Na wat in die International Express berig word, is die koningin van Engeland platsak. Sy het dit ook erken.
As gevolg van inflasie en reiskostes, benodig die koningin 'n bykomende twee miljoen pond per jaar om haar koninklike wonings te onderhou.
In vorige jare is haar versoeke om 'n ekstra een miljoen pond per jaar geweier.
Sy twyfel of haar jongste versoek om meer geld toegestaan gaan word want die Londense Olimpiese Spele in 2012 word as belangriker beskou.
Franca Sozzani, redaktrise van die tydskrif Vogue Italia, sê alle mooi wit vroue lyk dieselfde.
Die Julie 2008-uitgawe van haar tydskrif wat so pas verskyn het, vertoon slegs swart modelle, akteurs en musieksterre.
Sozanni sê die Demokratiese Party se nominasiestryd in die VSA wat deur Obama gewen is, het dinge verander.
Terwyl Amerikaanse kiesers nog nie gereed mag wees vir 'n swart president nie, mag tydskrifkopers in Italië nie gereed wees nie.
Maar die redaktrise glo die Obama-golf word oral gevoel hoewel die uitgawe heelwat voor Obama se oorwinning oor Hillary Clinton beplan is.
Die kameelperd het dit gedoen.
Disney-film aanhangers dink miskien die ontsnappers het ou langes se nek gebruik om oor 'n heining te skarrel maar die waarheid is nie so opwindend nie.
Die Nederlandse polisie sê hulle vermoed die kameelperd het die hek oopgeskop.
En in nog 'n afwyking van 'n Disney-animasiedraaiboek, het die diere nie tot op Madagaskar of enige ander eksotiese eiland gevorder nie.
Die voortvlugtigesis almal aangekeer binne 'n paar blokke van die sirkus.
Die minister van veiligheid, Charles Nqakula, het erken dat misdaadvlakke onaanvaarbaar hoog is.
Hy sê dat selfs al het verkragtings afgeneem in vergelyking met verlede jaar, beteken dit nie dié probleem is onder beheer nie.
Alhoewel die voorvalle van geweldsmisdaad gedaal het, het kinderverkragting met twee-en-twintig komma vier persent hoër gestyg.
Die aantal moorde het met vier persent gedaal wat heelwat laer is as die regering se teiken van tussen sewe en tien persent.
Motorkapings en roof het toegeneem.
Die omstrede Nederlandse anti-immigrasiepolitikus Geert Wilders sal nie vervolg word vir die maak van 'n film wat krities is oor Islam nie.
Die film wat in Maart vrygestel is, het betogings en veroordeling in vele Moslemlande ontlok.
In 'n koerant het Wilders ook die Koran met Hitler se Mein Kampf vergelyk.
Nederlandse aanklaers het in 'n verklaring gesê die feit dat die kommentaar kwetsend en aanstootlik vir 'n groot aantal Moslems is, beteken nie dat sulke kommentaar strafbaar is nie. Hulle sien daarom geen rede om Wilders vir haatspraak of diskriminasie te vervolg nie.
Dit help om te vloek. Dit is nou as jy Brits is en 'n paar punte nodig het vir 'n Engelse eksamenvraestel.
'n Hoërskoolleerder het twee uit 27 gekry vir sy moeite om twee vloekwoorde oor 'n eksamevraestel te krap omdat dit 'n sin met betekenis was en die spelling korrek was.
Die onderwyser sê die leerder sou 'n beter punt behaal het as hy die punt agter sy sinnetjie onthou het.
Die vraag was dat die leerders die kamer waarin hulle sit moet beskryf.
Ten minste 29 lande het hulle voedseluitvoere in die pas afgelope maande ingekort.
Indië, Viëtnam, Sjina en 11 ander lande het 'n verbod op rysuitvoere geplaas of dit beperk.
Kazakhstan het hul uitvoere van sonneblomsaad ingekort.
Hierdie beperkinge maak dit moeiliker vir arm invoerlande om die kos wat hulle nodig het te bekostig.
Sulke uitvoerbeperkings dryf voedselpryse hoër volgens die Wêreldhandelsorganisasie.
Wit kinders is baie meer geneig om geboelie te word as enige ander etniese groep, het Britse navorsing aangetoon.Volgens die Londense Times sê anti-boelie-aktviste dat wit kinders se kanse om afgeknou te word toeneem waar hulle in die minderheid is.
Louise Burfitt-Dons, stigter van 'n soortgelyke organisasie by name Act Against Bullying, sê 'n mens hoor net altyd van die ander etniese groepe waarteen daar gediskrimineer word.
Sy sê wittes het reeds hulle gedrag begin verander om te kan oorleef.
Die Nederlanders het pas reëls oor die gebruik van tabak in openbare ruimtes strenger gemaak.
'n Rookverbod het gister regoor die Lae Lande ingeskop.
Maar die gebruik van dagga in die berugte Hollandse koffiewinkels is steeds wettig onder die nuwe wet solank as wat die dwelm nie met tabak gemeng word nie.
Kafee- en kroegeienaars is bekommerd dat hulle sake kan skade ly.
Selfs koffiewinkeleienaars bekommer omdat die meeste Kase verkies om dagga met tabak te meng.
Die sekretaris-generaal van die Verenigde Nasies Ban Ki-moen het gister belowe om te bemiddel in die politieke krisis in Zimbabwe. Hy het bygevoeg dat die verkiesing wat internasionaal verwerp word, implikasies vir die hele Afrika het.
Volgens Ban gaan die verkiesing mank aan legitimiteit vanweë die graad van geweld daartydens.
Ban het 'n nuuskonferensie in Tokio vertel dat Zimbabwiërs in staat moet wees om werklike vryheid te geniet en om hul leiers uit eie vrye wil te kies en sonder om geïntimideer te word.
Die VN-hoof het ook verwys na die Keniaanse oplossing waar regering en opposisie saam regeer.
