Regse organisasies distansieer hulself van aanvaller

Regse organisasies in Europa hulle van die optrede van Anders Behring Breivik se dodelike aanvalle op die Utoya-eiland en in Oslo Vrydag gedistansieer.

Die 32-jarige aanvaller en sy optrede is Maandag ook uit verskeie regeringsoorde veroordeel.

Breivik het intussen erken dat hy vir die grootste terreuraanval in Noorweë sedert die Tweede Wêreldoorlog verantwoordelik is. 

Die Noorse polisie het gesê die dodetal van die twee aanvalle is 76, laer as die byna 100 dooies wat voorheen gekommunikeer is. Agt het in ‘n bomontploffing by die premier se kantoor beswyk en 68 in ‘n skietery by die eilandjeugkamp van die pro-Palestynse liberale party in Noorweë.

Die polisie vermoed die bom was vir die Noorse premier, Gro Harlem Brundtland, bestem, maar sy het dit vrygespring.

‘n Woordvoerder van Wladimir Poetin, premier van Rusland, het Breivik beskryf as ‘n “satan wat mens geword het”. Hy het ook gesê Brevik is ongetwyfeld ‘n “absolute mal man”.

Breivik is glo ‘n groot aanhanger van Poetin se anti-Moslembeleid, en het in ‘n manifes van 1 500 bladsye wat beskikbaar is op die internet, gesê hy het die afgelope tyd met verskeie regse organisasies in Europa geskakel. 

Filip Dewinter, van Vlaams Belang in België, het gesê hulle “wil nie met só ‘n persoon (Breivik) verbind word nie. Ons is ‘n demokratiese beweging. Ons haat sulke mense.”

Marine le Pen, leier van die Nasionale Front in Frankryk, het gesê haar party het geen verbintenis met die moorde deur ‘n “enkele, onstabiele individu nie”.

Die Britse English Defence League het Breivik se bewerings ontken dat hy hulle enkele jare gelede besoek en twee vergaderings met van hul lede gehad het.

Die Poolse polisie ondersoek die moontlikheid dat Breivik ‘n verhouding met regse bewegings in Pole gehad het.

Poolse media het Maandag berig dat ondersoek ingestel word na die bedrywighede van ‘n chemiese maatskappy wat bande met Breivik kon gehad het.

Die bom wat Breivik by die regeringskantore in Oslo laat ontplof het, is onder meer van kunsmis en ander chemikalieë gemaak.

Breivik verwys ook na Suid-Afrika in sy stryd teen Islam in artikels op die webwerf http://iluvsa.blogspot.org. Dié webwerf se banier lui: “I luv South Africa … but I hate my government.”

In een bydrae wat Breivik daar geleen het, word verwys na “the modern South Africa, ‘The Rainbow Nation’, where under black rule the Marxist ANC are viciously persecuting whites and where the Boers are facing a murderous genocide and where poignantly, let’s not forget, many black people are now suffering far more than they ever did under apartheid”.

Volgens Neels Jackson, rubriekskrywer van Media24, is dié webwerf “regs”.

Die media en die publiek sal nie tydens Breivik se verskyning toegelaat word nie en hy sal in camera verhoor word.

Die regter het ‘n versoek deur Breivik om in uniform in die hof te verskyn “om sy redes vir sy optrede deur die media aan die wêreld te vertel”, afgewys.

Hy is ná sy hofverskyning in ‘n polisiekonvooi na ‘n onbekende bestemming gebring.

шпионские рацииФильчаков Александр Васильевич

Stakers val bejaarde aan

Sowat 20 stakers het verlede Donderdag ‘n 71-jarige man in Albatrossweg, Kemptonpark aangeval .

Die man, wat anoniem wou bly omdat hy bang was hy kan geviktimiseer word, het gesê hy en ‘n vriend was op pad om ‘n stoel wat op die agterkant van die bakkie vasgemaak was,  te gaan aflewer.

