VF+ vra DA om hul neus uit Afrikaners se sake te hou

Die VF Plus het die DA burgemeester van Midvaal, mnr Timothy Nast sterk gekritiseer nadat hy verlede week tydens ‘n ouervergadering by die Laerskool Hendrik Verwoerd in Meyerton, die ouers van die skool as burgemeester in ‘n toespraak oorreed het om die naam van die skool ter wille van politieke korrektheid te verander, aldus mnr Jaco Mulder, VF Plus LPW vir Gauteng.

Die hoof en beheerliggaam van die skool het die skoolgemeenskap in ‘n politieke verleentheid gedompel deur die ouergemeenskap op kort kennisgewing bloot te stel aan die eensydige partypolitieke boodskap van Nast, sonder om teenargumente op gelyke basis aan te hoor.

Die aksie is niks anders as ‘n voorverkiesingsfoefie, soortgelyk aan die verwydering van die borsbeeld van dr Verwoerd voor die Meyerton burgersentrum kort voor die munisipale verkiesing van 2011, om hul swart steunbasis te verstewig.

Die DA beheerde raad begin ook eersdaags met ‘n straatnaamsveranderingsproses om verder gestalte te gee aan die populistiese stemvee. Dit is tragies dat die DA die ANC sterk in sy Verwoerd-misleidingsveldtog en daardeur ‘n deel van die ware geskiedenis van Meyerton uitwis.

Die feit dat dr. Verwoerd die parlementêre verkiesing in 1958 as LV vir Heidelberg gewen het met Meyerton as deel van die kiesafdeling, in Januarie 1960 as eerste minister van Suid-Afrika tydens die parlementsopening aangekondig het dat ‘n volkstemming oor republiekwording gehou sou word en dat die eerste openbare geleentheid wat Verwoerd ná dié aankondiging gehad het juis in Meyerton deur sowat 80 000 mense bygewoon is, word deur die aksies van die DA misken.

Volgens mnr Corrie Pypers, VF Plus raadslid vir Midvaal is dit onbehoorlik dat die burgemeester van ‘n stadsraad, wat ‘n diensleweringsinstansie is, inmeng in sake soos die naam van ‘n skool.

topcargo отзывы

Kondome, Vigstoetse vir skole

KwaZulu-Natalse skole ondersoek instel oor hoe kondome aan leerlinge verskaf kan word en hoe gewillige toetse vir MIV/Vigs gefasiliteer sal word.

The Mercury berig Senzo Mchunu, LUR van onderwys, sê dit is ‘n kwessie van “hoe”, eerder as “sal ons of sal ons nie.”

Hy is bekommerd ook die huidige toestand in die provinsie se skole, waar 10 595 leerlinge in 2011 swanger geraak het. Dwelms en drank word ook na die klaskamers geneem.

Volgens hom moet ouers en beheerliggame MIV en vigs bespreek.

“Ons hoef nie meer skaam te wees om te aanvaar dat kinders op ‘n jong ouderdom seksueel aktief is nie,” het hy gesê.

Die departement gaan fokus op skole waar swangerskappe algemeen is.

лобановский александр фото

Maharaj glo by korrupsie betrokke

Die president se woordvoerder, Mac Maharaj, en sy eggenoot, Zarina, is betrokke by grootskaalse korrupsie, berig Eyewitness News.

Die Skerpioene het aanvanklik die beweerde misdaad in 2009 ondersoek, maar die aanklagte is laat vaar.

Maharaj se skoonsuster, Shireen Karim, het inligting onthul oor kontrakte wat vir nuwe rybewyse aangegaan is.

Volgens Karim is ‘n beweerde Switserse bankrekening geopen waarin Maharaj glo gunslone gedeponeer het ná die instelling van Suid-Afrika se kredietkaartstyl-rybewysstelsel.

Maharaj kon nie vir kommentaar bereik word waar hy tans in Londen is nie. Sy prokureur het namens hom die bewerings as vals afgemaak.

Фильчаков Александр Васильевич

Aanval op Wouter Basson oor uitnodiging

Die kardioloog Wouter Basson het kritici bevraagteken wat hom ná ‘n motiveringspraatjie wat hy by ‘n Kaapse buiteklub gelewer het, aangeval het, is Donderdag berig.

