Nuus Archives - Page 1411 of 1583

Gordon Brown se eie party twyfel aan sy leierskap

Gordon Brown in Manchester

Gordon Brown het tydens die weeklange kongres van die Arbeidersparty wat oor die naweek begin het, belowe om sy "sokkies op te trek" te midde van ontevredenheid oor sy leierskap.

Ministers het hul steun aan Brown toegesê, wat dui op 'n skietstaking gedurende die weeklange Arbeiderskongres in Manchester.

En agter die skerms het Brown se tradisionele vyande, gelei deur Tony Blair en Peter Mendelson, hul oeroue twiste bygelê om geheime samesprekings met Brown te hou oor hoe om sy leierskap te red.

Op die eerste dag van die konferensie het dit byna na ’n uitgemaakte saak gelyk dat eerste minister Gordon Brown se dae getel was.

Politics Home het pas ’n peiling gepubliseer wat toon dat die Konserwatiewe party ’n oorweldigende meerderheid in die volgende algemene verkiesing behoort te behaal.

Dit het gister bekend geword dat die voormalige Arbeider-ministers Alan Milburn en John Reid Gordon Brown onlangs prontuit vertel het dat die Arbeidersparty se huidige ongewildheid voor sy deur gelê kan word. Brown het naamlik probeer om Milburn se steun te werf en moes hoor : “Gordon, jy is die probleem! ” Die twee mans het mekaar toe uitgeskel en dit was die einde van Brown se flikflooiery by die voormalige minister van gesondheid. Reid wou ook niks van die premier se toenaderingspogings weet nie.

Brown het ’n beroep op eenheid binne die party gedoen en die Manchester-afgevaardigdes gevra om eerder op die huidige ekonomiese krisis te fokus, maar die ontvangs van gister was bra louwarm.

Dit is bekend dat David Miliband, minister van buitelandse sake, en Alan Johnson, minister van gesondheid, tans leiers is van die komplot binne die Arbeidersparty om van hulle premier ontslae te raak.

Volgens die onlangse ICM-meningspeiling sal die Arbeiders hulle meerderheidstem van 2005 in die komende tussenverkiesing in Glenrothes verloor. Die Skotse Nasionale Party staan ’n uitstekende kans om die tussenverkiesing te wen. So ’n neerlaag sal die laaste strooi wees wat Brown se uittrede kan beteken.

Deur van die Brown-albatros ontslae te raak, gaan die Arbeiders egter nie noodwendig hulle kanse verbeter om die volgende algemene verkiesing te wen nie. Die ICM-peiling het bevind dat slegs een uit elke 100 Britte meen dat die bedanking van Brown sake in die guns van die Arbeiders sal swaai.

Die goeie nuus oor die naweek was darem dat die skrywer JK Rowling, van Harry Potter-faam, een miljoen pond aan die Arbeidersparty belowe het.

лобановский харьков

Waarom Mbeki afgedank is

Thabo Mbeki

Adjunkpresident Phumzile Mlambo-Ngcuka gaan blykbaar 'n hele uittog van kabinetsministers lei wat ontevrede is met die besluit van die ANC se nasionale uitvoerende komitee (NUK) om president Thabo Mbeki die trekpas te gee.

In weerwil hiervan word verwag dat president Jacob Zuma ANC-uitgeplaasdes in die regering sal verseker dat die party wil hê dat hulle in hul posisies moet aanbly.

Dit kom ná die besluit van die oppermagtige ANC-NUK om Mbeki af te dank na afloop van regter Chris Nicholson se bevinding wat geimpliseer het dat Mbeki, of lede van sy uitvoerende komitee, ingemeng het met die nasionale vervolgingsgesag se besluit om Zuma te vervolg.

Hoewel dit algemeen aanvaar word dat Nicholson se uitspraak 'n skadu oor die integriteit van die kabinet gewerp het, het die kabinet en die NV agterna besluit om teen die regter se beslissing te appèl aan te teken.

Dié besluit het die ANC gedwing om van Mbeki ontslae te raak.

Volgens die ANC se sekretaris-generaal Gwede Mantashe het die Nicholson-uitspraak die ANC die geleentheid gegee om 'n einde aan Zuma se regsprobleme te maak.

"Die grootste bekommernis vir ons is die kwessie van die moontlike heropening van daardie hoofstuk wat in die openbaar gesluit verklaar is," het Mantashe gesê.

Die saak is, na ons mening, nóg in die openbare nóg in die nasionale belang. Indien die saak voortgesit word, sal dit die verdeeldheid in die ANC op die spits dryf. Dis die hoofkwessie," het hy gesê.

