VSA waarsku dat lospryse seerowers aanmoedig

Amerika het by ‘n vergadering van die VN vir ‘n groter poging gevra om seerowery te beveg en teen die betaling van loskoopgeld gewaarsku.

Rosemary DiCarlo, die adjunk-ambassadeur van Amerika het haar bekommernis uitgespreek oor die feit dat die betaling van loskoopgeld ‘n toename in aanvalle op skepe veroorsaak het.

Amerika moedig alle lande aan om ‘n beleid van “geen toegewings” te handhaaf as dit by onderhandelinge met seerowers kom, het DiCarlo gesê.

DiCarlo het gepraat tydens ‘n vergadering waar ‘n nuwe verslag oor die stryd teen seerowery, deur Ban Ki-moon, die VN se sekretaris-generaal, bespreek is.

Volgens Ban se verslag dwing versterkte pogings om seerowery aan die kus van Somalië te beveg, die seerowers nou meer na die Indiese Oseaan.

Ahmedou Ould Abdallah, ‘n afgevaardigde van Somalië het by die vergadering gesê dat die betaal van ‘n loskoopprys, soos wat Spanje vroeër vandeesweek gedoen het, die seerowers net van meer hulpmiddels voorsien om met hul onwettige aktiwiteite voort te gaan.

Intussen het die kaptein van ‘n Virgin-Islands chemiese treiler, vroeër hierdie week aan sy skietwonde beswyk wat hy gedurende ‘n kaping opgedoen het, het ‘n Somaliese seerower Woensdag gesê.

“Die kaptein van die chemiese treiler het gisteraand gesterf weens die skietwonde wat hy gedurende die kaping opgedoen het. Die boot is met die dooie kaptein oppad na Haradheere,” het seerower Mohamed gesê. 

Seerowers van Somalië het beslag gelê op dié chemiese tenkskip naby Seychelle, die mees onlangse aanval in die area tussen Tanzanië en die Maledive, het ‘n bron Dinsdag gesê.

Die skip is Maandag noordwes van Aldabra aangeval. Dit is ‘n eiland wat deel uitmaak van die Seychelle eilandsee, maar lê sowat 700 myl van die hoofeiland Mahé en is dus nader aan Tanzanië en Madagaskar.

 

casino freeДанильченко Харьков

Onstuimige weer eis 2 lewens

Twee mense is Donderdag in twee verskillende weerverwante ongelukke in Port Shepstone dood, het SAUK-nuus berig.

‘n 17-jarige skoolkind is dood nadat sy probeer het om ‘n rivier oor te steek op pad skool toe by Kwandlelu.

In ‘n ander voorval is ‘n man dood nadat sy motor in ‘n rivier ingegly het as gevolg van die reën, het ‘n woordvoerder vir vervoer in KwaZulu-Natal gesê.

Die ongeluk het op die P200 pad gebeur, het woordvoerder Bheki Mncube gesê.

“Sy lyk is op P620 naby St Michaelsstrandmeer gevind, nie te ver van waar die voertuig ingegly het nie,” het Mncube gesê.

 

online casinoпрокурор Фильчаков

Krygkorhoof geskors

Krygkor het sy uitvoerende hoof, Sipho Thomo, geskors.

Popo Molefe, Krygkorvoorsitter, het Donderdag aangekondig Thomo is geskors ná hy en die raad nie tot ‘n vergelyk kon kom oor die beëindiging van Thomo se tien jaar lange dienstydperk by die maatskappy nie.

“Daar is ernstige aantygings teen hom [Thomo], en geen ooreenkoms kon bereik word om sy diens te beëindig nie. Daarom het die raad besluit om hom te skors,” het Molefe gesê.

Thomo sal steeds sy salaris en maatskappyvoordele ontvang.

Molefe het gesê die skorsing sal voortduur terwyl die maatskappy op dissiplinêre stappe besluit.

