Nuus Archives - Page 1049 of 1583

Wulff nou skaapwagter

Wulff, of dan “Wolf” is nou “skaapwagter” maar eers na twee slaggate getref is

Christian Wulff is pas as Duitsland se nuwe president aangewys.

Dié grootliks seremoniële amp is vakant gelaat nadat sy voorganger die sonde gepleeg het om ‘n politieke uitspraak oor Afganistan te maak.

Wulff, wat tot sy presidentsverkiesing die premier van die deelstaat Nedersakse was, kon eers in die derde rondte stemming in die Bondskongres die pyp rook.

Omdat hy deur die Christen-demokratiese en liberale regerende koalisie genomineer was, was die verwagting dat hy reeds met die eerste rondte ‘n volstrekte meerderheid sou behaal. Dat dit eers in die derde rondte kon gebeur, toe ‘n volstrekte meerderheid nie meer nodig was nie, versterk vermoedens dat alles nie so wel in die regerende koalisie is nie. Parlementslede het per geheime stem hul keuses uitgeoefen.

Uitspraak vandag in Selebi-verhoor

Uitspraak in die verhoor van die nasionale polisiekommissaris Jackie Selebi se korrupsieverhoor word vandag in die Suid-Gautengse Hooggeregshof gelewer.

Selebi staan tereg op korrupsie in verband met tot R1,2m wat hy na bewering van verskeie mense in ruil vir gunste ontvang het, asook aanklagte van dwarsboming van die gereg.

Gedurende die finale argumente vroeër in Junie, het die staatsaanklaer Gerrie Nel gesê dat die staat Selebi se skuld bokant redelike twyfel bewys het, terwyl die verdedigingsadvokaat Jaap Cilliers gepoog het om twyfel oor die getuienis van Glen Agliotti, die staat se hoofgetuie, te saai.

Nel het gesê dat alhoewel Selebi verseker het dat geen papierspoor bestaan van die omkoopgeld wat hy van Agliotti en die Kebble-mynfamilie ontvang het nie, die staat nietemin sy skuld bewys het.

Cilliers het getuienis uitmekaar geskeur wat deur Agliotti gelewer is en gesê die staat het sy hele saak gegrond op ‘n “oneerlike, gevaarlike man” en “valse beweringe teen Selebi”.

Selebi het skuld op al die aanklagte teen hom ontken.

мультики машинки прокурор Фильчаков

Turkse vloermoere namate Armeense volksmoord se eeuherdenking naderkom

Die Turke se volksmoord op tussen ‘n miljoen en een en ‘n half miljoen Armeniërs spook steeds by die Turkse owerhede, al word dit na amper ‘n 100 jaar steeds ontken. Armeniërs is besig met voorbereidings om die geleentheid, wat in 1915 in alle erns begin het, se “eeufees” te herdenk.

Die jongste Turkse vloermoer het die aandag van Verslaggewers sonder Grense getrek toe Turkse Radio en TV Opperraad beslis het dat ‘n program wat vir die private stasie, Hebertürk, vervaardig is, nie uitgesaai mag word nie . Een van die deelnemers, van Armeense herkoms, het die doodsonde gepleeg deur terloops na die volksmoord te verwys. Die program sou op 13 Julie uitgesaai gewees het.

Die opname is in Maart gedoen, enkele dae na die Amerikaanse kongres se buitelandse sakekomitee ‘n resolusie aanvaar het om die gebeure van 1915 tot ‘n volksmoord te verklaar.

In plaas van om die program uit te saai, moet die TV-kanaal nou ‘n program uitsaai wat deur die Opperraad voorgeskryf word.

Intussen word berig dat Armeniërs reeds ver gevorder het in die versameling van bewysstukke vir die volksmoord, wat onder meer argiefmateriaal oor lang uitsettingsmarse bevat wat so beplan is dat die Armeniërs dit nie sou kon oorleef nie. Ander is gewoon sistematies afgemaai.

Vir die Turke, wat dekades lank ‘n verturksing van die heterogene bevolking beoefen het, was die Armeniërs ‘n groter klip in die maag as die Koerde, wat net soos die Koerde van Indo-Germaanse herkoms is. Die Armeniërs, anders as die Koerde, is tradisioneel Christene na dié volk onder die heel eerstes was wat gekersten is.

Suid-Afrika het vroeër vanjaar nouer betrekkinge met Turkye aangeknoop.

online slot

Amerikaanse toeris in Johannesburg geskiet

‘n Amerikaanse toeris is tydens ‘n rooftog in Johannesburg geskiet, net nadat hy van die Gautrein afgeklim het om sy vakansie in Suid-Afrika te begin.

‘n Woordvoerder vir die polisie, luitenantkolonel Leon Engelbrecht van die Wêreldbeker-gesamentlike-operasiesentrum, het gesê die 35-jarige David Bueche is aangerand en in die arm geskiet nadat hy Marlboro-stasie net ná 21:00 Woensdagaand verlaat het.