Volgens die City Press-koerant het Mlambo-Ngcuka blykbaar aan haar kollegas in die kabinet en sekere topamptenare in die presidensie gesê dat sy sal bedank die oomblik as Mbeki sy bedankingsbrief oorhandig.

"Mlambo-Ngcuka het nog altyd die komplot teen Zuma verpersoonlik. Ná alles is sy die vrou van Bulelani, die vorige hoof van die Nasionale Vervolgingsgesag. Sy is van dag een af gekritiseer toe sy adjunkpresident geword het. Die helfte van die ministers gaan haar volg," het 'n senior amptenaar in die presidensie gesê.

Sekere van die ministers wat na verwagting saam met Mbeki gaan uitloop, is sy regterhand Essop Pahad, die minister van openbare werke Thoko Didiza, die minister van openbare ondernemings, Alec Erwin, die gesondheidsminister Manto Tshabalala-Msimang en die minister van kommunikasie Ivy Matsepe-Casaburri.

Die minister van finansies Trevor Manuel het reeds aangedui dat hy wil aanbly ondanks vroeëre gerugte dat hy Mbeki gaan volg.

Mlambo-Ngcuka is oorspronklik as Mbeki se adjunk aangestel nadat Zuma in 2005 afgedank is en wou al in die verlede bedank het vanweë die druk en vyandigheid wat sy van Zuma se ondersteuners ervaar het, maar Mbeki het haar aangemoedig om aan te bly.

Tydens die onstuimige NUK-vergadering in Kemptonpark oor die naweek het 'n aantal ministers, waaronder die minister van onderwys Naledi Pandor en die minister van buitelandse sake Nkosazana Dlamini-Zuma, asook Mbeki se raadgewer Joel Netshitenze, geredeneer dat Mbeki toegelaat moet word om sy termy uit te dien.

"Trevor Manuel het nooit 'n woord gesê nie. Nkosazana Dlamini-Zuma was baie onsamehangend. Zola Skweyiya het gesê dat dit vir hom baie pynlik was. Hy het gesê: 'Ek het dié man vir te lank geken. Dis pynlik'," het 'n ander NUK-lid berig.

Aan die ander kant het vervoerminister Jeff Radebe, die behuisingsminister Lindiwe Sisulu, sakeman Tokyo Sexwale, die SAKP-leier Blade Nzimande en ANC-jeugleier Julius Malema die argument ten gunste van Mbeki se afdanking beklink.

Malema het volgens sekere NUK-lede selfs sover gegaan as om te dreig om die jeug te mobiliseer indien die ANC-NUK nie vir Mbeki afdank nie.

'n Ander bron het gesê dat Sexwale aan die vergadering sou gesê het: "Ons kan nie nog 'n dag met dié man saamleef nie."

Zuma, wat Mbeki Vrydag ontmoet het, het aan die vergadering gesê dat Mbeki toegelaat moet word om na die Verenigde Nasies te vlieg om die land te verteenwoordig en slegs by sy terugkeer behoort te bedank.

Intussen is besluit dat mev. Dlamini-Zuma in sy plek New York toe sal gaan.

Pahad het aangedui dat hy uit simpatie met Mbeki sal bedank. Hoewel hy dit nie met Mbeki bespreek het nie, het hy persoonlik besluit om te gaan indien die president aangesê sou word om sy amp te verlaat.

"Ek is deur hom aangestel en daarom sal ek ook bedank indien hy sou bedank," het hy gesê. "Ek dink nie dat dit korrek was nie. Ek dink veel later sal sy groot nalatenskap erken word, dit ly geen twyfel nie. Hy was 'n groot leier vir die ANC en vir dié land. Selfs al wil sommige mense dit nie nou erken nie, sal hulle dit sekerlik iewers in die toekoms erken."

Heath vra dat Mbeki aangekla word

Regter Willem Heath het gevra dat 'n kriminele klag teen president Thabo Mbeki, Penuell Maduna en Bulelani Ngcuka gebring word.

Heath het aan die Mail & Guardian gesê dat regter Chris Nicholson se uitspraak prima facie getuienis van die oortredeings van die Nasionale Vervolgingsgesagwet bevat deur die drie.

Nicholson het bevind dat die besluit om Zuma te vervolg ongeldig was. Heath het gesê dat Suid-Afrikaners beskerm behoort te word teen die "sistematiese misbruik van staatsmiddele deur die president en sy handlangers soos in die uitspraak vervat". Hy het ook die NVG se besluit om teen die uitspraak te appelleer, gekritiseer.