Die praatjie, wat hy Vrydag by die eksklusiewe Kelvin Grove-buiteklub gelewer het, het “die wenkbroue laat lig en op sommige sosiale netwerke word die klub se uitnodiging aan Basson bevraagteken”.

Basson het egter aan die koerant gesê hy lewer jaarliks duisende soortgelyke praatjies en weet nie hoekom dié spesifieke een so baie reaksie ontlok het nie.

“Dit was ‘n wonderlike bespreking. Ons het ‘n wonderlike dag gehad met wonderlike kos en wonderlike mense.”

Basson was die hoof van Project Coast – die weermag se destydse projek vir chemiese en biologiese oorlogvoering.

Dié projek was na bewering gemik op die vervaardiging van traangas en verskeie chemiese middels wat ingespan is vir skarebeheer en vir gebruik teen die regering se vyande in die Grensoorlog in die tagtigerjare.

Basson is in April 2002, ná ‘n verhoor van 30 maande, vrygespreek op meer as 40 aanklagte van ondermeer moord, bedrog en dwelmhandel.

Hy het aan die Cape Times gesê diegene wat sy praatjies kritiseer is “dwaas en ongeligte” mense.

“Duidelik het hulle nie die hofsake gevolg nie. Niks is in die hooggeregshof in Johannesburg teen my gevind nie.”

Corine Sharp, die Kelvin Grove-buiteklub se bemarkingsbestuurder, het aan die koerant gesê sy gaan nie kommentaar lewer oor Basson se toespraak nie. Sy het alle navrae na die bestuur verwys.

Die besware teen die klub was dat hulle vroeër Jode toegang belet het, en Basson se uitnodiging het glo aan dié ongelukkige feit herinner. Ook het ‘n Joodse joernalis beweer dat Basson nie onskuldig is nie, ten spyte van die gunstige uitspraak in die hooggeregshof.

лобановский александр игоревич

Plase soos enige deel van gemeenskap sê minister

Plase is nie spesiale gebiede in gemeenskappe nie en verdien nie meer polisiefokus as enige ander gebied in die land nie, het Nathi Mthethwa, minister van polisie, Donderdag gesê.

“Ek weier om toe te tree tot die idee dat plase spesiale gebiede in ons samelewing is,” het hy op ‘n ontbytvergadering in Johannesburg gesê.

“Nee, hulle is nie. Hulle vorm deel van die landelike beveiligingsplan.”

Mthethwa het gesê die beveiligingsplan hanteer misdaad en geweld in al die landelike gebiede.

“Ons praat van die nedersettings en die algemene misdaad is in die landelike gebiede. Hier het ons ook plase.”

Mthethwa het gesê sekere landbougroepe maak plaasmoorde ‘n politieke kwessie.

Op 15 Januarie het die burgerregte-organisasie AfriForum gesê Mthethwa se swye oor plaasaanvalle grens aan sameswering.

“Die minister se stilte oor die toename van plaasaanvalle is ‘n skande,” het Ernst Roets, adjunk- uitvoerende hoof van Afri­Forum, gesê.

“Indien die minister ernstig is oor die beskerming van Suid-Afrikaners, sou hy plaasaanvalle jare gelede tot ‘n prioriteitsmisdaad verklaar het.”

Roets het reageer op berigte van ‘n bejaarde paartjie wat op hul plaas naby Parys in die Vrystaat vermoor is.

Mthethwa het ook die behoefte van ‘n groter oorsig vir die polisie bespreek.

topcargo отзывы

Nog een vas vir terreurkomplot

Nóg ‘n man is in hegtenis geneem in verband met ‘n terreurkomplot, is Donderdag berig.

Die 31-jarige man sal Donderdag op aanklag van hoogverraad in die Bloemfontein-landdroshof verskyn, berig Volksblad.

Voorlopige inligting dui daarop dat die 31-jarige boer van Aberdeen, wat vandeesweek in sy distrik in hegtenis geneem is, verantwoordelik sou gewees het om brandstofopgaartenks in Port Elizabeth op te blaas, het brig. Billy Jones, kommunikasiehoof van die Vrystaatse polisie, by navraag gesê.

