Nuus Archives - Page 987 of 1583

Afriforum daar vir ‘kameras’

Julius Malema, die ANC-jeugliga se president, het Woensdag gesê AfriForum het die haatspraaksaak teen hom aanhangig gemaak omdat hulle daarvan hou om in die kollig te wees.

Tydens kruisondervraging deur Adv. Martin Brassey SC, regsverteenwoordiger van AfriForum, het Malema gesê die saak teen hom is net “goedkoop politiekery” en AfriForum wat “grootpraat”.

“Julle het hierheen gekom vir die kameras,” het hy aan Brassey gesê.

Die burgerregtegroep AfriForum het Malema verlede jaar van haatspraak aangekla oor die sing van ‘Skiet die Boer’ of “awudubhule ibhunu”.

Malema het ook die media daarvan beskuldig dat hulle sy woorde “verdraai” en AfriForum “mislei”.

Volgens Malema is die media besig om hulle vryheid te misbruik.

Die Jeugliga-president het ook aangevoer dat daar seker elemente binne die media is wat apartheid wil verewig.

“Dit het so erg geraak dat ons nie eers met mekaar kan praat sonder dat dit in die media bespreek word nie,” het hy gesê.

“Hierdie is nie ‘n Julius-lied nie. Ek is nie Brenda Fassie nie. As ek dié lied sing maak ek voorbladnuus, maar wanneer hulle Die Stem sing sê niemand niks.”

“Ek wil saam met my mense sing. Ek wil othou en herdenk sonder enige beperkinge,” het Malema aan die hof gesê.

Malema het AfriForum vroeër uitgenooi om die lied saam met hom te sing en om dit nie buite konteks te verstaan nie.

“Ek is nie ‘n rassis nie. Ek is deel van ‘n organisasie wat daaraan toegewy is om ‘n nie-rassige samelewing te skep,” het hy gesê.

Hy het gesê hy het die lied “dubula iBhunu” (“skiet die Boer”) gesing om comrades wat tydens die struggle gesterf het, te onthou.

“iBhunu beteken nie boere of witmense nie, maar polisie en soldate wat (ANC) kinders kom soek,” het Malema gesê.

Die saak duur steeds voort.

poker online no topcargo

Egipte en Iran smee nuwe bande

Iran en Egipte se nuwe regering het Maandag te kenne gegee hulle sal vinnig beweeg om dekades van swak verhoudings te herstel.

Dié stap bekommer die VSA, Israel en Saoedi-Arabië dat die nuwe toenadering die brose balans in die Midde-Ooste mag ontwrig.

Iran het gesê hulle het ‘n ambassadeur aangestel na Egipte vir die eerste keer sedert die twee kante diplomatieke betrekkinge meer as drie dekades gelede opgesê het, het die webwerf van die regering se amptelike Engelse taalkanaal, Press TV, laat Maandag berig.

Ook Maandag, het amptenare by Egipte se Ministerie van Buitelandse Sake bevestig dat die nuwe minister van buitelandse sake Nabil Elaraby, ‘n besoek aan die Gazastrook, ‘ n gebied onder beheer van Hamas, oorweeg.

Die aankondiging volg na ‘n buitengewone vergadering vroeër vandeesmaand tussen ‘n hoë-vlak Iranse diplomaat en Elaraby, waarna die minister van buitelandse sake aan verslaggewers gesê het dat Egipte ‘n “nuwe bladsy” met Iran geopen het.

Amerikaanse amptenare het gesê hulle is bekommerd dat Egipte se oënskynlike vasberadenheid om verhoudings met Iran te herstel, deel is van ‘n breër herordening van sy buitelandse beleid. Hulle is bekommerd dat Egipte se steun sal toelaat dat Iran sy plaaslike kliënte Hamas in die Gazastrook en die Hezbollah in Libanon – beide as terroriste groepe deur die VSA gelys – kan bemagtig

Egipte se uitreik sluit ook Sirië in, ‘n noue bondgenoot van Iran. In die begin van Maart, het Egipte se nuwe intelligensiehoof, Murad Muwafi, Sirië gekies vir sy eerste buitelandse reis. Dit bly onduidelik wat bespreek is tydens die vergadering, wat deur die Wall Street Journal gerapporteer is.

