Nuus Archives - Page 1361 of 1583

Sjina mag dalk eerste vliegdekskip bou

'n Hooggeplaasde Sjinese militêre offisier het laat val dat Sjina nou op soek is na 'n vliegdekskip vir sy vinnig groeiende vloot, 'n aksie wat vir seker spanninge tussen die Amerikaanse magte en sy bondgenote in Asië sal verhoog.

In 'n onderhoud wat Maandag in die Londense Financial Times gepubliseer is, het die offisier, majoor-generaal Quan Lihua nie gesê of Sjina besig was om 'n vliegdekskip te bou nie. Maar die generaal, 'n senior beampte in die Sjinese departement van verdediging het gesê dat om so iets te hê die droom van enige groot militêre mag is, en dat indien Sjina een sou kry, Amerika niks het om te vrees nie, aangesien dit net vir verdedigingsdoeleindes sal wees.

"Die vraag is nie of mens 'n vliegdekskip het nie, maar wat mens met so iets doen" het hy gesê.

"Selfs al het ons eendag so vliegdekskip, sal ons nie soos ander lande dit gebruik vir globale ontplooiing nie."

In onlangse jare het beamptes by die Pentagon Sjina se ambisieuse vlootopbou baie versigtig gevolg. Sedert 2000 het Sjina ten minste 60 oorlogskepe gebou, en sy vloot van 860 vaartuie sluit ook 60 duikbote in.

Spanning tussen Sjina en Amerika het ook verlede maand gestyg nadat die Pentagon die verkoop van $6 miljard se gevorderde wapentuig aan Taiwan aangekondig het. Sjina het woedend gereageer op die nuus, en gewaarsku dat dit die verhoudinge tussen die twee lande kan versuur. Die transaksie sluit in Apache-aanvalshelikopters en gesofistikeerde missiele, radar en lugverdedigingsstelsels.

In die onderhoud het die generaal benadruk dat Sjina nie 'n vliegdekskip sal ontplooi met aggressiewe bedoelinge nie.

"Vlote van groot moondhede met 10 of meer vliegdekskipgevegsgroepe met strategiese oogmerke het ander toepassings as lande met net een of twee vliegdekskepe vir verdediging van hulle eie waters en kuslyne," het hy gesê.

Alhoewel hy nie name genoem het nie, was sy kommentaar gemik op Amerika, wat 11 vliegdekskepe het, onder andere die George Washington, wat onlangs na Japan ontplooi was.

Die handjievol ander lande wat wel vliegdekskepe het, insluitende Brittanje, Frankryk, Italië en Rusland, het nie een meer as twee sulke skepe in hul vlote nie.

play cluedo online for free no download Фильчаков Харьков

Na die maan?

Die Tegniese Universiteit van Delft wil graag 'n robot maan toe stuur. Die fakulteit van Luchtvaart- en Ruimtevaarttechniek van die TU Delft oorweeg dit om mee te doen aan die Google Lunar X Prize.

Dit is 'n prys van 20 miljoen dollar wat Google ingestel het vir die eerste span wat voor 31 Desember 2012 'n robot op die maan kan sit en wat 500 meter oor die maanoppervlak kan veplaas word.

Dit kom as 'n anti-klimaks op die feit dat mense voorheen die maan bewandel het toe Amerikaanse ruimtereisigers in 1969 daar geland met Apollo.

Hierdie keer moet die robot moet slegs videobeelde, panoramabeelde en data na die aarde kan stuur.

As voorbereiding werk twee Delftse studentenspanne tien weke nou al aan die voorbereidings van 'n moontlike missie.

воронеж стойки Данильченко

Sjina bekom Amerikaanse vuurpyltegnologie

'n Amerikaanse wetenskaplike het skuldig gepleit aan die verkoop van vuurpyltegnologie aan Sjina. Die wetenskaplike het Amerikaanse wapenwette met die transaksie oortee.

Quan-Sheng Shu, 68, het erken dat hy Sjina gehelp het om 'n brandstofstelsel vir die lansering van ruimteskepe te bou.

Shu, die uitvoerende beampte van 'n hoëtegnologiemaatskappy in Virginië, het ook skuldig gepleit op die aanklag dat hy Sjinese amptenare omgekoop het om 'n kontrak vir 'n ander maatskappy te bekom.

Hy is op borgtog vrygelaat en sal in April sy vonnis aanhoor. Hy staar gevangenisstraf van tot 25 jaar en swaar boetes in die gesig.

Shu is in Sjanghai gebore, maar het Amerikaanse burgerskap verkry. Hy het werknemers by sy maatskappy beveel om dokumente te vervals rakende die transaksies wat tussen 2003 en 2007 gesluit is, volgens die aanklaers.

липецк вентили

Rugby is ‘n ‘misdadigersport’

Butana Komphela en Cedric Frolick sê hulle gaan alle stadions van rugby wegneem en niks gaan hulle keer nie.