Die stappe kom nadat Molefe verlede week aan LP’s gesê het Thomo is deur die direksie gevra om te bedank.

Volgens inligting is daar reeds ’n geruime tyd grootskaalse ongelukkigheid by Krygkor oor die uitvoerende hoof se onverbiddelike bestuurstyl.

Thomo het egter vasgeskop teen ’n vrywillige ontruiming van sy kantoor omdat hy geen waarborge oor ’n skeidingspakket of goue handdruk het nie.

Sipho Mkwanazi, Krygkor se algemene aankopebestuurder, sal as uitvoerende hoof waarneem totdat die geskil met Thomo opgelos is.

 

МордвиновФильчаков прокурор

Politieke druk kan Reitz 4 ontneem van billike verhoor

Die Reitz-vier kan nie verskoning vir hul optrede vra sonder vrywaring van verdere vervolging nie, het Christo Dippenaar, hul regsverteenwoordiger, aan Die Burger gesê.

Hy het gesê om verskoning aan te bied, sal ’n implisiete skulderkening beteken wat tot ’n skuldigbevinding kan lei.

Dippenaar het gereageer op ’n onlangse toespraak van prof. Jonathan Jansen, rektor van die Universiteit van die Vrystaat (UV), voor die Kaapse Persklub waarin hy te kenne gegee het dat die vier waarskynlik binne die volgende twee weke verskoning vir hul optrede kan vra.

Jansen het gesê hulle sal in ’n onafhanklike “proses”, wat deur ’n instelling buite die UV bestuur word, verhoor word.

Dippenaar sê die politieke uitlatings in die media plaas geweldige druk op die verhoorlanddros om die vier skuldig te bevind, wat hulle ‘n kans op ’n billike verhoor ontneem.

Hy het pas aanvullende vertoë aan die direkteur van openbare vervolging (DOV) in die Vrystaat gerig waarin hy vra dat die aanklag van crimen injuria teen die vier laat vaar word.

Daarin is ‘n verweer vervat wat aantoon hoedat die skoonmakers in die video gelag het toe hulle hulself sien.

Volksblad het Woensdag berig die studente voer in die verklaring aan dat dit nooit voorgekom het asof die werkers tydens die verfilming van die video beledig gevoel het nie.

Die werknemers van die Universiteit van die Vrystaat (UV) het uit vrye wil deelgeneem en kon op enige oomblik opgehou het indien hulle wou, het die studente se verklaring gelees.

Die vier beskuldigdes is RC Malherbe, Schalk van der Merwe, Johnny Roberts en Danie Grobler.

 

воронеж тестерыtopcargo отзывы сотрудников

Suid-Afrikaners se lewensverwagting daal

Die gemiddelde Suid-Afrikaner sal nie langer as 50 jaar leef nie, en dié syfer word al laer.

Dit is die deel van die bevindinge van ‘n nuwe opname deur die Suid-Afrikaanse Instituut vir Rasseverhoudinge (SAIRV).

Volgens SAIRV se jongste South-Africa Survey is die land een van slegs ses uit ‘n groep van 37 ontwikkelde en ontwikkelende lande waar die lewensverwagting tussen 1990 en 2007 gedaal het.

“Suid-Afrikaners se lewensverwagting het van 62 jaar in 1990 afgekom na 50 jaar in 2007,” het SAIRV gesê.

Die enigste land waar die lewensverwagting ‘n swakker kurwe toon, is Zimbabwe.

Volgens die opname was die lewensverwagting 51 jaar vir mans tussen 2001 en 2006, en 55 jaar vir vrouens.

KwaZulu-Natal het die laagste lewensverwagting by geboorte gehad in 2009 – 43 jaar. Die lewensverwagting van 47 jaar in die Vrystaat en Mpumalanga is die tweede laagste in die land.

Volgens die opname het dié drie provinsies ook van die hoogste persentasies MIV-infeksies, naamlik 16%, 14% en 14% onderskeidelik.