Terreuraanvalle neem af

Die aantal terreuraanvalle in die Europese Unie was verlede jaar slegs 249 – ‘n daling van 21,2%, vergeleke met die vorige jaar, het Europol Dinsdag gesê.

“In 2010 is 249 terreuraanvalle in nege lande van die Europese Unie aangemeld,” het Europol in ‘n jaarlikse verslag bekend gemaak.

Sewe mense is dood in dié aanvalle.

Meeste van die aanvalle (160) is deur seperatistegroepe uitgevoer. Slegs drie is deur Islamitiese groepe uitgevoer.

Spanje en Frankryk is die twee lande wat die meeste deur terreuraanvalle, meestal deur seperatistegroepe, geraak is, met onderskeidelik 90 en 84 aanvalle wat in dié lande plaasgevind het.

“Al het die getal terreuraanvalle gedaal, bly die bedreiging van hierdie groepe groot,” het die hoof van Europol, Rob Wainwright, in ‘n verklaring gesê.

Данильченко

Zuma sal optree teen Shiceka

Pres. Jacob Zuma het gesê daar is genoeg rede om op te tree teen Sicelo Shiceka, minister van samewerkende regering en tradisionele sake, oor bewerings dat hy belastingbetalers se geld misbruik, het The Star Dinsdag berig.

“Daar sal geen huiwering wees as die bewerings waar is nie. Absoluut geen huiwering nie. Ek het dit in die verlede gesê. Daar is genoeg rede om op te tree,” het Zuma gesê.

“Hier gaan daar aksie wees… en ons gaan nie eens lank neem om ondersoek in te stel nie, want die bewerings wat gemaak word is te ernstig.”

Die Sunday Times het berig dat Shiceka glo R355 000 spandeer het op ‘n besoek aan ‘n minnares in ‘n Switserse tronk, R640 000 oor ‘n tydperk van ‘n jaar om in ‘n luukse hotel in Kaapstad te bly en meer as R160 000 om familie vir agt maande lank die land oor rond te vlieg.

Munisipale vragmotors is glo ook gebruik om water na ‘n huis wat hy in Ingquza Hill in die Oos-Kaap bou, te vervoer. ‘n Teerpad van R32 miljoen is op die roete van die huis gelê, terwyl ander inwoners nie paaie het om in woongebiede te kom nie.

Die Openbare Beskermer is deur die parlement se etiese komitee gevra om die saak te ondersoek.

wedding jewellery

Rotte neem Johannesburg oor

Die huidige vullisstaking in Johannesburg is besig om die aantal rotte vinnig te laat vermeerder. In die middestad waar hope vullis op die sypaadjies rondlê, meen straatsmouse dat die aantal rotte sedert die aanvang van die staking verdriedubbel het.

Volgens ‘n smous in Pleinstraat, is die rotte tans “baie gelukkig”.

“Al dié vullis is soos Kersfees vir die rotte. Hulle kan enigiets eet waarvan hulle hou, net wanneer hulle wil,” meen hy.

Volgens Gertrude Makondo, ‘n smous wat in Noordstraat handel dryf, “is daar meer rotte as gewoonlik. En hulle word groter. Hulle is nie vir mense bang nie, hulle kyk jou reguit in die oë en party het selfs baarde.”

Sibisiso Nvani erken dat hy minder sake doen as gevolg van die stinkende vullis en die rotte.

“Mense wil nie meer by ons koop nie. Hulle stap verby terwyl hulle hul neuse toehou want hulle wil aan die reuk ontkom. En as hulle die rotte sien, hardloop hulle weg.”

