Nuus Archives - Page 996 of 1583

Japan: Risiko vir radioaktiewe uitstraling ‘hoog’

Japan se kernkrisis het Dinsdag dramaties verdiep. Terwyl veiligheidsamptenare desperaat probeer het om die ramp te voorkom, het die regering gesê radioaktiewe materiaal lek uit reaktors en kan ‘n “impak op menslike gesondheid” hê. Hulle het ook aangedui dat die risiko van meer lekkasies “baie hoog” is.

In ‘n nasionale televisieverklaring, het Japan se eerste minister Naoto Kan gesê dat die bestraling versprei het van die Fukushima Dai-Ichi kernkragsentrale in die Fukushimaprovinsie.

Hy het inwoners gewaarsku wat in binne ‘n radius van 30 kilometer van die aanleg woon, om binnenshuis te bly.

“Die vlak lyk baie hoog, en daar is nog steeds ‘n baie hoë risiko van meer uitstraling,” het Kan gesê.

“Dit is lesings wat potensieel mense se gesondheid kan benadeel,” het hy gesê.

Japannese amptenare het voorheen gesê stralingsvlakke by die aanleg is binne veilige perke, en internasionale wetenskaplikes het gesê hoewel daar ernstige gevare is, is daar min gevaar van ‘n ramp soos Tsjernobil in die Oekraïne, waar die reaktor ontplof het en ‘n radioaktiewe wolke oor groot dele van Europa gestuur het.

In teenstelling met die aanleg in Japan, was die Tsjernobilreaktor nie gehuisves in ‘n verseëlde houer nie. Japannese owerhede gebruik tans seewater as ‘n afkoelmiddel as die laaste uitweg.

Bemanningslede van die militêre Amerikaanse skip Ronald Reagan het lae vlakke van bestraling opgedoen ná reddingspogings in Japan, het die VSA Maandag gesê. Hulle kon egter die radioaktiewe stowwe met seep en water afwas.

Bestraling in die lug rondom die reaktors sowel as op vliegtuie wat oor die area gevlieg het, is aangeteken.

Nog haatspraak en rassisme

SADOU-voorsitter, Moss Senye, se haatspraak en rassisme teenoor me. Barbara Creecy, Gautengse LUR vir onderwys, spesifiek en wit mense in die algemeen. Die party gaan die Menseregtekommissie vra om die gedrag te ondersoek vir verdere optrede,” het adv. Anton Alberts, VF Plus-parlementêre woordvoerder oor basiese onderwys, gesê.

Senye het Creecy verlede week ‘n “wit tiran wat net op wit skole fokus” genoem. Hy het Maandag in die Meadowlands landdroshof in Soweto verskyn nadat hy verlede maand ‘n 17-jarige leerling na bewering aangerand het.

Daar heers groot ongelukkigheid oor Senye se gevolglike skorsing en aanklag en polisielede het hulle hande vol gehad om die skare in bedwang te hou by die hof.

“Hierdie tipe uitsprake kom toenemend voor en dit blyk nou dat ‘n kultuur van haat jeens minderhede ‘n norm geword het binne die ANC en sy verskeie alliansie-vennote. Selfs wit mense en bruin mense binne die ANC is nie meer veilig nie. Kyk net hoe het die ANC hulle oor mnr. Trevor Manuel in die Manyi-sage uitgelaat en nou het ons ‘n ANC-unie voorsitter wat ‘n provinsiale minister op grond van ras belaster,” het Alberts bygevoeg.

“Hierdie tendens is uiters kommerwekkend en sal deur die ANC aangespreek moet word. Dit lyk al hoe meer of die ANC hom opstel teen minderhede in Suid-Afrika. Indien dit die geval is, gaan die ANC ‘n hoë prys daarvoor betaal in die uitrafel van sosiale kohesie en stabiliteit in die toekoms,” meen Alberts.