Vier ander regses wat glo ook deel van dié komplot was, moet weer op 25 Maart in die Bloemfonteinse landdroshof verskyn.

Hulle is op Versoeningsdag verlede jaar in hegtenis geneem omdat hulle na bewering deel van die komplot was om ‘n eetsaal van die hooggeplaastes op die ANC se Mangaung-leierskonferensie in Bloemfontein op te blaas.

‘n Alternatiewe plan was glo om ANC-hooggeplaastes op kort afstand dood te skiet.

Van dié vier is net Hein Boonzaaier (50) van Centurion laat verlede week op borgtog van R80 000 vrygelaat.

Die aansoeke om borgtog van Martin Keevy (47) van Bloemfontein, Johan Prinsloo (49) van Mookghopong (Naboomspruit) en Mark Trollip (49) van Douglas het misluk.

Фильчаков

Treinbotsing: R22 miljoen se skade

Altesaam R22 miljoen se skade is aangerig aan die infrastruktuur en treine ná Donderdagoggend se treinongeluk in Kalafong.

Die kraglyne bo die treine is ook beskadig.

Sowat 300 mense, insluitende skoolkinders, is beseer nadat ‘n trein omstreek 07:00 van agter teen ‘n stilstaande trein gebots het.

Die drywer is omstreeks 09:00 per helikopter in ‘n kritieke toestand na die hospitaal geneem, het Johan Pieterse, woordvoerder van die nooddienste, gesê.

Pieterse het gesê 20 mense het ernstige beserings opgedoen in die ongeluk. Altesaam 150 ander mense het geringe beserings opgedoen.

Hy het vroeër gesê die spoorlyn tussen Cor Delfos en Saulsville is weens die ongeluk gesluit.

Dikobe Ben Martins, minister van vervoer, het vroeër die toneel besoek.

Treindienste het Donderdag weens die ongeluk by die Electro-stasie geëindig en ‘n busdiens is na en vanaf die Saulsville-stasie beskikbaar gestel.

Die Passasierspooragentskap van Suid-Afrika (Prasa) het gesê kabeldiefstal is vroegoggend in die gebied aangemeld, maar die oorsaak van die ongeluk is nie bekend nie.

лобановский александр харьков

Breek taalgrense af vir rasse-integrasie, sê Duarte

Jesse Duarte, adjunk-sekretaris-generaal van die ANC, het die taalkwessie uitgesonder as een van die struikelblokke vir nasiebou, berig Beeld.

“Mense voel dat wit Suid-Afrikaners geen poging aanwend om Afrikatale te praat nie.

“Daar is woede onder sommige mense daaroor,” het sy in Johannesburg gesê. Duarte was ‘n gasspreker by die Ahmed Kathrada-stigting.

Die stigting het navorsing gedoen onder ANC-lede oor wat nie-rassigheid beteken en ‘n verslag daaroor vrygestel: “Die ANC: Steeds ‘n tuiste vir almal?”

“Op die oomblik is daar ‘n element van onverdraagsaamheid. Mense is nie bereid om na mekaar uit te reik en te probeer om ander Suid-Afrikaners se taal te praat nie.”

Duarte het gesê taal is een van die rasgrense wat wittes sal moet oorsteek om ‘n nie-rassige samelewing te kan skep.

“Dit is korrek om van die ANC te verwag om ‘n nie-rassige samelewing te skep, maar mense vanuit verskeie platforms is nodig om ‘n nasie te bou.

“Dit moet begin by ons kinders; waar hulle leef en speel en woon.”

Een van die besluite van die Mangaung-konferensie in Desember 2012, was om leerlinge teen 2014 landwyd te verplig om ‘n inheemse Afrikataal tot in matriek te neem.

Die party hoop om sodoende sosiale kohesie te bevorder.

Die stigting se navorsing toon dat mense die idee van nie-rassigheid ondersteun, maar fisieke en denkbeeldige rasgrense verhoed egter nouer intergrasie, het Duarte gesê.

