Nuus Archives - Page 1256 of 1583

Swart mans gevaarliker as varkgriep

Swart mans is glo gevaarliker as varkgriep. 'n Groep aktiviste en ministers wil hê president Obama moet dadelik MIV/Vigs as 'n openbare gesondheidskrisis onder Afro-Amerikaanse gemeenskappe verklaar.

Pastoor Calvin Butts, voorsitter van die Nationale Swart Leierskapkommissie oor VIGS, meen "dit is meer gevaarlik as varkgriep en ek hoop die land sal besef dat indien ons dit oplos, ons ander gesondheidskwessies sal kan takel."

Die helfte van alle nuwe MIV-infeksies kom voor onder swart Amerikaners en sterftes agv daarvan is ook die hoogste onder swartes. Dit is die vierde grootste oorsaak van dood onder swart mans en die derde onder swart vroue.

Charlie Rangel, Kongresverteenwoordiger uit Harlem, NY, het 'n beroep op president Obama gedoen om MIV/Vigs as 'n epidemie onder swart Amerikaners te verklaar en ook gevra dat 'n grondige studie gedoen word oor waarom die koers van besmetting so buitengewoon hoog onder swart Amerikaners is.

справка в спортивную

Grap oor Obama kos voorsitter van ABC sy werk

Spotprente, hekelstukke, afbeeldings die afgelope agt jaar van George Bush, Amerika se vorige president, wat hom as 'n onnosel, nie-lesende sjimpansee voorstel, of 'n oorlogsugtige idioot is blykbaar presies wat 'n blanke man verdien.

Maar 'n e-pos van die Withuis se grasperk wat in 'n waatlemoenland omskep is kan jou jou werk kos. Dit het die ABC (Alcoholic Beverage Commission) van Noord-Carolina se voorsitter Doug Fox ontdek nadat hy die e-pos rondgestuur het.

Die goewerneur van die Amerikaanse deelstaat, Goewerneur Beverly Purdue, het in haar verklaring gesê sulke e-posse is kwetsend en onaanvaarbaar.

Die e-pos getiteld "How true" se foto is voorsien van 'n onderskrif wat lui "There goes the neighborhood…" verwysende na die feit dat Barack Obama nou in die Withuis woon.

Die e-pos is 'n week of twee nadat Obama as president verkies is van Fox se regsfirma se adres gestuur.

Fox is nie die enigste slagoffer van die grap wat duisende reeds ontvang en rondgestuur het nie. 'n Burgemeester van 'n klein dorpie in Suid-Kalifornië, Los Alamitos, moes ook in Februarie bedank weens dieselfde e-pos wat hy aangestuur het.

Die voorsitter van die Legislative Black Caucus, Alma Adams, het die stap om Fox af te dank verwelkom. "Dis van swak gehalte," het Adams gesê. "Dit beledig ons president."

joc pool

SA onder top 50 kubermisdaadlande

IT-spesialiste het gewaarsku dat kuberkriminele besig is om te probeer om geld te maak uit Fifa se Konfederasiesokkerbekertoernooi en die 2010 Wêreldbeker.

Die aantal krakers wat 'n vinnige winsie uit die adverteer van baie goedkoop kaartjies en verblyf wil maak, het toegeneem volgens The Times.

Candid Wuest, 'n bedreigingsnavorser by Symantec, sê die aanbiedinge "wat te goed klink om waar te wees, is nie waar nie." Sy het mense gemaan om eerder kaartjies van amptelike webwerwe te koop.

Veral mense wat voorgee om die laaste twee kaartjies vir 'n sekere wedstryd te smous gaan toeneem soos die toernooi nader kom, het sy gewaarsku. Voornemende kaartjiekopers moet dan ekstra versigtig wees.

Die waarskuwing kom kort na die vrystelling van Symantec se Internetveiligeheidsverslag wat wys dat kubermisdaad in ontwikkelende lande, veral in Afrika, aan die toeneem is.

Luidens die verslag is Suid-Afrika onder die top vyftig misdaadlande.

зарядное устройство

Bestuur van Cahora Bassa weet van niks

Die bestuur van die Cahora Bassadam sê hulle was nie ingelig oor die buitelandse komplot om die hidroelektriese skema te vernietig nie. Volgens die Mosambiekse sentrale nuusagentskap AIM, het hulle van niks geweet nie.

