Nuus Archives - Page 1132 of 1583

Plofstof deur lughawe

‘n Slowakiese man het onwetend versteekte plofstof op ‘n vlug na Dublin, Ierland, gesmokkel.

Die voorval volg nadat ‘n veiligheidsoefening by ‘n Slowakiese lughawe skeefgeloop het, het Ierse owerhede Dinsdag gesê.

Hy het eers uitgevind dat hy die oortreding begaan het toe Ierse polisie sy woonstel Dinsdagoggend betree.

Robert Kalinak, Slowakye se die minister van binnelandse sake, het aan die Ierse regering gesê hy is “baie jammer” oor die voorval.

Slowakye het drie dae geneem om Ierland van die fout in kennis te stel.

Veiligheidsbeamptes in Dublin het gesê dit is dom, onder enige omstandighede, om plofstof in passasiers se bagasie te versteek en hulle onwetend daarmee te laat vlieg.

Veiligheidskenners meen egter die voorval toon juis die tekortkominge van sekuriteitsprosedures by lughawens.

Slowakye het Saterdag egte bomkomponente in nege passasiers se bagasie versteek.

Agt van die komponente is opgespoor, maar die negende, sowat 90 gram plofstof, is onopgemerk tussen die Poprad-Tatry lughawe in sentrale Slowakye en Dublin se internasionale lughawe vervoer.

сделать справку в

Oosterse markte styg; olie, koper bly hoog

Aandele in die Verre Ooste het vanoggend sterk gestyg ná ‘n goeie vertoning op Wallstraat gisteraand. Veral skeepvaartmaatskappye en hulpbronmaatskappye het goed gevaar, terwyl die olieprys tot naby $82 per vat gestyg het en Asiese effekteprysrisiko tot die laagste vlak sedert Mei 2008 gedaal het, te midde van tekens dat globale ekonomiese groei gaan toeneem.

Die Morgan Stanley-Asië-Stille-oseaanindeks het met 1,4 pesent opgeskiet tot 123,77 teen 14:08 in Tokio. Die Suid-Koreaanse won het met 0,9 persent tot 1 144,30 per dollar gestyg en daarmee ‘n hoogtepunt van 15 maande bereik. Ru-olie vir lewering in Februarie het teen $81,63 per vat verhandel, wat ‘n styging van 12 sent teenoor die sluitingsprys gisteraand op die New York Mercantile Exchange verteenwoordig.

Die Internasionale Monetêre Fonds (IMF) sal sy vooruitskatting vir globale ekonomiese groei vanjaar opwaarts aanpas tot 3,1 persent, aangesien regeringstappe om ‘n groter finansiële krisis af te weer kennelik geslaagd was, het die adjunkbesturendedirekteur, John Lipsky, gesê. ‘n Regeringsverslag wat teen vanmiddag in die VSA gepubliseer gaan word, gaan na verwagting toot dat fabrieksbestellings in dié vir die derde maand agtereenvolgens gestyg het.

Koperprys

Die koperprys het met 0,4 persent gedaal, ná ses agtereenvolgende dae van stygings, gegewe die loonooreenkoms wat Xstrata plc by die Altonorte-smelter in Chile bereik het. Stakende werkers by Codelco se myn in Chuquicamata gaan waarskynlik ook ‘n verbeterde loonaanbod aanvaar, het ‘n woorvoerder vir die vakbond Jaime Graz per telefoon laat weet.

Sedert 22 Desember het die koperprys egter met 9 persent die hoogte in geskiet na aanleiding van die vraag wat in China herstel. General Motors, die grootste buitelandse motorvervaardiger in China, het gister bekendgemaak dat verkope in dié land met 67 persent in 2009 gestyg het.

Ontluikende markte ontvang groot bedrae

Sowel aandele- as effektefondse wat in ontluikende markte belê het in 2009 rekordbedrae ontvang, het EPFR-globaal gister gesê. Ontluikende aandelefondse het $64,5 miljard ontvang terwyl dié wat in effekte van ontwikkelende lande belê meer as $8 miljard getrek het, wat ook ‘n nuwe rekord is, het EPFR gesê. Dié fondse het in 2008 ‘n uitvloei van $67 miljard ervaar.

Данильченко Харьков

Padsterftesyfer glo foutief

Die padsterftesyfers vir Desember 2009 is glo heeltemal verkeerd en is dalk baie meer as in 2008, beweer ‘n kenner.

Volgens Rob Handfield-Jones, die besturende direkteur van driving.co.za, is die departement van verkeer se bewerings nie korrek nie.

Die departement het verlede week bekendgemaak dat sowat 1050 mense sedert 1 Desember tot 31 Desember 2009 op die paaie gesterf het.

“Tydens dieselfde tydperk in 2008 het sowat 1348 mense op die land se paaie gesterf,” is in ‘n persverklaring gesê.

Maar volgens Handfield-Jones het daar slegs 908 mense in 2008 op die paaie gesterf. “Daar was minder sterftes in 2008 as in 2009. Dus het die padsterftesyfer die afgelope feesseisoen met sowat 16% gestyg.