“Toe ons aankom by die kruising is ons deur honderde stakers omring en ongeveer 20 het die motor aangeval met stokke, klippe en sambokke. Hulle het op ons gevloek en geskree ‘blerrie boer, blerrie boer’, ” sê die man.

Ontsteld, kwaad en teleurgesteld, het hy gevra wat hy gedoen het aan hierdie stakers om sulke behandeling van hulle te ontvang.

Sy motor is ingeduik en gekrap. Gelukkig is niemand beseer is.

“Ek gee nie om as hulle staak nie. Hulle kan staak en dans, maar hoekom moet hulle alles beskadig waar hulle ook al gaan?”

Die man het gesê daar was geen polisieteenwoordigheid by dié groep stakers nie, terwyl en metro-polisiebeamptes besig was om mense vir spoedoortredings sowat 100m van waar hy aangeval is, aan te keer.

“Ek glo baie meer mense is aangeval deur stakers en stel nie eens die polisie of media in kennis daarvan nie.”

Hy het gesê vakbonde moet betaal vir al die skade wat stakers veroorsaak.

online casino noФильчаков прокуратура харьков

Manyi sê ANC ondersteun vrye media

Die regering is ten gunste van ‘n vrye media sonder inmenging van opposisiepartye en kommersiële belange, het Jimmy Manyi, regeringswoordvoerder, Maandag gesê.

Manyi, wat die hoof van die regering se kommunikasiediens (GCIS) is, het gesê: “Hierdie regering is ten gunste van ‘n vrye media. Dit is ‘n grondwetlike vereiste. Maar die media moet sy vryheid verstaan. Dit moet vry wees van ander belange.”

Die media kan nie ‘n “ander belanghebbers” dien nie en as dit so wil maak, het die regering ‘n groot genoeg meerderheid om die wet op die beskerming van inligting goed te keur sonder om deur opposisiepartye verhinder te word, het Manyi gesê.

Hy het gesê hy is bemoedig deur die “energieke debat” rondom die voorgestelde wetgewing.

Op ‘n vraag of hy dink daar is enige media wat vry van beïnvloeding is, het hy gesê: “Dit is vir jou om daardie besluit te maak. Ons wil nie dit doen nie.”

Hy het gesê die regering sal graag ‘n meer diverse media wil sien.

организация освещения в ландшафтной сределобановский александр дочь

Breivik ‘n linkse Amerikanofiel

Die vermeende Noorse massamoordenaar was ‘n linkse multikulti-Amerikanofiel en geen regse nie. Die media het danksy ‘n kwaadwillige en valse Facebook-profiel die verdagte geïdentifiseer as ‘n “Christen fundamentalis”.

Die Engelstalige Facebook-bladsy van die moordenaar as ‘n “Christen” en “konserwatiewe” is eers geskep ná sy moordtog.

Kort nadat die moordenaar se naam vrygestel is, het duisende mense begin kyk na sy Facebook-bladsy. Dit is vry algemeen vir mense om verspotte bladsye op dié sosiale netwerk te maak wanneer iemand in die nuus is.

Aanvanklik het ‘n bladsy in Noors verskyn met die verdagte se naam, verskeie gesigskote, asook ‘n foto van die verdagte in die uniform van ‘n Europese Vrymesselaar. Facebook het dit dadelik verwyder.

‘n Tweede bladsy het daarna in Engels verskyn met die verdagte se naam en ‘n foto. Facebook het dié ook vinnig verwyder. Maar die “hoofstroommedia” het vol leedvermaak met behulp van hierdie tweede Facebook-bladsy Christene en Konserwatiewes begin demoniseer.

Anders Behring Breivik beskou homself blykbaar as “anti-rassis, pro-gay, en pro-Israeli” volgens betroubare bronne en het die Vlaams Belang en die Engelse Defense League op document.no (‘n webwerf wat ‘n Noorweegse weergawe van die Amerikaanse neo-konserwatisme verteenwoordig) aangeval.

