Nuus Archives - Page 1364 of 1583

Lekotavergadering swak bygewoon

Suid-Afrika se president, provinsiale premiers en burgemeesters moet direk deur die kiesers verkies word en nie aangestel word deur 'n partyhiërargie nie, het Volkskongresvoorsitter, Mosiuoa Lekota Sondag in Durban gesê. Lekota het by 'n vergadering van sowat 50 mense in Durban se Chatsworthgebied gepraat.

Hy het gesê die beleid van die party sal uitgewerk word wanneer dit formeel aangekondig word op 16 Desember.

Die Volkskongres stem ook nie saam dat die land se sekuriteitsinstellings met enige politieke party geallieerd is nie.

"Dit is verkeerd om die sekerheidsmagte met 'n party geallieerd te hê. Ons sal nooit toelaat dat die SANW polities georiënteerd is nie. Hoe sal die bevolking voel met 'n weermag wat polities georiënteerd is?"

"Indien ons die mandaat kry, sal ons wetgewing skep wat die polisie, inligtingsdienste en weermag apolities laat. Hulle werk is om die konstitusie te beskerm" het hy gesê.

Met verwysing na die polisie, het hy gevra hoekom daar nog nie 'n enkele ANC-lid in hegtenis geneem is deur die polisie nadat verskeie Volkskongres vergaderings, insluitende die mees onlangse een in Verulam, naby Durban, deur ANC-lede ontwrig is nie.

Meer as 200 mense, meeste met T-hemde met Jacob Zuma se gesig op en Zumaplakkate in die hande, het by die saal ingebars en getoi-toi, wat die vergadering ontwrig het waar hy veronderstel was om te praat.

Die ANC se provinsiale sekretarisgeneraal, Senzo Mchunu, het Vrydag gesê dat Lekota moet fokus op beleid en moet ophou om die gewone partylede kwaad te maak deur "op hulle te urineer."

Kort nadat Lekota die Bayviewgemeenskapsaal verlaat het, het 'n groep van 40 mense wat Zuma se kleure gedra het opgedaag en die pad geblokkeer, nadat hulle deur die polisie van die perseel af weggewys is.

Polisie moes ook tussenbeide tree om te verseker dat die plaaslike Volkskongresorganiseerder, Phillip Mhlongo, kon padgee nadat ANC-ondersteuners sy kar omsingel het.

Die vergadering sou oorspronklik by 'n skool plaasvind, maar volgens die organiseerders is die plek op die laaste oomblik verander vir sekuriteitsredes.

Plaaslike ANC-raadslid, Visven Reddy, is gesien dat hy verskeie kere verby die saal gery het voordat karre en bakkies aangekom het wat vol ANC-ondersteuners gelaai was.

Janet Boateng ‘laat apartheid herleef’

William Fenyane, die Britse hoë-kommissaris se landgoedbestuurder in Kaapstad, het tydens ‘n onderhoud aan die Sunday Times en The Mail gesê dat Janet Boateng, Britse ambassadeursvrou, daarop aangedring het dat die personeel haar as “Madam” aanspreek. Dié aanspreekvorm is iets wat sterk herinneringe aan apartheid laat herleef.

‘n Voormalige personeellid, Fenyane, het gesê dat Boateng altyd agterdogtig was en personeel beskuldig het dat hulle haar onderklere en juweliersware gesteel het, berig Beeld.

“Die vrou wat sy beskuldig het dat sy haar onderklere steel was merkbaar groter as mev. Boateng. Dit was belaglik. Natuurlik het sy later die goed gevind, aangesien dit nie gesteel was nie, maar daar was nooit om verskoning gevra nie.”

“Ek het vinnig agtergekom dat die vrou amper op ‘n daaglikse basis op haar werkers geskree het.”

Fenyane het gesê dat hy op die einde die enigste personeel lid was wat sy vertrou het. Fenyane het vroeër die jaar bedank na amper twee jaar se diens daar. Kort voordat hy weg is, het twee kokke, ‘n sekretaresse en die huisbestuurder ook bedank.

“Ek moes alles vir haar doen. Ek moes haar slaapkamer en badkamer skoonmaak, en haar na die haarsalon en ander afsprake toe rondry. Sy het my beveel om die boukontrakteurs te ontslaan, en het hulle "nare, lui, Suid-Afrikaners” genoem,” het hy gesê.

“Ek het haar eenkeer naby die sekretaresse sien staan asof sy haar wou slaan – ek het werklik gedink dat daar ‘n fisiese onderonsie gaan ontstaan. Swart en wit personeellede moes die venyn van haar beledigings verduur,” het hy gesê.