Manuel op dun ys

‘n Beleërde Trevor Manuel, wat blykbaar in die ANC gemarginaliseer word na aanleiding van sy aanval teen die regeringswoordvoerder Jimmy Manyi, staar ‘n verdere terugslag in die gesig.

The Wall Street Journal (WSJ) het Manuel hierdie week aangehaal waar hy bitsig uitvaar teen die Zuma’s.

Manuel, die hoof van die Nasionale Beplanningskommissie, het gesê die ArcelorMittal SA-bemagtigingstransaksie “is die lelikste gesig van (SEB), maar nie die enigste geval nie”.

President Jacob Zuma se seun, Duduzane Zuma, en die omstrede Gupta-broers, goeie vriende van die Zuma-familie, kry die leeue-aandeel as deel van die ooreenkoms.

Volgens ‘n artikel in die Sunday Times, het Manuel ontken dat hy dié kommentaar gelewer het.

Sy kantoor het ook gesê Manuel het nooit iets gesê aan die WSJ oor die ooreenkoms nie.

Maar volgens WSJ se joernalis Peter Wonacott het Manuel beslis die opmerking tydens ‘n onderhoud in Addis Abeba, Ethiopië, in November gemaak.

“Natuurlik het hy die kommentaar gemaak. Hulle kan nie dit doodswyg deur te ontken dat dit gebeur het nie,” het Wonacott gesê.

Die artikel het beweer dat SEB een van verskeie kommerpunte vir buitelandse beleggers is, veral in die mynbedryf.

“Die gevolg is dat een van die wêreld se rykste lande in mineraal-en metaal sukkel om beleggings te lok,” het die WSJ gesê.

Manuel het onder skoot gekom van ‘n aantal ANC-swaargewigte nadat hy Manyi ‘n “ergste graad-rassis” genoem het na aanleiding van Manyi se opmerkings verlede jaar dat daar ‘n “ooraanbod” van die bruin mense in die Wes-Kaap is.

Naspers het intussen probeer om die ongewilde Manuel te red met verwysings na sy goeie “struggle”-verlede en het Manyi se gebrek aan ‘n “struggle”-verlede belig.

casino slots topcargo кидалы

Gaddafi se troepe ‘maak skoon’

Soldate lojaal aan die Libiese leier Muammar Gaddafi “ruk op om die land te reinig” van oproeriges, het die woordvoerder van die weermag, kol. Milad Hussein, Sondag by ‘n mediakonferensie gesê.

“Ons aanvalle dwing die terroriste om te vlug. Ons het Zawiyah, Uqayla, Ras Lanuf en Brega bevry en die weermag ruk op om die res van die gebiede te bevry,” het hy gesê.

“Vannag of môre sal julle nuus ontvang oor die vordering.”

Toe hy gevra is oor ‘n moontlike offensief teen die rebelle in hul vesting, Benghazi, in die ooste van Libië, het Hussein gesê: “Daar is rotte en terroriste wat vlug in die aangesig van die aanvalle deur die mense en vrywilligers.”

“Ons het nie regtig ‘n gewapende offensief nodig nie.”

Die oproeriges, wat in wapenmag oortref word deur die regering, wil Gaddafi se 42-jarige bewind tot ‘n einde bring, maar is sover uit verskeie sleutel-oliestede en dorpe gedryf deur troepe wat lojaal aan Gaddafi is.

Hulle is egter steeds in beheer van Misrata, die land se derde grootste stad, tussen Tripoli en Gaddafi se geboorteplek, Sirte.

Misrate, wat ongeveer 150 kilometer oos van Tripoli lê, is “onder beheer van die terroriste,” het Hussein gesê.

“Ons sal dié stad ook binnekort reinig.”

Лобановский

Is radioaktiewe materiaal in Japan vrygestel?

