Nuus Archives - Page 1266 of 1583

Sjina se ekonomie toon tekens van herstel

Sjina se ekonomie toon tekens van herstel, maar selfs amptenare wat openbare vertroue ‘n hupstoot wil gee waarsku dat ‘n terugkeer risiko’s van die globale krisis in die gesig staar en nog nie verseker is nie.

Invoere van olie, ystererts en ander rustowwe het in Maart toegeneem, wat die impak getoon het van Beijing se multimiljard-dollar stimulus op hulle nywerheid. Huis en motorverkope is op, wat aandui dat verbruikers gewillig is om meer te spandeer.

‘n Terugkeer vir Sjina, die wêreld se derde grootste ekonomie, kan ander lande help deur aanvraag vir hulle uitvoere te verhoog, hoewel analiste gesê het Sjina alleen kan nie die globale ekonomie uit sy ergste daling sedert die 1930’s help nie.

Vooruitskattings van Sjina se groei die jaar wissel van 8% – die amptelike skatting – tot so laag as 5%. Dit sal ‘n daling wees van 2007 se skitterende groei van 13%, maar steeds die vinnigste vir enige groot land op ‘n tyd wat die Amerikaanse ekonomie, die wêreld se grootste, steeds in ‘n resessie verkeer.

купить воронеж ключи Александр Фильчаков

Selebi se korrupsieverhoor begin vandag

Geskorste nasionale polisiekommissaris Jackie Selebi se verhoor op aanklagte van korrupsie en dwarsboming van die gereg sal na verwagting Dinsdag begin in Johannesburg se hoërhof.

Die klagte hou verband met beweerde betalings van omtrent R1,2 miljoen wat aan hom gemaak is.

Die staat beweer dat veroordeelde dwelmsmokkelaar Glenn Agliotti, die vermoorde mynmagnaat Brett Kebble, voormalige Hyundai-baas en mynmagnaat Billy Rautenbach, en ander “relevante korporatiewe entiteite” betalings gemaak het aan Selebi tussen 1 Januarie 2000 en 31 Desember 2005.

Selebi het in die Randburgse streekshof verskyn op 26 Junie verlede jaar, toe die saak se datum vasgestel is vir 14 April tot 19 Junie 2009.

Waarnemende polisiekommissaris Tim Williams staan in vir Selebi, tot sy saak gefinaliseer is.

10 games topcargo отзывы

Visum geweier vir Obama se broer

Samson Obama

Amerika se president, Barack Obama, se halfbroer is ‘n visum geweier om Brittanje binne te gaan nadat 'n klag van ‘n poging tot seksuele aanranding op ‘n jong meisie in Berkshire teen hom aan die lig gekom het.

Die News of the World kan onthul dat Samson Obama, wat in Kenia woon, probeer het om in Brittanje in te kom onderweg na Washington vir sy familie se groot dag, die historiese inhuldiging in Januarie.

Maar immigrasiebeamptes by die East Midlands-lughawe, wat die jongste biometriese toetse gebruik, het ontdek hy was betrokke by ‘n insident wat verlede November plaasgevind het. Die hoë-tegnologiedatabasis het onthul dat Samson – wat ‘n selfoonwinkel bestuur net buite Nairobi – dieselfde jong man is wat deur Britse polisie gearresteer is na hy ‘n groep jong meisies, waaronder ‘n 13-jarige, genader het en probeer het om een van hulle seksueel aan te rand.

Hy het hulle gevolg na ‘n kafee toe waar hy aggressief geraak het en gevra is om te loop. Dit is toe die polisie geskakel is en hy gearresteer is.

Hy het aan beamptes sy ma se adres in Bracknell gegee, maar aan hulle ‘n vals naam gegee, en beweer hy is Henry Aloo, wat glo ‘n werklike asielsoeker is.

Kezia, sy moeder, is met president Barack Obama se pa getroud toe sy ‘n tiener was.

Hong Kong se mobieledataverbruik ontplof

Hong Kong mense het 14 keer soveel mobieledata gestuur in Januarie as wat hulle gedoen het in dieselfde maand twee jaar gelede, volgens nuus wat Dinsdag vrygestel is.

Die toename in die stuur van mobiele data van fone en handrekenaars af verteenwoordig ‘n viervoudige toename van syfers van 2008, het die gebied se telekommunikasie-owerhede gesê.