Dié twee is onderskeidelik voorsitter en ondervoorsitter van die parlementêre portefeuljekomitee oor sport. Die stelling het gekom nadat Frolick op ’n vergadering van die komitee aan die stadsbestuurder van die eThekwini-metroraad, Mike Sutcliffe, gevra het aan wie die Absa-stadion in Durban behoort.

Sutcliffe het gesê die Absa-stadion behoort aan die metroraad. Die raad het ’n huurkontrak van 55 jaar met die KwaZulu-Natalse Rugby-unie, maar wil hê die unie moet van die Absa- na die nuwe Moses Mabhida-stadion skuif wat in 2010 gereed sal wees.

Die unie is nie te vinde vir die gedagte nie, maar Sutcliffe het gesê hy glo hulle sal uiteindelik gedwing word om te trek.

Volgens Frolick is rugby is “rassisties” en ’n “misdadigersport". Hy het die Afrikaanse media daarvan beskuldig dat hulle net oor rugby verlag doen.

Frolick sê rassistiese aanvalle tydens die Curriebeker-eindstryd in die Absa-stadion het hom laat besef dat sekere stadions vir rugby is en ander stadions vir ander sportsoorte.

Maleisi? se inheemse stamme kan uiteindelik grond besit

08:29:10 Maleisië se regering beplan om vir die eerste keer eienaarskap van landbougrond aan inheemse oor te dra in 'n poging om die lewens van die arm stamme te verbeter, het 'n beampte Woensdag gesê.

Omtrent 20 000 families van Maleisië se Orang Asli-stamme sal permanente eienaarskap van sowat 50 000 hektaar grond van 'n landelike gebied ontvang. Dié grond behoort tans aan die regering en is naby aan hulle nedersettings, het Jafar Jantan, 'n regeringswoordvoerder vir die Orang Asli-departement gesê.

"Dit is die eerste keer in die geskiedenis dat die Orang Asli die titelaktes tot hulle grond sal besit. Dit sal hulle help om 'n beter inkomste te genereer en aan hulle 'n beter toekoms gee," het Jaafar gesê.

Die Orang Asli, wat beteken "oorspronklike mense" in die Maleisiese taal, bevat omtrent 140 000 mense van 18 etniese groepe, wat almal van Maleisië se armste burgers is. Meeste van hulle beoefen animisme en baie van hulle woon steeds in of naby die reënwoude, waar hulle jag en landbou beoefen.

Menseregteaktiviste het lank reeds gekla dat die Orang Asli-gemeenskappe dikwels op onbillike wyse van staatsbeheerde grond af geforseer word om plek te maak vir ontwikkelingsprojekte.

Die titelaktes gaan waarskynlik aan die Orang Asli-mense oorhandig word teen volgende jaar, het Faafar gesê. Owerhede beplan om kontantgewasse aan te plant soos palms (vir palmolie) en rubberplante, wat die Orang Asli kan verbou vir hulle inkomste oor 'n paar jaar.

Фильчаков

Afrikanerbond stem saam met naamsveranderinge

08:29:40 Leiers van die Afrikanerbond het op Woensdag ingestem om saam met die regering te werk oor naamsveranderinge in Gauteng, het die provinsiale regering gesê.

Woordvoerder Simon Zwane het gesê die Afrikanerbond het gedurende 'n vergadering met die Gautengse premier, Paul Mashatile, beloof om die naamsverandering te ondersteun.

"Daar is ooreengekom dat die proses van naamsverandering inklusief moes wees en die geskiedenis en agtergrond van al die mense moes weerspieël," het Zwane gesê.

Die Afrikanerbond het ook ingestem om die regering te help met misdaadvoorkoming, verbetering van onderwys en versnelling van dienslewering.

"Gedurende die vergadering het Mashatile gesê dat die regering saam met die Afrikanerbond sal werk, omdat die regering bekommerd is oor die welstand van die mense," het Zwane verder gesê.

Indiese oorlogskip vernietig Somaliese seerowerskip

'n Indiese oorlogskip het 'n Somaliese seerower "moederskip" vernietig na 'n geveg aan die kus van Somalië, het beamptes gesê.

Vlootwoordvoerder, Nirad Sinha, het gesê dat die fregat, INS Tabar, laat Dinsdag begin skiet het op die skip in die Golf van Aden, nadat gewapende mans aan boord van die seerowerskip op hulle begin skiet het.

"Die vaartuig was soortgelyk in beskrywing aan die "moedervaartuig" van die seerowers wat in verskeie bulletins genoem is," het Sinha in New Delhi gesê.

"Die INS Tabar het die "moederskip" genader en versoek om te stop vir inspeksie. Na verskeie versoeke het dié vaartuig gedreig dat hulle die oorlogskip sal opblaas indien hulle nader sou kom," het hy gesê.

Seerowers is op die bodek van die vaartuig gesien met RPG's en outomatiese wapens, het hy gesê.

'n Senior vlootbron het gesê dat die oorlogskip swaar kanonne gebruik het om die seerowerskip totaal te vernietig.