“Dis hoekom ons moet seker maak dat ons ander kulturele konserwatiewes beïnvloed met ons anti-rassistiese pro-gay, en pro-Israeliese denke,” het Breivik oa geskryf.

Sy helde is blykbaar Winston Churchill en Max Manus, die leier van die Noorse anti-Nazi weerstand. Iemand in Noorweë wat hierdie twee figure uit die geskiedenis as sy helde aandui, stem links of vir die sentrum.

Om die waarheid te sê, die webwerf wat die verdagte aktief ondersteun het, is deur Hans Rustad, ‘n Joodse man, bestuur. Rustad is ‘n voormalige linkse joernalis wat die imperialistiese “neo-cons” in die VSA ondersteun. Die webwerf beweer dat slegs Moslemimmigrasie beperk moet word en dat Asiërs en swartes wat nie Moslems is nie, in Europa toegelaat behoort te word.

Die webwerf ondersteun Israel ten sterkste, en is erg gekant teen ​​Noorse erkenning van ‘n Palestynse staat.

Rustad het besluit om ‘n versameling van die verdagte se poste op sy webwerf te publiseer. Die kommentare is baie gematig. Nie een is hoegenaamd ekstreem of dui op ‘n begeerte om geweld te pleeg nie.

Die Noorse polisie sê nou die verdagte het geen bekende verbinding met enige radikale groepe gehad nie.

Franse polisiebeamptes het intussen ‘n klopjag op Anders Behring Breivik se pa se huis uitgevoer, het die nuusagentskap AP Maandag berig.

Omtrent twaalf polisiebeamptes het die huis in Cournanel in die suide van Frankryk omring.

Verslaggewers was nie toegang tot die huis gegun nie aangesien die woning afgesper is.

Die polisiediens het bevestig dat dit Breivik se pa se huis is, maar wou nie kommentaar oor die klopjag lewer nie.

Berigte het onlangs aangedui dat Breivik se pa, Jens, nie kontak met die verdagte het nie.

для саунылобановский александр досье

Oslo-verdagte seun van diplomaat

Die pa van die jong man wat vermoedelik 93 mense in Noorweë doodgemaak het, het vertel hoe geskok hy was toe hy die foto van sy seun op die Internet sien.

Die afgetrede diplomaat Jens Breivik het sy seun, Anders Behring Breivik, as ‘n “gewone seun” beskryf. Hy het sy seun sedert dié se 15de of 16de verjaarsdag, nie weer gesien nie.

“Ek het die nuus op die Internet gelees en skielik sy naam en foto gesien,” het Breivik senior aan die Verdens Gang-koerant in Noorweë gesê.

“Ek is absoluut geskok, dit is absoluut afgryslik om dit te hoor,” het Breivik, wat van die verdagte se ma geskei is en in Frankryk woon, gesê.

“Ons het nooit saam gewoon nie, maar ons het kontak gehad gedurende sy kinderdae,” het hy gesê.

“Toe hy jonger was, was hy ‘n gewone seun, maar nie baie spraaksaam nie. Hy was nie toe geïnteresseerd in politiek nie.”

Anders Behrin Breivik (32) is in hegtenis geneem in verband met die twee aanvalle Vrydag in Noorweë wat skokgolwe deur dié vreedsame land gestuur het. Altesaam 93 mense is dood in die aanvalle.

Die verdagte het bevestig dat hy die motorbom gestel het by Oslo se regeringskantore. Sewe mense is in dié bomaanval dood. Hy het ook bevestig dat hy na ‘n jeugkamp op ‘n nabygeleë eiland gegaan en daar op die jongmense losgebrand het. Op die eiland is 86 lewens geëis.

Behring Breivik, wat in ‘n manifes wat op die Internet verskyn het beskryf het hoe hy die aanvalle jare lank beplan het, het aan die polisie gesê hy het eiehandig opgetree.

Die Noorse verdagte in die bom- en skietaanval in Oslo, Noorweë, het die aanvalle sedert 2009 beplan.

