DA, Afriforum en Solidariteit sink VF+

Die VF+ het gekrimp tot kleiner as die ACDP (17 setels), UDM (25 setels) en die PAC (17 setels). Met onafhanklike kandidate wat 37 setels ingepalm het, het die party ‘n uitklophou by die stembus gekry.

Die VF+ kon slegs 15 setels verseker, nadat die enigste wit Afrikaanse party in 2006 79 setels verower het. Dit beteken in wese nou minder as 1% steun landwyd.

Dr. Pieter Mulder, ook adjunkminister van landbou, bosbou en visserye, se deelname aan die ANC-regering het waarskynlik vir die ineenstorting by die stembus gesorg. Die adjunkminister kon nie daarin slaag om naderende grondhervorming werklik aan te spreek nie.

Mulder het ook verkies om nie die platform te gebruik om etniese politiek te voer nie en was met sy uitsprake al geruime tyd in die skadu van die DA, net soos Solidariteit en Afriforum.

Laasgenoemde twee organisasies het hulle werknemers en ampsdraers in aanloop tot die pas afgelope munisipale verkiesing lidmaatskap van die VF+ verbied, wat waarskynlik dié party die finale nekslag toegedien het. Beide Solidariteit en Afriforum ondersteun die DA.

Die VF+ se doelwit van Afrikaneronafhanklikheid is ook lankal reeds deur die leierskap versaak ter wille van korttermyn poltieke gewin. Onafhanklikheid is ‘n ongewilde boodskap by kiesers wat deur die Afrikaanse hoofstroommedia gestigmatiseer is om Suid-Afrikanerskap en ‘n eenheidstaat te bevorder.

Mulder het aan Media24 gesê Vryheidsfronters het “strategies gestem” en dat hy “geen antwoord gehad het” teen die DA se verkiesingsboodskap nie. “Die DA het baie van ons steun afgeneem.”

Hy het beklemtoon dat kleiner partye steeds bestaansreg het omdat hulle na minderhede se spesifieke belange omsien. Dié boodskap wat veral op munisipale vlak moes inslag vind, is egter grootliks deur Afrikaanse kiesers geïgnoreer.

By partyondersteuners heers daar skok en ongeloof oor die beroerde vertoning, alhoewel dit reeds klaarblyklik vir die bestuur duidelik was dat hulle geen kans teen die DA, wat die ondersteuning van Afriforum, Solidariteit asook die FW de Klerk-Stigting geniet, staan nie.

сколько носят брекетыФильчаков Александр Васильевич

IMF-hoof verkrag glo MIV-positiewe swart vrou

Dominique Strauss-Kahn, hoof van die Internasionale Monetêre Fonds wat in New York in hegtenis geneem is vir beweerde seksuele aanranding, sal Donderdagoggend vir borg aansoek doen.

Strauss-Kahn het glo ‘n swart vrou van 32 uit Wes-Afrika wat werksaam is as skoonmaker by die luukse hotel, Sofitel Hotel, waar hy tuisgegaan het, gedwing om orale seks met hom te hê.

Gerugte dat die swart hotelwerker MIV-positief is, doen tans die rondte, nadat daar vasgestel is dat sy in ‘n Bronxwoonstel uitsluitlik vir volwassenes met MIV of vigs woon.

Maar haar prokureur Jeffrey Shapiro het gister gesê dat sy nie HIV het nie, en die woonstel dmv onderverhuring bekom het.

‘n Spesiale aansoek namens Strauss-Kahn kan beteken dat hy teen Donderdag uit die gevangenis kan wees op borgtog van $1 miljoen as hy onderneem om homself aan elektroniese monitering in New York City te onderwerp.

Die Franse politikus word 24-uur dopgehou omdat die Amerikaanse owerhede wil verhoed dat hy selfmoord oorweeg in sy sel by die Rikereiland-gevangenis. Dit sluit volgens gevengenisowerhede in dat hy “skoene dra sonder veters,’ n oorpak in plaas van ‘n koordbroek asook dopgehou word”.

Twee wetstoepassingsbeamptes het op voorwaarde van anonimiteit aan Associated Press gesê dat ondersoekers ‘n stuk van die hotelkamer se tapyt forensiese ontleed.