Hy het bygevoeg dat die NVG wat deur senior advokate Billy Downer en Wim Trengove verteenwoordig word, lankal reeds in die bek geruk moes gewees het met hulle stroom-op gedrag. Dit is "ongelooflik" volgens hom dat twee sulke senior regslui nie bewus kon gewees het van prosedurale foute nie.

хорватия апартаменты

Clinton-era se ‘omgee’ die oorsaak van huidige krisis

Obama het dié week die skokkende bankrotskappe wat voortspruit uit subprimalenings in die VSA op die vrye mark geblameer en John McCain daarvan beskuldig dat hy Bush se katastrofiese ekonomiese beginsels wil laat voortduur. McCain het sy ondersteunerstal met dié beskuldigings sien tuimel.

Maar die eintlike sondebok is die Clinton-administrasie se obsessie met multikulturalisme wat die mark vir hoë-risiko subprimalenings in die eerste plek help skep het. Dwingende regulasies is deur Obama se partyvoorganger daargestel wat leningsbesighede voor die keuse gestel het van groter risikoblootstelling of stywe boetes.

President Clinton het die Community Redevelopment Act, 'n wet uit die Carter-era om huiseienaarskap vir minderhede toeganklik te maak, weer opgediep en afgestof. Die ideologies gedrewe sosiale-ingenieursprojek om huislenings aan veral swartes beskikbaar te stel in die negentigerjare het net soveel bygedra om die huidige krisis te veroorsaak as Wallstraat se beweerde gierigheid.

Clinton se ondersteuners wat jare lank vir goedkoop behuising geagiteer het gaan nou die Amerikaanse belastingbetaler miljarde dollar uit die sak jaag. Die oorywerige regulering het daartoe gelei dat die risiko vanweë die politieke retoriek van medemenslikheid en "omgee" verplaas is na die instansies wat die geld uitgeleen het.

топкарго кидалы

Ondersoek begin na Noordwes Universiteit

Die Minister van Onderwys Naledi Pandor gaan ondersoek instel na die sake van Noordwes Universiteit wat verband hou met onlangse

Naledi Pandor

gebeure op sy Mafikeng-kampus.

Die Onderwys-departement het Donderdag gesê Minister Pandor het besluit om 'n onafhanklike en omvattende evaluasie van sake in Noordwes Universiteit te doen. Woordvoerder Lunga Ngqengelele sê Pandor het in 'n brief aan die Voorsitter van die Raad, die universiteit van die besluit in kennis gestel. Die minister het ook die raad wat Vrydag vergader versoek om hom te bevredig dat die regte prosedure in die onlangse skorsing en uitsetting van studente gevolg is. Pandor sê die ontwrigting van akademiese- en navorsingsaktiwiteite aan die universiteit is uiters onbevredigend. Sy sê dit is 'n aanduiding van onderliggende probleme waarvoor 'n blywende oplossing gevind moet word.

для дівчаток ігри

Vredesmaghelikopters onder skoot

Vredesbeamptes in Soedan se Darfoer-gebied het onder skoot gekom toe hulle ondersoek gaan instel het na gevegte wat in die gebied

Vredesmaghelikopter

uitgebreek het. Militêre offisiere het Donderdag gesê dit is die derde keer in die afgelope paar weke dat daar op helikopters geskiet is.

Beamptes van die gesamentlike Verenigde NasiesAfrika-unievredesmag sê hulle vrees dat rebellemagte hulle vliegtuie teiken omdat hulle dit verkeerdelik vir regeringshelikopters aansien. Die aanvalle wek ook kommer onder ondersteuningswerkers wat op die vlugte staatmaak om hulle na afgeleë dele van die gebied te neem.

Vredesmagwoordvoerder Kemal Saiki sê die helikopter wou inkom om te land toe skote gehoor en lugspoorkoeëls gewaar is. Internasionale waarnemers sê die meer as vyf jaar se gevegte in Darfoer het die lewens van 200 000 mense geëis en meer as 2,5 miljoen uit hulle huise verdryf. Die helikopter is Woensdag op Birmaza, 'n nedersetting in Noord-Darfoer aangeval; volgens rebellegroepe was regeringsmagte daarvoor veranwoordelik.

Indringergroepe beskuldig regeringsmagte daarvan dat hulle die laaste twee weke 'n reeks aanvalle op hulle posisies in Noord-Darfoer uitgevoer het. Soedan se gewapende magte ontken die aanvalle op rebelle en sê soldate is in die gebied om humanitêre konvooie teen struikrowers te beskerm. 'n VN-verslag in 2007 het Soedanese magte in Darfoer daarvan beskuldig dat hulle 'n reeks internasionale ooreenkomste geskend het deur hulle vliegtuie te verf en kentekens aan te bring wat dit na VN-vliegtuie laat lyk.