“Hy het in Northwaystraat van die Gautreinstasie na ‘n jeugherberg gestap,” het Engelbrecht gesê. “Hy is aangerand, geskiet en beroof deur vier mans in ‘n onbekende voertuig.”

Bueche het so pas die land aangekom en het die Gautrein van Johannesburg-lughawe na die Marlboro-stasie geneem. Hy is na die Sunninghill-kliniek geneem waar sy toestand as stabiel beskryf word.

“Hy is met vakansie hier en nie vir die wêreldbeker nie,” het Engelbrecht gesê.

Geen inhegtenisnames het nog geskied nie.deposit free

Afrikaners geniet sokkerkyk

SuperSport het ‘n opname onderneem oor kykertalle tydens die eerste drie weke van die Wêreldbekersokkertoernooi.

Clinton van der Berg, SuperSport se kommunikasiehoof, het Woensdag aan Nuus24 gesê die Wêreldbekergeleentheid het ‘n “onverwagte en dramatiese toename” ‘in die getal Afrikaanse sokkerkykers tot gevolg gehad.

‘n Rekordgetal van 341 000 Afrikaanssprekendes het na die openingswedstryd tussen Suid-Afrika en Mexiko gekyk. Slegs 20 000 Afrikaners volg gemiddeld ‘n wedstryd in die Engelse Premierliga.

Van den Berg het nie aangedui of Afrikaners sal aanhou kyk nadat Bafana se swart span uitgeval het nie.

“Afrikaanse kykers het boonop gesorg vir 21% van kykertalle in alle wedstryde van die toernooi, terwyl 33% van die kykers met Bafana se drie wedstryde Afrikaans was,” het hy gesê.

Dit was saam met Engelssprekende televisiekykers, ook 33%, die meerderheid.

Desnieteenstaande verkies Afrikaners die ovaalbal bo die ronde een, en trek rugby steeds meer kykers.

сканер прокурор Фильчаков

SA se bedenklike wapenverkope

“Die ou politiek-wetenskaplike gesegde stel dit dat lande in die internasionale politiek nie vriende het nie, net belange. Met die ANC se bewindsaanvaarding is grootliks van hierdie konsep afgestap, en is vriendskapsbande dikwels weens historiese bande gehandhaaf – dikwels met van die wêreld se bekendste muishondlande soos Libië en Kuba. Dit het selfs tydens SA se roterende voorsitterskap van die VN se Veiligheidsraad verleentheid veroorsaak deur vir die bewind in Mynamar en Soedan in die bresse te tree.” So sê die leier van die Christen-Demokratiese Party (CDP) en wnde voorsitter van die Christen Demokratiese Alliansie (CDA), ds. Theunis Botha.

“Of die onthullings oor lande aan wie SA die afgelope tien jaar wapens verkoop het, aan misplaaste solidariteit of gewoon onnodige landmyn-aftrappery op die internasionale toneel te wyte is, is moeilik om te sê.

“Suid-Afrika moet kennis neem dat daar ‘n toenemende wêreldwye besef is dat moraliteit nie maar klakkeloos deur belange onder die mat ingevee kan word nie. Volgens die Ceasefire Campaign het Suid-Afrika tussen 2000 en 2009 wapens aan 58 bedenklike lande verkoop.

“Die verkoop van wapens aan korrupte diktature is nie maar net nog ‘n sinnelose diplomatieke flater soos om pres. Robert Mugabe na die amptelike opening van die Wêreldbekersokkertoernooi te nooi nie. Wanneer wapens eers in die hande van tiranne, dwelmkartelle en terroristegroepe kom is dit moeilik om te sien hoe die land se belange in enige opsig gedien word.”

камни для бани

Engelse kleedkamerindringer los

‘n Sokkeraanhanger van Engeland, Pavlos Joseph, wat glo deur David Beckham ná ‘n Wêreldbekerwedstryd in die Engelse kleedkamer betrap is, is Woensdag vrygelaat ná hy ‘n boete van R750 betaal het.

Joseph is verlede week aangekla nadat hy op 18 Junie die Engelse span se kleedkamer in die Kaapstad-stadion ná ‘n wedstryd onwettig binnegegaan het.

Joseph het glo die voormalige Engelse speler David Beckham gekritiseer oor die span se swak spel.

Die sokkergeesdriftige het egter volgehou dat hy die badkamer per abuis betree het.

Adv. Craig Webster het aan die landdros gesê Joseph se regspan het voorstelle aan die Wes-Kaapse direkteur van openbare vervolging gemaak.

Die voorstelle was suksesvol en daar is besluit dat Joseph ‘n boete mag betaal.

Joseph het Dinsdag betaal.

Daar is ook gevra dat die aanklagte teen Joseph laat vaar moet word. Die landdros het ingestem.

Joseph het nie die hofverrigtinge Woensdag bygewoon nie.

