Die minister van omgewingsake en toerisme, Marthinus van Schalkwyk, sê sy departement wil seediefstal beperk.
Hy was onwillig om presiese besonderhede te verskaf uit vrees dat die misdaadsindikate op hul hoede geplaas kon word.
Omtrent 2 000 ton gesteelde wilde Suid-Afrikaanse perlemoen, met 'n markwaarde van R1,2 miljard, is gedurende 2007 na Hong Kong gesmokkel.
Die departement wil ook bande tussen homself en die vloot versterk ten einde diefstal langs Suid-Afrika se kuslyn van 3 000 kilometer te verhoed.
Een van Finland se mees ervare politici, Paavo Lipponen, is gehuur om die pos van konsultant vir die omstrede Nord Stream-projek te vul.
Mnr. Lipponen, die Finse eerste minister van 1995 tot 2003 en toe speaker van die Finse parlement van 2003 tot 2007 sal verhoudinge tussen Nord Stream en die Finse regering bemiddel, berig Helsingin Sanomat.
Mnrl Lipponen was die formele inisieerder van die Noordelike Dimensie, 'n belangrike kontakplatform tussen die noordelike dele van die EU en Noordwes-Rusland.
Mr. Lipponen was the formal initiator of the Northern Dimension, an important contact platform between the northern parts of the EU and Northwest Russia.
Die Nord Stream sal die eerste pyplyn wees wat Rusland direk met Duitsland verbind. Dit sal gedeeltelik met gas vanaf die Sjtokman-veld in die Barentssee gevoed word.
'n Verwoestende droogte het 75 000 Ethiopiese kinders onder die ouderdom van vyf ondervoed gelaat.
Nog agt miljoen mense van die 81 miljoen in die Horing van Afrika benodig voedselhulp.
Dit is duidelik dat vele mense in Ethiopië steeds probleme met voedselsekerheid gaan ondervind.
Oor die afgelope jare het Ethiopië om die beurt vloed- en droogterampe ervaar wat miljoene mense geraak het.
Veertig Amerikaanse waarnemers sal die belangwekkende verkiesing in Angola op 5 September dophou.
Die Amerikaanse waarnemers sal aansluit by ongeveer 100 EU-verkiesingswaarnemers wat reeds in die land verkeer.
Die Angolese president Jose Edouardo dos Santos het gesê die land se eerste verkiesing in 16 jaar het 'n nuwe tydvak vir demokrasie ingelui.
Die MPLA is aan die mag sedert onafhanklikheid 33 jaar gelede.
Hulle sal in die verkiesing te staan kom teen 13 koalisies en politieke partye, waaronder die hoofopposisieparty Unita.
Presidensiële verkiesings sal in 2009 gehou word.
Tito Mboweni gaan aanstaande jaar bedank as sy termyn aan 'n einde kom. Hy het gesê om te lank aan die hoof van 'n organisasie te bly is waarskynlik no 'n goeie idee nie.
Volgens 'n berig in die Pretoria News, hou Mboweni se besluit nie verband met die magsverandering in die ANC-regering nie.
Mboweni se termyn by die SA Reserwebank verstryk op 8 Augustus 2009.
Die Pretoria News het gesê dat Mboweni niks aangaande sy toekoms wou uitlap nie.
Die meeste mense in Suid-Afrika vier vandag 'n koue lentedag met ysige weer en sterk wind.
Die Nelson Mandela-stigting het gerugte ontken dat die vorige president oorlede is.
Hulle het die publiek verseker dat Nelson Mandela steeds lewe.
Die stigting se uitvoerende beampte, Achmat Dangor, het die verlaring Sondag uitgereik.
Dangor sê hy wou mense gerusstel dat in teenstelling met gerugte, mnr. Mandela springlewendig is.
'n Landbourewolusie is besig om in Rusland plaas te vind. 'n Dekade nadat die vrye mark Russiese nywerhede getref het, is kollektiewe plase besig om te verdwyn.
Met die prys van koring alleen wat met 77% verlede jaar opgegaan het, is daar 'n stormloop na landbougrond.
Omdat Rusland so 'n uitgestrekte land is, is verskansingfondsbestuurders, oliemagnate, Sweedse portefeuljebeleggers en selfs die eerstydse Russiese adel besig om baie winsgewende grondtansaksies te beklink.
Die groot kollektiewe plase word nie in kleiner eenhede verdeel nie en eerder as korporatiewe verwerkingsaanlegte tesame met die boerdery bedryf.
Voor Stalin se kollektiwisering van grond was Rusland die belangrikste graanprodusent ter wêreld. Vandag behoort ten minste 7% van die aarde se bewerkbare grond aan Rusland, maar ongeveer 35 miljoen hektaar of 'n sesde daarvan, lê tans onbewerk.
Selfs sonder die gebiede soos Tsjernobil wat danksy radioaktiewe kontaminasie nie bewerkbaar is nie, is daar nog miljoene hektaar wat uiters geskik is vir landbou.
Opbrengste in Rusland is egter klein. Die gemiddeld is 1,85 ton per hektaar teenoor die die VSA se 6,36 ton en 3,04 in Kanada.
Grondpryse het van $570 per hektaar in 2006 tot $1000 vanjaar gestyg. Boere en beleggers het met John Deere-trekkers en Westerse boerderymetodes daarin geslaag om die opbrengste binne 'n jaar te verdubbel.
Om die skade wat kollektiwisme aangerig het reg te stel, stel korporatiewe plaaseienaars sielkundiges aan om landbouers en werkers te motiveer. Omdat geld nie 'n aansporing vir 'n landelike Rus is nie, word die klem op spanwerk en saamwerk geplaas.
Volgens Vedemosti, 'n saketydskrif, het 14% van Rusland se kolletiewe landbougrond reeds hierdie proses van konsolidasie ondergaan. Hulle meen dat Rusland binne 10 tot 15 jaar die wêreld se voorste landbouland kan word.
Die Ooskaapse polisie het dagga met 'n geraamde straatwaarde van R1,4 miljoen naby Maluti gevind.
Volgens 'n woordvoerder het polisiebeamptes 'n wenk oor die dagga ontvang en het ondersoek gaan instel.
Die verdagtes het gevlug toe hulle die polisie gesien het.
Die gekonfiskeerde dagga is waarskynlik van Lesotho afkomstig.
Geen inhegtenisname het nog gevolg nie.
Finland kan dalk sy neutraliteit laat vaar om by NAVO aan te sluit, het die buitelandse minister Alexander Stubb volgens 'n nuusbron gesê.
Rusland se inval in Georgië is die hoofrede waarom Finland die kwessie heroorweeg.
Die Oostenrykse koerant, Die Presse, het met Stubb 'n onderhoud gevoer.
Hy het gesê diegene wat dink dat wat vandeesmaand in Georgië gebeur het geen invloed op Finland se veiligheid het nie, op 'n ander planeet leef.
Die twee lande deel 'n 1 340-kilometergrens.
Finland het dwarsdeur die Koue Oorlog neutraal gebly maar skuifel tans nader aan NAVO.
In Maart het die land aangekondig dat hy aan toekomstige operasies van die alliansie se snelreaksiemag sal deelneem.
