë van haatmisdade hou omtrent ‘n derde verband met vandalisme of saakbeskadiging. Omtrent dertig persent sluit intimidasie van een of ander aard in en nog dertig persent is fisiese aanvalle.

Brian Levin, direkteur van die Sentrum vir die Studie van Haat en Ekstremisme by die Universiteit van Kalifornië in San Bernadino waarsku dat die getalle misleidend kan wees omdat sekere state soos Kalifornië, Nieu Jersey en Ohio die getalle nougeset aanmeld, terwyl ander – Georgia, Hawaii, Mississippi en Pennsylvania – dit nie doen nie.

Konserwatiewe kommentators wys ook uit dat die praktiese toepassing van die wet nie voorsiening maak vir sogenaamde haatmisdade wat deur anderskleuriges teenoor blankes gepleeg word nie.

справки 086у Фильчаков прокурор

Twee Franse in Afrika ontvoer

Twee Franse hulpwerkers is in ‘n plofbare gebied van die Sentraal Afrika Republiek naby die grens met Tsjaad en Soedan ontvoer, het ‘n hulpgroep gister gesê.

Die twee personeellede is van die Triangle-hulpgroep van Lyon, Frankryk en is laat Sondag in Birao in die land se noordooste ontvoer, sê Christian Lombard, die groep se mededirekteur. Hy sê hy kan geen inligting oor die omstandighede of die ontvoerders verskaf nie.

Die Sentraal Afrika Republiek, een van die wêreld se armste lande, is ernstig belemmer deur gevegte in die aangrensende Darfoer-streek in Soedan. Triangle se pogings daar sluit die verbetering van watervoorrade en die bou van skole in, volgens hulle webblad.

Die Franse Buitelandse Ministerie sê hulle “verdoem hierdie kriminele optrede wat, weereens, hulpwerkers tref in ‘n streek waar NRO’s essensiële bystand aan die bevolking lewer.”

Die ministerie het ‘n oproep gedoen vir die “onvoorwaardelike en onmiddellike” vrylating van die gevangenes. In hulle verklaring sê die ministerie dat hulle en die ambassade in die Sentraal Afrika Republiek in nabye kontak is met die hulpgroep en die families van die ontvoerdes.

Die personeellede se identiteit is nie vrygestel nie.

Hamas wil gevangenes vir Israelisoldaat ruil

Hamas-leiers het hulleself gister na Egipte gehaas te midde van tekens van vooruitgang in ‘n ooreenkoms om honderde Palestynse gevangenes vir ‘n Israeli-soldaat wat vir meer as drie jaar deur die militante Islamitiese groep gevange gehou is, te ruil.

Die uitruiling kan Hamas ‘n hupstootjie ten koste van hulle sleutelopponent, die Westersondersteunde president Mahmoed Abbas gee, deels omdat een van die gevangenes wat vrygelaat sal word Marwan Barghouti, sy hoofuitdager, is.

Amptenare aan beide kante het gemaan teen oordrewe optimisme oor ‘n ooreenkoms wat nog beklink moet word. Tog lyk dit of omstandighede aan beide kante ryp word vir so ‘n ooreenkoms.

Israel en Hamas is gewikkel in aan-en-af gespreke sedert Gasa-militantes ‘n tonnel tot in Israel gegrawe en sersant Gilad Schalit in 2006 gevangene geneem het in ‘n strooptog waarin nog twee soldate gedood is. Tot onlang het die samesprekinge wat deur Egipte bemiddel word, weinig vordering opgelewer.

Die Israeli eerste minister, Benjamin Netanyahu is gretig vir ‘n deurbraak. Om Schalit huistoe te bring sal vir hom ‘n groot huishoudelike hupstoot gee en ‘n belangrike diplomatieke deurbraak verskaf in ‘n tydperk waarin die internasionale gemeenskap hom kritiseer dat hy nie genoeg doen om vrede te bevorder nie.

crystal tiaras

Medisynemaatskappy met miljoene beboet oor kanker

‘n Jurie het in Philadelphia in die VSA die Wyeth Farmaseutiese Maatskappy beveel om ongeveer R500-miljoen in strafvergoeding te betaal nadat ‘n skakel tussen borskanker en ‘n hormoonvervangingsmiddel gevind is.

Dit is volgens die prokureur vir die aansoeker, Connie Barton.

Verlede maand het die jurie omtrent R13-miljoen se skadevergoeding in die saak toegestaan en bevind dat Wyeth doelbewus bewyse van ‘n kankerskakel verdoesel het.