“Spoedbeheer gaan nie die probleem oplos nie. Suid-Afrika benodig ‘n nuwe stelsel waarvolgens lisensies uitgereik word. Die huidige stelsel werk nie en het tot gevolg dat swak bestuurders op die paaie rondry,” het Handfield-Jones gesê.

Logan Maistry, woordvoerder vir die departement van vervoer, is egter steeds van mening dat die padsterftesyfers beslis afgeneem het in vergelyking met die vorige jaar.

“Die syfers wat bekendgemaak is, is nog nie finaal nie. Die minister van vervoer, Sbu Ndebele, sal dit eers later hierdie maand uitreik,” het Maistry gesê.

Volgens hom het die regering geen rede om die syfers te dokter nie. “Ons doel is om lewens te red.”

entertaining games

Koue eis 13

Minstens 13 mense is gedurende die langnaweek tydens Nuwejaar in Pole dood toe temperature tot by -25 grade Celsius gedaal het.

Dit bring die land se sterftesyfer weens die koue Europese winter tot by 122, het polisie Maandag gesê.

Volgens owerhede was die meeste slagoffers hawelose mans tussen die ouderdomme van 35 en 50 jaar. Hulle het weens hipotermie gesterf, het polisie gesê.

Polisie en munisipale werkers het Pole aangemoedig om owerhede in kennis te stel van haweloses in hulle areas sodat die haweloses na tuistes verwys kan word wat spesiaal vir die winter opgerig is.

Sedert die begin van November is 122 mense dood weens die koue in Pole.

Gedurende die 2008/2009 winterseisoen is 82 mense weens hipotermie dood. In die 2005/2006 winterseisoen is 233 mense dood, die hoogste nog in Pole.

holidays

VSA ‘diskrimineer’ teen Nigerië

Die nuwe veiligheidsmaatreëls vir passasiers wat na of van die VSA vlieg, is Maandag deur Nigerië as “onregverdig” beskryf.

Die Afrikaland meen die nuwe regulasies diskrimineer teen soveel as 150 miljoen mense.

Die VSA het onlangs aangekondig dat reisigers van 14 lande, insluitende Nigerië, onderhewig sal wees aan strenger veiligheidsmaatreëls op Amerikaanse lughawens.

Die opskerping van sekuriteit volg ná ’n jong Nigeriër daarvan beskuldig is dat hy ’n Amerikaanse vliegtuig wou opblaas op Kersdag.

Volgens Dora Akoenyili, Nigerië se minister van inligting, het dié land geen geskiedenis van terrorisme nie en kan so ’n besluit deur die VSA nie geregverdig word nie.

“Dit is onregverdig om Nigerië in so ’n lys in te sluit. Nigeriërs het nie terroristiese neigings nie,” het Akoenyili aan joernaliste gesê.

Oemar Faroek Abdoelmoetallab, ’n 23-jarige Nigeriër, word daarvan aangekla dat hy plofstof aan boord van ‘n Amerikaanse vliegtuig aan die brand wou steek.

“Abdoelmoetallab se gedrag is nie soos die van ander Nigeriërs nie en moet dus nie gebruik word om alle Nigeriërs te oordeel nie,” aldus Akoenyili.

“Hy is nie deur Nigeriërs beïnvloed nie,” het Akoenyili gesê. “Hy is nie in Nigerië opgelei nie en is nie hier ondersteun nie.”

Volgens aanklaers wou Abdoelmoetallab die aanval uitvoer na hy opleiding by ’n militêre basis in Jemen ontvang het.

Hoogste gebou gedoop

Die wêreld se hoogste gebou is Dinsdag in Doebai geopen.

Volgens die WAM-nuusagentskap is die gebou die Burj Khalifa gedoop om eer te betoon aan die leier van die Verenigde Arabiese Emirate (VAE), Sjeik Khalifa bin Zayed al-Nahayan.

Volgens ’n multimediavoorlegging by die openingseremonie is die gebou 828 m hoog.

Die opening van die Burj Khalifa kom te midde ‘n finansiële krisis in die Midde-Oosterse stad.

Abu Dhabi, ook ‘n lid van die VAE, moes onlangs miljarde Rande aan die sukkelende Doebai leen sodat die stad sy skuld kon delg.

Sjeik Khalifa bin Zayed al-Nahayan is die leier van Abu Dhabi sowel as die president van die VAE-federasie.

машинка мультики

Mpumalanga sal nie nou matriekuitslae vrystel

Matriekleerlinge in Mpumalanga sal nie Donderdag hulle uitslae ontvang nie, het die gehaltebeheerliggaam Umalusi Maandag bevestig.

“Umalusi vra die leerlinge en hulle families om verskoning vir enige ongerief, maar glo dat uitslae wat wel vrygestel word geloofwaardig moet wees,” het prof. John Volmink, voorsitter van die Umalusi-raad, gesê tydens ’n mediakonferensie.

Dié besluit kom ná vyf matriekvraestelle (wiskunde I en II, natuur- en- skeikunde I en II en rekeningkunde) uitgelek het.