Mense in die hoë-tegnologiestad van 7 miljoen mense is van die wêreld se ywerigste gebruikers van mobiele tegnologie om lêers, foto’s en SMS boodskappe te stuur.

Syfers van die owerhede toon dat daar 10,5 miljoen mobielefoon subskripsies was in Hong Kong in Januarie, gelykstaande aan 1,5 subskripsies vir elke persoon in die voormalige Britse kolonie.

italiasvet.ru

Noord-Korea wil kernprogram hervat

Noord-Korea het Dinsdag gesê hulle sien gesprekke oor die beëindiging van hul kernwapenprogram as sinloos en beplan om ‘n aanleg vir die vervaardiging van wapenkwaliteitplutonium weer oop te maak, het die staatsmedia die minister van buitelandse sake aangehaal.

Noord-Korea het meer as ‘n jaar gelede begin om sy Sowjet-era Jongbyon-kernaanleg uitmekaar te haal as deel van ‘n ontwapeningsinisiatief vir hulp wat met Sjina, Japan, Rusland, Suid-Korea en Amerika ooreengekom is.

Die stappe behoort in totaal sowat ‘n jaar te neem om om te keer, maar kenners waarsku dat die Noorde die aanleg weer aan die gang kan hê in so min as drie maande.

Die Noorde, wat genoeg plutonium het vir 6 tot 8 atoombomme, kan waarskynlik genoeg materiaal vervaardig vir nog een bom, het kenners gesê.

Die kommentaar het gekom in reaksie van die Veiligheidsraad se eenparige verdoeming van Noord-Korea se langafstandmissieltoets twee weke gelede.

медицинскую справку топкарго кидалы

VSA wil VN-rassismekonferensie bywoon

Die Obama-administrasie heroorweeg sy beplande boikot van ‘n kontroversiële VN-rassismekonferensie wat sterk teengestaan word deur Israel en Joodse groepe, en wat bygewoon gaan word deur die Iranse president, het die departement van buitelandse sake laat Maandag gesê.

In ‘n skuif wat sy sterkste Midde-Oosterse bondgenoot kan omkrap, het die Amerikaanse departement gesê die administrasie is tevrede met ‘n diplomatieke aksie wat poog om ‘n dokument waarteen beswaar gemaak word te verander. Die dokument kan deur die vergadering aanvaar word en Amerika kan die konferensie bywoon indien die poging suksesvol is.

“Ons hoop dat die oorblywende kommer aangespreek kan word sodat Amerika kan aansluit by die konferensieproses, met die hoop dat daar op ‘n dokument ooreengekom kan word wat ons kan ondersteun,” het Robert Wood, ‘n woordvoerder in ‘n verklaring gesê.

Israel en Kanada het reeds aangekondig dat hulle die vergadering gaan boikot.

Israel wat erg bekommerd is nadat die administrasie ‘n afvaardiging na die voorbereidingsvergadering gestuur het, het hard probeer om Amerika so ver te kry om die konferensie te boikot.

топкарго отзыв

Meksikostad sonder water

Amptenare van Meksikostad het die hooftoevoerlyn wat vars water voorsien aan miljoene mense afgesluit omdat reserwes gedaal het tot onder die rekordvlakke.

Die sluiting, wat 36 uur kan duur sal ‘n kwart van die stad se bevolking, nagenoeg 5 miljoen mense affekteer.

Ongewoon lae reënval en groot lekkasies word aangevoer vir die rede dat die waterreservoirs minder as halfvol is.

Honderde watertrokke is ontplooi in gebiede wat die ergste geaffekteer word deur die staking van die watertoevoer.

Die plaaslike regering het gesê hulle gaan noodherstelwerk uitvoer aan die watervoorsieningsnetwerk.

Meer as 50% van die water wat deur die netwerk gedra word lek uit voordat dit by die bestemming uitkom.

Dit is die derde keer hierdie jaar wat die hoofstad geforseer word om die drastiese vorm van waterrantsoenering toe te pas.

Dit is opsetlik beplan dat dit oor Paasnaweek val, wanneer baie inwoners, of ten minste die wat dit kan bekostig die stad verlaat.

Meksikostad was voorheen ‘n drywende stad, wat gebou is op ‘n ketting van vulkaniese mere.