Hierdie inligting is in dokument wat 1 500 bladsye lank is, bekend gemaak. Die dokument is glo deur die verdagte, Anders Behring Breivik (32), self geskryf.

Die internet-dokument bevat dagboekinskrywings, ‘n handleiding vir die vervaardiging van bomme en politieke gedagtes waarin Breivik onder andere oor sy fobie vir Islam uitvaar. Sy kritiek op Marxisme en sy ontgroening as ‘n lid van Knights Templar word ook uiteengesit.

Een van sy inskrywings in 2009 verduidelik hoe hy voorberei vir die aanvalle waarvoor hy Vrydag in hegtenis geneem is.

Breivik skryf hy sal as die “grootste Nazi-monster” sedert die Tweede Wêreldoorlog beskou word.

Minstens 85 mense is in ‘n skietaanval by ‘n jeugkamp op Utoya, ‘n eiland buite Oslo, dood. Sewe mense is ook dood toe ‘n bom by die regeringsgeboue in Oslo se middestad ontplof het.

Luidens berigte het dit intussen aan die lig gekom dat die verdagte as ‘n “Christen fundamentalis” beskryf word.

Breivik het ook intussen verantwoordelikheid vir die dodelike aanvalle waarin minstens 92 mense dood is, aanvaar.

наборы для творчества для детейФільчаков Олександр Васильович

Manyi gaan dalk myne takel as DG

Die ANC-regering se kabinetswoordvoerder en hoof van die regeringskommunikasiediens (GCIS), Jimmy Manyi, is ‘n gunsteling vir die pos van direkteur-generaal (DG) van minerale hulpbronne.

Die aanstelling van ‘n DG word deur die president gedoen.

Dié pos word as een van die sleutelposte beskou omdat dit ten nouste verweef is met met die debat oor nasionalisering van myne wat op die oomblik binne die ANC woed.

Manyi het aan die Volksblad gesê hy is ‘n geskikte kandidaat vanweë sy agtergrond en ook omdat nie één direksie van ‘n mynmaatskappy hom sal kan probeer bluf nie.

Manyi het ‘n kwalifikasie in ekonomiese geologie aan die Universiteit van die Witwatersrand verwerf en was in diens van Anglo American se goudafdeling, voordat hy as DG van arbeid aangestel is.

Hy het aanvanklik as geoloog by ‘n goudmyn in Welkom gewerk, en daarna in Anglo se hoofkantoor.

Nadat Susan Shabangu, tans minister van minerale hulpbronne, verklaar het dat nasionalisering nie in haar leeftyd plaasvind nie, het haar posisie in die party verswak.

Sy sal bes moontlik deur Godfrey Oliphant, haar adjunkminister, opgevolg word. Oliphant is ‘n Noord-Kaapse ANC-LP.

 

 

купить тамбов стенды развал-схождения hunterФильчаков прокурор отзывы

Oslo-verdagte glo ‘Christen fundamentalis’

Polisie het die 32-jarige verdagte in die bom- en skietaanval in Oslo, Noorweë, waar ten minste 91 mense dood is, as ‘n ‘Christen fundamentalis’ beskryf.

‘n Beampte het Saterdag gesê volgens inligting wat via die internet bekom is wil dit voorkom as die verdagte ‘n ‘Christen fundamentalis’ is.

Ten minste 84 mense is Vrydag in die skietaanval by ‘n jeugkamp wat deur die regerende Werkersparty by Utoya, ‘n eiland buite Oslo, georganiseer is, dood.

Sewe mense is ook dood toe ‘n bom by die regeringsgeboue in Oslo se middestad ontplof het.

Volgens inligting wat die verdagte op sy Facebook-profiel geskryf het, is hy ‘etnies’ en ‘n ‘Christen fundamentalis’ en dat sy politieke oortuiging ‘regsgesind’ is.

Die media in Noorweë het die verdagte as Anders Behring Breivik geïdentifiseer maar die polisie weier om sy identiteit te bevestig.

