Nog ‘n boer in Limpopo vermoor

Nog ‘n boer van Limpopo is die sesde plaasmoordslagoffer in dié provinsie sedert die begin van Februarie.

Frik van Deventer, 64, is die naweek koelbloedig doodgeskiet op sy plaas, Langwater, in die Waterbergstreek.

Hy is met ’n kopskoot noodlottig gewond, terwyl sy vrou vasgebind en aangerand is.

Die twee rowers het ‘n vuurwapenkluis op die van Deventers se bakkie gelaai en daarmee weggejaag.

Volgens Beeld het hulle later die bakkie gerol en daarna vermoedelik te voet verder gevlug.

Niemand is nog vir die moord gearresteer nie.

Die Limpopo-moord kom slegs ’n dag nadat Jan Wheeler op ‘n plaas naby Marble Hall vermoor is.

play real slots online win real moneyпрокурор Фильчаков

Boer in Limpopo vermoor

‘n 65-jarige boer is Vrydag buite Marble Hall vermoor, het polisie in Limpopo gesê.

“Die verdagtes het vanoggend toegang tot die huis bekom deur die agterdeur te breek. Hulle het Jan Wheeler in die slaapkamer oorweldig,” het supt. Ronel Otto gesê.

Hy was herhaaldelik met ‘n skerp voorwerp gesteek.

“Die verdagte het gevlug nadat hy ‘n paar elektriese huishoudelike toebehore geneem het.”

Hulle het weggejaag met Wheeler se wit bakkie.

Volgens Otto is die polisie op soek na vyf mans wat met die voorval verbind word.

instagram promotion appданильченко юрій броніславович

Mynhuise moet vasgevat word

Dit is hoogtyd dat mynbestuurders vervolg word omdat hulle toelaat dat besoedelde water in ons spruite beland.  Hierdie is egter nie die eerste keer dat die Blesbokspruit besoedel word nie.  Dit is ‘n aaneenlopende tendens.

Die VF Plus kla sedert die begin van 2008 by owerhede om water in die Blesbokspruit te toets en myne wat hulle skuldig maak aan storting hof toe te vat.

Mnr. Wiebe Schultz, VF Plus raadslid van Ekurhuleni Metroraad, sê in 2008 is die drinkwater van die Rolanda Community Hall, Balfour polisiestasie en ‘n laerskool getoets.  Die uitslag was onrusbarend.

‘n Mens sal verwag dat dit juis die Mandela en Zuma-familie is wat versigtig sal wees om hulle nie aan sulke dade skuldig te maak nie.  Dit het weereens bewys hulle gee nie ‘n flenter om vir die omgewing of die voortbestaan van die nageslag nie.

Die VF Plus sal die Blou Skerpioene aanmoedig om hul werk te doen en myne aan die kaak te stel wat die natuur vernietig en mense se gesondheid benadeel.  “Ons het die afgelope jare reeds met baie inwoners oor die probleem gepraat en sal voortgaan om so te doen.  Saam sal ons druk op die regering plaas om mynhuise te stop.”

как называется доска с парусомлобановский александр харьков

Moordadige bestuurders moet in hulle spore trap

“Die Vryheidsfront Plus is deur die ouers van Yvonne van Deventer, wat hierdie jaar deur ‘n taxi op 13 Januarie 2010 doodgery is asook die ouers van Hanjé Pistorius, wat verlede jaar haar been verloor het weens ‘n roekelose motorbestuurder, gevra om die klagtes teen die betrokke aangeklaagdes van nalatigheidsmisdrywe na opsetsmisdrywe te verander.

Die VF Plus het onderneem om met die betrokke aanklaers te skakel en hulle te oortuig, soos die party suksesvol gedoen het in die Bernadine Kruger-saak waar die taxibestuurder toe wel aan moord skuldig bevind is, dat opsetsmisdrywe gepleeg is deur die onderskeie aangeklaagdes,” het adv. Anton Alberts, parlementêre woordvoerder oor Vervoer, gesê.

“Die VF Plus het ook verneem dat die staat moordklagtes gelê het teen die motorbestuurders wat die afgelope week vier persone in Soweto tydens ‘n onwettige motorresies doodgery het. Dit is ook goed dat een van die bestuurders, Jub Jub wat ‘n bekende media-persoonlikheid is, aangekla is sonder enige spesiale behandeling. Dit is tyd dat bestuurders ook besef dat hulle voertuie potensiële moordwapens kan wees en daarom moet daar voorbeelde gemaak word van moorddadige bestuurders,” het Alberts ook gesê.