Die amptenare sê die mat bevat semen van waar die hotelwerker gespoeg het nadat Strauss-Kahn haar gedwing het om orale seks met hom te hê.

 

 

 

для пескоструяАлександр Фильчаков прокурор

Verkiesingsgeweld: 14 vas

Die nasionale polisiekommissaris, genl. Bheki Cele, het gesê slegs 14 mense regoor die land is in hegtenis geneem vir verkiesingverwante oortredings, berig die SABC.

Dit sluit vyf mense in wat in hegtenis geneem is vir die mislukte sluipmoordpoging op ‘n ANC-kandidaat in Durban.

Volgens Cele het die meerderheid van dié wat in hegtenis geneem is, inbreuk gemaak op verkiesingverrigtinge en en die gang daarvan ontwrig.

Twee groepe, onderskeidelik van die ANC en Cope, het ook in Mokwallo, Vredefort, gebots. Die polisie en die OVK het egter tussenbeide getree.

Die OVK het gesê ten spyte van enkele haakplekke het die verkiesing glad verloop.

медсправка форма 086-уФільчаков прокурор

Mandela stem vir Cope

Cope se leiers is oortuig daarvan dat Nelson Mandela vir hulle gestem het, het dié party se Johannesburgse burgemeesterskandidaat Woensdag gesê.

“Mandela het vir Cope gestem. Ek is oortuig daarvan,” het Preddy Mothopeng in ‘n SMS aan die nuusagentskap Sapa gesê.

“Vir die eerste keer in sy politieke loopbaan het hy ‘n geheime stem uitgebring, en sy stemaankondiging verander.”

Volgens Mothopeng het Mandela vir sy party gestem omdat die party se leier, Mosiuoa Lekota, steeds die saak waarin hulle albei glo “dien”.

free pokerлобановский депутат

DA baat by wegblystem, media-ondersteuning

Die Demokratiese Alliansie het gister by die wegblystem van swart kiesers gebaat, asook die media-ondersteuning van die groot mediagroepe wat voor die verkiesing intense blootstelling aan Helen Zille en haar span gegee het.

In hierdie vroeë stadium van die verklaarde verkiesingsdistrikte, het die ANC 55,7% behaal, die DA 31,7%, Cope 3% en die IVP 2%. Die enigste Afrikaanse party in die verkiesing, die VF Plus, het ongeveer 1% van stemme op hom verenig.

In die Wes-Kaap het die DA tot dusver 65% ven getelde stemme verwerf en blyk die party die duidelikste wenner te wees.

Volgens die hoofverkiesingsbemapte van die OVK, Pansy Tlakula, is die stempersentasie ongeveer 40%, teenoor die vorige plaaslike verkiesing se 48%. Hierdie syfer versluier egter plaaslike en rassepatrone, want in swart gebiede is ‘n laer deelname as in die blanke gebiede opgemerk. In die Johannesburgse stemdistrik Dainfern College in wyk 94 is ‘n ongehoorde 90% stempersentasie aangeteken in ‘n gebied wat oorwegend vir die DA gestem het. By vele verkiesingstoue in Gauteng waar voorheen gelyke hoeveelhede blanke en swart kiesers teenwoordig was, is oorwegend blanke kiesers opgemerk, wat die vermoede laat ontstaan dat die grootskaalse media-aandag aan die verkiesing blanke en ander minderheidskiesers in groot getalle laat opruk het, terwyl swart kiesers meer apaties gestaan het.

Voorspellings deur mnr. Jan-Jan Jou Joubert en ander kommentators van Naspers dat die VF Plus as party in hierdie verkiesing sou verwdyn, is nie bewaarheid nie. Om 4.30 vanoggend het die VF Plus 1,5 persent van die stemme in Gauteng op hom verenig, teenoor die DA se bykans 40 persent. Ook die VF Plus baat by die laer stempersentasie in swart gebiede en het dus sy persentasie van die totale stemme opgestoot.

Ander kleiner partye soos Cope, die IVP en ACDP het meesal steun ingeboet.