Intussen het polisiehoof Bheki Cele by ‘n mediabyeenkoms oor die aangeleentheid gesê die betreding was ‘n beplande daad volgens inligting wat die polisie bekom het, om die SAPD in die verleentheid te stel.

купить домкраты Александр Фильчаков

Huis van munisipale bestuurder afgebrand

Die huis van ‘n munispale bestuurder in Mpumalanga het afgebrand, het die provinsiale polisie Woensdag gesê.

Brandstigting word vermoed.

“Die bestuurder van Dr JS Moroka Plaaslike Munisipaliteit was omstreeks 21:00 besig om saam met sy familie televisie te kyk toe die huis in vlamme gehul is,” het kapt. Leonard Hlathi gesê.

Die huis in Marabastad, Siyabuswa is sowat R1,1 miljoen werd.

“‘n Voorlopige ondersoek dui aan dat ‘n persoon het verby die huis geloop, ‘n petrolbom gegooi en toe verdwyn.”

Niemand is in die voorval beseer nie, en geen arrestasies is nog gemaak nie, het Hlathi gesê.

Die polisie ondersoek ‘n saak van brandstigting.

Александр Фильчаков

VSA: Reg om vuurwapens te dra bevestig

In ‘n stap wat deur liberale Amerikaners as “die herinstelling van die Wilde Weste” beskryf word, het die VSA se hoogste hof (Supreme Court) beslis dat owerhede se mag om burgers se reg in te perk om vuurwapens te dra, grondwetlik beperk is.

Die saak wat by teenstanders ‘n beeld oproep van Billy the Kid en ander wat op straat oproep, spruit uit ‘n verbod van 30 jaar in Chicago op die dra van vuurwapens. Dié kwessie word sedert 2008 in die howe betwis, en nou net vyf van die nege opperregters in die vuurwapenvoorstanders se guns beslis. Hulle mag nou weer hul reg uitoefen om vuurwapens vir selfverdediging te dra.

Na raming besit die ongeveer 300 miljoen Amerikaners saam sowat 200 miljoen vuurwapens, en jaarliks sterf sowat 30 000 Amerikaners aan koeëlwonde.

Aksies, soos amnestieaksies word periodiek gehou om burgers die geleentheid te bied om onwettige wapens straffeloos in te lewer. Met ‘n onlangse aksie in New York het die oë gerek toe ‘n persoon ‘n klein kanonnetjie ingehandig het. Ook ander oorlogstuig waarmee gewone burgers vorendag kom, laat maak die amnestie-aksies alles behalwe vervelig.

ігри для дєвачек

Beste stede ter wêreld lê wyd – of nie?

In 2008 het Kaapstad in ‘n opname onder 25 000 lesers van twee Britse koerante die titel van “beste stad ter wêreld” verower. Johannesburg tel onder een van die mees bekostigbare stede ter wêreld, maar omdat die beskikbare tabelle gewoonlik van die duurste af werk, en dan net die eerste 50 lys, is dit moeilik om sinvol Suid-Afrikaanse stede met die buiteland te meet.

Hoe vaar Afrikastede se aantrekkingskrag as wetenskaplike peilings gebruik word?

Die stad wat die duurste vir buitelanders is om in te woon en twee van die drie duurste stede is in Afrika, blyk uit Mercer se jongste opname. Luanda, die Angolese hoofstad, klop nou Tokyo as die stad waar buitelanders die gordel die styfste moet intrek, met N’Djamena in Tsjad in die derde plek. Hulle word deur Moskou en Genève gevolg.

Op verlede jaar se lys van duurste stede was Tokio die duurste, gevolg deur Osaka, Moskou, Genève, Hong Kong en Zürich. Hierdie lys kan egter nie vergelyk word met die lys van duurste stede vir buitelanders om in te woon nie, omdat wisselkoerse ‘n reuse verskil maak. Afrikastede soos Lagos, Dakar en Algiers kom eers van die 28ste posisie af aan die beurt.

Onder die “beste stede om in te woon” word die top-drie ingeneem deur Duitssprekende stede, Wenen in Oostenryk, en Zürich en Genève in Switserland. Stede in Duitsland onder die top tien sluit in Düsseldorf, Frankfurt en München. Bern in Switserland is in die 9de plek. Geen Afrikastad tel onder die top 50 nie.

Geen Afrikastad tel ook onder die top 50 op die eko-ranglys nie. Hier neem stede in Kanada, die VSA (Honolulu), Finland en Nieu-Seeland die topposisies in.

Waarnemers waarsku dat dit ‘n uiters komplekse proses is om geldgewys te bepaal waar dit die lonendste is om te woon. Huispryse is nie altyd in ooreenstemming met ander lewenskoste nie. Boonop, voor ‘n mens trekplanne kry, moet ‘n mens vasstel hoe betalend die persoon se beroep in die nuwe bestemming is. Dit help weinig om agter goedkoper lewenskoste aan te trek, maar daar ‘n hongerloon te verdien.

рубашки для девочек Данильченко Харьков