Japan se Kern- en Industriële waghond (KIVA) het op 12 Maart verklaar dat die ontploffing by die Nommer 1 Fukushima Daiichi-kernkragsentrale net veroorsaak kon gewees het deur ‘n ineenstorting van die reaktorkern, het die Japannese Nikkeidagblad berig. Hierdie stelling is in stryd met die Japannese kabinetsekretaris Yukio Edano se kommentaar vroeër, waarin hy gesê het: “die mure van die gebou waarin die reaktor gehuisves word, is vernietig, wat beteken dat die metaalvoering van die reaktor nie ontplof het nie.”

KIVA se verklaring is belangrik omdat dit die regeringagentskap is wat verslae aan die Buro vir Natuurlike Hulpbronne en Energie in die ministerie van Ekonomie, Handel en Nywerheid skryf. KIVA werk saam met die Atoomenergiekommissie. Sy rol is dié van toesighouer in die bedryf en die agentskap is verantwoordelik vir die afteken van onder meer konstruksieplanne vir nuwe aanlegte. KIVA is reeds gekritiseer vir die goedkeuring van die kernaanlegte op geologiese breuklyne en vir ‘n beweerde konflik van belange in die regulering van die kernsektor. Dit was KIVA wat die opening van die klep gelas het om druk vry te laat – en dus na bewering kernuitstraling – vanuit die Fukushimakragstasie.

KIVA was ook in beheer van die regering se kommunikasie oor die kernreaktorprobleme na afloop van die Tohoku-aardbewing en tsoenami. Dit is moeilik om te bepaal of die KIVA-verklaring akkuraat is, as die Nikkeiverslag nie bevestig word nie. Dit is ook nie duidelik uit die konteks of KIVA die gevolgtrekkings van ‘n amptelike assessering weergee nie, of bloot ‘n verklaring gemaak het nie. Maar die Tokyo Electric Power Co (TEPCO), die operateur van die Fukushima-kernaanleg, het ook gesê dat alhoewel druk verlig word, kernbrandstof wel gesmelt het en dat verdere optrede nodig is om die druk te beheer.

As hierdie verslag akkuraat is, is dit nie die eerste keer dat verklarings van KIVA en Edano verskil nie. Terwyl Edano vroeër beweer het dat die bestralingsvlakke gedaal het op die terrein na drukontladingspogings, sê KIVA die druk het toegeneem as gevolg van die vrystelling van radioaktiewe dampe.

диагностика для авто topcargo

praagTV – Piet Leroux oor Afrikaans, Stellenbosch en anargisme

praagTV voer ‘n onderhoud met die voormalige Stellenbosse studenteleier Piet Leroux oor Afrikaans, die politieke bewussyn op die kampus, drankmisbruik, die Afrikaner se toekoms en anargisme as politieke filosofie.

Tsoenami tref Japan

‘n Aardbewing wat volgens CNN 8.9 gemeet het, het die noordooste van Japan getref, het die meteorologiese agentskap gesê.

Die agentskap het kort ná die aardbewing ‘n tsoenami-waarskuwing uitgereik, waarna ‘n golf die kus getref het.

AP berig dat ‘n tsoenami-waarskuwing vir Japan, Rusland, Marcus-eiland en die noordelike Marianas-eilande uitgereik is.

Plekke soos Guam, Taiwan, die Filippyne, In

Russiese owerhede op die Sakhalin-eiland in die noordelike Stille Oseaan het sowat 11 0000 inwoners uit kusgebiede ontruim in afwagting van ‘n tsoenami wat veroorsaak is deur ‘n aardbewing van 8.9 aan Japan se noord-oostelike kus.

Streeksnoodpersoneel het gesê dat die tsoenami verskeie dorpies op Sakhalin kan tref.

Geen skade weens Vrydag se aardbewing is nog op die eiland aangemeld nie.

Owerhede op die Kamchatka-skiereiland verder noord sê die tsoenami hou geen gevaar in vir dié gebied nie.