"Dit kom as 'n yslike verrassing vir ons. Die polisie het ons hoegenaamd nie daaroor ingelig nie," het Paulo Muxanga, voorsitter van die dam se bestuursliggaam HCB, aan AIM gesê.

Muxanga sê hy het eers van die beweerde komplot te hore gekom deur mediaberigte.

Die polisie het beslag gelê op 500kg van 'n korrosiewe middel wat gebruik sou word om die turbines te vernietig, maar die middel is nog nie geïdentifiseer nie.

Suid-Afrika se departement van buitelandse sake het Woensdag konsulêre toegang gevra na die Suid-Afrikaner in aanhouding.

Televisao de Mozambique, die nasionale uitsaaier, het gesê president Armando Guebuza het die bevolking om kalmte gemaan.

Александр Фильчаков

Man in Kaapstad getoets vir varkgriep

Dokters in Kaapstad wag vir die uitslae van toetse om vas te stel of 'n man van Kaapstad varkgriep, A(H1N1), onder lede het. Die uitslae sal Donderdag bekend gemaak word.

Dr Stefan Smuts, nasionale bestuurder van die Kaapstadse Medi-Clinic se nooddienste, sê smere en bloedmonsters is van die man geneem.

Die pasiënt word sedert Maandag in afsondering in die hospitaal gehou. Hy het onlangs teruggekeer uit Argentinië met griepsimptome.

"Dit sluit 'n koors van hoër as 38 grade, hoes en 'n loopneus in sowel as die feit dat hy na 'n land gereis het wat 'n hoofprobleem verteenwoordig… Ons hou hom vir observasie," het Smuts gesê.

Die man se identiteit kon nie bekend gemaak word nie.

Daar is reeds 1884 gevalle van varkgriep wêreldwyd aangemeld. Suid-Afrika het nog geen geval aangemeld nie.

палатки киев

Botswana se nuwe mediawet onder vuur

'n Regsgeleerde wat uitgewers in Botswana verteenwoordig, het gesê hulle het die eerste stap geneem wat hopelik sal lei daartoe dat 'n nuwe mediawet ongrondwetlik verklaar sal word.

Batsho Nthoi, prokureur, sê die regering is Woensdag in kennis gestel dat hulle gedagvaar gaan word oor die wet.

Die uitgewers en mediaregtegroepe sê die wet wat verlede jaar aanvaar is, bedreig die grondwetlike beskerming wat vryheid van spraak geniet. Die regering meen egter dat die wet mediavryheid waarborg en etiese standaarde bevorder.

Die veelbesproke wet maak voorsiening vir 'n mediaraad met 'n klagte- en appelkomittee waarvan die lede deur die minister van kommunikasie aangestel word. Botswana het reeds 'n onafhanklike, selfregulerende persraad en regslui meen die regering is besig om te probeer om staatbeheer oor die media uit te oefen.

super slots no deposit bonus

SA vroue slagoffers van intieme geweld

'n Vrou in Suid-Afrika is ses keer meer aan die dood blootgestel as op enige ander plek ter wêreld, danksy geweld deur 'n persoon waarmee sy 'n intieme verhouding het.

Tydens 'n konferensie oor die onderwerp van seksuele geweld het professor Rachel Jewkes van die Sexual Violence Research Initiative gesê, is "vyf-en-twintig persent van vroue oor die algemeen en tussen 40 en 50 persent in teikengroepondersoeke slagoffers van intieme geweld."

Die konferensie is daarop gemik om oplossings te vind om sulke geweld te kan verhoed. Sy het gesê meer as 40% van mans is gewelddadig teenoor vroue.

Daarbenewens is daar geloofwaardige getuienis wat daarop dui dat vroue wat mishandel word en mans wat dit aan hulle doen, meer geneig is om MIV-positief te wees.

"Mans wat geweld teenoor vroue pleeg is meer as twee keer meer geneig om MIV-positief te wees," het sy gesê.

Suid-Afrika het daarbenewens die hoogste alkoholgebruik per capita ter wêreld, het die konferensiegangers gehoor. Daders is dikwels onder die invloed en vroue die slagoffers. "In tweederdes van die gevalle waar vroue deur 'n intieme eggenoot vermoor word in die Wes-Kaap, is die bloedalkoholvlak twee keer hoër as wat 'n bestuurder wettig mag inneem."

