Nuus Archives - Page 1508 of 1583

Tutu pleit dat w?reldleiers Olimpiese Spele boikot

Aartsbiskop Desmond Tutu het wêreldleiers dringend versoek om weg te bly van die Olimpiese Spele in Beijing.

Die Nobelpryswenner het ‘n alternatiewe Tibetaanse fakkel aangesteek by ‘n seremonie in Kaapstad oor die naweek.

Hy sê mense moet China laat weet dat dit ‘n morele heelal is. Hulle moet die Chinese vertel om versigtig te wees want daar is geen manier waarop kwaad en ongeregtigheid vir ewig sal voortduur nie.

Hy het op ‘n vraag geantwoord oor China se bereidwilligheid om in gesprek te tree met die Dalai Lama, dat hy hoop dit sal betekenisvolle onderhandelinge wees.

Tutu is ‘n hegte vriend van die Dalai Lama.

SAUK knip program oor besnyding

Nadat die Kongres van Tradisionele Leiers van Suid-Afrika gekla het, het die SAUK ‘n dokumentêre program oor besnydenis enkele ure voordat dit op televisie vertoon sou word, teruggetrek.

Verlede jaar het die raadgewende liggaam ‘n mini-reeks gestop omdat tradisionaliste gemeen het dit is oneerbiedig teenoor besnydenis.

Die dokumentêre program, Rights of Passage, is vir Special Assignment gemaak en kyk na die omstandighede rakende die dood van ‘n 25-jarige student van die Universiteit van Kaapstad, Buntu Majalaza. Hy is oorlede as gevolg van ‘n besnyding wat skeefgeloop het.

Die bekroonde joernalis wat die program gemaak het, Hazel Friedman, sê sy is ontsteld oor die SAUK se besluit.

насосной станции топкарго отзывы

Vodacom kondig bemagtigingstransaksie van R7,5 miljard aan

Vodacom het ‘n swart bemagtigingstransaksie ter waarde van R7,5 miljard aangekondig.

Die selfoonmaatskappy se twee swart vennote is Koninklike Bafokeng Beherend en Thebe-beleggingskorporasie. Die transaksie behels dat Vodacom se Suid-Afrikaanse personeel 25% van die aandele sal bekom en die swart Suid-Afrikaanse publiek 30%. ‘n Verdere 45% sal gehou word deur strategiese vennote.

Koninklike Bafokeng Beherend is die belegginsfirma van die Bafokengstam wat een van die rykste etniese groepe in Suid-Afrika is, te wyte aan tantieme-inkomste van platinummyne in die Noordwesprovinsie.

Thebe-belegginskorporasie behoort aan die Batho Batho-trust, ‘n gemeenskapsgebaseerde organisasie wat die sosiale en ekonomiese ontwikkeling van swart mense en vroue bevorder.

Pjongjang verwelkom Olimpiese fakkel

Noord-Koreane het gister die Olimpiese fakkel met ope arms verwelkom en feestelike optogte gehou om hul lojaliteit aan China te betoon. Mense het in die strate van die hoofstad Pjongjang gedans op die maat van militêre musiek en almal het plastiekblomme rondgewaai.

In teenstelling moes die hoofstad van Suid-Korea, Seoel, die vorige dag ‘n gewelddadige pro-Beijing betoging trotseer toe Chinese studente plaaslike inwoners die harnas in gejaag het.

Duisende Chinese studente is van oral oor Suid-Korea ingebus terwyl hulle Chinese vlae en baniere rondgeswaai het. Vele Suid-Koreane het die optog met uiterste misnoeë gadegeslaan.

Daar was geen veilgheidsmaatreëls nodig om die fakkel in Noord-Korea te vertoon nie. Die Noorde sluit egter enige teenstanders op of laat hulle teregstel volgens menseregtegroepe.

Die fakkel reis volgende na Viëtnam en daarna na Hong Kong.

освещение потолка на топкарго отзыв

Polisie in Mosambiek moor en martel na willekeur

Die polisie in Mosambiek vermoor en martel mense na willekeur, volgens ‘n verslag van Amnestie Internasionaal wat so pas vrygestel is.

Die polisie in Mosambiek dink blykbaar dat hulle oor ‘n lisensie om te moor beskik en die swak polisiebeheerstelsel laat dit toe, sê Michelle Kagari, adjunk-direkteur van Amnestie Internasionaal se Afrikaprogram in die verslag.

Geen ondersoeke word gedoen na menseregteskendings deur polisiemanne nie en ook geen dissiplinêre optrede teen hulle ingestel nie.

Die verslag noem ook dat die Mosambiekse polisie gebuk gaan onder ‘n hoe misdaadsyfer in die land, asook ‘n agterstand van strafsake in die regstelsel en sporadiese aanvalle op polisie deur kriminele elemente.

money casino no

Regters beskuldig mekaar van lafhartigheid en rassisme

Die regterpresident van die Noord-Kaap en waarnemende appèlregter, Frans Kgomo, het ‘n klag teen twee kollegas by die regterlike dienskommissie aanhangig gemaak.