Die dodetal het na 19 gestyg nadat ‘n massiewe aardbewing tot ‘n verwoestende tsoenami in Japan gelei het, het nuusberigte laat Vrydagoggend gelui.

Volgens die berigte is ‘n 67-jarige man deur ‘n muur doodgedruk en ‘n bejaarde vrou is dood nadat ‘n dak op haar geval het. Beide sterftes was in Tokio.

Drie mense is dood toe hul huise in Ibaraki inmekaargestort het.

Die polisie kon nie die sterftesyfer onmiddellik bevestig nie.

“Die skade is so groot dat dit ons baie tyd sal neem om inligting bymekaar te kry,” het ‘n beampte gesê.

casino apps free

AU verwerp ingryping in Libië

Die Afrika-Unie het militêre ingryping in Libië verwerp om die geweld tussen rebelle en magte lojaal aan Moeammar Gaddafi te beëindig.

Die aankondiging volg na die ministers van verdediging van NAVO se vergadering in Brussel ‘n besluit uitgestel het, oor ‘n vliegverbod in Libië se lugruim. Die AU wou nie kommentaar lewer op Frankryk se besluit om die Libiese afvaardiging van die Nasionale Raad te herken nie.

Dié raad verteenwoordig die rebelle wat teen Gaddafi se magte veg. Libië is ‘n lid van die Afrika-Unie se Vrede en Sekuriteitsraad en word verteenwoordig deur sy minister van buitelandse sake, Moussa Koussa.

Die leier in die Ivoorkus, Laurent Gbagbo is egter gewaarsku dat daar ernstige gevolge sal wees indien hy dié liggaam se opdrag verontagsaam om die mag te laat vaar.

Die AU het Gbagbo aangesê om sy amp dadelik te verlaat. Dit volg ná sy verwerping van voorstelle deur ‘n AU-paneel, wat president Jacob Zuma insluit. Die Ivoorkus is in chaos gedompel sedert ‘n betwiste presidentsverkiesing op 28 November. Die internasionale gemeenskap herken Alassane Ouattara as die wenner van die verkiesing.

topcargo кидалы

Wat van Alexkor?

“Die staat se diamant-mynmaatskappy is effektief bankrot. Indien mens ooit ‘n bewys wou hê wat met ons land se myne sou gebeur indien dit genasionaliseer word, hoef mens net na die Alexkor-fiasko te kyk,” het adv. Anton Alberts, die Vryheidsfront Plus se parlementêre woordvoerder oor Mineralebronne gesê.

Volgens die Ouditeur-Generaal se Oudit Uitkomste Verslag vir 2009/2010 het die maatskappy nie genoeg kontantreserwes om aan sy operasionele kontantvloei-vereistes te voldoen nie. Die Ouditeur-Generaal het ook ernstige bedenkinge oor die staatsmaatskappy se vermoë om as ‘n besigheid in die langtermyn voort te bestaan, indien daar nie ‘n vennootskap met die plaaslike gemeenskap aangegaan word en met volhoubare mynaktiwiteite begin word nie.

“Hierdie bevinding moet gelees word teen die agtergrond van sekere elemente in die ANC, veral onder die ‘reuse intellektuele leierskap’ van Julius Malema, wat aan die mense van Suid-Afrika voorskryf dat die nasionalisering van myne in belang van almal sal wees. Malema het verlede naweek weer gesê dat tot 60% van myne genasionaliseer moet word, met spesifieke verwysing na Anglo-American,” het adv. Alberts bygevoeg.

“In teenstelling met hierdie pad na die sosialistiese utopia, is die werklikheid dat die staat nie eens sy oudste mynmaatskappy winsgewend kan bedryf nie. Die vooruitsigte vir die staat se tweede mynmaatskappy, Africa Exploration Mining and Finance Corporation (AEMFC), om ‘n winsgewende toekoms tegemoet te gaan lyk baie donker gegewe Alexkor se kreeftegang. Die staat kan nie eens hulle kerntaak om openbare dienste te lewer naastenby nakom nie, soveel te meer sal die staat misluk met die bedryf van ‘n besigheid op die periferie van die staat se fokus,” meen adv. Alberts.