детский хоккей игра

Varkgriepvrees neig soms na die absurde

Die arme Meksikane is deesdae ongewild die wêreld oor. Die uitbraak van die H1N1-virus, oftewel varkgriep, in Meksiko, sorg ook dat die toerisme na die land dramaties afgeneem het. In Meksikostad staan 85% van alle hotelkamers tans leeg.

Maar vrees vir die siekte neig soms na die absurde.

In Nieu-Seeland beveel die owerhede aan dat mense met loopneuse en koors self na die naaste hospitaal bestuur en drie maal toeter blaas daar aangeland. Daarna moet hulle in die voertuig wag totdat hulle na die naaste kwarantynkamer vergesel kan word deur 'n dokter of verpleegster. Die raad is afkomstig van die "Griepbeheerprotokol", berig die Nieu-Seeland Herald.

Parys se lughawens het min of meer tot stilstand gekom omdat personeel wat bagasie sorteer weier om tasse van Meksiko en Spanje af te laai. Honderde passasiers is reeds verontrief en vertraag daardeur.

In Chile, in Viña del Mar, is die besoekende sokkerspan van Meksiko soos melaatses behandel. Die besoekers was so ontstig deur die kille onvriendelikheid van hul gashere, dat een speler in weerwraak in sy teenstander se bakkies gaan hoes het om daarna selfvoldaan te verklaar: "Nou ja, ek het jou so pas met varkgriep aangesteek!"

En laastens het Egipte, 'n oorwegend Moslemland, besluit dat varke die vark in die verhaal is. Die Egiptiese owerhede het gelas dat 350 000 varke van kant gemaak word ten spyte daarvan dat die virus van mens tot mens oorgedra word eerder as van vark na mens.

Obama wil sy familiegeskiedenis in Duitsland navors

President Barack Obama gaan nie met sy volgende besoek aan Duitsland saam met Kanselier Merkel afgeneem word nie. Trouens hy gaan nie eers in Berlyn aandoen nie.

Die Amerikaanse president wil eerder besoek bring aan Dresden en Buchenwaldkonsentrasiekamp om sy persoonlike familiegeskiedenis na te vors. Sy besoek aan Duitsland in Junie sal dus geen amptelike besoek wees nie.

Dit het Dinsdag aan die lig gekom dat 'n verkennende span reeds in die voormalige Oos-Duitse stad Dresden aan die Elberivier besig is om moontlike akkomodasie vir die president te soek.

Obama se grootoom, Charlie Payne, het in die 89ste Infanteriedivisie gedurende die Tweede Wêreldoorlog gedien. Hy het glo deelgeneem aan die bevryding van Ohrdruf, 'n satellietkamp van Buchenwald.

Die Duitse regering help tans aan die voorbereidings vir die besoek, wat 'n draai in Normandië in Junie mag insluit.

Kenners meen die ongewone reëlings is 'n verskoning vir die VSA om bande met Duitsland te probeer versterk, sonder om 'n amptelike besoek aan te kondig. Kanselier Merkel het nog nie besoek aan die Withuis gebring nie.

Diplomate beskryf die verhoudinge tussen die VSA en Duitsland op die oomblik as een van "wedersydse strategiese geduld".

детские куклы

Boereorkes vermaak Vrystaatse wetgewerlede

Honderde gaste het reeds aangekom by die Mangaungsportsentrum in Bloemfontein Woensdagoggend om die inhuldiging van lede van die Vrystaatse wetgewer by te woon.

Die sportsentrum is opgetooi met volvloermatte en swart en goue behangsels vir die geleentheid. 'n Rooi tapyt van die sportsaal se ingangsportaal strek voorts tot by die ingang van die nuutopgerigte kantore.

Buite staan groepe opgewonde gaste en gesels terwyl Greykollege se Boereorkes die wagtendes vermaak.

Sowat 29 nuwe lede sal ingehuldig word. Die ANC het 22 lede, die KVP (Cope) het drie, die DA drie en die VF+ een.

Ace Magashule, die ANC se provinsiale voorsitter, sal later vandag by 'n ander geleentheid as premier van die Vrystaat ingesweer word.

promoted posts