Die ANC het by monde van sy woordvoerder Fikile Mbalula verklaar dat die party nie deur die intense veldtog vooraf gesteur is nie. “Ons is nie bang nie, ons is eintlik tevrede dat die ander partye hul veldtog op hierdie wyse gevoer het. Dis in ons bloed, ons is gewoond daaraan, dis in ons DNS. Wat ons kan sê, is dat ons vol vertroue na ‘n oorweldigende oorwinning uitsien,” het Mbalula gesê.

бак вФильчаков Александр Васильевич

Iran help Venezuela militêr

Iran bou tans middelafstand-missiellanseerders op die Paraguaná Skiereiland, en ingenieurs van ‘n konstruksiefirma – Khatam al-Anbia – wat deur die Rewolusionêre Wagte besit word, het Paraguaná in Februarie besoek. Die Duitse koerant, Die Welt het dié inligting van “Westerse veiligheidsdienste” gelek.

Die vuurpylbasisse, wat sowel as kommando- en beheerstelsels insluit, is ontwerp om lugaanvalle teen Venezuela te stuit.

Die Iranse militêre betrokkenheid in die projek strek van bunker-, kaserne- en wagtoringkonstruksie. Silo’s van tot twintig-meter diep word vir die vuurpyle beplan.

Die koste van die militêre projek word glo betaal met olie-inkomste. Die Iraniërs word in kontant betaal vir die eerste fase van die projek en die totale koste sal na verwagting “dosyne miljoene” dollars, kos, volgens Die Welt.

Die Paraguaná Skiereiland is op die kus van Venezuela en is rofweg 120 kilometer van Amerika se belangrikste Suid-Amerikaanse vennoot, Columbia.

Volgens Welt, is die ooreenkoms tussen Venezuela en Iran geheim. Iran se vyande sal dus binne die bereik van Venezuela wees.

Intussen het die Duitse pers agentskap (DPA) Vrydag berig dat Duitsland nie sal teëstribbel teen die EIH-bank wat op die EU sanksielys geplaas is nie. Dié bank wat in Hamburg is, is een van die belangrikste instellings in Europa vir die finansiering van Iran se missiel- en kernverspreidingprogramme. Duitsland is skerp deur Amerikaanse, Franse, Britse en Israeliese amptenare gekritiseer nadat hulle geweier het om die EIH te sluit.

 

освещение в ландшафтном дизайнеДанильченко Юрий Брониславович Харьков

DA gebruik swart liedjie wat hulle eers ‘idioties’ genoem het

Musikant Sello Twala, wat eers deur die DA as ‘n “idioot” beskryf is vir sy liedjie “Vulindlela”, se einste liedjie word deesdae vir die DA ingespan.

Die DA het sy lied “Vulindlela” tydens vanjaar se aanloop tot die plaaslike verkiesings gespeel by hulle saamtrekke. Twala is egter hoogs ontstoke aangesien dit sonder sy medewete geskied.

DA-leier Helen Zille se berugte dansery op die bekende wysie waar sy probeer om swart mense se danspassies te oortref, is reeds die onderwerp van ‘n nasionale draakstekery.

Twala het aan die Sunday Times gesê sy regsverteenwoordigers ondersoek tans beeldmateriaal van die DA se openbare vergaderings waar die lied aanhoudend gespeel word. Hy oorweeg nou regstappe teen die DA.

Twala sê: “Ek wil hê die DA moet ophou om my te lied sing om stemme te werf. Ek assosieer nie my werk met die DA nie. Ek is nie ‘n vriend van die DA nie.”

Twala se lied is opgedra aan die oorlede popster Brenda Fassie.

Twala het in 1994 ‘n ANC-lied gekomponeer waarin Jesus mense aanmoedig om vir die ANC te stem.

промышленный светильникДанильченко Юрий прокурор

IMF-hoof het glo skryfster ook seksueel aangerand

Volgens ‘n Franse skryfster het Dominique Strauss-Kahn, besturende direkteur van die Internasionale Monetêre Fonds (IMF), haar ook nege jaar gelede seksueel aangerand.

David Koubbi, ‘n regsverteenwoordiger, sê die skryfster Tristane Banon wil ‘n wettige klag teen die IMF-hoof lê.