Die groot aantal rotte in die stad is insgelyks besig om in ‘n gesondheidsrisiko te ontaard. ‘n Afgetrede omgewingsgesondheidsbestuurder, Lucas Kunene, meen: “Johannesburg beskik nie oor ‘n strategiese plan om die rotplaag te beheer nie en dit is onaanvaarbaar. Rotte kan meer as 35 soorte siektes oordra. As ‘n besmette rot met ‘n mens in aanraking kom… deur urine of ontlasting, kan dit siektes soos Salmonellose of selfs Lassa-koors oordra.”

Die stad kon nie vir kommentaar oor die rotplaag bereik word nie.

Onregmatige mynregte ‘n skande

Die Vryheidsfront Plus beskou die 434 onreëlmatige mineraleregte, 713 verbrekings van die wetlike omgewingsvereistes, en die 120 dubbeltoekennings van mineraleregte as ‘n nasionale skande. Die minister van mineralebronne, Susan Shabango, het vandag die feite bekend gemaak na aanleiding van ‘n interne ondersoek in haar department. Adv Anton Alberts, VF Plus-parlementêre woordvoerder oor mineralebronne, het aangedui dat alhoewel die minister geloof moet word vir haar daadwerklike optrede om die mineraalregte sisteem skoon te maak van problematiese mineraleregte, die omvang van die onreëlmatighede nie goed is vir Suid-Afrika se beeld nie. “Terwyl Suid-Afrika op soek is na buitelandse investering en nou die geleentheid het om met sy mineralebronne ‘n groot internasionale speler te word ter wille van ons ekonomiese groei en werkskepping, ondermyn hierdie stand van sake Suid-Afrika as ‘n ernstige ekonomiese vennoot in die wêreld se oë,” het Alberts gesê.

Volgens Alberts moet Suid-Afrika juis nou die geleentheid gebruik om die gebrek aan sekere mineralebronne, soos steenkool vanweë Japan se behoefte aan steenkool en die feit dat Australië nie dit kan verskaf weens vloede, te gebruik as ‘n geleentheid om ‘n reputasie te bou as ‘n betroubare en etiese verskaffer. Daarom moet die minister so gou as moontlik sorg dat die departement ‘n webwerf daarstel wat alle toegekende mineraleregte, asook aansoeke, sal publiseer, soos in Kanada die geval is.

Die VF Plus is ook van mening dat die department moet aandui waar verkose politici en staatsamptenare ook deel vorm van maatskappye wat aansoek doen om mineraalregte of regte alreeds ontvang het sodat onetiese en onwettige optrede, asook konflik van belange, ondersoek kan word.

Boer en gesin se lyke in bakkie gevind

‘n Bekende boer en sy gesin van De Aar, in die Noord-Kaap, is Maandag op ‘n grondpad in hulle bakkie dood aangetref, het die polisie gesê.

“Een van die plaaswerkers het teen 06:00 op die bakkie afgekom, sowat 1km van die plaas af,” het lt. kol. Hendrik Swart, polisiewoordvoerder, gesê.

Die man het die boer agter die stuurwiel sien sit en ondersoek ingestel toe hy nie reageer nie.

Volgens Swart is die boer (58), sy vrou (39) en twee dogters, onderskeidelik ses en agt jaar oud, doodgeskiet. Die slagoffers is intussen uitgeken as David, Cornel, Mikayla en Cara Theron.

“Die plaaswerker het hulp ontbied en die boer se broer op die aangrensende plaas gaan roep,” het Swart gesê.

Die slagoffer se broer het polisie ontbied.

Met die polisie se aankoms op die toneel is die twee dogters onder ‘n hoop baadjies op die passasiersitplek gevind.

‘n .357-rewolwer is op die boer se skoot gevind.

Die lyk van die boer se vrou is onder ‘n hoop klere agter op die bakkie gevind.

“Dit word vermoed dat al vier die slagoffers met die rewolwer doodgeskiet is,” het Swart gesê.