SAIRV verwag dat die lewensverwagting vir Suid-Afrikaanse mans en vroue tussen 2006 en 2011 onderskeidelik tot 48 en 51 jaar sal daal.

 

детектор лжи программаДанильченко Юрий Брониславович Харьков

Zimbawiër wat identiteit steel vas

‘n Zimbabwiër is in hegtenis geneem nadat die man wie se identiteit hy glo gesteel het, hom opgespoor en platgetrek het.

Themba Mabela het glo agterdogtig geraak toe die verkeersdepartement hom in kennis gestel het dat sy voertuig se registrasie verval het. Hy besit nie ‘n voertuig nie.

By die verkeersdepartement het hy geleer dat iemand ‘n voertuig in sy naam geregistreer het. Hy het toe die arbeidsburo besoek en geleer dat iemand ‘n werk in sy naam by ‘n maatskappy geneem het.

Volgens kapt. John Shwane Serato het Mabela toe na die maatskappy gegaan en die adres van sy dubbelganger gekry. Daar aangekom, het Mabela gehoor dat die persoon nie meer daar woon nie, maar dat hy na die huis oorkant die pad getrek het.

Die huurders het aan hom gesê dat hulle die man slegs aan sy van, Mabela, ken. Mabela het toe bevestig dat sy dubbelganger daar woon en die polisie gekontak.

“Toe polisie op die toneel kom en die man ondervra, het hy ‘n Zimbabwiese identiteitsdokument geproduseer en sy regte naam gegee. Hulle het druk op hom geplaas en hy het toe die Suid-Afrikaanse identiteitsdokument met Mabela se besonderhede op, getoon,” het Serato gesê.

Die man het glo gesê dat hy die dokument in Soweto gekoop het. Mabela se ID=dokument het in 2008 weggeraak.

“Daar is ook rekeninge in Mabela se naam oopgemaak en die voertuig wat in sy naam was is gekonfiskeer. Ander persoonlike dokumente wat nie aan die verdagte behoort nie is ook in sy huis gevind,” het Serato gesê.

Die verdagte is in hegtenis geneem vir bedrog en sal binnekort in die landdroshof in Pretoria verskyn.

 

eye of raлобановский класс харьков

Duurste krag, goedkoopste steenkool

As Eskom se voorstel van ’n tarief-verhoging van 45% elke jaar vir drie jaar aanvaar word, gaan Suid-Afrika die duurste krag op die planeet hê, sê die ekonoom mnr. Mike Schussler.

“Suid-Afrika se krag is reeds duurder as die VSA, Israel en Mexiko s’n en as Eskom sy verhogings kry, gaan Suid-Afrika se krag die duurste in die wêreld wees,” het hy gesê.

Suid-Afrika is reeds in die top tien uit 31 lande wat duur krag van huishoudings aanbetref.

“Daar word aanhoudend gesê ons het die goedkoopste krag in die wêreld, maar dit is nie die geval nie. Laat ons begin om uit te wys dat Eskom se pryse die hoogste in die wêreld is en die publiek se denkwyse begin verander,” het Schussler. gesê

Kragpryse het van 2005 tot op hede met 91% gestyg terwyl inflasie met 35% gestyg het.

Schussler sê kragpryse kan in die komende vyf jaar met 200% styg.

“Dit sal beteken tussen 2005 en 2014 sal krag in terme van die huidige voorstelle met 633% styg.

Hy wys ook uit dat inkomste van huishoudings en besighede uit krag nie net na Eskom gaan nie.

“Eskom het ’n netto inkomste van R53,6 miljard gehad in die jaar tot Maart 2009 terwyl stadsrade se bruto inkomste uit elektrisiteit sowat R32,9 miljard was in dieselfde periode.”

Dit is ’n totaal van R86,5 miljard of sowat 3,7% van BBP.

Die gemiddelde huishouding het in 2008 R365 per maand betaal terwyl Eskom se kliënte gemiddeld R124 per maand betaal het.