Die twee kollegas, regters Majiedt en Leacock, het Kgomo daarvan beskuldig dat hy ‘n veel meer junior regter, Phule Tlaletsi, as waarnemende regterpresident aangestel het uit rassisme en kwaadwillige gevoelens jeens blanke en kleurlingregters.

Kgomo het ‘n sowel ‘n kleurlingregter, Stephen Majiedt, as ‘n blanke, H. Leacock, oorgesien wat meer senior as Phule Tlaletsi, die mees junior regter op die Noordkaapse regbank, is. Die normale gebruik is vir die tweede mees senior regter om in die hoedanigheid van regterpresident waar te neem tydens laasgenoemde se afwesigheid.

roulette double bet strategy

VSA s? Suid-Afrika moet invloed op Zim gebruik

Suid-Afrika het ‘n beter verhouding met Zimbabwe as enige ander land en behoort sy invloed te gebruik, sê die Verenigde State.

‘n Segsman vir die departement van buitelandse sake, Sean McCormack, het verslaggewers toegespreek.

Hy sê Suid-Afrika moet sy hefboomkrag in die situasie gebruik om ‘n verdere verslegting in die politiese dooiepunt te voorkom.

Terselfdertyd het die MDC-leier, Morgan Tsvangirai, die Verenigde Nasies versoek om ‘n spesiale gesant na Zimbabwe aan te stel om na-verkiesingsgeweld deur die Mugabe-regering te ondersoek.

Die Verenigde Nasies het nie ‘n mening gewaag oor of die Suid-Afrikaanse president enige verdere rol as ‘n bemiddelaar in die krisis kan speel nie.

Sierra Leoners bitter

Die stemming in Sierra Leone is nie feestelik nie, maar bitter. Mense vind dit al hoe moeiliker om kos op die tafel te sit terwyl die land voorberei vir sy 47ste onafhanklikheidsvieringe.

Die hoofdis vir die meeste Sierre Leoners is rys wat die afgelope twee maande verdubbel het in prys.

Hulle moet nou klaarkom met patats, broodwortel en kassava. Mense glo dat opstande onvermydelik gaan word as die regering nie spoedig optree nie.

Die regering wil plaaslike rysproduksie aanmoedig om die land se afhanklikheid van duur invoere te verminder.

Die hoë koste verbonde aan die aanhou van beeste het veroorsaak dat vleispryse ook die hoogte in geskiet het.

‘n Gewone werker het hierdie week aan die media gesê dat hy vroeg soggens sy huis verlaat om sy honger kinders te vermy.

Данильченко Харьков

Penisdiewe veroorsaak paniek in Kinshasa

Die polisie in Kinshasa, die hoofstad van die Kongo, het dertien vermeende toordokters gearresteer wat daarvan beskuldig word dat hulle mans se penisse laat krimp of verdwyn het. Die polisie moes skares tot bedaring bring wat die toordokters wou ophang.

Gerugte van penisdiefstal het verlede week begin loop in die hoofstad van die Demokratiese Republiek van die Kongo met sy agt miljoen inwoners. Radiostasies het die gerugte uitgesaai en inbellers het mense gewaarsku om versigtig te wees vir passasiers in taxi’s met goue ringe.

Slagoffers van penisdiefstal, waarvan die polisie insgelyks veertien in hegtenis geneem het, beweer dat toordokters hulle aangeraak het om hul penisse te laat krimp of verdwyn.

Die polisie het sowel toordokters as hul slagoffers in hegtenis geneem om bloedvergieting te voorkom. In soortgelyke voorvalle tien jaar gelede in Ghana is twaalf vermeende penisdiewe deur woedende skares doodgeslaan. Alain Kalala, wat selfoonlugtyd naby ‘n polisiestasie in Kinshasa verkoop, sê die gevaar is werklik. Hy het ‘n slagoffer gesien. Wat oor was, was klein, sê hy.

базальт для бани цена

Eskom bederf die land met elektrisiteit aanstaande week

Eskom het gister aangekondig dat die land aanstaande week bederf gaan word met elektrisiteit sonder beurtkrag. Vanweë die groot aantal vakansiedae word verwag dat verbruik laer as die normale gaan wees sodat geen kragverminderings nodig gaan wees nie.

Volgens Eskom gaan kragvoorsiening saans egter knap wees, maar kragonderbrekings word nie voorsien nie tensy bykomende probleme opduik.

Intussen gaan groot dele van Kemptonpark, waaronder die sakekern van die stad, nog vir ‘n week sonder krag wees nadat ‘n substasie weens gebrekkige instandhouding afgebrand het.

топкарго