Op hierdie stadium word geen gemene spel vermoed nie.

Die nadoodse ondersoeke sal in Kimberley plaasvind.

Лобановский

Finse nasionaliste skitter in verkiesing

‘n Nasionalistiese party het byna ‘n vyfde van die stemme in Finland se algemene verkiesing gewen, het die verkiesingskommissie gesê.

Die Ware Finne is net agter die konserwatiewe NCP en die Sosiaal-Demokrate op ongeveer 19%.

As die grootste party, sal die NCP waarskynlik die volgende regering te lei met die voormalige Minister van Finansies Jyrki Katainen as eerste minister van enige koalisie wat na vore tree, ter vervanging van Mari Kiviniemi van die Sentrum Party.

Die anti-immigrasie Ware Finne het 39 setels in die 200-lid parlement, het die finale uitslae getoon.

Dit is vyf setels minder as die konserwatiewe Nasionale Koalisie Party (NCP) – deel van die huidige sentrum-regse regering en ‘n sterk voorstander vir die Europese integrasie – en net drie agter die opposisie Sosiale Demokrate.

Dié sterk vertoning beteken ten minste ‘n “uitnodiging aan gesprekke” in ‘n nuwe regering, het Reuters partyleier Timo Soini aangehaal.

Met sy charismatiese leier Soini, het die party reddingfondse vir “EU-verkwisters” verwerp, sowel as sterk standpunt teen immigrasie ingeneem.

“Ons is nie ekstremiste nie, julle kan veilig slaap,” het hy voorts gesê.

дитячи коляски

Nigeriese verkiesing belangrik vir Afrika

Nigerië sal hierdie naweek ‘n geloofwaardige presidensiële verkiesing moet hou, anders sal dit ‘n rampspoedige voorbeeld vir die res van die kontinent stel, het John Kufuor, voormalige president van Ghana, Donderdag gesê.

Kufuor, wat sonder teenstand uitgetree het nadat sy twee termyne as president verby was, lei ‘n waarnemerspan van die Afrika-Unie wat Saterdag se verkiesing in Nigerië gaan monitor.

“Dit is baie belangrik vir Afrika se beeld dat hierdie verkiesing goed afloop,” het Kufuor (72) gesê.

“In ander dele van die kontinent is daar nog verkiesings wat hangende is. As dinge hier moet verkeerd loop, is ek bang om te dink wat in van die ander Afrikalande gaan gebeur. Nigerië is te belangrik vir Afrika.”

Лобановский Харьков

Moordverdagte was SR-verteenwoordiger

‘n Voormalige Studenteraadsvoorsitter van die Universiteit van Durban Westville is in Amerika in hegtenis geneem in verband met die moord op vier mense tussen Februarie en Maart, het die Sunday Tribune berig.

Muziwokuthula “Muzi” Madondo (33), wat eens van korrupsie en wanbestuur van universiteitsfondse by dié kampus in Durban beskuldig was, is in Houston, Texas, in hegtenis geneem.

Lt. Rick Edwards van dié staat se polisie het gesê Madondo het na bewering ‘n 60-jarige vrou in Akron, Ohio, op 17 Februarie vermoor. Sy is in die maag en bors geskiet.

Twee dae later is die lyk van ‘n oudskolier van Maritzburg Kollege, Zanzele Mdadane, deur jagters in die bosse buite Butler Township in Ohio gevind.

Op 24 Maart het Madondo na bewering vir Bobby Gonzales (57) en Gabriel Baca (37) in ‘n motel in Tucumcari, Nieu-Mexiko doodgeskiet. Dit is meer as 2 000 km weg van waar die laaste moord in Ohio gebeur het.

Luidens berigte is Madondo vier dae later in hegtenis geneem en het hy skuld aan die moorde beken.

Madondo, wat in Chicago woon, het in 2008 na Amerika geëmigreer om teologie te studeer.