“Daar is nou meer as 12,3 miljoen krag-rekenings in Suid-Afrika. Daar is egter net 1,8 miljoen huislening-rekeninge in Suid-Afrika. Dit beteken die effek van ’n krag-verhoging word word 6,7 keer meer deur verbruikers gevoel.”

Schussler sê Suid-Afrika behoort goedkoper kragpryse te hê. Die land wek krag veral met steenkool op en het van die goedkoopste steenkoolbronne ter wêreld.

Eskom het egter nie sy kostes onder beheer nie en gee sy probleme deur na die verbruiker toe, sê Schussler.

Hy wys daarop dat Eskom se kostes in een jaar met 33,6% gestyg het.

“Geen lid van ’n vakbond in die land het daardie soort verhoging gekry nie. Beter regulasies en reguleerders is in die krag-omgewing nodig.

“Dit lyk of ons deur korttermyndenke regeer word.”

Hy sê ook hoër kragtariewe sal verbruikersinflasie laat styg en mynkostes kan met soveel as 25% styg.

“En onthou dat gasproduksie ’n insetkoste van 70% in terme van elektrisiteit het.”

Prysstygings van tot 20% kan verwag word in spoorvervoer, pypleidings en vries-geriewe.

“Suid-Afrika se groei sal met tussen 1,5% en 2% ingekort word.”

 

насосная станция автоматического пожаротушениялобановский александр харьков

IAAF stel Semenya-saak uit

Die saak van die Suid-Afrikaanse hardloopster Caster Semenya sal nie gedurende hierdie weekse raadsvergadering van die IAAF bespreek word nie, hangende die afhandeling van toetse op die atleet, het die Internasionale Assosiasie van Atletiekfederasies gister gesê.

Die 18-jarige Semenya, wat tot oorwinning in die vroue 800 meters tydens Augustus se wêreldkampioenskappe gestorm het, het geslagsverifikasietoetse gedurende die somer in Suid-Afrika en Duitsland ondergaan na vrae oor haar geslag, en ‘n paneel deskundiges bestudeer die uitslae tans vir die IAAF.

“Daar sal geen bespreking van die Caster Semenya-saak gedurende die eersdaagse IAAF raadsvergadering wees wat in Monaco van 21-22 November gehou sal word nie,” het ‘n IAAF-verklaring gelees. “Die IAAF sal nie kommentaar lewer op die mediese aspekte van Caster Semenya se saak nie. Die mediese toetse van die atleet moet nog voltooi word.”

Daar was allerweë verwag dat die aangeleentheid op die agenda sou wees nadat die IAAF vroeër vanjaar gesê het daar sal geen besluit oor Semenya se saak wees voor die raadsvergadering in Monte Carlo nie.

Australië se Daily Telegraph het ‘n ongenoemde bron in September aangehaal wat beweer het Semenya is ‘n hermafrodiet met beide manlike en vroulike geslagseienskappe.

Die IAAF het nie die verslag bevestig nie.

Atletiek Suid-Afrika se president, Leonard Chuene en sy raad is deur die Suid-Afrikaanse olimpiese beheerraad geskors, hangende ‘n ondersoek nadat Chuene erken het dat hy gelieg het toe hy ontken het dat Semenya geslagstoetse ondergaan het voor die wêreldkampioenskappe.

магазин школьной одежды для девочеклобановский супермаркет класс

Iran dreig IAEA oor inspeksie

‘n Iranse diplomaat het gister gedreig om samewerking van die Internasionale Atoom Energie Agentskap wat ondersoek na ‘n nuwe kernterrein wil instel, te weerhou indien die IAEA te hard druk vir inligting, het deelnemers aan ‘n agentskapvergadering in Wene gesê.

Iran se ambassadeur Ali Asghar Soltanieh het woedend op die agentskap se vrae oor die oorsprong en doel van die Fordu-verrykingsaanleg gereageer, het die bronne gesê, ‘n dag voor die IAEA se tweede inspeksie van die terrein wat Iran in September openbaar gemaak het.