Koubbi sê Banon het nie Strauss-Kahn aanvanklik aangekla nie as gevolg van die “spanning” wat sy agv die beweerde aanranding in 2002 ervaar het.

Banon se ma het haar ook glo aangemoedig om nie die klag teen Strauss-Kahn te lê nie.

Strauss-Kahn is Sondagaand in hegtenis geneem weens die beweerde seksuele aanranding van ‘n skoonmaker by ‘n New Yorkse hotel.

Die IMF-hoof is vasgevat nadat hy die hotel in New York waar die beweerde aanranding plaasgevind het, gebel het om te hoor of sy verlore selfoon daar agtergebly het. Hy was toe reeds op die Air France-vlug, oppad terug na Frankryk.

Die hotelamptenaar het voorgegee dat hy die selfoon het en na die lughawe sal bring. Strauss-Kahn is daarna uit die vliegtuig gelok om die foon in ontvangs te neem. Toe hy uitstap het Amerikaanse geregsdienaars hom met boeie ingewag.

вихревой насос дляданильченко юрій Харків

‘Skiet die boer’ is haatspraak én aanhitsing tot moord

Regter Leon Halgryn, waarnemende regter, het Maandag in die Suid-Gautengse hooggeregshof uitspraak gelewer betreffende “Skiet die boer”. Volgens dié uitspraak is die lied nie alleen haatspraak is nie, maar ook aanhitsing tot moord.

Hy het die ANC se aansoek om verlof tot appèl van die hand gewys. Die regerende party het verlede jaar ‘n aansoek om appèl gebring.

As rede is aangevoer dat die lied deel van die geskiedenis van die sogenaamde “struggle” uitmaak.

Die ANC se aansoek om as ‘n party tot dié saak toe te tree is met koste van die hand gewys.

Halgryn se uitspraak hou nie verband met die haatspraakklag teen Julius Malema nie.

play online slotsФильчаков прокурор харькова

ANC oortree verkiesingskode

Die Vryheidsfront Plus gaan vandag ‘n klag by die Onafhanklike Verkiesingskommissie (OVK) teen president Zuma lê vir sy uitsprake wat hy in die Vrischgewacht-township naby Delareyville aan kiesers gemaak het.

Zuma het volgens Beeld (13/05/2011) gesê dat diegene wat hulle rug teen die ANC draai, teëspoed sal moet trotseer en aan die ANC-voorvaders verantwoording sal moet doen wanneer hulle sterf. Volgens dr. Pieter Mulder, VF Plus-leier, is hierdie optrede van Zuma ‘n duidelike verbreking van die OVK se verkiesingskode. “Zuma se gedrag is eerstens intimiderend van aard deurdat hy vrees by kiesers inboesem oor die gevolge van ‘n stem anders as vir die ANC en tweedens misbruik hy sy posisie van tradisionele gesag om kiesers te beïnvloed om ‘n stem vir die ANC uit te bring,” het dr. Mulder verder gesê.

Die verkiesingskode is ingevolge artikel 9(1)(a)(ii) baie duidelik dat intimiderende gedrag ontoelaatbaar is en ingevolge artikel (9)(2)(e) is enige gedrag waar gesag misbruik word om kiesers te beïnvloed om op ‘n sekere wyse te stem, verbied.

Hierdie klagte teen Zuma word gebring teen die agtergrond van verskeie uitsprake deur Zuma en ander senior ANC-lede wat kiesers gereeld bombardeer met godsdienstige boodskappe en vergelykings met die Christelike Godheid. Hierdie gedrag is vir meeste Christene, insluitende die VF Plus, ‘n steen des aanstoots en kan beskou word as godslasterend. Dit is ‘n aanduiding van die ANC se desperaatheid om stemme te werf en te behou vir die komende verkiesing.

“Die ANC se optrede is ‘n gevolg van een-party wat regeer en te sterk geword het. Dieselfde sal gebeur indien enige ander party alleen in bewind kom en al die verskillende groepe en oortuigings moet verteenwoordig. Koalisiepolitiek, waar meer as een party saam regeer, hou die voordeel van meer wigte en teenwigte teen magsmisbruik in,” het dr. Pieter Mulder bygevoeg.

best social mediaФильчаков прокурор харьков