“Ons is dit nie net aan die leerlinge van Mpumalanga verskuldig nie, maar ook aan die hele land.”

Ongeveer 60 000 leerlinge het die matriekeksamen in Mpumalanga afgelê.

Zuma-bruilof ‘uit Donker Eeue’

Die leier van die Christelike Demokratiese Party het president Jacob Zuma se tradisionele troue as ‘n “reuse-stap terug na die Donker Eeue” beskryf.

Die jongste huwelik van pres. Jacob Zuma met ‘n vrou by wie hy glo reeds drie kinders verwek het, en die kommerwekkende terugkeer na voorvader-aanbidding soos met die voorgenome rituele slagting van beeste by die 2010 Wêreldbeker-sokkerstadions onder die dekmantel van “tradisie” neem Suid-Afrika met rasse skrede terug na die Donker Eeue, sê ds. Theunis Botha. Leier van die Christen-Demokratiese Party (CDP) en waarnemende voorsitter van die Christen-Demokratiese Alliansie (CDA).

”Dit is ‘Afrikatradisies’ soos hierdie wat Afrika geteister en in die greep van bygeloof en armoede vasgevang gehou het, en nie kolonialisme soos sommiges beweer nie. Min is nog na onafhanklikwording bereik wat nie danksy aalmoese van veral die Weste bereik is nie.

“Die vryheid wat deur sogenaamde bevryders voorgehou word, het bloot ontaard in ‘n ‘vryheid’ waar die elite hulself verryk het en banale lewensstyle aangeneem het. Intussen het die armes die armstes van die armes geword.

“Suid-Afrika word danksy mislukte regerings en magsugtiges ten noorde van die landsgrense oorstroom deur onwettige immigrante en vlugtelinge, wat so onmoontlike druk op Afrika se mees gevorderde infrastruktuur plaas.

“Dit is tyd dat Suid-Afrikaners wakker skrik en besef dat hul, hul toekoms op die spel plaas deur dit aan die huidige regering toe te vertrou.

“Afrika en veral Suid Afrika hoef nie te misluk nie.

“Wat die voorvaderaanbiddingspraktyke betref, moet kerke hul swye opskort. Politieke partye wat hulle hieroor uitspreek, terwyl kerke dawerend swyg, word in die proses maklik en onverdiend as anti-swart en rassities getipeer.“

“Kerke het ‘n verantwoordelikheid om voorvaderaanbidding aan te spreek,” het Botha gesê.

Zuma het Maandag tydens ‘n tradisionele huwelikseremonie met sy vyfde vrou, Thobeka Madiba, getrou.

Die president se ander vroue sluit in Sizakele Khumalo – met wie hy in 1973 getrou het – asook Nompumelelo MaNtuli-Zuma.

Hy was voorheen wettig getroud met Kate Zuma. Sy het in 2000 gesterf. Hy was ook getroud met Nkosazana Dlamini-Zuma, minister van binnelandse sake. Hulle is egter in 1998 geskei.

Zuma is die pa van 18 kinders.

Hy is glo ook verloof aan Gloria Bongi Ngema van Durban.

promoted posts

Nuwejaar weer met brandende motors gevier

Om motors te brand in Parys en ander groot stede in Frankryk se arm swart buurte, is niks nuuts nie en Nuwejaar moet talle voertuigeienaars dit weer ontgeld.

Die aantal voertuie wat in ligte laaie gelaat is hierdie jaar is net 10 minder as die rekordaantal van 1 147 motors wat verlede jaar in die feestyd uitgebrand is, ten spyte van die geweldige polisieteenwoordigheid.

Die Franse ministerie van binnelandse sake het 45 000 polisiemanne in die veld gestoot om die brandstigting te verhoed hierdie jaar, 10 000 meer as 12 maande gelede.

Die polisie het 549 mense aangehou ivm geweld en brandstigting in vergelyking met 288 gedurende die Nuwejaarsvieringe in 2009.

Daar was egter geen direkte skermutselinge tussen polisielede en swart jeugdiges wat soos in die verlede die nuus gehaal het nie. Die ministerie het in ‘n verklaring gesê die “paar opstootjies wat daar was, is vinnig onder beheer gebring”.

Die Franse owerhede het hulle inligtingsinsameling en skarebeheer intussen opgeknap, maar kon nog nie ‘n antwoord vind vir die groeiende anti-wit sentimente in swart woonbuurte nie.

play live casino лобановский обыск

Derde Roadlinkbus van die pad gehaal

Die derde Roadlinkbus in ‘n week is van die pad af gehaal nadat daar bevind is dat die voertuig se remme nie op standaard was nie.

Dit volg na twee Roadlinkbusse van George en Knysna op Nuwejaarsdag weens ‘n aantal foute padtoegang geweier is.

In Julie verlede jaar was ‘n Roadlinkbus betrokke by ‘n ongeluk naby Beaufort Wes waarin agt mense oorlede is.

Twaalf mense het in 2006 hul lewens verloor toe ‘n Roadlinkbus op Kersfees in ‘n pilaar van ‘n brug in KwaZulu-Natal vasgery het.

no deposit bonus