In die saak van Yvonne van Deventer gaan geargumenteer word dat die staat sal slaag met ‘n moordklag. Die feite dui daarop dat die betrokke taxi in die aand sonder enige ligte aan deur die vierrigting stopstraat gejaag het en Yvonne noodlottig getref het. Volgens die strafregleerstuk van dolus eventualis sal die optrede as opsetlik beskou kan word, omdat die bestuurder die moontlikheid van ‘n noodlottige botsing kon voorsien en homself met daardie moontlikheid versoen het.

In die saak van Hanjé Pistorius word tans gepoog om die aanklagte van roekelose bestuur na die van aanranding en poging tot moord te verander. In die geval dui die feite ook daarop dat die bestuurder kon voorsien dat as hy te na aan Hanjé sou verby ry, hy haar gevolglik kan tref, beseer en selfs dood.

In beide gevalle sal siviele eise ook oorweeg word en in die geval van Bernadine Kruger het die VF Plus ‘n regsopinie aangaande siviele eise van ‘n advokaat ontvang wat binnekort bekend gemaak sal word.

play n goФильчаков прокурор

Los wit belastingbetalers uit

Dr. Conrad BeyersDie Vryheidsfront Plus veroordeel die premier van Gauteng, me. Nomvula Mokonyane, se vyandige uitsprake teenoor wit belastingbetalers in die Tshwane-munisipaliteit. Die VF Plus se leier in Gauteng en LPW, mnr. Jaco Mulder, gaan ‘n dringende gesprek met die Gautengse premier aanvra in verband met haar uitsprake.

Mokonyane het onder andere gesê dat wit inwoners die Tshwane-metroraad geldelik “wurg” en het geïmpliseer dat dit slegs wit mense is wat oor dienslewering kla.

Volgens dr. Conrad Beyers, VF Plus-raadslid in die Tshwane-metroraad, is die Premier óf moedswillig, óf bloot oningelig. Wit belastingbetalers in die Tshwane-metroraadsgebied is tradisioneel die mees getroue belastingbetalers en die metroraad se grootste inkomste kom uit hierdie sektor, al maak wittes slegs 25% van die munisipaliteit se bevolking uit.

Die probleem met die metroraad se finansies gaan juis oor die ANC-beheerde metroraad se onvermoë of onwilligheid om wanbetalers in die lokasies te dwing om vir dienste te betaal.

“Die ANC het nie die politieke wil om streng teenoor nie-betalers in die townships op te tree nie, omdat die ANC bang is om steun daar te verloor. Die ANC teiken eerder wit belastingbetalers, wat getrou belasting betaal, om as verskoning te dien vir hulle swak finansiële bestuur en diensleweringsrekord. Los getroue wit belastingbetalers uit. Behoed die ANC as wittes keelvol raak vir hierdie tipe aanvalle en wel ophou belasting betaal”, het Beyers gesê.

Die VF Plus het ook gesê dat dit ‘n drogrede van die Gautengse premier is dat slegs wittes oor dienslewering kla. “Het die premier nie die reuse-optogte en gewelddadige protes in Mamelodi, die Brits-omgewing en elders oor dienslewering in haar provinsie gesien nie? Dis nie net wittes wat ontevrede is nie. Die ANC is besig om almal, beide swart en wit, op munisipale vlak te benadeel met hulle onvermoë om dienste te lewer.”

игри для дивчатлобановский александр биография

Aardskuddende inhuldiging

Hoor jy ook die dreuning? Morales en LugoAs daar ‘n president is wat sy termyn as staatshoof aardskuddend begin het, is dit dié van die nuwe Chileense president, Sebastian Pinera.

Kort voor sy inhuldiging is die land deur ‘n skudding wat heelwat sterker was as dié wat in Haïti dood en verwoesting gesaai het, getref. Die episentrum van dié nuwe aardskudding, van 7,1 op die Richterskaal, was sowat 100 kilometer van die inhuldiging af.

Die aardskudding wat Haïti getref het, het 6 op die Richterskaal gemeet, presies tien keer so sterk as die skudding van 6 wat intussen ook dood en verwoesting in Turkye gesaai het.

Op 23 Februarie is Chili deur een van die ergste skuddings ooit getref, en meer as 500 mense het omgekom.

Op die foto hierby maak pres. Evo Morales van Bolivia en pres. Fernando Lugo van Paraguy grootoog toe hulle die aardbewing voel. Hulle was in Chili vir Pinera se inhuldiging.

play slots online for free with bonus gamesАлександр Фильчаков Васильевич

Grotes betaal byna niks vir krag

Eskom het geheime ooreenkomste met ten minste 138 groot maatskappye wat byna niks vir elektrisiteit betaal nie.