Die VF Plus glo dat beide nasionalisering en die bedryf van besighede deur die staat verkeerd is. Die staat moet slegs die omgewing skep om besighede te laat gedy. Daarom moet die klem wegskuif van ‘n groot staatsmasjinerie wat oral inmeng, hetsy in die privaatsektor of die privaat lewe, na die ontwikkeling van entrepreneurs en die daarstelling van ‘n omgewing waarin hulle kan innoveer en handel dryf op ‘n gelyke speelveld. Dit is die voorwaarde vir die ontstaan van ‘n volhoubare omgewing waarin permanente werk geskep word.

Die VF Plus het vrae in die Parlement aan die minister van Mineralebronne gestel waarin gevra word hoe die staat se mynmaatskappye befonds word. Indien belastingbetalers se geld gebruik word, sal dit ‘n skande wees en sal die party verdere stappe oorweeg om die vermorsing te staak.

Potensiaal vir konflik in Golf neem toe

Saoedi-polisie het na berig word honderde betogers op 10 Maart by ‘n saamtrekpunt in die Sjiïtiese stad van Qatif in Saoedi-Arabië se olie-ryk Oostelike Provinsie met skokgranate en geweervuur uitmekaargejaag.

Die besluit om die geweld in te span, kom ‘n dag voor Vrydaggebede, waarna verskeie Saoedi-opposisiegroepe van plan was om die strate in te vaar. Onrus prut reeds die afgelope paar weke in die Saoedi-koninkryk. Dit is meestal Soennie-jeugdiges, menseregte-aktiviste en intellektuele in Riyadh en Jeddah wat hulle beywer vir groter politieke vryheid, insluitende ‘n oproep vir ‘n grondwetlike monargie.

‘n Dag van protes regoor die land is vir 11 Maart deur Facebookgroepe Hanyn (Nostalgia) Rewolusie en die Free Youth Coalition beplan.

Van kritieke belang vir Saoedi-Arabië is egter Sjiïtiese-gedrewe onrus in die land se Oostelike Provinsie. Sjiïtiese aktiviste en geestelikes het in die afgelope weke meer militant geraak en Saoedi-veiligheidsmagte probeer systap. Die Saoedi-regime is versigtig tot dusver, en wil nie die protes aanblaas met ‘n gewelddadige teenoptrede nie, maar word nietemin uitgedaag om hulle beheer oor die situasie te demonstreer.

Nog Sjiïtiese onrus prut in die nabygeleë eiland van Bahrein, en die Saoedi-koningshuis raak toenemend bekommerd oor die vooruitsig van Sjiïtiese opstande in die Golfstreek. Dit is in Iran se strategiese belang om die VSA se bondgenote te destabiliseer.

Deur ‘n bereidwilligheid om mag te begin gebruik te toon, hoop die Saoedi-owerhede waarskynlik hulle sal in staat wees om mense te weerhou om by die protes aan te sluit, maar sulke optrede kan net so maklik die protesteerders prikkel.

Daar is ‘n sterk potensiaal vir konflik tussen die Saoedi-veiligheidsmagte en protesteerders, veral in die belangrike Oostelike Provinsie. Saoedi-owerhede het streng sekuriteitsmaatreëls in die Sjiïtiese gebiede van die land getref deur die uitstuur van ongeveer 15 000 nasionale boogskutters.

Die olieprys het reeds gereageer op die verhoogde spanning in die Persiese Golf, maar onrus in stede soos Qatif is ‘n direkte aanslag op olie: Die groot oliepypleidings na die oliehawe van Ras Tanura, die wêreld se grootste met ‘n kapasiteit van 5 miljoen vate per dag, loop deur Qatif.

Фільчаков прокурор