Ondersoekbeamptes glo hy is verantwoordelik vir die bomontploffing sowel as die skietaanval, maar sê hulle is steeds opsoek na nog verdagtes.

пескоструй дисковОлександр Фільчаков прокурор

Oslo: byna 100 beseer, talle vermis

Reeds 97 mense is gewond in die twee aanvalle wat Noorweë geskud het, het die polisie Sondag gesê.

Dit is die eerste keer dat die aantal mense wat in die bomaanval en skietery beseer is, bekend gemaak word.

Volgens die polisie is 92 mense in die aanvalle dood en talle ander is steeds vermis.

Sveinung Sponheim, polisiekommissaris, het aan verslaggewers gesê die polisie is steeds op soek na slagoffers in die geboue in Oslo wat deur ‘n bom geteiken is.

Polisie het vroeër gesê ander mense is steeds vermis ná die skietery op ‘n eiland wat noordwes van Oslo geleë is.

Intussen het dit aan die lig gekom dat die verdagte, Anders Behring Breivik (32), glo die aanvalle eiehandig uitgevoer het.

Dié inligting is bekend gemaak nadat ooggetuies aanvanklik gesê het ‘n tweede gewapende man het deelgeneem aan die skietery op die eiland Utoeya.

Polisie sê hulle probeer nog vasstel of daar een of meer as een skieter by die aanval betrokke was.

крюк на суднеАлександр Фильчаков прокурор

Kwellinge oor klimaat vervaag soos politieke temperatuur styg

‘n Spesiale vergadering van die Verenigde Nasies se Veiligheidsraad is belê waartydens besluit sal word of vredesoperasies uitgebrei sal word om klimaatsverandering in te reken.

Daar is selfs sprake van die oprigting van ‘n nuwe omgewingsvredesmag wat groen helms ipv die gebruiklike blou VN-helms sal dra en wat sal ingryp in konflikte wat veroorsaak word deur krimpende hulpbronne.

Die sekretaris-generaal van die Verenigde Nasies, Ban Ki-Moon, sal na verwagting die vergadering dié week toespreek.

Maar Duitsland, wat die vergadering aangevra het, het gewaarsku dat dit te vroeg is om te verwag dat die Raad die sprong moet neem om groen vrede te bewaar of selfs klimaatsverandering as een van die sleutelareas van fokus te beskou.

“Dit is te vroeg om ernstig te dink oor die optrede van die Raad op die gebied van klimaatsverandering. Dit is duidelik nie op die agenda nie,” het Duitsland se ambassadeur by die VN, Peter Wittig, volgens die Huffington Post gesê.

“‘n Goeie eerste stap sou wees om die werklikheid van klimaatsverandering en die inherente implikasies vir internasionale vrede en veiligheid te erken,” het hy gesê.

Hy het nie kommentaar gelewer oor talle skeptici se bewerings dat die vrees vir klimaatsverandering minder met werklike weerstoestande te make het as met sekere politieke inisiatiewe nie.

Die Pentagon en ander militêre komplekse is al lank bewus dat klimaatsverandering ‘n “bedreigingsvermenigvuldiger” is met die potensiaal om bestaande konflikte te eskaleer, en nuwe geskille te skep soos wat kos, water, en bewerkbare grond toenemend skaarser word.

Wittig stem saam daarmee, en wys daarop dat VN-vredesmagte al geruime tyd reeds ingryp in gebiede buite tradisionele konflikte.

“Om blou helms met groen oor te verf kan ‘n sterk sein uitstuur dat die VN te doene het met die gevolge van klimaatsverandering – sê maar in kwesbare gebiede – maar verskil dit regtig baie van die take wat die blou helms reeds vandag uitvoer?” 

In ‘n amptelike nota voor die vergadering, het Duitsland gesê die Veiligheidsraad behoort scenario’s vir die hantering van die uitwerking van uiterste temperature en stygende seewater saam te stel. Hoe sou konflikte in daardie dele van Afrika en Asië wat voedseltekorte in die gesig staar, beperk kan word en wat gemaak met kilmaatsvlugtelinge?