Die strafvergoeding vir Barton van Peoria, Illinois, is geseël gehou tot Maandag omdat ‘n ander Prempro-saak in dieselfde hofgebou aan die gang was.

‘n Segsman vir Pfizer Ing. wat onlangs Wyeth bekom het, sê die maatskappy sal die Barton-uitspraak betwis asook nog ‘n uitspraak wat Maandag aangekondig is.

Barton se saak is een van ‘n handvol Prempro-sake wat gereed staan om verhoor te word uit duisende wat regoor Amerika aanhangig gemaak is.

Dlamini-Zuma bespreek nuwe migrasiebeleid met Cosatu

Minister van binnelandse sake, Nkosazana Dlamini-Zuma, gaan Cosatu Dinsdag ontmoet om die ontwikkeling van ‘n nuwe migrasiebeleid te bespreek, het ‘n departementele woordvoerder Maandag aangekondig.

Die ontmoeting met Cosatu se sentrale uitvoerende komitee kom nadat die kabinet goedkeuring verleen het aan die minister om ‘n nuwe beleid te formuleer, sê woordvoerder Ronnie Mamoepa.

“Die behoefte vir ‘n nuwe beleid is van kritiese belang sodat die regering tussen vesrkillende ekonomiese migrante en asielsoekers kan onderskei wat tot dusver opeenhopings in die prosesering van sulke aansoeke veroorsaak het,” sê Mamoepa.

Die ontmoeting met Cosatu se leierskap is deel van ‘n breër konsultasieproses waaar Dlamini-Zuma met die onderskeie rolspelers sal beraadslaag.

“Die doel is om uit te kom by ‘n konsensus oor die basiese beginsels van ‘n nuwe migrasiebeleid,” aldus Mamoepa.

Nadat die konsultasieproses voltooi is, sal die minister aanbevelings aan beide die kabinet en parlement voorlê vir goedkeuring en implementering.

ten play app

Etniese geweld vlam in DRK op

Sektariese geweld het ten minste 100 lewens geëis en 53 000 mense verdryf sedert die einde van Oktober in die Demokratiese Republiek van die Kongo se noordoostelike Orientaleprovinsie, het die VN Maandag gesê.

Verlede Vrydag is twee dorpe aangeval en in die een, Burburu, het 8 000 mense gevlug voor die aanval, volgens die VN se missie, Monuc, in die DRK. Hulle kon nie die aantal sterftes vasstel nie.

Die dorp is 150km suid van Dongo aan die oewer van die Oubangirivier wat die grens is tussen die DRK en die Kongo-Brazzaville. Dinsdag en Donderdag was daar skermutselinge in Sabasaba, 25km suidoos van Dongo waarin ongeveer 10 mense omgekom het.

Die geweld het op 29 en 30 Oktober uitgebreek tussen die Lobalastam, of die Enyele, en die Bamboma-mense, wat onderskeidelik van die dorpe Enyele en Monzaya afkomstig is, maar ook elders woon.

Die geskil tussen die etniese groepe gaan hoofsaaklik oor watergebied wat ryk is aan vis en die twis het geëskaleer na geweld.

Volgens die VN is kapmesse en wapens gebruik in die konflik.

Verskeie mense het verdrink nadat hulle gepoog het om na veiligheid in die Kongo, oorkant die Oubangirivier, te vlug.

Dongo is tans ‘n spookdorp met lyke wat besaai lê in die strate en talle huise en winkels afgebrand.

Ongeveer 53 000 mense het voor die geweld gevlug, waarvan 37 000 na die Kongo volgens die VN se hoëkommissaris vir vlugtelinge. Nog 16 000 is steeds in die DRK volgens Monuc.

Dongo se minister van binnelandse sake, Guy Inenge, het aan AFP gesê die beweegredes agter die geweld is baie dieper as net visvangregte en het dit as ‘n “rebellie” beskryf.

Volgens Inenge is ten minste 400 lede van die MLC, die hoofopposisieparty in die DRK, betrokke by die geweld.

‘n DRK-regeringswoordvoerder Lambert Mende het die Lobala se optrede as “kriminele etniese suiwering” beskryf. Volgens Monuc word “jong lede op die oomblik met behulp van kontant gewerf” om deel te neem aan die geweld.

Monuc oorweeg tans of hulle lug- of rivierpatrollies na die afgeleë gebied sal stuur “om ‘n beter prentjie van die situasie te kry” en “om te help om ‘n oplossing vir vrede te vind,” het ‘n amptenaar gesê.

Лобановский Харьков