"Van wat ons kan sien in foto's is die seerowers se vaartuig totaal vernietig," het die anonieme offisier gesê.

Die Golf van Aden is die effektiewe toegangsbeheerpunt vir die Suezkanaal, wat skepe toelaat om van Europa na Asië te gaan sonder om die langer en veel duurder roete om die suidpunt van Afrika te neem.

NAVO, Amerika en verskeie Europese lande het almal skepe na die streek gestuur om te poog om seerowery daar stop te sit.

up no

Sarkozy red Georgiese leier van erge lot

Saakashwili

Nicolas Sarkozy het die president van Georgië daarvan gered om "aan sy kroonjuwele opgehang te word", 'n dreigement wat verlede somer deur Vladimir Poetin gemaak is, volgens inligting wat gister deur die Élysée-paleis gelek is.

Die Russiese eerste minister het sy plan om van mnr. Saakashwili ontslae te raak bekend gemaak toe mnr. Sarkozy in Augustus in Moskou was om 'n skietstaking in Georgië te reël.

Jean-David Levitte, mnr. Sarkozy se hoofdiplomatieke raadgewer het dié stukkie nuus bekend gemaak in 'n nuustydskrif voor 'n vergadering wat vandag tussen die EU en Rusland moet plaasvind. Die vergadering gaan gelei word deur die Franse leier en president Medwedef.

Met Russiese tenks net 30 myl van Tbilisi af op 12 Augustus, het mnr. Sarkozy aan mnr. Poetin gesê dat die wêreld nie gaan aanvaar dat die Georgiese regering omvergewerp gaan word nie. Volgens mnr. Levitte het die Rus nie bekommerd oor internasionale reaksie geklink nie. "Ek gaan vir Saakashvili aan sy kroonjuwele ophang," het mnr. Poetin gesê.

Mnr. Sarkozy, wat gedink het dat hy verkeerd gehoor het, het gevra: "Hom hang?"

"Hoekom nie?" het mnr. Poetin geantwoord, "Die Amerikaners het vir Saddam Hoessein gehang."

Mnr. Sarkozy het probeer om met hom te redeneer.

"Ja, maar wil jy soos president Bush opeindig?" het hy gevra.

Mnr. Poetin was vir 'n oomblik stomgeslaan, waarna hy toegegee het dat mnr. Sarkozy "'n punt daar beet het".

Mnr. Saakashwili, wat gister in Parys was om met mnr. Sarkozy te vergader, het senuweeagtig gelag toe 'n radiostasie vir hom die gesprek voorgelees het. "Ek het geweet van die toneel, maar het nie al die besonderhede gehad nie. Maar dit is snaaks," het hy gesê.

Mnr. Sarkozy se span het die gesprek laat uitlek om hulle bewering dat die Franse president se tussenbeidetreding in Georgië, of liewer hulle leier van verdere treitering te red, te versterk. Hulle wil klagtes weerlê dat hy te veel toegegee het in die naam van Europa deur die Russiese anneksasie van die wegbreekprovinsies in Suid-Ossetië en Abkhasië toe te laat.

камни для бани

Springbok is uit

Die Springbok mag nie meer op die groen-en-goud-baadjies wees nie. Daarmee word 'n hoofstuk van 'n 100 jaar in Suid-Afrikaanse rugby afgesluit.

Die embleem gaan van die bekende baadjies verdwyn. Makhenkesi Stofile, minister van sport en ontspanning, het gesê die springbok moet nie links op die trui wees nie, "hy moet weg”.

Die bok sal nie heeltemal van die nasionale rugbytrui verdwyn nie, maar van die linkerkant na die regterkant oorskuif om vir die protea plek te maak.

Stofile het gesê ’n besluit is in 1991 deur alle Suid-Afrikaanse sportfederasies geneem dat die protea die nasionale sportembleem moet wees. Daar in 1992 en 1996 uitstel aan rugby gegee oor die kwessie, moet die besluit nou deurgevoer word.

Hy het ook gesê die regering is die wettige eienaars van die embleem. Sy departement kon egter nie die nodige bewyse lewer nie.

Luke Watson, wat teen die springbok as embleem gekant is, het gesê hy is verheug oor die uitslag.

Ecstacy tablette in sinagoges gevind

Sowat 6000 ecstacy tablette is Vrydag deur polisie in 'n klopjag op twee sinagoges gevind in Rishon Lezion se Shikun Hamizrach gebied in Israel.

Plaaslike polisie , wat 'n paar dae terug 'n wenk ontvang het oor die dwelms, het sowat 3000 Ecstacy tablette en 'n pistool in die plafon van 'n sinagoge in Shivtei Yisraelstraat gevind.

'n Addisionele 3000 pille is in die badkamer by 'n ander nabygeleë sinagoge gevind.

Ondersoekbeamptes het gesê die dwelmhandelaars, wat steeds op vrye voet is, het klaarblyklik beplan om die tablette by 'n partytjie wat in die volgende paar dae gehou sal word te verkoop.

очистные установки лобановский обыск