Ondersteuningsgroepe sê verdere aanvalle op vliegtuie in Darfoer kan 'n verwoestende uitwerking op hulle werk hê. Woordvoerder Alun Mc Donald van Oxfam in Soedan sê as hulle begin om op helikopters te skiet laat dit nie vir hulle veel opsies oop nie. Mohamed Dirbeen, militêre woordvoerder van die Sudan Vryheidsbeweging, sê regeringsvliegtuie het dorpies naby Tawila in Noord-Darfoer Donderdag gebombardeer en sewe mense dood agtergelaat terwyl nege mense beseer is.

Niemand van Soedan se gewapende magte was vir kommentaar oor die jongste bomaanvalle beskikbaar nie.

поильник купить

‘Tito Mboweni ag homself bokant die wet’

Een van die aandeelhouers in die SA Reserwebank wat gister by 'n aandeelhouersvergadering nie toegelaat is om 'n vraag te vra nie,

Tito Mboweni

mnr. Mario Pretorius, het in 'n onderhoud met RSG vanmôre verder beswaar gemaak teen Mboweni se outokratiese optrede.

"Ons in Suid-Afrika is nie agter by die res van die wêreld as dit kom by korporatiewe bestuur en demokrasie nie. King Twee bepaal dat aandeelhouers behoorlik ingelig moet wees sodat hulle besluite by aandeelhouersvergaderings kan neem. Maar Mboweni ag homself bokant die wet."

Pretorius het ook gevra of Mboweni iets het om weg te steek, soos byvoorbeeld die groot salarisverhogings wat hy en sy adjunkte aan hulself toegeken het.

'n Opname van gister se aandeelhouersvergadering is oor RSG gespeel waarin Mboweni duidelik geïrriteer sê: "Ek weet hoe om 'n vergadering te lei! Jy sal stilbly, anders vra ek jou om die vergadering te verlaat."

Hierna het Mboweni die rassekaart gespeel en beweer dat Pretorius met hom gepraat het "soos blankes in die verlede met swartes gepraat het".

Mario Pretorius is die voorsitter van 'n genoteerde maatskappy, Telemasters. Volgens hom sou dit onaanvaarbaar wees vir enige voorsitter of uitvoerende beampte van 'n privaatmaatskappy om so "kavalier" teen sy aandeelhouers op te tree soos Mboweni gister gedoen het.

Pretorius is ook die skrywer van 'n nuusbrief onder die skrywersnaam Dr. Yzterbaard, het hy vanoggend in een van sy gereelde skrywes onthul.

Onder die opskrif "Dr. Yzterbaard wonder oor die goud", spekuleer Pretorius oor waar presies Suid-Afrika se vier miljoen onse, oftewel 100 ton, goud kan wees wat in die Reserwebank se jaarverslag aangedui word.

Blykbaar is dit een van die vrae wat hy aan goewerneur Tito Mboweni wou vra, om aan Reserwebankaandeelhouers te verduidelik waar die goud tans fisies geleë is.

Pretorius het verder die praktyk bevraagteken waardeur Mboweni 'n 25%-salarisverhoging aan homself toeken en 50% aan sy adjunkte, maar verwag dat die res van die land by sy inflasieteikens moet hou. Indien die goewerneur van die Reserwebank nie self sy inflasieteiken ernstig opneem nie, hoe kan van die man op straat verwag word om dieselfde te doen?

'n Ander aandeelhouer, Michael Duerr, wil 'n buitengewone vergadering van Reserwebankaandeelhouers belê. Volgens hom word die waarde van die aandeelhouers se belegging konstant afgewater. Tien persent van aandeelhouers se stemme is nodig om 'n buitengewone vergadering te belê.

Omdat Duerr Duitse burgerskap het, beskou die Reserwebank hom egter as iemand wat nie stemreg by vergaderings het nie. Daarom is hy ook nie gister toegelaat om vrae te stel nie.

free casino slots

Keulen op gereedheidsgrondslag geplaas

Die Duitse polisie het gister gereedheidsplanne aangekondig en 3 000 polisielede beskikbaar gestel om Keulen te bewaak nadat Duitse regse politieke groepe se konferensie om Duitsland te "anti-Islamifiseer" hewige protes ontlok het.

Die konferensiegangers beplan om Saterdag teen die oprigting van 'n Moskee in Keulen op te ruk. Etlike honderde mense word by die anti-Islamprotes verwag terwyl 10 keer meer betogers teen die nasionalistiese protes sal betoog.