Sommiges betaal glo so min soos 9c per kilowattuur.

Die gemiddelde prys is blykbaar so laag soos 17c per kilowattuur vir die maatskappye wat ongeveer 40% van Suid-Afrika se elektrisiteit verbruik.

Huishoudings en klein sakeondernemings sal eersdaags 80c per kilowattuur opdok as Eskom se prysverhogings inskop.

Die ooreenkomste is só geheim dat nie eens Nersa daaroor ingelig is nie.

Alhoewel die maatskappye blykbaar ook binnekort effens meer sal moet betaal vir krag, wil Eskom nie die verhogings of dit wat hulle tans betaal, bekendmaak nie.

Eskomwoordvoerder, Brian Dames, het die nutsmaatskappy se geheimhouding oor die aangeleentheid bevestig.

Nie die parlementêre komitees oor energie, openbare werke of die departement van energie is ingelig oor die detail van hierdie ooreenkomste nie.

Die DA se Elza van Lingen, in verwysing na wat tussen die maatskappye en Eskom besleg is, het Donderdag tydens ‘n potrefeuljekomiteevergadering gevra het of die maaatskappye wat tussen 6c en 9c betaal, ook uiteindelik meer sal betaal.

Die direkteur-generaal van die departement van energie, Neliswe Magubane, se reaksie was dat die ooreenkomste ‘n kontraktuele een tussen Eskom en verskillende maatskappye is en dat sy departement geen insae daarin het nie.

Volgens Magubane sê Eskom dat hulle nie besonderhede wil bekendmaak nie aangesien daar “kommersiële sensitiwiteit” ter sprake is.

 

хамам домаФільчаков прокурор

Zuma en kabinet wil toets vir Vigs

Themba Maseko, hoofregeringswoordvoerder, het Donderdag gesê die regering beplan om 15 miljoen Suid-Afrikaners teen Junie aanstaande jaar vir MIV/vigs te toets.

Jacob Zuma, adj.pres. Kgalema Motlanthe en die hele kabinet sal hulleself ook vir dié virus laat toets.

Slegs sowat 2 miljoen mense per jaar word tans getoets.

Dié aankondiging kom nadat die regering te kenne gegee het dat hulle nie jaar na jaar sal kan volhou om die begroting vir teenvigsmiddels te verhoog nie.

Volgens dr. Aaron Motsoaledi, minister van gesondheid, sal daat voortaan baie groter klem op voorkomingsprogramme gelê word.

Die veldtog wat op 15 April in Gauteng afskop, sal fokus op inligting, onderrig, die beskikbaarheid van kondome asook die MIV/Vigs-status van alle Suid-Afrikaners.

instagramлобановский александр компромат

Man lieg oor rooftog

‘n Indiër en sy 18-jarige seun het op ‘n aanklag van meineed voor die hof verskyn nadat hulle gelieg het oor ‘n rooftog.

Raj Veerna, 40, en sy seun, Shanil, het Donderdag voor die landroshof in Oos-Londen verskyn.

“Hulle is in hegtenis geneem toe die polisie uitvind die klag, wat hulle op 5 Maart gemaak het, is vals,” het Supt. Mtati Tana gesê.

Die twee het aan die polisie gesê hulle is langs die pad van twee maande se salaris beroof toe hulle motor onklaar geraak het.

Dit het egter later geblyk dat die Veerna’s hulle werkgewer se motor gesteel het en pakke lekkers wat in die voertuig was, sonder toestemming verkoop het.

Hulle het die geld vir hulself gehou en gesê dat ‘n groep onbekende mans hulle beroof het.

Die twee word van diefstal en meineed aangekla en sal 18 Maart voor die hof verskyn.

купить машину на радиоуправлениитопкарго развод

Pretoria-inwoners ”n klomp rassiste’

Gauteng se premier, Nomvula Mokonyane, sê wit inwoners van Pretoria is “’n klomp rassiste”.

Beeld het haar gevra of sy die siening van Sicelo Shiceka, minister van koöperatiewe regering, dat die hoofstad op plaaslike regeringsvlak swak bestuur word, deel.

Vullisstakings en bewerings van wanbestuur is die afgelope tyd van die probleme waarmee die inwoners te kampe het.

Volgens Mokonyane is wit belastingbetalers in Pretoria ’n bykomende struikelblok vir Tshwane.

Sy het Afriforum en die belastingbetalersunies as die probleem uitgesonder.

Lees verder.

тамбов жидкоелобановский обыск