Janet Boateng is in Barbados gebore en is besonder donker van gelaatskleur.

Margaret Thatcher het reeds jare gelede vies opgmerk dat die landgoed van die hoë-kommissaris baie meer luuks is as die woning van die Britse eerste minister en die sin van sulke oordaad skerp bevraagteken.

Данильченко

Teenmisdaadveldtog in Soweto lewer 92 mense

92 Mense is by Jabulani in Soweto gevang vir verskeie tipes misdade, het die Johannesburgse polisie op Sondag gesê.

Woordvoerder, inspekteur Kay Makhubela, het gesê al die arrestasies is Sondag gemaak in ‘n teenmisdaadveldtog wat 12 ure geduur het.

Onder diegene wat gearresteer is, was 60 gevang vir drink in die openbaar, terwyl die res vir misdade soos bedrog, winkeldiefstal, aanranding en opsetlike saakbeskadiging aangekla is, het Makhubela gesê.

Al die aangeklaagdes sal Maandag in die Protealanddroshof verskyn, het hy bygevoeg.

pearl necklace wedding Александр Фильчаков

SAOG vergader oor gesondheidsprobleme

Die SAOG-ministers van gesondheid het oor die naweek die belang daarvan uitgewys om aandag te gee aan nie -oordraagbare siektes, waarna soms verwys word as lewensstylsiektes, in erkenning van die groeiende las wat dit op die Afrikastreek plaas.

Gedurende hulle vergadering in Durban oor die naweek wat op Sondag ten einde gekom het, het die ministers op die viering van die streek se eerste SAOG se Gesonde Lewensstyldag ooreengekom oor die beplanning vir Februarie 2009.

Die vergadering wat onder voorsitterskap van die Suid-Afrikaanse minister van gesondheid, Barbara Hogan was, was gemik daarop om te kyk na vordering in die implimentering van SAOG-gesondheidsprogramme en om strategiese beleidsraamwerke vir die streek te oorweeg.

Beleidsraamwerke meer spesifiek vir MIV/Vigs, tuberkulose, malaria, ondersteuning vir weeskinders en seksuele en voortplantingsgesondheid is bespreek.

Die vergadering het ook opgemerk dat daar goeie vordering gemaak is in die voorkoming van moeder na kind en teen-retrovirale terapie programme.

Alle SAOG-ministers van gesondheid het hulle opnuut daaraan toegewy om uitdagings in gesondheidsorg aan te spreek, en om globale en kontinentale beloftes na te kom, asook gesondheidsnavorsing.

Die doel van die byeenkoms was om nuwe voorkomingstegnologie en behandelinge te skep.

Ten opsigte van malaria het lidlande gesê hulle beoog om hulle malariaprogramme te vergroot.

Tot op hede het 12 lidlande gesê hulle gebruik die binnenshuise besproeiingsprogramme as ‘n voorkomingstegniek, en hulle het ook die voorsiening van behandelde muskietnette verhoog.

EU wil Rusland se houvas op energie breek

Die Europese kommissie het ‘n nuwe maatskappy voorgestel om gas van sentraal Asië deur die Kaspiese see na Europa te bring, ‘n besluit wat waarskynlik spanning sal verhoog in Vrydag se vergadering van EU- en Russiese leiers.

Die Kaspiese roete wat die oprigting van ‘n nuwe pyplyn sal vereis, sal die EU in staat stel om verby Rusland te werk om die hulpbronne vanaf Kasakstan en Turkmenistan te kry. Verlede maand het die lande bekendgemaak dat hulle van die grootste natuurlike gas bronne ter wêreld ontdek het.

Die plan is voorgelê as die middelpunt van ‘n energiesekuriteitsplan om die EU-lidlande se afhanklikheid van Rusland te verminder.

Dié strategiese energieoorsig kom op ‘n baie delikate tyd terwyl die EU weer onderhandelings met Rusland wil hervat oor ekonomiese en energieooreenkomste wat verbreek is toe Rusland Georgië in Augustus verdedig het. Dit kom ook nadat skerp prysstygings ingetree het en interne konflik oor die EU-klimaatspakket afgekondig is wat lidlande sal dwing om kweekhuisgasse met 20% te sny teen 2020.

Die EU se strategiese energieoorsig het ook planne uitgesit om geboue meer energiebesparend te maak, noodolievoorrade op te bou, en elektrisiteit vanaf Noordseewindplase en sonplase vanaf die Middellandse See aan die Europese energienetwerk te koppel.