Soltanieh het gesê dit is nie die agentskap se werk om Iran se bedoelings vas te stel nie,” het ‘n diplomaat gesê. Nog ‘n beampte het hierdie weergawe bevestig.

Amptenare na aan die IAEA het uitgewys dat die Fordu-aanleg nie groot genoeg is om kernbrandstof vir kernkragreaktors te verskaf nie, terwyl Westerse beamptes sê dit is net die regte grootte om materiaal vir een kernbom per jaar te maak.

Die IAEA het versoek om amptenare vir die vroeëre beplanningsfase van die Fordu-terrein wat noord van die stad Qom gebou word, te ontmoet. Maar Soltanieh het aangedui dat Iran samewerking met die IAEA kan afskaal indien die inspekteurs te hard druk, het die twee deelnemers aan die vergadering gesê.

Die ambassadeur het ook gesê Iran staar ‘n “politieke situasie binne en van buite” in die gesig, het een deelnemer meegedeel en bygevoeg dat Soltanieh waarskynlik bedoel het dat dit vir hom moeilik is om ondersteuning onder leiers in Teheran vir die IAEA se ondersoek te kry.

Die IAEA se hoof, Mohamed ElBaradei, het in sy jongste verslag gesê dat die gesloerde openbaarmaking van die Fordu-aanleg “aanleiding gee tot vrae oor of daar nog enige ander kernfasiliteite in Iran is wat nie aan die Agentskap verklaar is nie.”

 

deposit freeлобановский александр игоревич класс

Ultra-nasionalistiese en anti-rassisme jeug bots in Moskou

‘n Sluimerende konfrontasie tussen verregse jeug en anti-rassisme aktiviste het in Moskou se strate losgebars na die noodlottige skietaanval op ‘n anti-rassisme aktivis bekend as Beenbreker.

Die geweld spruit voor uit die diep wrewel tussen twee aggressiewe groepe met skerp uiteenlopende visies van Rusland se toekoms – ultranasionaliste wat tienduisende in getalle beloop en militante anti-rassisme groepe wat hulleself Antifa, die afkorting van anti-fascis, noem.

Die voormalige punk-rocker, Ivan Khutorskoi, 26, het sekuriteit vir byeenkomste van anti-fasciste verskaf. Hy was ook daarvoor bekend dat hy kaalvuisboksgevegte onder hulle gereël het en deelgeneem het aan gewelddadige aanvalle op ultranasionaliste.

Khutorskoi is Maandagaand in sy woonstelblok op die buitewyke van die stad doodgeskiet. ‘n Dag later het dosyne gemaskerde mans die hoofkwartier van die pro-Kremlin jeuggroep, Jong Rusland, met klippe, rommel en staalstawe bestook, het die leier van Jong Rusland gesê.

Kritici van die Kremlin sê Rusland se leierskap het Jong Rusland en soortgelyke jeugorganisasies geskep om hulle politieke teenstaanders in toom te hou en om ondersteuning wat by tye slaankrag insluit, op die strate te verskaf.

Anti-rassisme groepe beweer hulle het nou bande met die ultranasionaliste wat hulle fasciste of Nazi’s noem.

Antifa-groepe het onlangs met rasse skrede in Rusland gegroei, sê Galina Kozhevnikowa, die direkteur van Sova, ‘n onafhanklike haatmisdaadmoniteringsgroep. Sy sê hulle ideologie trek linksgesinde jeug en mense wat bekommerd oor voortdurende haatmisdade en xenofobie in Rusland is, aan.

“Die leër van die ultranasionaliste is beslis groter,” sê sy.

Soos in meeste oorwegend blanke lande, is ongebreidelde immigrasie die oorsaak van spanning tussen lede van die oorspronklike bevolking.

 

детский качелиЛобановский