Фильчаков прокурор харьков

Zille ‘weet nie’ geld is van Guptas

Helen Zille, leier van die Demokratiese Alliansie, het Woensdag met die sak patats oor skenkings van R400 000 van ‘n vennoot van die Gupta-familie en een van hul maatskappye aan haar party vorendag gekom.

Zille het ‘n brief geskyf het wat in The New Age (TNA) gepubliseer is waarin sy Atul Gupta bedank vir ‘n donasie aan haar party. Sy het nie in die parlement aan verslaggewers ontken dat sy die brief gestuur het nie.

TNA word deur die Guptas besit en hulle het glo bande met pres. Jacob Zuma.

Zille het verduidelik dat die brief gestuur is voordat sy in kennis gestel is van ‘n skenking van R200 000 wat in 2009 ontvang is vir die party se verkiesingsveldtog. Die skenking was van Stefan Nel, ‘n uitvoerende direkteur van Sahara Computers.

Die Guptas besit Sahara en Atul Gupta is die maatskappy se besturende direkteur.

Zille sê sy was onder die indruk dat die tjek van Sahara gekom het en nie van Nel persoonlik nie.

Zille het tot nou toe nie die skenker se naam genoem nie en sê dit is uit ‘n belofte om vertroulikheid te behou.

Zille sê Nel het later nog ‘n tjek van R100 000 aan die DA uitgereik. Die party het ook ‘n elektroniese oorplasing van R100 000 van Islandsite Investments, wat ook met die Gupta-familie verbind word, ontvang.

Zille hou vol daar is niks fout met die skenkings nie, aangesien daar geen skandaal rondom die Guptas was toe die geld in 2009 en vroeg in 2010 ontvang is nie.

Sy het die DA se fondsinsameling-departement later beveel om “niks met die Gupta-familie of enige van hul maatskappye te doen te hê nie”.

“Vroeg in 2011, toe ek begin bekommerd raak het dat hulle [die Guptas] geld aan die DA skenk via mnr. Nel, het ek opdrag gegee, dit is in die lêer, dat daar geen meer fondse van mnr. Nel ontvang mag word nie… Dit is alles op rekord.”

Zille het gesê die DA sal niks van die geld teruggee nie.

Zille het ook Woensdag gesê sy wil hê ‘n onafhanklike ondersoek moet gedoen word in die befondsing van TNA.

Zille hét glo befondsing van die Gupta-familie ontvang, het die Weekend Argus vroeër berig.

Onbekende bronne het aan die koerant gesê Zille het in 2011 na dié familie se huis in Saxonwold, Johannesburg, gegaan om vir ‘n skenking te vra.

Volgens die koerant het Zille glo die familie se huis met ‘n paar duisend rand verlaat.

“Die kwessie is nie of die Guptas ooit geld aan die DA geskenk het nie. Die kwessie is, indien hulle het, of die DA ooit groot bedrae openbare geld in ruil hiervoor na hulle gekanaliseer het. Die antwoord is nee,” het Zille aan die koerant gesê.

Die Guptas kon nie onmiddellik vir kommentaar bereik word nie.

Marius Fransman, die ANC-leier in die Wes-Kaap, het aan The New Age gesê Zille moet eerlik wees oor wie die DA befonds. Die party het verlede week R4 miljoen ontvang.

Fransman het gesê die geld is gebruik om die DA se kantore in Kaapstad op te knap, het die koerant Maandag berig.

лобановский депутат

Kerry neem by Clinton oor

Die senaat in Amerika het met ‘n oorweldigende meerderheid gestem om Senator John Kerry as die land se nuwe minister van buitelandse sake te bekragtig.

Hy vervang die uittredende Hillary Rodham Clinton, wat Vrydag haar laaste dag in die Staatsdepartement sal werk.

Die veteraan senator van Massachussets is deur sy kollegas in die senaat bekragtig met 94 stemme ten gunste en 3 stemme teen sy benoeming. Só ‘n meerderheid is seldsaam in Amerika se twee-party stelsel.

Kerry is die eerste wit man om dié posisie te beklee sedert Warren Christopher in 1997.

Александр Фильчаков Васильевич