Stadsowerhede, vakbonde en linkse politieke partye beplan 'n aansienlike teenwoordigheid oor die naweek. Die stad se tuisbier, genaamd Koelsch, word gebruik om teen die konferensiegangers te mobiliseer. Slagspreuke wat lui "Geen Koelsch vir Nazi's" sal by dosyne restaurante en kafees te siene wees.

Frankryk se Jean-Marie Le Pen en Oostenryk se Christian Strache, twee bekende regse Europese politici, het aangedui dat hulle nie die konferensie sal bywoon nie.

slots download

‘n Lelike straatnaam?

Verlede maand is Alexander Solsjenitsin begrawe en reeds het president Dmitri Medwedef besluit om hom te vereer vir sy buitengewone bydrae deur 'n straat in Moskou na hom te vernoem.

Die burgemeester van Moskou, Juri Luzkof, het aangekondig dat Bolsjaia Kommunisticheskaia Ulitsa, oftewel Groot Kommunistiesestraat, een van die mooiste en stilste strate in Moskou na die gestorwene herdoop sal word. Die straat met sy pragtige pre-rewolusionêre woongeboue sal voortaan Ulitsa Solsjenitsina heet.

Izvestia, die dagblad na aan die Kremlin, berig egter dat die hoofstad nog vol name is waarvan Solsjenitsin nie sou gehou het nie, soos Lenin Prospekt of Sjosse Entusiastof waarvandaan dissidente na Siberië gestuur is.

Die naamsverandering het 'n hewige debat ontketen want een van die strate wat Solsjenitsinstraat sal kruis heet steeds Karl Marxstraat. Baie mense glo die hele stel kommunistiese name gaan uiteindelik verdwyn en die Kommuniste is ongelukkig oor die vooruitsig.

Vladimir Lakeief, leier van die Kommunistiese Party in die Doema, het die stadraad gevra om die wettigheid van die naamsverandering te ondersoek.

'n Inwoner wat vir kommentaar genader is, meen dat die stad nie die ou kommunistiese voorbeeld moet volg en alles moet hernoem nie, maar dat Solsjenitsinstraat darem mooier klink as Groot Kommunistiesestraat.

slot strategy that Данильченео

Dooiepunt in Noord-Koreaanse kernsamesprekinge

Noord-Korea beplan om hul Yongbyonkernreaktor weer in werking te stel om 'n dooiepunt in internasionale kernontwapeningsamesprekinge op te los, volgens Hyon Hak-Bong van die ministerie van Buitelandse Aangeleenthede van dié land.

Hy het aan die media gesê werk om die reaktors aan te skakel het reeds begin. Hyon Hak-Bong is tans in Panmunjom, 'n dorpie waar samesprekinge tussen die noorde en suide gaan begin om energiehulp te bespreek.

Noord-Korea het verlede maand gesê dat hulle aanlegte waar plutonium geproduseer word nie gaan toemaak indien Washington hulle nie van die Amerikaanse terreurswartlys verwyder nie.

Noord-Koreaanse vennote het bevestig dat die toerusting weer teruggeskuif is na die Yongbyonkernreaktor se gronde. Hyon Hak-Bong wou nie 'n vaste datum aan die aanskakeling gee nie.

Suid-Korea, die VSA, Japan, China en Rusland het belowe om een miljoen ton ru-olie of gelyke energiehulp aan Noord-Korea te gee in ruil vir die opskorting van die werking van die kernreaktor. Noord-Korea het in Junie 'n lys van hulle kernbedrywighede en aanlegte aan die VSA oorhandig sodat hulle van die terreurswartlys afgehaal kan word.

Die VSA dring daarop aan dat die proses geverifieer moet word, maar Noord-Korea sê die voorstelle is onaanvaarbaar omdat dit lyk na die vooroorlogse bedywighede van die VSA in Irak. Hyon het gesê dat die VSA die verskoning van sogenaamde wapens van massavernietiging in Irak gebruik het om die land te plunder.

Die proses van verifikasie was nie deel van die ooreenkoms wat tussen die ses lande gesluit is nie, sê Hyon. Byna die helfte van die energiehulp is reeds gelewer en amptenare van die twee Koreas sal vandag die lewering van die res bespreek.

Die Internationale Instituut vir Strategiese Studies in Londen sê dat Noord-Korea hulle kernprogram binne 'n jaar weer op dreef kan hê. Diplomatieke pogings om beide Iran en Noord-Korea se kernuitbreiding in te kort het tans 'n dooiepunt bereik.

мед справка 086 у Фільчаков прокурор