Hulle het ook gevra vir ‘n nuwe konsortium, die Kaspiese Ontwikkelingskorporasie, wat ‘n poging gaan aanwend om gas in die omgewing te koop, om die ontwikkeling van nuwe produksie aan te moedig, en te belê in infrastruktuur, wat waarskynlik die trans-Kaspiese pyplyn sal insluit.

Die grootste struikelblok met die ontwikkeling van gasvoorsieningsroetes van die Kaspiese see, was die oormatige afhanklikheid van gas van Azerbaidjan, wat dalk nie in die ambisieuse produksiegroeivooruitsigte sal kan voorsien nie. Azerbaidjan word nou ook deur Rusland saggemaak vir die gasvoorrade daar.

Irak en Iran het beide groot gasbronne, maar dit is onwaarskynlik dat hulle in die voorsienbare toekoms groot uitvoerders van natuurlike gas sal word.

‘n Pyplyn oor die Kaspiese See gaan die prentjie verander deur die bronne van Turkmenistan en Kazakstan beskikbaar te stel.

play free games

By die Volkskongres heers wantroue

Dis nog 'n maand voordat die Volkskongres formeel geloods word, maar 'n bakleiery woed glo reeds agter die skerms. Volgens die Mail & Guardian is Mluleki George vies dat Sam Shilowa die party probeer oorneem en hom uitgeskuif het na die posisie van tesourier en nasionale organiseerder.

Volgens 'n bron is die spanning besig om op te laai en wantroue "is besig om te wys". George voel glo dat hy stief behandel word nadat hy "hierdie ding al van Polokwane dryf".

George, die voormalige adjunkminister van verdediging, se ontevredenheid is by vergaderings geopper en bespreek. Om die skade van die jongste gerug te beperk, sê Volkskongreslede dat dit slegs 'n veldtog van die ANC is om die nuwe party te verdeel.

Anele Mda van die kongres sê sy het die volgende teksboodskap op haar selfoon ontvang: “Wat maak jy van Shilowa en Lekota vandag? Is hulle nie bedrieërs en uitverkopers nie? Ons moet hulle destabiliseer [verkeerd gespel in die oorspronklike boodskap] en grugte versprei dat die twee hoog[spelfout in die oorspronklike] maar George word nie vir leierskap oorweeg nie. As ons dit gewild maak sal dit werk…"

George het ontken dat hy uitgesluit voel, maar het ook die gerug gehoor. Shilowa het gesê dat hy nog nooit die gerug gehoor het nie.

Praag gekraak!

Soos lesers van dié webwerf gister tussen 11-uur en 3-uur agtergekom het, is ons gekraak. 'n Onbekende rekenaarkraker met 'n skuilnaam het tot die bediener deurgedring en twee virusse daarop geplaas wat agterna op elke bladsy van die webwerf verskyn het.

Onmiddellik nadat ons daarvan bewus geraak het, het ons die webwerf vanlyn gehaal om besoekers te beskerm. Ons webmeester, Albertus Kleingeld, het onverpoos gewerk om die probleem op te spoor en die bediener van die virusse te suiwer. Teen 3-uur gistermiddag kon ons genadiglik weer die webwerf aanskakel.

Ons vra om verskoning vir die ongerief gister, maar soos webmeester Albertus Kleingeld dit gestel het, "maak blootstelling aan virusse en krakers deel uit van die risiko om 'n webwerf te bedryf".

Dit is ongelukkig so dat kwaadwilliges daarbuite wat, hetsy om politieke of ideologiese redes, hetsy vir die plesier daarvan om die werk van ander te beskadig, webwerwe aanval net soos wat hulle virusse en ander skadelike programme versprei.

Praaglesers en alle internetgebruikers word aangeraai om te alle tye antivirusprogrammatuur, asook 'n vuurmuur soos Zone Alarm wat gratis afgelaai kan word, op hul rekenaars te loop.

Die voorval het die behoefte aan veiligheid op ons eie rekenaarstelsels en voortdurende paraatheid verder onderstreep aangesien die betrokke skadelike program genaamd "Antivirus 2009", wat hom juis as 'n antivirusprogram voordoen, ook die rekenaars van drie van ons medewerkers aangeval het.

Hoewel ons nie paranoïes is nie, word die moontlikheid nie uitgesluit dat ons juis aangeval is vanweë ons onverskrokke standpunte ten gunste van Afrikaans en Afrikaneroorlewing in Suid-Afrika nie.