Daar is grondliggende verskille in die Veiligheidsraad oor die aangeleentheid en sommige lidlande weier selfs om klimaatsverandering as ‘n veiligheidskwessie te omskryf.

China argumenteer dat die Veiligheidsraad klimaatsverandering moet laat vaar en sulke kwessies liewer aan kenners toevertrou.

“Die Veiligheidsraad moet die Algemene Vergadering se besluit om klimaatsverandering as ‘n bedreiging vir internasionale vrede en veiligheid te beskou, eerbiedig. Dit is ‘n bedreiging so groot soos die verspreiding van kernwapens of globale terrorisme,” het Marcus Stephen, in die New York Times gesê. Stephen is die president van Nauru, een van die Suidsee-eilande wat kan verdwyn indien seewatervlakke styg.

“Tweedens, moet ‘n spesiale verteenwoordiger oor die klimaat en sekuriteit aangestel word. Derdens, ons moet bepaal of die Verenigde Nasies-stelsel in staat is om te reageer op ‘n krisis van hierdie omvang.”

Dit bly ‘n ope vraag.

Dié week se vergadering kom op ‘n tyd van toenemende twyfel oor of die VN toegerus is om klimaatsverandering te hanteer. Verlede maand se klimaatgesprekke in Bonn het min vordering in sleutel-areas getoon.

Intussen het Ban ook sy aandag herfokus van klimaatsverandering na volhoubare ontwikkeling.

возможно ли обмануть полиграфФильчаков Александр Васильевич

Zim wil myne oorneem, jou Amerikaanse ambassadeur uit

As buitelandse mynmaatskappye in Zimbabwe nie voor die September-spertyd voorstelle indien om hulle aandele aan Zimbabwiërs te verkoop nie, kan hulle uit die land gesit word, het ‘n Zimbabwiese minister gesê.

“Die mynmaatskappye het tot September tyd om aan die vereistes te voldoen. Indien hulle dit nie doen nie, sal hulle uitgeskop word,” het Savious Kasukuwere, minister van verinheemsing, gesê.

Alle buitelandse maatskappye moet volgens nuwe wetgewing 51% van hulle aandele aan swart Zimbabwiërs verkoop.

Die sperdatum vir voorstelle oor hoe hierdie maatskappye beplan om aan die nuwe wetgewing te voldoen, is 25 September deser.

Hoewel Robert Mugabe, die president van Zimbabwe, die nuwe wet ten volle ondersteun, meen Morgan Tsvangirai, sy premier, dat beleggers deur dié stap ontmoedig sal word.

Buitelandse mynmaatskappye in Zimbabwe sluit in Aquarius Platinum, Zimbabwe Platinum Mines, Anglo Platinum en Rio Tinto.

Intussen het die Amerikaanse ambassadeur in Zimbabwe gesê dat polisie ‘n jeugvergadering waar hy sou praat, gekeer het en dat weermaglede van President Robert Mugabe se party die saamtrek ontwrig het.

Charles A. Ray, die ambassadeur, het gesê die vergadering is met toestemming gereël maar dat dit “ontwrig en gestop” is.

“Elemente van die veiligheidsdiens en sekere politieke partye bly bang om die vrye uitruil van idees toe te laat,” het Ray in ‘n verklaring gesê.

Ooggetuies het gesê dat rumoerige jongmense Ray uitgejou het en beledigende liedjies gesing het. Hulle het glo pamflette wat pres. Robert Mugabe se beleide ophef, rondgeswaai.

Groepe wat menseregte ondersteun meen politieke intimidasie het toegeneem sedert Mugabe gevra het dat verkiesings vervroeg word om ‘n einde aan die land se wankelrige koalisie-regering te bring.

casino online free bonus no depositДанильченко Юрий Брониславович компромат