Volgens hom sal die ANC aanstaande jaar se verkiesing wen en die volgende president van Suid-Afrika sal Zuma wees.
Cronin meen dat terwyl die alliansievennote saamwerk in Kwazulu-Natal, dit nie noodwendig elders in die land die geval is nie.
Hy het ANC-lede gemaan om saam te werk en benadruk dat daar uitdagings op die drieparty-alliansie van die ANC, die SAKP en Cosatu wag.
Die hoof van Zimbabwe se reserwebank, Gideon Gono, beplan 'n nuwe geldhervorming.
Vorige geldhervormings het egter misluk.
Amptelik is die inflasiekoers 2,2 miljoen persent per jaar maar onafhanklike ontleders skat dit op 12,5 miljoen persent.
Die regering het 'n hondermiljardnoot uitgereik maar teen Sondag was dit nie genoeg om 'n brood mee te koop nie.
Rekenaars, elektroniese sakrekenaars en outomatiese tellermasjiene by banke is nie in staat om die alledaagse transaksies in miljarde te hanteer nie.
Jacob Zuma sê hy sou mag desentraliseer indien hy as Suid-Afrika se volgende president verkies word, berig die Sunday Independent.
Zuma het in 'n onderhoud gesê dat dit nooit toegelaat behoort te word nie en gevaarlik is.
Hy het gesê dat onder sy regering die ANC-leierskap, en nie hy persoonlik nie, besluite oor staatsake sal neem.
Zuma het bygevoeg dat hy sou verkies om slegs een termyn as president te dien en dat hy onbekwame amptenare sou afdank.
Japan is deesdae die tweede mees gewilde plek om te besoek ná Hongkong vir Taiwannese toeriste
Nie alleen Taiwannese nie, maar besoekers van Suid-Korea, China en Hongkong het verlede jaar amper verdubbel van vyf jaar vroeër, volgens die Japannese toerismeorganisasie
In die deftige winkels in die Ginza-distrik van Tokio hou Chineessprekende winkelassistente Chinese note in hul kasregisters.
Die Japannese regering het visumvereistes vir toeriste van Taiwan en Suid-Korea afgeskaf en sien hulle Asiese bure as die belangrikste bydraers tot 'n groeiende toeristebedryf.
Ekonomiese groei in Oos-Asië het die ekonomiese gaping verklein om dit moontlik te maak vir ander Asiërs om nou na die eens peperduur Japan te reis.
Alhoewel Asiese besoekers aan Japan hou van inkopies, het vele ook 'n diep bewondering vir die land. Noudat hulle dit kan bekostig om te reis, wil hulle graag kom kyk hoe lyk die streek se voorloper.
Japan is nie net nommer-een wat hoë tegnologie en mode betref nie, maar ook vir populêre kultuur geniet hulle 'n groot aanhang regoor Asië.
Navorsing toon dat Westerlinge graag kulturele instellings soos tempels besoek, terwyl Asiërs graag fabrieke besigtig, inkopies doen en dan die natuurskoon en warmbronne geniet.
Reuters rapporteer dat MTN, die selfoonmaatskappy van voornemens is om 'n 5000 km optiese kabelnetwerk van die grond af te kry teen 'n koste van 1.4 miljard Rand. Dit is deel van 'n kapitale uitleg van 7.1 miljard Rand wat byna dubbel soveel is soos verlede jaar. Dit gaan aangewend word om die netwerk se kapasiteit en opvang gebied te verbeter en dit gaan meesal in die beboude gebiede van Gauteng gedoen word om die infrastruktuur uit te brei om as ruggraat van die nasionale stelsel te dien.
"Ons gaan dit in 'n vennootskap met ander diensverskaffers doen" aldus, Tim Lowry, die Besturende direkteur van MTN. Dit gaan help om koste laag te hou asook om onderbrekings te verminder. Daar word beplan om teen Augustus met dit te begin alhoewel daar nog geen begin datum afgekondig is nie.
Die hoof van tegnologie, Sameer Dave sê dat MTN se prioriteit nou is om kapasiteit in geboue soos lughawens, hotelle en winkelsentrums te verbeter en om die plattelandse gebiede ook te bereik. Dave is ook van mening dat dit in MTN se guns sal tel as hulle vir hul self sorg aangesien hulle te afhanklik is van Telkom en dat die diens kort-kort buite aksie is en om hul dienslewering te verbeter. Telkom is verantwoordelik vir tussen 50% en 60% van MTN se diensonderbrekings.
Die direkteur van die Pittsburgse kankerinstituut het 'n ongekende waarskuwing aan sy fakulteit en personeel gerig: Beperk selfoongebruik of loop die risiko van kanker.Dr. Herberman, die direkteur, sê hy grond sy kommer op ongepubliseerde data.
Hy sê dit neem te lank om antwoorde van die wetenskap te verkry en hy glo mense moet nou optree, veral waar kinders betrokke is.
Hy meen dis 'n geval van eerder bang Jan as dooie Jan.
Die owerhede in Brittanje, Frankryk en Indië het gewaarsku dat mens versigtig moet wees om kinders selfone te laat gebruik.
Wetenskaplikes sê hulle het ontdek presies wat die geheimsinnige noordelike poolligte, die aurora borealis, laat dans.
Navorsers by NASA wou die verskynsel beter verstaan.
Hulle sê die wisselwerking van magnetiese velde en gelade deeltjies wat uitwaarts vanaf die son geprojekteer word, veroorsaak kleurvolle elektriese storms in die poolgebiede.
Nadat wetenskaplikes 'n substorm gemeet het, het hulle gevind dat die magnetiese velde eers gebreek word waarna die auroras uitbars. Die partikelstroom het eers ná die ontwrigting plaasgevind, anders as wat voorheen geglo is.
Tussen 2010 en 2012 word hewige sonstorms verwag
Hulle hoop dis 'n stap vooruit om betroubare voorspellings van geomagnetiese storms te onwikkel wat wentelende satelliete en elektriese kragnetwerke op die grond kan versteur.
Ford het ingrypende planne vir sy toekomstige produkte aangekondig en beplan 'n verskuiwing na kleiner, meer brandstofdoeltreffende motors eerder as bakkies of vragmotors.
Die Amerikaanse mark vir sportnutsvoertuie het begin in duie stort tot die petrolprys $4 per gelling bereik het en verbruikers vinnig aangepas en klein motors begin koop het.
Afwesigheid weens stres het in Suid-Afrikaanse maatskappye in 2008 toegeneem vergeleke met die vorige jaar.
In 2007 was die syfer 3,1 persent.
Die navorsingsdata is van 100 000 werknemers in 60 maatskappye afkomstig.
Die navorsers sê dat maatskappye hulself moet afvra wat hulle kan doen om hul personeel gelukkig en produktief te maak.
Die wedren om petroleumbronne in die poolsirkel mag binnekort warm word.
'n Groot geologiese opname het bevind dat die koue tot soveel as 'n vyfde van die wêreld se onontdekte reserwes mag bevat.
Dit sou Rusland se posisie as 'n vername energiespeler verhoog en ook sy magtige greep op Europa se energievoorraad verstewig.
'n Resies om beheer van die arktiese hulpbronne het reeds tussen die Verenigde State, Rusland en Kanada begin.
Verlede jaar het 'n Russiese duikboot 'n onderwatervlag by die Noordpool geplant wat Kanada en Denemarke genoop het om hul eie territoriale eise te stel.