баня Фильчаков прокурор

Swartes kla oor Britse ho?kommissaris se vrou

Paul Boateng, die voormalige Britse minister van arbeid, wat nou die Britse hoëkommissaris in Suid-Afrika is, se vrou word daarvan beskuldig dat sy die huispersoneel verbaal afknou.

Die Daily Telegraph beweer dat die klagte teen Janet Boateng wat deur swart personeel gelê is, so sensitief is dat die Britse minister van buitelandse sake daarvan in kennis gestel is en nou die saak monitor.

Die Telegraph berig dat Janet, voorheen ‘n arbeidskonsultant, sommige van die personeel aan verbale afknouing onderwerp het, en dat hulle inligting van die ondersoek teen haar verkry het deur ‘n vryheid-van-inligting versoek. In ‘n verklaring het die departement van buitelandse sake gesê “alhoewel ‘n klag aanhangig gemaak is deur sekere lede van die huispersoneel, dit nie teen mnr. Boateng gerig is nie. Dit is ‘n interne personeelaangeleentheid wat in Suid-Afrika ondersoek word op die toepaslike vlakke, met hulp van ons regsadviseur aangaande plaaslike arbeidswetgewing en die departement van buitelandse sake in Londen.”

Paul Boateng, ‘n vurige linksgesinde prokureur het in 2002 Britanje se eerste swart kabinetsminister geword, en is aangestel in die pos in Suid-Afrika toe Tony Blair in 2005.

Hy en sy vrou het nou ‘n luukse lewe in die hoëkommissaris se woning in Kaapstad. Die grasdakhuis met nege slaapkamers, ‘n verwarmde swembad en tuine wat oor vier hektaar strek is net een van die wonings aan hom beskikbaar. Die paartjie het ook ‘n agtslaapkamerhuis in Pretoria.

Terwyl Boateng (57) die 180-man sterk konsulaat- en diplomatieke personeel bestuur, is sy vrou, ‘n maatskaplike werker in beheer van die twee ampswonings.

стенд развал

Goudproduksie daal

Suid-Afrika se goudproduksie het met 17,7% afgeneem van September 2007 tot September 2008. Dit benadruk die land se agteruitgang as een van die wêreld se grootste goudprodusente.

Sedert die piek in goudproduksie in 1970, is dit konstant besig om te daal en verlede jaar het China in die eerste plek ingeskuif met Suid-Afrika tweede.

Syfers wat deur Statistiek SA gister vrygestel is, wys dat die land se totale mynproduksievolume met 3,5% gedaal het van September verlede jaar tot September hierdie jaar, grootliks as gevolg van die daling in gouduitset. Ander minerale se produksie het nietemin ook afgeneem.

Die afname is 'n donker vooruitsig vir die land se BBP-groei in die derde kwartaal (Bruto Binnelandse Produk) wat teen die einde van die maand bekend gemaak sal word.

Twee voertuigondersoekbeamptes vas vir bedrog

Die gemeenskapsveiligheidsdepartement het gesê dat twee voertuigondersoekbeamptes Donderdag vir bedrog gearresteer is.

Die ondersoekbeamptes van die Mayfair en Lenasia voertuig oetsstasies het na bewering padwaardigheidsertifikate uitgereik aan voertuigeienaars, sonder dat hulle die voertuie geïnspekteer het, het Mandla Radebe, woordvoerder vir die departement in ‘n verklaring gesê.

Dokumente wat die beamptes in ander bedrogsake kan impliseer is ook gedurende die arrestasie gekonfiskeer, het hy bygevoeg.

Die ondersoekbeampte by Mayfair, ‘n 29 jarige man, sal van bedrog aangekla word, en moet Vrydag in die Johannesburgse landdroshof verskyn.

Die 30-jarige ondersoekbeampte van Lenasia moet in die Protealanddroshof verskyn op soortgelyke aanklagte.

Indien hulle skuldig bevind word kan hulle werkslisensies teruggetrek word.

Die arrestasies volg op ‘n maandlange ondersoek nadat ‘n anonieme wenk ontvang is. Die ondersoek is gedoen in samewerking met die departement van vervoer van KwaZulu-Natal, waar een van die voertuie wat ‘n vals padwaardigheidsertifikaat gekry het, geskut is.

Radebe het gesê dat die departement sover 5 toetsstasies in die finansiële jaar gesluit het, en dat meer as 2000 teruggeroep is om weer getoets te word.

Nagenoeg 300 bestuurslisensies is sover gekanselleer, en meer as 12 mense is gearresteer.

справка для выезда