Maar sedert die mere gedreineer is in die 1960’s het die stad gesukkel met sy watervoorsiening.игри для днвочек

Skerp afname in Britse Noordsee-olie

Die oorblywende lewensduur van Engeland se Noordsee-olie en gasproduksie loop die risiko om gehalveer te word as gevolg van die ekonomiese krisis wat ‘n afname tot gevolg het in eksplorasie van een van die Weste se mees belangrike hulpbronne, het die industrie gewaarsku.

Die hoeveelheid verkenningsgate wat geboor word in die Noordsee het gedaal met 78% in die eerste kwartaal van 2009 vergeleke met die selfde periode verlede jaar, volgens mees onlangse industriedata van Deloitte, die rekenkundige en konsulterende firma.

Die VK en Europa sal toenemend moet staatmaak op Rusland vir natuurlike gas en die Midde-Ooste vir olie.

Die verswakkende verkenningsklimaat kan die 20 tot 30 jaar van die Noordsee se verwagte lewensduur na 10 tot 15 jaar verminder, wat beteken dat byna die helfte van alle infrastruktuur uitgedien kan raak in die volgende 11 jaar, reken UK Oil and Gas.

Pleks daarvan dat dit 45% van die VK se olie en gasbehoeftes tot in 2020 kan voorsien, word daar teen die huidige ontginningstempo voorsien dat die Noordsee slegs 12% van die behoefte sal kan voorsien.

Vanaf 2010 sal die regering waarskynlik ‘n groot afname sien in belastingwinste, omdat oliemaatskappye, saam met banke in die onlangse jare die mees belangrike bron was van hierdie fondse.

Фильчаков прокурор

VSA moet seerowery vasvat, s? media

Amerikaanse media het Maandag die redding van Amerikaanse seekaptein Richard Phillips geloof, maar het sterker optrede gevra om seerowery om die Horing van Afrika onder beheer te bring.

“Die Paasnaweekredding van kaptein Richard Phillips van ‘n vragskip is ‘n erkenning van sy persoonlike dapperheid en die vaardigheid en senuwees van staal van die Amerikaanse vloot,” skryf die Wall Street Journal in ‘n hoofberig.

“Nou het die Obama-administrasie ‘n plig om hierdie wettelose rowers te stop en te straf, sodat hulle nie weer die risiko sal loop om ‘n skip wat onder die Amerikaanse vlag seil of ‘n Amerikaanse bemanning dra, sal aanval nie,” het die koerant gesê.

‘n Akademikus by die Center for Strategic and International Studies, Fred Ikle, het aan die Washington Post gesê dat dit skandalig is dat sommige Somaliese seerowers wetteloos voortgaan om te plunder om die Horing van Afrika.

Ikle het ‘n beroep gedoen dat bemanning van handelskepe bewapen word, of dat ten minste die kaptein en die mees ervare offisiere aan boord.

“Verder behoort die Veiligheidsraad alle losprysbetalings te verhoed,” het hy voortgegaan. “Indien die bemanning van ‘n skip wat aangeval word as gyselaars gehou word, kan die Veiligheidsraad ‘n militêre blokkade hou om Somalië tot die gyselaars vrygelaat word.

online free casino

Instellings in SA staan sterk

Onlangse gebeure het getoon dat Suid-Afrika se demokratiese instellings magsmisbruike in toom kan hou, het ANC-president Jacob Zuma Sondag in Johannsburg gesê.

“Ons het demokratiese instellings gebou wat die belange en regte van alle Suid-Afrikaners dien en beskerm,” het Zuma gesê aan mense wat byeen gekom het vir Paasnaweek by die Heilige Internasionale Pinksterkerk in Zuurbekom op die Wesrand.

“Onlangse gebeure het die kapasiteit getoon van instellings om hulle konstitusionele mandaat behoorlik uit te voer, selfs in die aangesig van hete politieke debatte en regsdispute,” het hy gesê.

“Waar daar vergrype aan mag was, was die instellings in staat om as beheerder op te tree en die probleme reg te stel.”

Ons is trots op ons instellings en behoort almal te werk om dit te ondersteun, omdat dit ons beskerming is teen die vergrype van mag en ons regte as burgers,” het Zuma gesê in ‘n toespraak wat voorberei is om gelewer te word by die geleentheid.

Zuma het aan die einde van sy voorbereide toespraak voortgegaan en in sy eie woorde aan kerkgangers in vertel dat kerke in die algemeen ook poligamie behoort te ondersteun soos die Heilige Internasionale Pinksterkerk. Ander kerke, het hy gesê, gee 'n eng interpretasie van die Bybelse Ou Testament.